[caption id="attachment_50868" align="aligncenter" width="700"]
absoluttv.ru[/caption]
جاقىندا ءبىر اي بويى فرانتسيادا وتكەن فۋتبول تويى دا مارەسىنە جەتتى. «تويدىڭ بولعانىنان بولادىسى قىزىق» دەمەكشى, فۋتبول جانكۇيەرلەرى وسى تەڭبىل دوپ دوداسىن اسىعا كۇتتى. ەندى, مىنە ءبىز اسىعا كۇتكەن ەۋروپا چەمپيوناتى كوزدى اشىپ جۇمعانشا ىلەزدە وتە شىقتى. بيىلعى چەمپيوناتقا 24 ەلدىڭ ۇلتتىق قۇراما كوماندالارى قاتىستى. سونىڭ ىشىندە جارىسقا ۋەلس, سولتۇستىك يرلانديا, سلوۆاكيا, البانيا, يسلانديا قۇرامالارى العاش رەت قاتىسىپ, باق سىناستى. ال چەمپيوناتتىڭ قىزىقتى-قىزىقسىز وتكەنى تۋرالى كوپ ايتۋعا بولادى. توپتىق تۋرنيردە گولدار از سوعىلسا, پلەي-وفف كەزەڭىندە كوماندالار شيراپ, قىزىقتى دا تارتىستى ويىندار كورسەتە باستادى. ءبىز چەمپيوناتتىڭ قالاي وتكەنى تۋرالى بەلگىلى سپورت جۋرناليستەرىنەن سۇراپ, بىرنەشە سۇراق قويعان ەدىك. ەندى سونى نازارلارىڭىزعا ۇسىنامىز.
1. بيىلعى ەۋروپا چەمپيوناتىنان قانداي اسەر الدىڭىز؟ كوڭىلدەگىدەي ءوتتى مە؟
2.ەۋروپا چەمپيونى اتاعىنا قاي كوماندا لايىق ەدى؟ پورتۋگاليانىڭ ويىنى تۋرالى ايتىپ بەرسەڭىز.
3.ەۋرو دوداسىندا 24 كوماندا بولعان دۇرىس پا, 16 ما؟ چەمپيوناتتىڭ ۇزدىك ويىنشىسى دەپ كىمدى ايتار ەدىڭىز؟
4.ەۋروپا چەمپيوناتىنىڭ سيمۆوليكالىق قۇراماسىن ايتىپ بەرەسىز بە؟
[caption id="attachment_50869" align="aligncenter" width="374"]
facebook.com[/caption]
نۇرعازى ساساەۆ, sportsffa.kz ساراپتامالىق پورتالىنىڭ رەداكتورى
1.بيىلعى ەۋروپا چەمپيوناتىندا كوڭىلدەن شىعاتىن دا, شىقپايتىن دا ويىندار بولدى. ايتسە دە, تاماشا تاكتيكالىق ويىن ۇلگىلەرىن كوردىك. «زامانىڭ تۇلكى بولسا, تازى بولىپ شال» دەگەندەي, ازۋلى قارسىلاستارىنان ايلاسىن اسىرىپ, ۇجىمدىق ويىن ۇلگىسىن كورسەتكەن قۇرامالاردىڭ ويىندارىنا ءتانتى بولدىق. ارينە, جەكەلەي جۇلدىزدارىنا سەنىم ارتقان كوماندالار دا بولدى. ەڭ باستىسى, وزىمىزگە ۇلگى تۇتۋعا بولاتىن ۇلتتىق قۇرامالاردى, ولاردىڭ جانكەشتىلىكتەرى مەن اۋىزبىرلىكتەرىن تەلەەكران ارقىلى بولسا دا, كوزبەن كوردىك. يسلانديا مەن ۋەلستىڭ قايسار جىگىتتەرىنە قاراپ سۇيسىندىك. فۋتبولشىلارى مەن جانكۇيەرلەرى اراسىنداعى سىي-قۇرمەتكە قىزىعا قاراپ, رۋحاني ءلاززات الدىق. «قاش-شان, ءبىز دە وسىلاي قۋانىشقا بولەنەر ەكەنبىز» دەپ تامساندىق تا. بارىنەن دە وسى (سوڭعىسى) باسىمىراق بولدى...
2.ەۋروپا چەمپيوناتىنا لايىق قۇراما كوپ ەدى. بىراق «باق شاباما, باپ شابا ما» دەگەندەي, سولاردىڭ اراسىندا بولماسا دا, بيىل پورتۋگاليانىڭ اسىعى الشىسىنان ءتۇستى. بالكىم, چەمپيوندىق ويىن ۇلگىسىن كورسەتپەدى دەيتىندەر بولار. تولىق كەلىسەمىن. بىراق قازاقتا «جۇگىرگەن المايدى, بۇيىرعان الادى» دەگەن دە ماتەل بار. ءيا, ولار ءوز توبىنان اۋپىرىممەن شىقتى. ودان كەيىن كىل مىقتىلارمەن فينالعا دەيىن جولى تۇيىسكەن جوق. بۇل دا باعىنىڭ جانىپ, ايىنىڭ وڭىنان تۋعانىن بىلدىرەدى. سپورتتىق باپتارىنا ەۋرودودا بارىسىندا كەلىپ, فينالعا كوپ شارشاماي, شالدىقپاي جەتتى... ءبىر قىزىعى, بيىلعى ەۋروپا چەمپيوناتىندا قازاقى "مۇشەل جاس" بولدى. بۇل ءۇردىس سوناۋ 1992 جىلدان باستالعان. قازاق ەلى ەگەمەندىگىن العاننان بەرى دەيىكشى. ياعني, 12 جىل سايىن ەۋرو دوداسىندا قۇرلىق چەمپيونى بولىپ كورمەگەن قۇراما توپ جارىپ ءجۇر. اتاپ ايتقاندا, 1992 جىلى ەشكىم مۇلدە ويلاماعان دانيا چەمپيون بولدى. تۋرا 12 جىلدان كەيىن, ياعني 2004 جىلى تاعى دا ەشكىم كۇتپەگەن گرەكيانىڭ جۇلدىزى جاندى. تاعى ءبىر "مۇشەل جاس"... 2016 جىل... حورۆاتيا ما, الدە بەلگيا ما دەپ ەدىك. جوق – پورتۋگاليا. ەيسەبيونىڭ ارۋاعى قولدادى ما, بيىل وسى ەلدىڭ فۋتبولشىلارىنىڭ باعى جاندى.
3.ءوزى ۋەفا قۇرامىندا 55 مەملەكەت قانا بار. سونىڭ جارتىسىنان استامى فينالدىق كەزەڭدە وينادى. بۇل تىم ارتىقتاۋ, ارينە. 1984 جانە 1988 جىلعى ەۋروپا چەمپيوناتتارى قانداي ەدى؟! فينالدىق كەزەڭدە سايدىڭ تاسىنداي ىرىكتەلگەن سەگىز قۇراما عانا وينايتىن. ءاربىر ويىنى فينال ىسپەتتى بولاتىن. ول كەزدە الەم چەمپيوناتىنىڭ دەڭگەيى دە “كارتامىس عالام” بىرىنشىلىگىنىڭ جانىندا ءجىپ ەسە الماي قالاتىن. 1996 جىلدان باستاپ, فينالدا 16 قۇراما وينايتىن بولدى. بيىلدان باستاپ – 24 كوماندا. ءسانى كەتىپ بارا جاتقانداي... بيىلعى چەمپيوناتتىڭ ۇزدىك ويىنشىسى انتۋان گريزمانن دەپ ويلايمىن. گولدى دا بارىنەن كوپ سوقتى. جارتىلاي فينالدا گەرمانيا قۇراماسىنىڭ قاقپاسىنا ەكى دوپ سوققانى – ەرەن جەتىستىك. جالپى, ءوزىمنىڭ دە بويىم بيىك بولماعاندىقتان با, فۋتبول الاڭىندا ءوز ونەرىنە تورتكۇل دۇنيەنى ءتانتى قىلىپ جۇرگەن شاعىن دەنەلى فۋتبولشىلاردى جاقسى كورەمىن...
4.بۇل ەندى ناعىز سيمۆوليكالىق قۇراما بولا قويار ما ەكەن. سەبەبى ارقايسىمىز وزىمىزگە ۇنايتىن فۋتبولشىلاردى اتايمىز عوي. ءارى سۇيىكتى فۋتبولشىلارىمىزدىڭ بارلىعى دەرلىك ۇجىمدىق ويىن ورنەگىن ۇيىمداستىراتىن جانە ۇيلەستىرەتىن – جىگىتتەر. «قارا جۇمىستى» اتقاراتىندار تىس قالادى. وسىدان بىرنەشە جىل بۇرىن, قازىر كوممەنتاتور بولىپ جۇرگەن ءبىر ارىپتەسىمىز ايتىپ ەدى, «جاس كەزىمدە وزىمە ۇنايتىن ويىنشىلاردان سيمۆوليكالىق قۇراما جاساتايتىنمىن, كەيىن سول جازعاندارىمدى وقىسام, ءبارى دە شابۋىلشى ەكەن, ءتىپتى قاقپاشى دا جوق بولىپ شىقتى» دەپ. سونىڭ كەرى بولماسا دا, سوعان جەتەقابىل بولعالى تۇر-اۋ... دەسەك تە, 4-3-3 جانە 4-5-1 سۇلباسىندا ويناۋعا بولاتىن امبەباپ قۇراما “قۇرادىم” دەپ ويلاپ وتىرمىن, وزىمشە: بۋففون – حەكتور, كەليني, بارتسالي, سرنا; پوگبا, رەمسي, پەريشيچ; گريزمانن, بەيل; كريشتيانۋ رونالدۋ.
[caption id="attachment_50871" align="aligncenter" width="500"]
facebook.com[/caption]
ارداق توعىموۆ, مادەنيەت جانە سپورت مينيسترلىگى سپورت جانە دەنەشىنىقتىرۋ ىستەرى كوميتەتى شتاتتاعى ۇلتتىق كوماندالار جانە سپورت رەزەرۆى ديرەكتسياسىنىڭ ءباسپاسوز حاتشىسى
1.باستاپقىدا چەمپيوناتتاعى ويىندار ۇنامادى. شىنىن ايتۋ كەرەك, كوپ دوپ سوعىلمالدى, ءىش پىستىراتىن ويىندار كوپ بولدى. ال پلەي-وفف كەزەڭىنەن باستاپ كوماندالار اشىلا باستادى. ءبىراز سەنساتسياعا تولى ماتچتاردى دا كوردىك. جالپى, چەمپيوناتقا كونىلىم تولدى دەيمىن.
2.باسىندا گەرمانيا چەمپيون اتانادى دەپ بولجام جاساعان ەدىم. وكىنىشكە قاراي, جارتىلاي فينالدا ولار الاڭ يەلەرىنەن جەڭىلىپ قالدى. يتاليانىڭ ويىنى ۇنادى. سەنساتسيا جاساعان يسلانديا مەن ۋەلستىڭ ويىندارىنا دا ءبارىمىز تاڭ-تاماشا بولدىق. ال پورتۋگاليانىڭ ارمانى جوق. توپتان ارەڭ دەگەندە شىعىپ, كەيىن قوسىمشا ۋاقىتتا نەمەسە پەنالتي سەرياسىندا قارسىلاسىن جەڭىپ, فينالعا شىقتى. فينالدا دا سولاي جەڭىسكە جەتتى-اۋ... ولاردىڭ ەڭبەگى زور.
3.ارينە, 24 كوماندا وتە كوپ. ەۋروپا چەمپيوناتىنىڭ ىرىكتەۋ كەزەڭىنە ۋەفا-عا مۇشەلەرى 54 ەلدىڭ كومانداسى قاتىسسا, سونىڭ تەڭ جارتىسىنان ءسال كوپ كوماندا قۇرلىقتىق دوداعا شىعا بەرەدى دەگەن ءسوز عوي... 16 كوماندا - ەڭ دۇرىس شەشىم بولار ەدى. ءتىپتى كەزىڭدە ەۋرو باسەكەسىندە 8 كوماندا عانا ويناۋشى ەدى. ۇزدىك ويىنشى, مەنىڭ ويىمشا ول – پەپە!
4.قاقپاشى – رۋي پاتريسيۋ, قورعاۋشىلار – پەپە, كاسيلياني, دراحسلەر, پيكە, جارتىلاي قورعاۋشىلار – رەناتۋ سانچەش, گريزمانن, پايە, شاكيري, شابۋىلشىلار – رونالدۋ مەن بەيل.
