فوتو: تالعات ءسۇيىنباي
«ەگەمەن قازاقستان» رەسپۋبليكالىق گازەتى» اكتسيونەرلىك قوعامى باسقارماسىنىڭ توراعاسى دارحان قىدىرالى دەمالىس كۇندەرى الماتى قالاسىندا بولىپ, رەداكتسيانىڭ وسىنداعى بولىمشەسى قىزمەتكەرلەرىمەن كەزدەستى. باسىلىمنىڭ جاڭا باسشىسى ءوز سوزىندە عاسىرعا جۋىق تاريحى بار اعا گازەتتىڭ الداعى وندىرىستىك جوسپارلارى مەن شىعارماشىلىق مىندەتتەرى تۇبەگەيلى تۇردە وزگەرەتىنىن جەتكىزدى. ول سونىمەن قاتار باسىلىمنىڭ جەرگىلىكتە جەردەگى «قۇلاعى مەن كوزدەرىنىڭ» پىكىرىن تىڭداپ, ۇسىنىستارىنا دەن قويدى. الماتى تىلشىلەرىنە شاھاردىڭ ەلىمىزدەگى اسا ءىرى ەكونوميكالىق-قارجىلىق ورتالىق قانا ەمەس, تەرەڭ تاريحى مەن شەجىرەسى زور مادەني مەگاپوليس ەكەنىن ەسكە سالا كەلىپ, تىلشىلەردىڭ قالانىڭ تىرشىلىك-تىنىسى تۋرالى وقىرمانعا ءدال ءارى دەر كەزىندە حاباردار ەتىپ, سالالار بويىنشا قالام تەربەيتىن اۆتورلاردىڭ جاڭا لەگىن تارتۋ تۋرالى تاپسىرمالار بەردى. الماتى وقىرماندارى ءۇشىن تاياۋ مەزگىلدە قالادا «ەگەمەننىڭ» ءوزىنىڭ گازەت دۇڭگىرشەكتەرى بولاتىنى جايلى دا حاباردار ەتتى.