[caption id="attachment_50873" align="aligncenter" width="500"]
facebook.com[/caption]
ساكەن سىبانباي, «الماتى اقشامى» گازەتىنىڭ ءجۋرناليسى
1.اسەرىم جاقسى. ءبىراز قىزىقتى ويىندار تاماشالادىق, ءتۇرلى درامالىق جاعدايلاردى كوردىك, سەنساتسيالار دا جەتكىلىكتى بولدى. شىن جانكۇيەرگە بۇدان ارتىق كوپ نارسە دە كەرەگى جوق-اۋ. اسىرەسە گەرمانيا – يتاليا (1:1), گەرمانيا – فرانتسيا (0:2), ۆەنگريا – پورتۋگاليا (3:3), ۋەلس – بەلگيا (3:1), فرانتسيا – يسلانديا (5:2) سەكىلدى كوز قۋانتار ويىنداردى ەرەكشە اتاپ وتەر ەدىم. ۇناماعان تۇسى – پلەي-وفف كەزەڭىندەگى كەيبىر ناتيجەلى ويىندار بولماسا, جالپى العاندا, گول وتە از سوعىلدى. بۇرىنعى فورمات بويىنشا 31 ماتچتا شامامەن 75-80 گول قاقپاعا سوعىلسا, بيىل 51 كەزدەسۋدە سونداي مولشەرمەن كەمىندە 125 دوپ سوعىلاتىن شىعار دەپ ويلاعانمىن. ءسويتىپ, ەۋرو تاريحىنداعى 700-گول دا فرانتسيا جاسىل الاڭدارىندا سوعىلار دەپ كۇتكەن ەدىم. وكىنىشكە قاراي, ولاي بولمادى. 24 كوماندا جابىلىپ ءجۇرىپ 108-اق گول سوقتى (ورتا ەسەپپەن ءار ويىنعا 2,11 گولدان كەلەدى). بۇل – ەۋرو تاريحىنداعى ەڭ تومەنگى كورسەتكىشتەردىڭ ءبىرى (تەك 1980 جانە 1996 جىلدارى عانا بۇدان دا ناشار ناتيجە تىركەلگەن).
2.تۋرنير باستالماي جاتىپ, ەلدىڭ اۋزىنان تۇسپەيتىن فاۆوريتتەر بولادى. بىراق سولاردىڭ كەيبىرى كەيىن دودا بارىسىندا ەل كۇتكەن ۇدەدەن شىقپاي جاتادى. سوندىقتان الدىن الا عانا ەمەس, چەمپيونات بارىسىندا ءوزىنىڭ التىن جۇلدەنى الۋعا لايىقتىعىن ويىنىمەن دالەلدەگەن ەكى كوماندانى ايتايىن.
ءبىرىنشىسى – گەرمانيا. ورتالىق شابۋىلشى پوزيتسياسى بولماسا, باسقا جاعىنان ەش ءمىنسىز جاساقتالعان كوماندا. ماريو گومەس جاراقاتتانىپ قالماعاندا, بۇل پوزيتسيا ءۇشىن دە اسا الاڭداماۋعا بولار ەدى. جارتىلاي فينالداعى ەڭ وسال تۇس وسى بولدى. ايتپەسە نەمىستەر گول سوعارلىقتاي ۇرىمتال ساتتەردەن كەندە بولعان جوق. تەك شىرق ۇيىرىلگەن شابۋىل قۇيىنىنا نۇكتە قويارلىق مەرگەن تابىلمادى. ويىن جاعىنان بارىنەن وزىق تۇردى. دوپتى بۇلارداي شەبەر جەتەكتەيتىن كوماندا ىلۋدە بىرەۋ شىعار.
ەكىنشىسى – يتاليا. قورعانىسى بەرىك, العا دا, ارتقا دا بىردەي ءمان بەرەتىن, وتە جىلدام, ءارى كۇش-قۋاتى تاسىعان كوماندا. توپتاعى يرلانديامەن كەزدەسۋ بۇل ەسەپكە سانالمايدى, ويتكەنى, وندا نەگىزىنەن قوسالقى قۇرام وينادى. باسقا ماتچتارىنىڭ بارىندە دە ماقساتتى, جىگەرلى قيمىلىمەن ەرەكشەلەندى. تەك پەنالتيدى دۇرىستاپ تەبە الماعان ويىنشىلارىنىڭ كەسىرىنەن زيان شەكتى. ايتپەسە وتە ۇيىمشىل ويىن كورسەتكەن يتاليا, اسىرەسە قولىنان كەلگەنىنىڭ ءبارىن ىستەگەن دجانلۋيدجي بۋففون التىن جۇلدەگە ابدەن لايىق ەدى.
ال پورتۋگالياعا كەلسەك, ولاردىڭ ويىنى تۋرالى تۇبەگەيلى تۇجىرىم ايتۋ قيىن. ايتەۋىر بەيتاراپ جانكۇيەردىڭ جانىن راحاتقا بولەيتىن ويىن كورسەتە قويماعانى انىق. توپتىق كەزەڭدە ءوز دەڭگەيىنەن وتە تومەن وينادى. تەك ۆەنگريامەن كەزدەسۋدە, توپتان شىعا الماۋ قاۋپى تونگەندە عانا جانتالاستى. پلەي-وففتىڭ باستاپقى ويىندارىندا دا كەرەمەتتەي كوز قۋانتا قويعان جوق, ءىلىنىپ-سالىنىپ ءجۇرىپ جارتىلاي فينالعا جەتتى. ۋەلستى عانا ايقىن باسىمدىقپەن جەڭدى. ال فينالدا مىنەز كورسەتتى. الاڭدا وتە تىعىز ورنالاسىپ, گريزمانن, جيرۋ, پايەتتەردىڭ ادىمىن تۇساي الدى, ولاردىڭ دوپتى ەركىن قابىلداۋىنا مۇرشا بەرمەدى. جالپى شەشۋشى كەزەڭگە تاياعان سايىن پورتۋگاليانىڭ قاقپاشىسى – مىقتى ويناي ءتۇستى, قورعانىسى – الگى ۆەنگرلەرمەن «سەمسەرلەسۋدەن» سوڭ, ءىشىنارا قۇرامىن اۋىستىرىپ, ساق تا ساۋاتتى قيمىلدادى, ورتاڭعى شەپتىڭ ويىنىن ورىمدەي جاس رەناتۋ سانچەش جانداندىردى, شابۋىلدا بار سەنىم كريشتيانۋ رونالدۋدىڭ وزىنە ارتىلدى. ويىن جاعىنان چەمپيوندىققا قانشالىقتى لايىق ەكەنىن اركىم ءوزى شامالار, بىراق ۇنەمى كومبەگە قولسوزىم تۇستا سۇرىنەتىن كوماندانىڭ, فۋتبول تاريحىنا ەيسەبيو, فيگۋ سەكىلدى تاماشا ۇلدارىن ۇسىنعان ەلدىڭ, كلۋبتىق دەڭگەيدە ۇتپاعانى جوق ۇلى ويىنشى كريشتيانۋ رونالدۋدىڭ اقىرى ءويتىپ-ءبۇيتىپ التىنعا قول جەتكىزۋىنەن پالەندەي ادىلەتسىزدىك كورىپ تۇرعان جوقپىن. ونىڭ ۇستىنە, فرانتسيا دا فينالدا چەمپيونعا لايىق ويىن كورسەتكەن جوق.
3.ەۋرو-2016 دوداسىنىڭ جالپى العاندا جامان وتپەگەنىنە قاراماستان, مەن بۇرىنعى 16 ۇزدىك قانا قاتىساتىن فورماتتى قولدايمىن. ۋەفا-نىڭ 55 مۇشەسى بار. 24 – سولاردىڭ جارتىسىنا جۋىعى دەگەن ءسوز. فينالدىق تۋرنيرگە سونشاما كوماندانىڭ قاتىسۋى ءتۋرنيردىڭ جالپى دەڭگەيىن السىرەتە مە دەيمىن. راس, دەبيۋتانتتاردىڭ ەشقايسىسى دا ماسقاراعا ۇشىراعان جوق, قايتا ءبارى دە ولىسپەي-بەرىسپەس قايسار مىنەز كورسەتتى, تىستەسىپ-شايناستى-اق. يسلانديا مەن ۋەلس ءتىپتى جارتى الەمدى تاڭ قالدىردى. بىراق 24-ءتىڭ ىشىنەن 8 ءالسىزدى شىعارىپ تاستاۋ ءۇشىن عانا ءۇش اپتا اۋرە بوپ, 36 ويىن وتكىزۋ ءوزىن-ءوزى اقتاعانىنا سەنىمسىزبىن. ودان دا ەڭ مىقتى 16 قۇراما قاتىسقانى ءجون دەر ەدىم. سوندا ويىننىڭ ءبارى تارتىستى بولادى, توپتا 3-ورىن العان كوماندا جارىستى جالعاستىرمايدى. بىراق ول جاعىن شەشەتىن ءبىز ەمەس قوي...
مەن ءۇشىن چەمپيوناتتىڭ ەڭ ۇزدىك ويىنشىسى – اارون رەمزي. ءوز باسىم ونىڭ الاڭ ورتاسىنداعى ويلى قيمىلىنا, دوپتى كوماندالاسىنا بەرە سالىپ, لەزدە اشىلا قوياتىن سۇڭعىلالىعىنا, پاستى سەرىگىنىڭ اياعىنا وتە ىڭعايلى ەتىپ بەرەتىنىنە, شەشۋشى (ناتيجەلى) پاستى شىعارۋ الدىندا ارىپتەسى وفسايدتا قالماۋى ءۇشىن قاجەتتى پاۋزا ۇستاي بىلەتىنىنە, دوپسىز ءجۇرىپ-اق قاي قارسىلاسىنان قاۋىپ تونەرىن الدىن الا سەزىپ, ونىڭ جولىن بوگەۋگە ۇمتىلاتىنىنا كەرەمەت ريزا بولدىم. كىم بىلەدى, ەگەر ول جارتىلاي فينالدا الاڭعا شىققاندا, ءبارى باسقاشا بولار ما ەدى...
دەگەنمەن, ءدۇبىرلى دودانىڭ ءدۇلد ۇلى – فيناليستەردىڭ ساپىنان شىققانى ءجون شىعار. وندا فرانتسۋز انتۋان گريزمانن مەن پورتۋگالدىق پەپەنى اتايمىن. ءبىرىنشىسى قاشاندا قاقپا الدىنداعى قاربالاس ءساتتىڭ ءدال ورتاسىنان تابىلاتىن جانكەشتىلىگىمەن, گول سوعار مەزەتتى سەزە بىلەتىن مەرگەندىگىمەن ءتانتى ەتتى, بۇگىنگى اسىرەساق فۋتبولدا 7 ويىندا 6 گول سوعۋ – ەرلىككە بارابار ءىس. ەكىنشىسى كومانداسىنىڭ شابۋىلداعى ويىنى جۇرمەي جاتقاندا, بار سالماقتى وزىنە قابىلداعان قورعانىس شەبىنىڭ قولباسشىسى بولا ءبىلدى.
4.قاقپاشى – دجانلۋيدجي بۋففون (يتاليا). قورعاۋشىلار – لەوناردو بونۋچچي (يتاليا), لوران كوسەلني (فرانتسيا), پەپە (پورتۋگاليا), يوناس حەكتور (گەرمانيا). جارتىلاي قورعاۋشىلار – اارون رەمزي (ۋەلس), توني كرووس (گەرمانيا), يۆان پەريشيچ (حورۆاتيا). شابۋىلشىلار – كريشتيانۋ رونالدۋ (پورتۋگاليا), انتۋان گريزمانن (فرانتسيا), گارەت بەيل (ۋەلس).
[caption id="attachment_50874" align="aligncenter" width="500"]
facebook.com[/caption]
ەسەي جەڭىس ۇلى, «ايقىن» گازەتىنىڭ ءجۋرناليسى, سپورت كوممەنتاتورى
1.ماعان ۇنادى. 24 كوماندانىڭ قاتىسۋى, ءىىى ورىن العان كوماندالاردىڭ پلەي-وففقا شىعۋى كۇتپەگەن ناتيجەلەر اكەلدى. جارىس فاۆوريتتەرىنىڭ بىرىنەن كەيىن ءبىرى سىپىرىلىپ جولدا قالۋى, ەسەسىنە تۋرنيرگە تۇڭعىش قاتىسقان 5 قۇرامانىڭ تورتەۋى شەشۋشى كەزەڭگە شىعۋى, يسلانديانىڭ انگليانى ۇتۋى, ۋەلستىڭ قولا جۇلدە يەلەنۋى وتە قىزىقتى بولدى. جالپى الەم فۋتبولىنىڭ باعىت-باعدارىن ايقىنداپ وتىرعان ەۋروپا قۇرلىعىندا قۇرامالار دەڭگەيى تەڭەسىپ قالعانىنا قۋاندىم. ال كريشتيانۋ رونالدۋدىڭ قۇرامامەن ۇلكەن تابىسقا جەتۋى ءتىپتى كەرەمەت.
2.مەنىڭ ويىمشا, كورسەتكەن ويىنى جاعىنان قۇرلىق چەمپيونى اتاعىنا يتاليا, گەرمانيا جانە فرانتسيا قۇرامالارى لايىق بولدى. يتاليا اۋەلدەن ءتاستۇيىن ويىن كورسەتسە, گەرمانيا قىزا شاپتى. ال فرانتسيا اۋەلى جەڭىسكە زور جىگەرمەن جەتىپ جۇرسە, بىرتە-بىرتە ناعىز بابىنا كەلدى. بىراق مىقتىلار عانا ۇتا بەرسە, ەشبىر سپورتتا قىزىق قالماس ەدى. سوندىقتان جارتىلاي فينال مەن فينالدى وتە جاقسى وتكىزگەن پورتۋگاليانىڭ چەمپيون اتانۋىنا كۇمانمەن قاراماق ەمەسپىن. جىگىتتەر ءبىر ماقساتقا جۇمىلدى, ءتۋرنيردىڭ بارلىق مۇمكىندىگىن سارقا پايدالاندى. جىلدار وتكەن سوڭ ولاردىڭ نەگىزگى ۋاقىتتا ءبىر عانا ماتچتا ۇتقانى ەمەس, چەمپيون اتانعانى عانا ەستە قالادى. سوندىقتان «قولىنان كەلىپ, قونىشىنان باسقان» فەرناندۋ سانتۋش شاكىرتتەرىنە شىن ىقىلاسپەن قول سوعامىن.
3.مەنىڭ ويىمشا, 16 ۇزدىك بولعانى دۇرىس. بىراق شەشىم قابىلدانعان ەكەن, سوعان باعىنۋعا ءتيىسپىز. 24 ۇزدىك ساپىنا تۇڭعىش رەت ەنىپ, ايدى اسپانعا شىعارعان ۋەلس, يسلانديا, سولتۇستىك يرلانديا, سلوۆاكيا قۇرامالارىنىڭ سىندى بۇزباعانىنا دا كوڭىلىم توق. قالايدا پايدا ءتۇسىرۋدى كوزدەيتىن زامان عوي, سوندىقتان ۋەفا-نىڭ بۇل شەشىمى دە ءبىراز ۋاقىت ءومىر سۇرۋگە ءتيىس شىعار. مەنىڭشە, ءتۋرنيردىڭ ۇزدىك فۋتبولشىسى – گارەت بەيل. بوساعادا جاتقان قۇرامانى تورگە سۇيرەگەن ەر بەيلدەي-اق بولار.
4.بۋففون, سەدريك-بارتسالي-بونۋچچي-سەۆارسسون, گۋننارسسون-پايە-گريزمانن-بەيل, كريشتيانۋ رونالدۋ.
[caption id="attachment_50875" align="aligncenter" width="420"]
facebook.com[/caption]
ريشات تۇرعانباەۆ, «جەتىسۋ» گازەتىنىڭ سپورت شولۋشىسى
1 – 2. وتە جاقسى əسەر الدىم. توپتىق كەزەڭدە ءبىراز كوڭىل تۇسىرەتىن كەزەڭدەر بولعان. ارتىنشا تارتىستى ويىنداردىڭ كۋəسى بولدىق. پورتۋگاليانىڭ ويىنى ايتارلىقتاي كەرەمەت بولدى دەۋگە كەلمەيدى. تەك قىپشاقتارمەن اراداعى ويىن عانا تارتىستى ءوتتى.
3.مەنىڭشە 24 كوماندا دۇرىس. چەمپيوناتقا جاڭا شىققان ۋەلس, ۆەنگريا, يسلانديا سەكىلدى كوماندالارعا مۇمكىندىك. گريزمانن, پايە, پوگبانىڭ ويىنى ۇنادى.
4.چەمپيوناتتىڭ سيمۆوليكالىق كومانداسى – گەرمانيا قۇراماسى.
[caption id="attachment_50876" align="aligncenter" width="700"]
facebook.com[/caption]
قانات بازىلحان, «حابار» تەلەارناسىنىڭ سپورت شولۋشىسى
1.بۇل چەمپيونات تۇڭعىش رەت جاڭا جۇيە بويىنشا ءوتىپ, قاتىسۋشى قۇرامالار سانى دا 24-كە ارتتى. قازىر وسى شەشىم قانشالىقتى ءوزىن اقتادى دەگەن ساۋال توڭىرەگىندە پىكىرتالاستار كوپ. ۋەفا كوبىرەك پايدا تابۋدى ويلاپ, ءوز ماقساتىنا جەتتى. كوپتەگەن ءالسىز قۇرامالار مۇمكىندىك الىپ, ۇلكەن سىنعا ارالاستى. سوندىقتان قازاقستان سەكىلدى ءالسىز كومانداعا مۇمكىندىك تۋدى. وسى جاعىنان قۋانۋعا بولادى. ال, بىراق فۋتبولدان اناۋ ايتقانداي كەرەمەت اسەر المادىق. بۇرىنعى جۇيە جاقسى ەدى. بىرىنەن ءبىرى وتەتىن كەرەمەت ويىندار بولاتىن.
2.ەندى توپتىق كەزەڭدە بىردە-ءبىر ويىندى ۇتا الماي, نەگىزگى ۋاقىتتا تەك جارتىلاي فينالدا جەڭىسكە جەتكەن پورتۋگاليانىڭ چەمپيون اتانۋى شىنىن ايتقاندا كەزدەيسوق جاعداي عوي. جەڭىسكە جەتۋدىڭ ءتۇرلى جولى بار. بىراق قۇرلىقتىڭ ەڭ تاڭداۋلى قۇرامالارى اراسىندا چەمپيونعا ءتان ويىندار كورسەتكەن قۇرامالار جەتەرلىك. بۇل ۇجىمعا جەرەبە دە جولداس بولدى. شىن مانىندە بۇل باس جاتتىقتىرۋشى فەرناندۋ سانتوشتىڭ جەڭىسى. بۇعان دەيىن قۇرامانىڭ ويىنىنا ۇيلەسە الماي جۇرگەن جۇلدىز رونالدۋدىڭ ءوزىن قارا جۇمىسقا شەكتى. ناتيجەسىندە قورعانىسى مىعىم كوماندا جاساقتادى. ال جالپى ويىندارى جانكۇيەرلەرگە ۇناعان جوق. چەمپيوندىق اتاققا لايىق ەمەس دەگەن تىم قاتالداۋ, ويىندارى كەرەمەت بولدى دەپ ايتا المايسىز.
3.ەندى 24 كوماندا ۇيىمداستىرۋشىلار ءۇشىن دۇرىس بولدى. قارجى جاعىنان پايداعا كەنەلدى. ال, 53 قۇرامانىڭ تەڭ جارتىسىنىڭ قۇرلىق چەمپيوناتىنا قاتىسقانى اسا قىزىق بولمادى. «ۇساق» كوماندالارعا ۋاقىتشا قۋانىش سىيلاعان شىعار. بىراق چەمپيوناتتىڭ دەڭگەيى ارتپادى. الدا بۇل جۇيە قيىندىق تۋدىرادى. سەبەبى, ەۋروپادا 24 قۇرامانى قابىلداي الاتىن ەلدەر سانى شەكتەۋلى. سوندىقتان سول چەمپيوناتتى 16 كوماندامەن وتكىزۋ ىڭعايلى ءارى تارتىستى بولاتىن ەدى. ال بۇل ءتۋرنيردىڭ ۇزدىك ويىنشىسى انتۋان گريزمانن. سەبەبى ول بارىنەن كوپ گول سوقتى.
4.قاقپاشى بۋففون. سوسىن يتاليانىڭ ءۇش قورعاۋشىسى بونۋچچي, باردزالي, كەلليني. ولار ءوز مىندەتتەرىن ادال اتقارىپ, كوماندانى شيرەك فينالعا دەيىن سۇيرەدى. ورتالىق شەپتە نەمىس توني كرووس پەن ديميتري پايە مەن ماتيۋيدي بار. ون سەگىز جاسار پورتۋگاليالىق رەناتۋ سانچەشتى دە ايتۋعا بولادى. العى شەپتە گريزماننان بولەك, رونالدۋ مەن بەيلدىڭ ويىنى ۇنادى.
[caption id="attachment_50884" align="aligncenter" width="500"]
facebook.com[/caption]
اسقار اعاتاەۆ, aktausport.kz اقپاراتتىق – سپورت پورتالىنىڭ رەداكتورى, سپورت ءجۋرناليسى
1.مىنە, ءبىر ايعا سوزىلعان ەۋروپا چەمپيوناتى دا مارەسىنە جەتتى. ەندى ۇيىمداستىرۋ جاعىنان ەۋرو دوداسى وتە تاماشا ءوتتى. بىراق 24 كوماندا ەۋروپا چەمپيوناتى ءۇشىن تىم كوپ. مەنىڭ ويىمشا بۇرىنعى 16 كوماندالىق فورماتتى قايتا قاراستىرۋ قاجەت سياقتى. ويتكەنى, البانيا, رۋمىنيا, سولتۇستىك يرلانديا سەكىلدى كوماندالاردىڭ ويىنى ءىش پىستىراتىنداي بولدى. ارينە, ۋەفا-نى دا تۇسىنۋگە بولادى. بۇل ۇيىم كوماندالاردى كوبەيتۋمەن ءبىراز پايدا تاپتى ءارى فۋتبول ەندى عانا دامىپ كەلە جاتقان ەلدەرگە جاقسى مۇمكىندىك بەردى. دەگەنمەن, فۋتبول تويى جاقسى ءوتتى, كوڭىلىمنەن شىقتى.
2.دوپ دومالاق دەمەكشى, ءبىر كوماندا ەۋروپا چەمپيونى بولۋعا لايىقتى دەپ ايتا المايمىن. سەبەبى, تۋرنيردە چەمپيون بولۋعا جوق دەگەندە 3 كوماندا لايىق ەدى. ولار – گەرمانيا, يتاليا, فرانتسيا. پورتۋگاليا مەن فراتسيانىڭ دا توپتىق تۋرنيردەگى ويىندارى كوڭىلىمنەن شىقپادى. اسىرەسە, پورتۋگاليا سياقتى توپتىق تۋرنيردە ءبىر ويىندى جەڭبەگەن كوماندا چەمپيون بولۋعا لايىقتى دەپ ايتا المايمىن. پەپە مەن رونالدۋ ءۇشىن قۋانىشتىمىن. اتى الەمگە ايگىلى ەيسەبيونىڭ ارۋاعى دا بىر اۋناپ قالعان شىعار.
3.چەمپيوناتتا 24 كوماندانىڭ بولعانىنا قارسىمىن. 16 قۇراما بولعانى دۇرىس. 16 جاساق بولسا, چەمپيونات قىزىقتى دا تارتىستى وتەدى. ال 24 كوماندا جالىقتىرىپ جىبەرەدى. تۋرنير دە تىم ۇزاپ كەتەدى. ەۋروپا چەمپيوناتىندا مەن ءۇشىن سەنساتسيا بولعان كوماندا ول ارينە, ۋەلس. ال كوڭىلىمنەن شىققان قۇراما ول – انگليا. اعىلشىنداردىڭ قۇراماسىندا جاقسى, جاس ويىنشىلار كوپ بولدى. سوعان قاراماستان ولار 8/1 فينالدا ءسۇرىنىپ قالدى.
چەمپيوناتتىڭ ۇزدىك ويىنشىسى دەپ يتاليا قۇراماسىنىڭ قاقپاشىسى بۋففون مەن پورتۋگاليا كومانداسىنىڭ قورعاۋشىسى پەپەنى ايتا الامىن. پورتۋگاليانىڭ قورعانىستاعى كەرەمەت ويىنى وسى پەپەنىڭ ارقاسى. جەڭىستىڭ 20 پايىزى دا وسى جىگىتتىڭ ەنشىسىندە.
4.قاقپاشى – دجانلۋيدجي بۋففون (يتاليا), ورتادا قورعاۋشىلار –پەپە (پورتۋگاليا) مەن كەليني (يتاليا), سول جاقتاعى قورعاۋشى – حەۆەداس (گەرمانيا), وڭ جاقتاعى قورعاۋشى – باكاريك سانيا (فرانتسيا), ورتالىق جارتىلاي قورعاۋشىلار – دە روسسي (يتاليا) مەن ارون رەمزي (ۋەلس), حەكتور (گەرمانيا) ەدەن ازار (بەلگيا), شابۋىلشىلار – گريزمانن (فرانتسيا) مەن كريشتيانۋ رونالدو (پورتۋگاليا).
[caption id="attachment_50885" align="aligncenter" width="700"]
facebook.com[/caption]
ەركىن شاكىر ۇلى, «قازاقستان» ۇلتتىق تەلەارناسىنىڭ ءجۋرناليسى
1.بيىلعى ەۋروپا چەمپيوناتى قىزىقسىز ءوتتى. بارلىق ويىنداردى ۇزبەي, تولىق قارادىم. چەمپيونات قارجىلىق جاعىنان فرانتسيا ءۇشىن ءتيىمدى بولعان شىعار. ال جانكۇيەرلەر ءۇشىن تارتىستى بولمادى دەگەن ويدامىن.
2.پورتۋگاليا لايىق. 2004 جىلى گرەكيا قانداي بولسا, بيىل پورتۋگاليا دا سولاي چەمپيون اتاندى. دايىندىعى جوعارى بولدى. سوڭعى ەكى ماتچتا وزدەرىن كورسەتە ءبىلدى. فرانتسيا نەمەسە يتاليا قۇرمەت تۇعىرىنىڭ ەڭ بيىك ساتىسىنا كوتەرىلۋگە لايىق كوماندالار دەر ەدىم.
3.24 كوماندا شىنىندا دا كوپ. ۋەلس, ۆەنگريا, سلوۆاكيا, البانيا سىندى ورتاڭقول قۇرامالاردىڭ شىعۋىنا جول اشتى. كوممەرتسيالىق تۇرعىدا وتە ءتيىمدى جوبا. دەگەنمەن قىزىقتى ويىندار بولدى. چەمپيوناتتىڭ ۇزدىك ويىنشىسى انتۋان گريزمانن دەر ەدىم.
4.بۋففون, بونۋچچي, پەپە, كوسەلني, فونتە, كروسس, سانچەش, رونالدۋ, پايە, گريزمانن, جيرۋ.
[caption id="attachment_50886" align="aligncenter" width="500"]
facebook.com[/caption]
راۋان وقاس, سپورت شولۋشىسى
بيىلعى ەۋروپا چەمپيوناتى جاڭالىقتارعا تولى بولدى. 24 كوماندانىڭ ويىنىن تاماشالاپ, ايىزىمىز قاندى. نەگىزى چەمپيوناتتا 16 كوماندا بولعان كەزدە توپتان شىعۋ, جالپى چەمپيون اتانۋ قيىن بولعان سياقتى. ال بۇل جولى ءۇشىنشى ورىن العاندار دا پلەي-وفف كەزەڭىنە شىعىپ جاتتى. سونىڭ ءبىرى ەۋروپا چەمپيونى اتانعان پورتۋگاليا قۇراماسى. ونىڭ ليدەرى كريشتيانۋ رونالدۋ ءۇشىن قۋانىشتىمىن. 12 جىل ارمانداعان ماقساتىنا اقىرى جەتتى. كوڭىل تولدى.
[caption id="attachment_50887" align="aligncenter" width="500"]
facebook.com[/caption]
ءازيز ءجۇمادىل, sportsffa.kz ساراپتامالىق پورتالىنىڭ شولۋشىسى
1.بيىلعى ەۋروپا چەمپيوناتى فۋتبولدىڭ يسپانيا, يتاليا, انگليا, گەرمانيا, فرانتسيا سىندى اياقدوپ دەرجاۆالارىندا عانا ەمەس, «كارى قۇرلىقتىڭ» وزگە دە ەلدەرىندە دامىپ كەلە جاتقاندىعىن كورسەتتى. ءيا, كلۋبتىق دەڭگەيدە ايىرماشىلىق جەر مەن كوكتەي. دەگەنمەن, ۇلتتىق قۇرامالاردىڭ دەڭگەيى تەڭەسىپ كەلە جاتقانداي. ماسەلەن, بۇرىن اسا ءمان بەرمەيتىن ۋەلس, يسلانديا قۇرامالارىڭ كوز سۇيسىنەتىندەي ويىن ورنەگىن كورسەتىپ, بەلگيا, انگليا سىندى كوماندالاردى تىزە بۇكتىردى. ۆەنگرلەردىڭ ازۋى شىعا باستاعانىن بايقادىق. دەگەنمەن, بيىلعى ەۋروپا چەمپيوناتى پلەي-وفف كەزەڭىنەن باستالدى دەر ەدىم. توپتىق كەزەڭ گولعا تىم ساراڭ بولىپ, ءتىپتى كەيبىر كەزدەسۋلەر فينالدىق دودانىڭ ويىنىنا لايىق ەمەس ەدى.
2.«بىتكەن ىسكە سىنشى كوپ», چەمپيونات مارەسىنە جەتكەننەن كەيىن «ەگەر» دەگەن جەلەۋلەر كوبەيە بەرەدى عوي. فينالعا جەتكەن فرانتسيا مەن پورتۋگاليا, چەمپيون اتانعان سوڭعىلارى. بۇدان باسقا ارگۋمەنت بولماۋى ءتيىس. دەگەنمەن, پورتۋگاليا قۇراماسى فينالداعى قارسىلاسى فرانتسياعا قاراعاندا اقتىق ويىنعا تىڭ جەتتى. ارتىق كۇش جۇمساماي-اق فينالدىق ماتچقا دەيىن جەتىپ, فرانتسيانىڭ سىلىكپەسىن شىعاردى. مىنەزدى كوماندا ەكەندىگىن كورسەتتى. راس, ويىندارى ۇناعان جوق. جارىتىپ جۇگىرمەگەندەي كورىندى. ولاردىڭ ورنىندا جەڭىس تۇعىرىنا گەرمانيا نەمەسە يتاليا قۇرامالارى لايىق سەكىلدى بولدى. بىراق, قاجەتتى ساتتەردە قامشىنى باسقان پورتۋگاليا.
3.جاڭاشىلدىقتان قاشپاعان دۇرىس قوي. ءيا, كەمشىلىكتەرى دە جەتەرلىك. ماسەلەن, ءوز توبىندا ءۇشىنشى ورىن العان كوماندانىڭ ەۋروپا چەمپيونى اتانعانى ادىلەتسىزدىك سەكىلدى. توپتىق كەزەڭدە ارتىق ويىندار تىم كوپ بولىپ كەتكەن سياقتى. دەگەنمەن, ۋاقىت وتە كەلە بۇل كەمشىلىكتەردىڭ بارلىعى دا جويىلار. ەڭ باستىسى, بۇل چەمپيونات ەكىنشى دەڭگەيلى كوماندالار ءۇشىن وزدەرىن كورسەتۋگە كەرەمەت مۇمكىندىك بولدى. جاڭا جۇيەنىڭ ارقاسىندا ۆەنگريا, يسلانديا, ۋەلس, البانيا قۇرامالارىمەن كەڭىرەك تانىستىق. بولاشاقتا قازاقستان قۇراماسى دا وسىلاردىڭ اراسىنان كورىنىپ قالار دەگەن ءۇمىت باسىم. ال ۇزدىك ويىنشى اتاعىنا لايىق بىرنەشە فۋتبولشىنى ءتىزىپ بەرە الار ەدىم. ول – كريشتيانۋ رونالدۋ, ول – رەناتۋ سانچەش, ول – انتۋان گريزمانن, ول – پول پوگبا, ول – گارەت بەيل, ول... وسىلايشا تىزە بەرۋگە بولادى. دەگەنمەن, ۇزدىكتى چەمپيوندار قاتارىنان ىزدەگەن دۇرىس-اۋ. سوڭعى ماتچتى سوڭىنا دەيىن ويناي الماسا دا ۇزدىك ويىنشى اتاعىن كريشتيانۋ رونالدۋعا بەرسەك, ەشكىم دە سوگە قويماس.
4.ەۋروپا چەمپيوناتىنىڭ تاڭداۋلى قۇرامى (3-4-3):
قاقپاشى: مانۋەل نويەر (گەرمانيا)
قورعاۋشىلار (سولدان وڭعا قاراي): جەروم بواتەنگ (گەرمانيا), پەپە (پورتۋگاليا), اندرەا باردزالي (يتاليا).
قورعانىسقا تىرەك بولار شەپ: پول پوگبا (فرانتسيا)
سول قاپتالداعى جارتىلاي قورعاۋشى: دميتري پايە (فرانتسيا)
وڭ قاپتالداعى جارتىلاي قورعاۋشى: ياكۋب بلاششيكوۆسكي (پولشا)
ورتالىق جارتىلاي قورعاۋشى: اارون رەمزي (ۋەلس)
سول قاپتالداعى شابۋىلشى: كريشتيانۋ رونالدۋ (پورتۋگاليا)
وڭ قاپتالداعى شابۋىلشى: گارەت بەيل (ۋەلس)
ورتالىق شابۋىلشى: انتۋان گريزمانن (فرانتسيا).
[caption id="attachment_50888" align="aligncenter" width="500"]
facebook.com[/caption]
رۋسلان مەدەلبەك, سپورت ءجۋرناليسى
بيىلعى ەۋروپا چەمپيوناتى باستىسى تىنىش, ەشقانداي تەراكتى, اتىس-شابۋىلسىز ءوتتى. دەمەك, قۇرلىق دوداسى جاقسى ۇيىمداستىرىلدى دەگەن ءسوز. بىراق ويىن جاعىنان جارىس تەك پلەي-وفف كەزەڭىنەن باستاپ قىزا باستادى. بيىلعى چەمپيوناتتا فرانتسيا, يتاليا, گەرمانيا قۇراماسىنىڭ ويىن ورنەگى چەمپيون كومانداعا لايىق ەدى. فينالدا پورتۋگاليانىڭ جەڭىسكە دەگەن قۇشتارلىعى جەڭىسكە جەتەلەدى. سوندىقتان پورتۋگاليانىڭ چەمپيون اتانعانىنا ءوز باسىم شىن قۋاندىم. 24 كوماندا ەۋروپا چەمپيوناتىنىڭ ءسانىن كەتىرگەندەي بولعان. بىراق بۇل كوماندالار اراسىنداعى باسەكەنى ارتتىراتىنىنا كۋا بولدىق. ياعني پلەي-وفف كەزەڭىندە ۇزدىكتەردىڭ ءبىر-بىرىمەن ەرتە كەزدەسۋى چەمپيوناتتاعى باسەكەلەستىكتى ارتتىردى.
ۇزدىك ويىنشىسى اتاعىنا رونالدۋ نەمەسە گريزمانن لايىق. سيمۆولدىق قۇرامدى ناقتى انىقتاۋ قيىن.
[caption id="attachment_50889" align="aligncenter" width="500"]
facebook.com[/caption]
ەرمۇحاممەد ماۋلەن,
Kazsport تەلەارناسىنىڭ سپورت كوممەنتاتورى
1.بيىلعى ەۋروپا چەمپيوناتى كەرەمەت ءبىر اسەر بەرە قويعان جوق. كەيبىرەۋلەردىڭ الەم چەمپيوناتىنا تەڭەپ جاتاتىنى بار. ول قاتە پىكىر. تەك ارگەنتينا مەن برازيلياسى عانا جوق دەمەسەڭىز الەم چەمپيوناتى دەۋشىلەرگە سەنبەڭىزدەر. چيلي مەن كولۋمبيا قايدا سوندا؟ مەكسيكا مەن كوستا-ريكا قايدا سوندا؟ مىنە, سونداي كوماندالار بولعان جوق. ال جالپى ەۋروپا چەمپيوناتىندا البانيا, رۋمىنيا, ۋكراينا سەكىلدى كوماندالار ءۇمىتتى اقتامادى. كوپتەگەن ىرىكتەۋ ويىندارى سەكىلدى ءوتتى. بۇلاي جالعاسا بەرسە ەۋروپا چەمپيوناتىن تاماشالاۋدان قالاتىن سەكىلدىمىن.
2.پورتۋگاليا تاجىريبيەلى ۇجىم ەكەنىن بايقاتتى.
باس جاتتىقتىرۋشى ۇستانعان تاكتيكاسىنا ەش كۇمانسىز سەندى. سونى سوڭىنا دەيىن ۇستاندى. ءتۇبى جەمىسىن بەردى. قورعانىستى مىقتاپ ۇستاپ, قارىمتا شابۋىلدارمەن تۇيرەدى. پورتۋگاليا 2004 جىلى گرەكيادان جەڭىلىپ ەدى عوي. مىنە, سونى اينا قاتەسىز قايتالاپ بەردى. بۇل ولاردىڭ وتكەن كۇندەردەن ساباق العاندىعىن بىلدىرەدى. پورتۋگاليا – چەمپيون! دەمەك, ول سول اتاققا لايىق كوماندا. 7 ويىننىڭ تەك بىرەۋىندە عانا نەگىزگى ۋاقىتتا جەڭىسكە جەتتى. مىنە, وسىلاي بولدى. ءبىر جەڭىسپەن ەۋروپا چەمپيونى اتاندى. قالعان ماتچتاردىڭ بارلىعىن تەڭ ويناپ كەلدى.
3.16 كوماندا بولىپ قالا بەرگەنى دۇرىس ەدى. سەبەبى توپتىق تۋرنيردەگى العاشقى 3 تۋر وتە سۇرەڭسىز ءوتتى. گولدى از كوردىك. فۋتبولدىڭ كوركى گول ەمەس پە؟ ال 1 جەڭىسكە جەتىپ 3 ۇپاي العان دا, مۇلدە جەڭىلمەي 3 ويىن تەڭ تۇسكەن كوماندا دا توپتان شىقتى. پلەي-وففقا جولداما العانداردىڭ قاتارىندا پورتۋگاليادا بولدى. باياعى ەسكى فورماتپەن وتكەندە پورتۋگاليا توپتان شىعا الماس ەدى. سوندىقتان دا, بۇل فورمات وزىمە تۇك تە ۇناعان جوق. فۋتبولدىڭ ءبىر بەرەكەسىن كەتىردى.چەمپيوناتتىڭ ۇزدىك ويىنشىسى دەپ 1 ادامدى ايتۋ قيىن عوي. بەيل, بۋففون, رونالدۋ, ناني, گريزمانن سەكىلدى ويىنشىلاردىڭ بارلىعى دا لايىقتى. بىراق وسىلاردىڭ ىشىندە مەن گاررەت بەيلدى ايتار ەدىم. ول العاش رەت ەۋروپا چەمپيوناتىنا قاتىسقان ۋەلستى العا سۇيرەدى. سوققان ءاربىر گولى ماڭىزدى بولدى. سونىڭ ارقاسىندا كوماندا توپتان شىقتى. سولتۇستىك يرلاندياعا قارسى وتكەن ويىندا سونىڭ پاسىنان اۆتوگول سوعىلدى. بەلگيانى جەڭگەن كەزدە دە بەيل بىلگەنىنەن جاڭىلمادى. ول كريشتيانۋدان مىقتى وينادى. الايدا, سول پورتۋگالياعا جەڭىلىپ قالدى. رەمزيدىڭ جوقتىعى كەرى اسەرىن بەردى. سوندىقتان دا وسى تۋرنيردە ۇزدىك دەپ مەن بەيلدى ايتار ەدىم.
4.بۋففون, بارتساللي – بونۋچچي – كەليني, ماريۋ – پوگبا – ازار –دجۋدجاك بەيل – كريشتيك.
داستان كەنجالين
absoluttv.ru[/caption]
جاقىندا ءبىر اي بويى فرانتسيادا وتكەن فۋتبول تويى دا مارەسىنە جەتتى. «تويدىڭ بولعانىنان بولادىسى قىزىق» دەمەكشى, فۋتبول جانكۇيەرلەرى وسى تەڭبىل دوپ دوداسىن اسىعا كۇتتى. ەندى, مىنە ءبىز اسىعا كۇتكەن ەۋروپا چەمپيوناتى كوزدى اشىپ جۇمعانشا ىلەزدە وتە شىقتى. بيىلعى چەمپيوناتقا 24 ەلدىڭ ۇلتتىق قۇراما كوماندالارى قاتىستى. سونىڭ ىشىندە جارىسقا ۋەلس, سولتۇستىك يرلانديا, سلوۆاكيا, البانيا, يسلانديا قۇرامالارى العاش رەت قاتىسىپ, باق سىناستى. ال چەمپيوناتتىڭ قىزىقتى-قىزىقسىز وتكەنى تۋرالى كوپ ايتۋعا بولادى. توپتىق تۋرنيردە گولدار از سوعىلسا, پلەي-وفف كەزەڭىندە كوماندالار شيراپ, قىزىقتى دا تارتىستى ويىندار كورسەتە باستادى. ءبىز چەمپيوناتتىڭ قالاي وتكەنى تۋرالى بەلگىلى سپورت جۋرناليستەرىنەن سۇراپ, بىرنەشە سۇراق قويعان ەدىك. ەندى سونى نازارلارىڭىزعا ۇسىنامىز.
1. بيىلعى ەۋروپا چەمپيوناتىنان قانداي اسەر الدىڭىز؟ كوڭىلدەگىدەي ءوتتى مە؟
2.ەۋروپا چەمپيونى اتاعىنا قاي كوماندا لايىق ەدى؟ پورتۋگاليانىڭ ويىنى تۋرالى ايتىپ بەرسەڭىز.
3.ەۋرو دوداسىندا 24 كوماندا بولعان دۇرىس پا, 16 ما؟ چەمپيوناتتىڭ ۇزدىك ويىنشىسى دەپ كىمدى ايتار ەدىڭىز؟
4.ەۋروپا چەمپيوناتىنىڭ سيمۆوليكالىق قۇراماسىن ايتىپ بەرەسىز بە؟
[caption id="attachment_50869" align="aligncenter" width="374"] facebook.com[/caption]
نۇرعازى ساساەۆ, sportsffa.kz ساراپتامالىق پورتالىنىڭ رەداكتورى
1.بيىلعى ەۋروپا چەمپيوناتىندا كوڭىلدەن شىعاتىن دا, شىقپايتىن دا ويىندار بولدى. ايتسە دە, تاماشا تاكتيكالىق ويىن ۇلگىلەرىن كوردىك. «زامانىڭ تۇلكى بولسا, تازى بولىپ شال» دەگەندەي, ازۋلى قارسىلاستارىنان ايلاسىن اسىرىپ, ۇجىمدىق ويىن ۇلگىسىن كورسەتكەن قۇرامالاردىڭ ويىندارىنا ءتانتى بولدىق. ارينە, جەكەلەي جۇلدىزدارىنا سەنىم ارتقان كوماندالار دا بولدى. ەڭ باستىسى, وزىمىزگە ۇلگى تۇتۋعا بولاتىن ۇلتتىق قۇرامالاردى, ولاردىڭ جانكەشتىلىكتەرى مەن اۋىزبىرلىكتەرىن تەلەەكران ارقىلى بولسا دا, كوزبەن كوردىك. يسلانديا مەن ۋەلستىڭ قايسار جىگىتتەرىنە قاراپ سۇيسىندىك. فۋتبولشىلارى مەن جانكۇيەرلەرى اراسىنداعى سىي-قۇرمەتكە قىزىعا قاراپ, رۋحاني ءلاززات الدىق. «قاش-شان, ءبىز دە وسىلاي قۋانىشقا بولەنەر ەكەنبىز» دەپ تامساندىق تا. بارىنەن دە وسى (سوڭعىسى) باسىمىراق بولدى...
2.ەۋروپا چەمپيوناتىنا لايىق قۇراما كوپ ەدى. بىراق «باق شاباما, باپ شابا ما» دەگەندەي, سولاردىڭ اراسىندا بولماسا دا, بيىل پورتۋگاليانىڭ اسىعى الشىسىنان ءتۇستى. بالكىم, چەمپيوندىق ويىن ۇلگىسىن كورسەتپەدى دەيتىندەر بولار. تولىق كەلىسەمىن. بىراق قازاقتا «جۇگىرگەن المايدى, بۇيىرعان الادى» دەگەن دە ماتەل بار. ءيا, ولار ءوز توبىنان اۋپىرىممەن شىقتى. ودان كەيىن كىل مىقتىلارمەن فينالعا دەيىن جولى تۇيىسكەن جوق. بۇل دا باعىنىڭ جانىپ, ايىنىڭ وڭىنان تۋعانىن بىلدىرەدى. سپورتتىق باپتارىنا ەۋرودودا بارىسىندا كەلىپ, فينالعا كوپ شارشاماي, شالدىقپاي جەتتى... ءبىر قىزىعى, بيىلعى ەۋروپا چەمپيوناتىندا قازاقى "مۇشەل جاس" بولدى. بۇل ءۇردىس سوناۋ 1992 جىلدان باستالعان. قازاق ەلى ەگەمەندىگىن العاننان بەرى دەيىكشى. ياعني, 12 جىل سايىن ەۋرو دوداسىندا قۇرلىق چەمپيونى بولىپ كورمەگەن قۇراما توپ جارىپ ءجۇر. اتاپ ايتقاندا, 1992 جىلى ەشكىم مۇلدە ويلاماعان دانيا چەمپيون بولدى. تۋرا 12 جىلدان كەيىن, ياعني 2004 جىلى تاعى دا ەشكىم كۇتپەگەن گرەكيانىڭ جۇلدىزى جاندى. تاعى ءبىر "مۇشەل جاس"... 2016 جىل... حورۆاتيا ما, الدە بەلگيا ما دەپ ەدىك. جوق – پورتۋگاليا. ەيسەبيونىڭ ارۋاعى قولدادى ما, بيىل وسى ەلدىڭ فۋتبولشىلارىنىڭ باعى جاندى.
3.ءوزى ۋەفا قۇرامىندا 55 مەملەكەت قانا بار. سونىڭ جارتىسىنان استامى فينالدىق كەزەڭدە وينادى. بۇل تىم ارتىقتاۋ, ارينە. 1984 جانە 1988 جىلعى ەۋروپا چەمپيوناتتارى قانداي ەدى؟! فينالدىق كەزەڭدە سايدىڭ تاسىنداي ىرىكتەلگەن سەگىز قۇراما عانا وينايتىن. ءاربىر ويىنى فينال ىسپەتتى بولاتىن. ول كەزدە الەم چەمپيوناتىنىڭ دەڭگەيى دە “كارتامىس عالام” بىرىنشىلىگىنىڭ جانىندا ءجىپ ەسە الماي قالاتىن. 1996 جىلدان باستاپ, فينالدا 16 قۇراما وينايتىن بولدى. بيىلدان باستاپ – 24 كوماندا. ءسانى كەتىپ بارا جاتقانداي... بيىلعى چەمپيوناتتىڭ ۇزدىك ويىنشىسى انتۋان گريزمانن دەپ ويلايمىن. گولدى دا بارىنەن كوپ سوقتى. جارتىلاي فينالدا گەرمانيا قۇراماسىنىڭ قاقپاسىنا ەكى دوپ سوققانى – ەرەن جەتىستىك. جالپى, ءوزىمنىڭ دە بويىم بيىك بولماعاندىقتان با, فۋتبول الاڭىندا ءوز ونەرىنە تورتكۇل دۇنيەنى ءتانتى قىلىپ جۇرگەن شاعىن دەنەلى فۋتبولشىلاردى جاقسى كورەمىن...
4.بۇل ەندى ناعىز سيمۆوليكالىق قۇراما بولا قويار ما ەكەن. سەبەبى ارقايسىمىز وزىمىزگە ۇنايتىن فۋتبولشىلاردى اتايمىز عوي. ءارى سۇيىكتى فۋتبولشىلارىمىزدىڭ بارلىعى دەرلىك ۇجىمدىق ويىن ورنەگىن ۇيىمداستىراتىن جانە ۇيلەستىرەتىن – جىگىتتەر. «قارا جۇمىستى» اتقاراتىندار تىس قالادى. وسىدان بىرنەشە جىل بۇرىن, قازىر كوممەنتاتور بولىپ جۇرگەن ءبىر ارىپتەسىمىز ايتىپ ەدى, «جاس كەزىمدە وزىمە ۇنايتىن ويىنشىلاردان سيمۆوليكالىق قۇراما جاساتايتىنمىن, كەيىن سول جازعاندارىمدى وقىسام, ءبارى دە شابۋىلشى ەكەن, ءتىپتى قاقپاشى دا جوق بولىپ شىقتى» دەپ. سونىڭ كەرى بولماسا دا, سوعان جەتەقابىل بولعالى تۇر-اۋ... دەسەك تە, 4-3-3 جانە 4-5-1 سۇلباسىندا ويناۋعا بولاتىن امبەباپ قۇراما “قۇرادىم” دەپ ويلاپ وتىرمىن, وزىمشە: بۋففون – حەكتور, كەليني, بارتسالي, سرنا; پوگبا, رەمسي, پەريشيچ; گريزمانن, بەيل; كريشتيانۋ رونالدۋ.
[caption id="attachment_50871" align="aligncenter" width="500"] facebook.com[/caption]
ارداق توعىموۆ, مادەنيەت جانە سپورت مينيسترلىگى سپورت جانە دەنەشىنىقتىرۋ ىستەرى كوميتەتى شتاتتاعى ۇلتتىق كوماندالار جانە سپورت رەزەرۆى ديرەكتسياسىنىڭ ءباسپاسوز حاتشىسى
1.باستاپقىدا چەمپيوناتتاعى ويىندار ۇنامادى. شىنىن ايتۋ كەرەك, كوپ دوپ سوعىلمالدى, ءىش پىستىراتىن ويىندار كوپ بولدى. ال پلەي-وفف كەزەڭىنەن باستاپ كوماندالار اشىلا باستادى. ءبىراز سەنساتسياعا تولى ماتچتاردى دا كوردىك. جالپى, چەمپيوناتقا كونىلىم تولدى دەيمىن.
2.باسىندا گەرمانيا چەمپيون اتانادى دەپ بولجام جاساعان ەدىم. وكىنىشكە قاراي, جارتىلاي فينالدا ولار الاڭ يەلەرىنەن جەڭىلىپ قالدى. يتاليانىڭ ويىنى ۇنادى. سەنساتسيا جاساعان يسلانديا مەن ۋەلستىڭ ويىندارىنا دا ءبارىمىز تاڭ-تاماشا بولدىق. ال پورتۋگاليانىڭ ارمانى جوق. توپتان ارەڭ دەگەندە شىعىپ, كەيىن قوسىمشا ۋاقىتتا نەمەسە پەنالتي سەرياسىندا قارسىلاسىن جەڭىپ, فينالعا شىقتى. فينالدا دا سولاي جەڭىسكە جەتتى-اۋ... ولاردىڭ ەڭبەگى زور.
3.ارينە, 24 كوماندا وتە كوپ. ەۋروپا چەمپيوناتىنىڭ ىرىكتەۋ كەزەڭىنە ۋەفا-عا مۇشەلەرى 54 ەلدىڭ كومانداسى قاتىسسا, سونىڭ تەڭ جارتىسىنان ءسال كوپ كوماندا قۇرلىقتىق دوداعا شىعا بەرەدى دەگەن ءسوز عوي... 16 كوماندا - ەڭ دۇرىس شەشىم بولار ەدى. ءتىپتى كەزىڭدە ەۋرو باسەكەسىندە 8 كوماندا عانا ويناۋشى ەدى. ۇزدىك ويىنشى, مەنىڭ ويىمشا ول – پەپە!
4.قاقپاشى – رۋي پاتريسيۋ, قورعاۋشىلار – پەپە, كاسيلياني, دراحسلەر, پيكە, جارتىلاي قورعاۋشىلار – رەناتۋ سانچەش, گريزمانن, پايە, شاكيري, شابۋىلشىلار – رونالدۋ مەن بەيل.
[caption id="attachment_50873" align="aligncenter" width="500"] facebook.com[/caption]
ساكەن سىبانباي, «الماتى اقشامى» گازەتىنىڭ ءجۋرناليسى
1.اسەرىم جاقسى. ءبىراز قىزىقتى ويىندار تاماشالادىق, ءتۇرلى درامالىق جاعدايلاردى كوردىك, سەنساتسيالار دا جەتكىلىكتى بولدى. شىن جانكۇيەرگە بۇدان ارتىق كوپ نارسە دە كەرەگى جوق-اۋ. اسىرەسە گەرمانيا – يتاليا (1:1), گەرمانيا – فرانتسيا (0:2), ۆەنگريا – پورتۋگاليا (3:3), ۋەلس – بەلگيا (3:1), فرانتسيا – يسلانديا (5:2) سەكىلدى كوز قۋانتار ويىنداردى ەرەكشە اتاپ وتەر ەدىم. ۇناماعان تۇسى – پلەي-وفف كەزەڭىندەگى كەيبىر ناتيجەلى ويىندار بولماسا, جالپى العاندا, گول وتە از سوعىلدى. بۇرىنعى فورمات بويىنشا 31 ماتچتا شامامەن 75-80 گول قاقپاعا سوعىلسا, بيىل 51 كەزدەسۋدە سونداي مولشەرمەن كەمىندە 125 دوپ سوعىلاتىن شىعار دەپ ويلاعانمىن. ءسويتىپ, ەۋرو تاريحىنداعى 700-گول دا فرانتسيا جاسىل الاڭدارىندا سوعىلار دەپ كۇتكەن ەدىم. وكىنىشكە قاراي, ولاي بولمادى. 24 كوماندا جابىلىپ ءجۇرىپ 108-اق گول سوقتى (ورتا ەسەپپەن ءار ويىنعا 2,11 گولدان كەلەدى). بۇل – ەۋرو تاريحىنداعى ەڭ تومەنگى كورسەتكىشتەردىڭ ءبىرى (تەك 1980 جانە 1996 جىلدارى عانا بۇدان دا ناشار ناتيجە تىركەلگەن).
2.تۋرنير باستالماي جاتىپ, ەلدىڭ اۋزىنان تۇسپەيتىن فاۆوريتتەر بولادى. بىراق سولاردىڭ كەيبىرى كەيىن دودا بارىسىندا ەل كۇتكەن ۇدەدەن شىقپاي جاتادى. سوندىقتان الدىن الا عانا ەمەس, چەمپيونات بارىسىندا ءوزىنىڭ التىن جۇلدەنى الۋعا لايىقتىعىن ويىنىمەن دالەلدەگەن ەكى كوماندانى ايتايىن.
ءبىرىنشىسى – گەرمانيا. ورتالىق شابۋىلشى پوزيتسياسى بولماسا, باسقا جاعىنان ەش ءمىنسىز جاساقتالعان كوماندا. ماريو گومەس جاراقاتتانىپ قالماعاندا, بۇل پوزيتسيا ءۇشىن دە اسا الاڭداماۋعا بولار ەدى. جارتىلاي فينالداعى ەڭ وسال تۇس وسى بولدى. ايتپەسە نەمىستەر گول سوعارلىقتاي ۇرىمتال ساتتەردەن كەندە بولعان جوق. تەك شىرق ۇيىرىلگەن شابۋىل قۇيىنىنا نۇكتە قويارلىق مەرگەن تابىلمادى. ويىن جاعىنان بارىنەن وزىق تۇردى. دوپتى بۇلارداي شەبەر جەتەكتەيتىن كوماندا ىلۋدە بىرەۋ شىعار.
ەكىنشىسى – يتاليا. قورعانىسى بەرىك, العا دا, ارتقا دا بىردەي ءمان بەرەتىن, وتە جىلدام, ءارى كۇش-قۋاتى تاسىعان كوماندا. توپتاعى يرلانديامەن كەزدەسۋ بۇل ەسەپكە سانالمايدى, ويتكەنى, وندا نەگىزىنەن قوسالقى قۇرام وينادى. باسقا ماتچتارىنىڭ بارىندە دە ماقساتتى, جىگەرلى قيمىلىمەن ەرەكشەلەندى. تەك پەنالتيدى دۇرىستاپ تەبە الماعان ويىنشىلارىنىڭ كەسىرىنەن زيان شەكتى. ايتپەسە وتە ۇيىمشىل ويىن كورسەتكەن يتاليا, اسىرەسە قولىنان كەلگەنىنىڭ ءبارىن ىستەگەن دجانلۋيدجي بۋففون التىن جۇلدەگە ابدەن لايىق ەدى.
ال پورتۋگالياعا كەلسەك, ولاردىڭ ويىنى تۋرالى تۇبەگەيلى تۇجىرىم ايتۋ قيىن. ايتەۋىر بەيتاراپ جانكۇيەردىڭ جانىن راحاتقا بولەيتىن ويىن كورسەتە قويماعانى انىق. توپتىق كەزەڭدە ءوز دەڭگەيىنەن وتە تومەن وينادى. تەك ۆەنگريامەن كەزدەسۋدە, توپتان شىعا الماۋ قاۋپى تونگەندە عانا جانتالاستى. پلەي-وففتىڭ باستاپقى ويىندارىندا دا كەرەمەتتەي كوز قۋانتا قويعان جوق, ءىلىنىپ-سالىنىپ ءجۇرىپ جارتىلاي فينالعا جەتتى. ۋەلستى عانا ايقىن باسىمدىقپەن جەڭدى. ال فينالدا مىنەز كورسەتتى. الاڭدا وتە تىعىز ورنالاسىپ, گريزمانن, جيرۋ, پايەتتەردىڭ ادىمىن تۇساي الدى, ولاردىڭ دوپتى ەركىن قابىلداۋىنا مۇرشا بەرمەدى. جالپى شەشۋشى كەزەڭگە تاياعان سايىن پورتۋگاليانىڭ قاقپاشىسى – مىقتى ويناي ءتۇستى, قورعانىسى – الگى ۆەنگرلەرمەن «سەمسەرلەسۋدەن» سوڭ, ءىشىنارا قۇرامىن اۋىستىرىپ, ساق تا ساۋاتتى قيمىلدادى, ورتاڭعى شەپتىڭ ويىنىن ورىمدەي جاس رەناتۋ سانچەش جانداندىردى, شابۋىلدا بار سەنىم كريشتيانۋ رونالدۋدىڭ وزىنە ارتىلدى. ويىن جاعىنان چەمپيوندىققا قانشالىقتى لايىق ەكەنىن اركىم ءوزى شامالار, بىراق ۇنەمى كومبەگە قولسوزىم تۇستا سۇرىنەتىن كوماندانىڭ, فۋتبول تاريحىنا ەيسەبيو, فيگۋ سەكىلدى تاماشا ۇلدارىن ۇسىنعان ەلدىڭ, كلۋبتىق دەڭگەيدە ۇتپاعانى جوق ۇلى ويىنشى كريشتيانۋ رونالدۋدىڭ اقىرى ءويتىپ-ءبۇيتىپ التىنعا قول جەتكىزۋىنەن پالەندەي ادىلەتسىزدىك كورىپ تۇرعان جوقپىن. ونىڭ ۇستىنە, فرانتسيا دا فينالدا چەمپيونعا لايىق ويىن كورسەتكەن جوق.
3.ەۋرو-2016 دوداسىنىڭ جالپى العاندا جامان وتپەگەنىنە قاراماستان, مەن بۇرىنعى 16 ۇزدىك قانا قاتىساتىن فورماتتى قولدايمىن. ۋەفا-نىڭ 55 مۇشەسى بار. 24 – سولاردىڭ جارتىسىنا جۋىعى دەگەن ءسوز. فينالدىق تۋرنيرگە سونشاما كوماندانىڭ قاتىسۋى ءتۋرنيردىڭ جالپى دەڭگەيىن السىرەتە مە دەيمىن. راس, دەبيۋتانتتاردىڭ ەشقايسىسى دا ماسقاراعا ۇشىراعان جوق, قايتا ءبارى دە ولىسپەي-بەرىسپەس قايسار مىنەز كورسەتتى, تىستەسىپ-شايناستى-اق. يسلانديا مەن ۋەلس ءتىپتى جارتى الەمدى تاڭ قالدىردى. بىراق 24-ءتىڭ ىشىنەن 8 ءالسىزدى شىعارىپ تاستاۋ ءۇشىن عانا ءۇش اپتا اۋرە بوپ, 36 ويىن وتكىزۋ ءوزىن-ءوزى اقتاعانىنا سەنىمسىزبىن. ودان دا ەڭ مىقتى 16 قۇراما قاتىسقانى ءجون دەر ەدىم. سوندا ويىننىڭ ءبارى تارتىستى بولادى, توپتا 3-ورىن العان كوماندا جارىستى جالعاستىرمايدى. بىراق ول جاعىن شەشەتىن ءبىز ەمەس قوي...
مەن ءۇشىن چەمپيوناتتىڭ ەڭ ۇزدىك ويىنشىسى – اارون رەمزي. ءوز باسىم ونىڭ الاڭ ورتاسىنداعى ويلى قيمىلىنا, دوپتى كوماندالاسىنا بەرە سالىپ, لەزدە اشىلا قوياتىن سۇڭعىلالىعىنا, پاستى سەرىگىنىڭ اياعىنا وتە ىڭعايلى ەتىپ بەرەتىنىنە, شەشۋشى (ناتيجەلى) پاستى شىعارۋ الدىندا ارىپتەسى وفسايدتا قالماۋى ءۇشىن قاجەتتى پاۋزا ۇستاي بىلەتىنىنە, دوپسىز ءجۇرىپ-اق قاي قارسىلاسىنان قاۋىپ تونەرىن الدىن الا سەزىپ, ونىڭ جولىن بوگەۋگە ۇمتىلاتىنىنا كەرەمەت ريزا بولدىم. كىم بىلەدى, ەگەر ول جارتىلاي فينالدا الاڭعا شىققاندا, ءبارى باسقاشا بولار ما ەدى...
دەگەنمەن, ءدۇبىرلى دودانىڭ ءدۇلد ۇلى – فيناليستەردىڭ ساپىنان شىققانى ءجون شىعار. وندا فرانتسۋز انتۋان گريزمانن مەن پورتۋگالدىق پەپەنى اتايمىن. ءبىرىنشىسى قاشاندا قاقپا الدىنداعى قاربالاس ءساتتىڭ ءدال ورتاسىنان تابىلاتىن جانكەشتىلىگىمەن, گول سوعار مەزەتتى سەزە بىلەتىن مەرگەندىگىمەن ءتانتى ەتتى, بۇگىنگى اسىرەساق فۋتبولدا 7 ويىندا 6 گول سوعۋ – ەرلىككە بارابار ءىس. ەكىنشىسى كومانداسىنىڭ شابۋىلداعى ويىنى جۇرمەي جاتقاندا, بار سالماقتى وزىنە قابىلداعان قورعانىس شەبىنىڭ قولباسشىسى بولا ءبىلدى.
4.قاقپاشى – دجانلۋيدجي بۋففون (يتاليا). قورعاۋشىلار – لەوناردو بونۋچچي (يتاليا), لوران كوسەلني (فرانتسيا), پەپە (پورتۋگاليا), يوناس حەكتور (گەرمانيا). جارتىلاي قورعاۋشىلار – اارون رەمزي (ۋەلس), توني كرووس (گەرمانيا), يۆان پەريشيچ (حورۆاتيا). شابۋىلشىلار – كريشتيانۋ رونالدۋ (پورتۋگاليا), انتۋان گريزمانن (فرانتسيا), گارەت بەيل (ۋەلس).
[caption id="attachment_50874" align="aligncenter" width="500"] facebook.com[/caption]
ەسەي جەڭىس ۇلى, «ايقىن» گازەتىنىڭ ءجۋرناليسى, سپورت كوممەنتاتورى
1.ماعان ۇنادى. 24 كوماندانىڭ قاتىسۋى, ءىىى ورىن العان كوماندالاردىڭ پلەي-وففقا شىعۋى كۇتپەگەن ناتيجەلەر اكەلدى. جارىس فاۆوريتتەرىنىڭ بىرىنەن كەيىن ءبىرى سىپىرىلىپ جولدا قالۋى, ەسەسىنە تۋرنيرگە تۇڭعىش قاتىسقان 5 قۇرامانىڭ تورتەۋى شەشۋشى كەزەڭگە شىعۋى, يسلانديانىڭ انگليانى ۇتۋى, ۋەلستىڭ قولا جۇلدە يەلەنۋى وتە قىزىقتى بولدى. جالپى الەم فۋتبولىنىڭ باعىت-باعدارىن ايقىنداپ وتىرعان ەۋروپا قۇرلىعىندا قۇرامالار دەڭگەيى تەڭەسىپ قالعانىنا قۋاندىم. ال كريشتيانۋ رونالدۋدىڭ قۇرامامەن ۇلكەن تابىسقا جەتۋى ءتىپتى كەرەمەت.
2.مەنىڭ ويىمشا, كورسەتكەن ويىنى جاعىنان قۇرلىق چەمپيونى اتاعىنا يتاليا, گەرمانيا جانە فرانتسيا قۇرامالارى لايىق بولدى. يتاليا اۋەلدەن ءتاستۇيىن ويىن كورسەتسە, گەرمانيا قىزا شاپتى. ال فرانتسيا اۋەلى جەڭىسكە زور جىگەرمەن جەتىپ جۇرسە, بىرتە-بىرتە ناعىز بابىنا كەلدى. بىراق مىقتىلار عانا ۇتا بەرسە, ەشبىر سپورتتا قىزىق قالماس ەدى. سوندىقتان جارتىلاي فينال مەن فينالدى وتە جاقسى وتكىزگەن پورتۋگاليانىڭ چەمپيون اتانۋىنا كۇمانمەن قاراماق ەمەسپىن. جىگىتتەر ءبىر ماقساتقا جۇمىلدى, ءتۋرنيردىڭ بارلىق مۇمكىندىگىن سارقا پايدالاندى. جىلدار وتكەن سوڭ ولاردىڭ نەگىزگى ۋاقىتتا ءبىر عانا ماتچتا ۇتقانى ەمەس, چەمپيون اتانعانى عانا ەستە قالادى. سوندىقتان «قولىنان كەلىپ, قونىشىنان باسقان» فەرناندۋ سانتۋش شاكىرتتەرىنە شىن ىقىلاسپەن قول سوعامىن.
3.مەنىڭ ويىمشا, 16 ۇزدىك بولعانى دۇرىس. بىراق شەشىم قابىلدانعان ەكەن, سوعان باعىنۋعا ءتيىسپىز. 24 ۇزدىك ساپىنا تۇڭعىش رەت ەنىپ, ايدى اسپانعا شىعارعان ۋەلس, يسلانديا, سولتۇستىك يرلانديا, سلوۆاكيا قۇرامالارىنىڭ سىندى بۇزباعانىنا دا كوڭىلىم توق. قالايدا پايدا ءتۇسىرۋدى كوزدەيتىن زامان عوي, سوندىقتان ۋەفا-نىڭ بۇل شەشىمى دە ءبىراز ۋاقىت ءومىر سۇرۋگە ءتيىس شىعار. مەنىڭشە, ءتۋرنيردىڭ ۇزدىك فۋتبولشىسى – گارەت بەيل. بوساعادا جاتقان قۇرامانى تورگە سۇيرەگەن ەر بەيلدەي-اق بولار.
4.بۋففون, سەدريك-بارتسالي-بونۋچچي-سەۆارسسون, گۋننارسسون-پايە-گريزمانن-بەيل, كريشتيانۋ رونالدۋ.
[caption id="attachment_50875" align="aligncenter" width="420"] facebook.com[/caption]
ريشات تۇرعانباەۆ, «جەتىسۋ» گازەتىنىڭ سپورت شولۋشىسى
1 – 2. وتە جاقسى əسەر الدىم. توپتىق كەزەڭدە ءبىراز كوڭىل تۇسىرەتىن كەزەڭدەر بولعان. ارتىنشا تارتىستى ويىنداردىڭ كۋəسى بولدىق. پورتۋگاليانىڭ ويىنى ايتارلىقتاي كەرەمەت بولدى دەۋگە كەلمەيدى. تەك قىپشاقتارمەن اراداعى ويىن عانا تارتىستى ءوتتى.
3.مەنىڭشە 24 كوماندا دۇرىس. چەمپيوناتقا جاڭا شىققان ۋەلس, ۆەنگريا, يسلانديا سەكىلدى كوماندالارعا مۇمكىندىك. گريزمانن, پايە, پوگبانىڭ ويىنى ۇنادى.
4.چەمپيوناتتىڭ سيمۆوليكالىق كومانداسى – گەرمانيا قۇراماسى.
[caption id="attachment_50876" align="aligncenter" width="700"] facebook.com[/caption]
قانات بازىلحان, «حابار» تەلەارناسىنىڭ سپورت شولۋشىسى
1.بۇل چەمپيونات تۇڭعىش رەت جاڭا جۇيە بويىنشا ءوتىپ, قاتىسۋشى قۇرامالار سانى دا 24-كە ارتتى. قازىر وسى شەشىم قانشالىقتى ءوزىن اقتادى دەگەن ساۋال توڭىرەگىندە پىكىرتالاستار كوپ. ۋەفا كوبىرەك پايدا تابۋدى ويلاپ, ءوز ماقساتىنا جەتتى. كوپتەگەن ءالسىز قۇرامالار مۇمكىندىك الىپ, ۇلكەن سىنعا ارالاستى. سوندىقتان قازاقستان سەكىلدى ءالسىز كومانداعا مۇمكىندىك تۋدى. وسى جاعىنان قۋانۋعا بولادى. ال, بىراق فۋتبولدان اناۋ ايتقانداي كەرەمەت اسەر المادىق. بۇرىنعى جۇيە جاقسى ەدى. بىرىنەن ءبىرى وتەتىن كەرەمەت ويىندار بولاتىن.
2.ەندى توپتىق كەزەڭدە بىردە-ءبىر ويىندى ۇتا الماي, نەگىزگى ۋاقىتتا تەك جارتىلاي فينالدا جەڭىسكە جەتكەن پورتۋگاليانىڭ چەمپيون اتانۋى شىنىن ايتقاندا كەزدەيسوق جاعداي عوي. جەڭىسكە جەتۋدىڭ ءتۇرلى جولى بار. بىراق قۇرلىقتىڭ ەڭ تاڭداۋلى قۇرامالارى اراسىندا چەمپيونعا ءتان ويىندار كورسەتكەن قۇرامالار جەتەرلىك. بۇل ۇجىمعا جەرەبە دە جولداس بولدى. شىن مانىندە بۇل باس جاتتىقتىرۋشى فەرناندۋ سانتوشتىڭ جەڭىسى. بۇعان دەيىن قۇرامانىڭ ويىنىنا ۇيلەسە الماي جۇرگەن جۇلدىز رونالدۋدىڭ ءوزىن قارا جۇمىسقا شەكتى. ناتيجەسىندە قورعانىسى مىعىم كوماندا جاساقتادى. ال جالپى ويىندارى جانكۇيەرلەرگە ۇناعان جوق. چەمپيوندىق اتاققا لايىق ەمەس دەگەن تىم قاتالداۋ, ويىندارى كەرەمەت بولدى دەپ ايتا المايسىز.
3.ەندى 24 كوماندا ۇيىمداستىرۋشىلار ءۇشىن دۇرىس بولدى. قارجى جاعىنان پايداعا كەنەلدى. ال, 53 قۇرامانىڭ تەڭ جارتىسىنىڭ قۇرلىق چەمپيوناتىنا قاتىسقانى اسا قىزىق بولمادى. «ۇساق» كوماندالارعا ۋاقىتشا قۋانىش سىيلاعان شىعار. بىراق چەمپيوناتتىڭ دەڭگەيى ارتپادى. الدا بۇل جۇيە قيىندىق تۋدىرادى. سەبەبى, ەۋروپادا 24 قۇرامانى قابىلداي الاتىن ەلدەر سانى شەكتەۋلى. سوندىقتان سول چەمپيوناتتى 16 كوماندامەن وتكىزۋ ىڭعايلى ءارى تارتىستى بولاتىن ەدى. ال بۇل ءتۋرنيردىڭ ۇزدىك ويىنشىسى انتۋان گريزمانن. سەبەبى ول بارىنەن كوپ گول سوقتى.
4.قاقپاشى بۋففون. سوسىن يتاليانىڭ ءۇش قورعاۋشىسى بونۋچچي, باردزالي, كەلليني. ولار ءوز مىندەتتەرىن ادال اتقارىپ, كوماندانى شيرەك فينالعا دەيىن سۇيرەدى. ورتالىق شەپتە نەمىس توني كرووس پەن ديميتري پايە مەن ماتيۋيدي بار. ون سەگىز جاسار پورتۋگاليالىق رەناتۋ سانچەشتى دە ايتۋعا بولادى. العى شەپتە گريزماننان بولەك, رونالدۋ مەن بەيلدىڭ ويىنى ۇنادى.
[caption id="attachment_50884" align="aligncenter" width="500"] facebook.com[/caption]
اسقار اعاتاەۆ, aktausport.kz اقپاراتتىق – سپورت پورتالىنىڭ رەداكتورى, سپورت ءجۋرناليسى
1.مىنە, ءبىر ايعا سوزىلعان ەۋروپا چەمپيوناتى دا مارەسىنە جەتتى. ەندى ۇيىمداستىرۋ جاعىنان ەۋرو دوداسى وتە تاماشا ءوتتى. بىراق 24 كوماندا ەۋروپا چەمپيوناتى ءۇشىن تىم كوپ. مەنىڭ ويىمشا بۇرىنعى 16 كوماندالىق فورماتتى قايتا قاراستىرۋ قاجەت سياقتى. ويتكەنى, البانيا, رۋمىنيا, سولتۇستىك يرلانديا سەكىلدى كوماندالاردىڭ ويىنى ءىش پىستىراتىنداي بولدى. ارينە, ۋەفا-نى دا تۇسىنۋگە بولادى. بۇل ۇيىم كوماندالاردى كوبەيتۋمەن ءبىراز پايدا تاپتى ءارى فۋتبول ەندى عانا دامىپ كەلە جاتقان ەلدەرگە جاقسى مۇمكىندىك بەردى. دەگەنمەن, فۋتبول تويى جاقسى ءوتتى, كوڭىلىمنەن شىقتى.
2.دوپ دومالاق دەمەكشى, ءبىر كوماندا ەۋروپا چەمپيونى بولۋعا لايىقتى دەپ ايتا المايمىن. سەبەبى, تۋرنيردە چەمپيون بولۋعا جوق دەگەندە 3 كوماندا لايىق ەدى. ولار – گەرمانيا, يتاليا, فرانتسيا. پورتۋگاليا مەن فراتسيانىڭ دا توپتىق تۋرنيردەگى ويىندارى كوڭىلىمنەن شىقپادى. اسىرەسە, پورتۋگاليا سياقتى توپتىق تۋرنيردە ءبىر ويىندى جەڭبەگەن كوماندا چەمپيون بولۋعا لايىقتى دەپ ايتا المايمىن. پەپە مەن رونالدۋ ءۇشىن قۋانىشتىمىن. اتى الەمگە ايگىلى ەيسەبيونىڭ ارۋاعى دا بىر اۋناپ قالعان شىعار.
3.چەمپيوناتتا 24 كوماندانىڭ بولعانىنا قارسىمىن. 16 قۇراما بولعانى دۇرىس. 16 جاساق بولسا, چەمپيونات قىزىقتى دا تارتىستى وتەدى. ال 24 كوماندا جالىقتىرىپ جىبەرەدى. تۋرنير دە تىم ۇزاپ كەتەدى. ەۋروپا چەمپيوناتىندا مەن ءۇشىن سەنساتسيا بولعان كوماندا ول ارينە, ۋەلس. ال كوڭىلىمنەن شىققان قۇراما ول – انگليا. اعىلشىنداردىڭ قۇراماسىندا جاقسى, جاس ويىنشىلار كوپ بولدى. سوعان قاراماستان ولار 8/1 فينالدا ءسۇرىنىپ قالدى.
چەمپيوناتتىڭ ۇزدىك ويىنشىسى دەپ يتاليا قۇراماسىنىڭ قاقپاشىسى بۋففون مەن پورتۋگاليا كومانداسىنىڭ قورعاۋشىسى پەپەنى ايتا الامىن. پورتۋگاليانىڭ قورعانىستاعى كەرەمەت ويىنى وسى پەپەنىڭ ارقاسى. جەڭىستىڭ 20 پايىزى دا وسى جىگىتتىڭ ەنشىسىندە.
4.قاقپاشى – دجانلۋيدجي بۋففون (يتاليا), ورتادا قورعاۋشىلار –پەپە (پورتۋگاليا) مەن كەليني (يتاليا), سول جاقتاعى قورعاۋشى – حەۆەداس (گەرمانيا), وڭ جاقتاعى قورعاۋشى – باكاريك سانيا (فرانتسيا), ورتالىق جارتىلاي قورعاۋشىلار – دە روسسي (يتاليا) مەن ارون رەمزي (ۋەلس), حەكتور (گەرمانيا) ەدەن ازار (بەلگيا), شابۋىلشىلار – گريزمانن (فرانتسيا) مەن كريشتيانۋ رونالدو (پورتۋگاليا).
[caption id="attachment_50885" align="aligncenter" width="700"] facebook.com[/caption]
ەركىن شاكىر ۇلى, «قازاقستان» ۇلتتىق تەلەارناسىنىڭ ءجۋرناليسى
1.بيىلعى ەۋروپا چەمپيوناتى قىزىقسىز ءوتتى. بارلىق ويىنداردى ۇزبەي, تولىق قارادىم. چەمپيونات قارجىلىق جاعىنان فرانتسيا ءۇشىن ءتيىمدى بولعان شىعار. ال جانكۇيەرلەر ءۇشىن تارتىستى بولمادى دەگەن ويدامىن.
2.پورتۋگاليا لايىق. 2004 جىلى گرەكيا قانداي بولسا, بيىل پورتۋگاليا دا سولاي چەمپيون اتاندى. دايىندىعى جوعارى بولدى. سوڭعى ەكى ماتچتا وزدەرىن كورسەتە ءبىلدى. فرانتسيا نەمەسە يتاليا قۇرمەت تۇعىرىنىڭ ەڭ بيىك ساتىسىنا كوتەرىلۋگە لايىق كوماندالار دەر ەدىم.
3.24 كوماندا شىنىندا دا كوپ. ۋەلس, ۆەنگريا, سلوۆاكيا, البانيا سىندى ورتاڭقول قۇرامالاردىڭ شىعۋىنا جول اشتى. كوممەرتسيالىق تۇرعىدا وتە ءتيىمدى جوبا. دەگەنمەن قىزىقتى ويىندار بولدى. چەمپيوناتتىڭ ۇزدىك ويىنشىسى انتۋان گريزمانن دەر ەدىم.
4.بۋففون, بونۋچچي, پەپە, كوسەلني, فونتە, كروسس, سانچەش, رونالدۋ, پايە, گريزمانن, جيرۋ.
[caption id="attachment_50886" align="aligncenter" width="500"] facebook.com[/caption]
راۋان وقاس, سپورت شولۋشىسى
بيىلعى ەۋروپا چەمپيوناتى جاڭالىقتارعا تولى بولدى. 24 كوماندانىڭ ويىنىن تاماشالاپ, ايىزىمىز قاندى. نەگىزى چەمپيوناتتا 16 كوماندا بولعان كەزدە توپتان شىعۋ, جالپى چەمپيون اتانۋ قيىن بولعان سياقتى. ال بۇل جولى ءۇشىنشى ورىن العاندار دا پلەي-وفف كەزەڭىنە شىعىپ جاتتى. سونىڭ ءبىرى ەۋروپا چەمپيونى اتانعان پورتۋگاليا قۇراماسى. ونىڭ ليدەرى كريشتيانۋ رونالدۋ ءۇشىن قۋانىشتىمىن. 12 جىل ارمانداعان ماقساتىنا اقىرى جەتتى. كوڭىل تولدى.
[caption id="attachment_50887" align="aligncenter" width="500"] facebook.com[/caption]
ءازيز ءجۇمادىل, sportsffa.kz ساراپتامالىق پورتالىنىڭ شولۋشىسى
1.بيىلعى ەۋروپا چەمپيوناتى فۋتبولدىڭ يسپانيا, يتاليا, انگليا, گەرمانيا, فرانتسيا سىندى اياقدوپ دەرجاۆالارىندا عانا ەمەس, «كارى قۇرلىقتىڭ» وزگە دە ەلدەرىندە دامىپ كەلە جاتقاندىعىن كورسەتتى. ءيا, كلۋبتىق دەڭگەيدە ايىرماشىلىق جەر مەن كوكتەي. دەگەنمەن, ۇلتتىق قۇرامالاردىڭ دەڭگەيى تەڭەسىپ كەلە جاتقانداي. ماسەلەن, بۇرىن اسا ءمان بەرمەيتىن ۋەلس, يسلانديا قۇرامالارىڭ كوز سۇيسىنەتىندەي ويىن ورنەگىن كورسەتىپ, بەلگيا, انگليا سىندى كوماندالاردى تىزە بۇكتىردى. ۆەنگرلەردىڭ ازۋى شىعا باستاعانىن بايقادىق. دەگەنمەن, بيىلعى ەۋروپا چەمپيوناتى پلەي-وفف كەزەڭىنەن باستالدى دەر ەدىم. توپتىق كەزەڭ گولعا تىم ساراڭ بولىپ, ءتىپتى كەيبىر كەزدەسۋلەر فينالدىق دودانىڭ ويىنىنا لايىق ەمەس ەدى.
2.«بىتكەن ىسكە سىنشى كوپ», چەمپيونات مارەسىنە جەتكەننەن كەيىن «ەگەر» دەگەن جەلەۋلەر كوبەيە بەرەدى عوي. فينالعا جەتكەن فرانتسيا مەن پورتۋگاليا, چەمپيون اتانعان سوڭعىلارى. بۇدان باسقا ارگۋمەنت بولماۋى ءتيىس. دەگەنمەن, پورتۋگاليا قۇراماسى فينالداعى قارسىلاسى فرانتسياعا قاراعاندا اقتىق ويىنعا تىڭ جەتتى. ارتىق كۇش جۇمساماي-اق فينالدىق ماتچقا دەيىن جەتىپ, فرانتسيانىڭ سىلىكپەسىن شىعاردى. مىنەزدى كوماندا ەكەندىگىن كورسەتتى. راس, ويىندارى ۇناعان جوق. جارىتىپ جۇگىرمەگەندەي كورىندى. ولاردىڭ ورنىندا جەڭىس تۇعىرىنا گەرمانيا نەمەسە يتاليا قۇرامالارى لايىق سەكىلدى بولدى. بىراق, قاجەتتى ساتتەردە قامشىنى باسقان پورتۋگاليا.
3.جاڭاشىلدىقتان قاشپاعان دۇرىس قوي. ءيا, كەمشىلىكتەرى دە جەتەرلىك. ماسەلەن, ءوز توبىندا ءۇشىنشى ورىن العان كوماندانىڭ ەۋروپا چەمپيونى اتانعانى ادىلەتسىزدىك سەكىلدى. توپتىق كەزەڭدە ارتىق ويىندار تىم كوپ بولىپ كەتكەن سياقتى. دەگەنمەن, ۋاقىت وتە كەلە بۇل كەمشىلىكتەردىڭ بارلىعى دا جويىلار. ەڭ باستىسى, بۇل چەمپيونات ەكىنشى دەڭگەيلى كوماندالار ءۇشىن وزدەرىن كورسەتۋگە كەرەمەت مۇمكىندىك بولدى. جاڭا جۇيەنىڭ ارقاسىندا ۆەنگريا, يسلانديا, ۋەلس, البانيا قۇرامالارىمەن كەڭىرەك تانىستىق. بولاشاقتا قازاقستان قۇراماسى دا وسىلاردىڭ اراسىنان كورىنىپ قالار دەگەن ءۇمىت باسىم. ال ۇزدىك ويىنشى اتاعىنا لايىق بىرنەشە فۋتبولشىنى ءتىزىپ بەرە الار ەدىم. ول – كريشتيانۋ رونالدۋ, ول – رەناتۋ سانچەش, ول – انتۋان گريزمانن, ول – پول پوگبا, ول – گارەت بەيل, ول... وسىلايشا تىزە بەرۋگە بولادى. دەگەنمەن, ۇزدىكتى چەمپيوندار قاتارىنان ىزدەگەن دۇرىس-اۋ. سوڭعى ماتچتى سوڭىنا دەيىن ويناي الماسا دا ۇزدىك ويىنشى اتاعىن كريشتيانۋ رونالدۋعا بەرسەك, ەشكىم دە سوگە قويماس.
4.ەۋروپا چەمپيوناتىنىڭ تاڭداۋلى قۇرامى (3-4-3):
قاقپاشى: مانۋەل نويەر (گەرمانيا)
قورعاۋشىلار (سولدان وڭعا قاراي): جەروم بواتەنگ (گەرمانيا), پەپە (پورتۋگاليا), اندرەا باردزالي (يتاليا).
قورعانىسقا تىرەك بولار شەپ: پول پوگبا (فرانتسيا)
سول قاپتالداعى جارتىلاي قورعاۋشى: دميتري پايە (فرانتسيا)
وڭ قاپتالداعى جارتىلاي قورعاۋشى: ياكۋب بلاششيكوۆسكي (پولشا)
ورتالىق جارتىلاي قورعاۋشى: اارون رەمزي (ۋەلس)
سول قاپتالداعى شابۋىلشى: كريشتيانۋ رونالدۋ (پورتۋگاليا)
وڭ قاپتالداعى شابۋىلشى: گارەت بەيل (ۋەلس)
ورتالىق شابۋىلشى: انتۋان گريزمانن (فرانتسيا).
[caption id="attachment_50888" align="aligncenter" width="500"] facebook.com[/caption]
رۋسلان مەدەلبەك, سپورت ءجۋرناليسى
بيىلعى ەۋروپا چەمپيوناتى باستىسى تىنىش, ەشقانداي تەراكتى, اتىس-شابۋىلسىز ءوتتى. دەمەك, قۇرلىق دوداسى جاقسى ۇيىمداستىرىلدى دەگەن ءسوز. بىراق ويىن جاعىنان جارىس تەك پلەي-وفف كەزەڭىنەن باستاپ قىزا باستادى. بيىلعى چەمپيوناتتا فرانتسيا, يتاليا, گەرمانيا قۇراماسىنىڭ ويىن ورنەگى چەمپيون كومانداعا لايىق ەدى. فينالدا پورتۋگاليانىڭ جەڭىسكە دەگەن قۇشتارلىعى جەڭىسكە جەتەلەدى. سوندىقتان پورتۋگاليانىڭ چەمپيون اتانعانىنا ءوز باسىم شىن قۋاندىم. 24 كوماندا ەۋروپا چەمپيوناتىنىڭ ءسانىن كەتىرگەندەي بولعان. بىراق بۇل كوماندالار اراسىنداعى باسەكەنى ارتتىراتىنىنا كۋا بولدىق. ياعني پلەي-وفف كەزەڭىندە ۇزدىكتەردىڭ ءبىر-بىرىمەن ەرتە كەزدەسۋى چەمپيوناتتاعى باسەكەلەستىكتى ارتتىردى.
ۇزدىك ويىنشىسى اتاعىنا رونالدۋ نەمەسە گريزمانن لايىق. سيمۆولدىق قۇرامدى ناقتى انىقتاۋ قيىن.
[caption id="attachment_50889" align="aligncenter" width="500"] facebook.com[/caption]
ەرمۇحاممەد ماۋلەن,
Kazsport تەلەارناسىنىڭ سپورت كوممەنتاتورى
1.بيىلعى ەۋروپا چەمپيوناتى كەرەمەت ءبىر اسەر بەرە قويعان جوق. كەيبىرەۋلەردىڭ الەم چەمپيوناتىنا تەڭەپ جاتاتىنى بار. ول قاتە پىكىر. تەك ارگەنتينا مەن برازيلياسى عانا جوق دەمەسەڭىز الەم چەمپيوناتى دەۋشىلەرگە سەنبەڭىزدەر. چيلي مەن كولۋمبيا قايدا سوندا؟ مەكسيكا مەن كوستا-ريكا قايدا سوندا؟ مىنە, سونداي كوماندالار بولعان جوق. ال جالپى ەۋروپا چەمپيوناتىندا البانيا, رۋمىنيا, ۋكراينا سەكىلدى كوماندالار ءۇمىتتى اقتامادى. كوپتەگەن ىرىكتەۋ ويىندارى سەكىلدى ءوتتى. بۇلاي جالعاسا بەرسە ەۋروپا چەمپيوناتىن تاماشالاۋدان قالاتىن سەكىلدىمىن.
2.پورتۋگاليا تاجىريبيەلى ۇجىم ەكەنىن بايقاتتى.
باس جاتتىقتىرۋشى ۇستانعان تاكتيكاسىنا ەش كۇمانسىز سەندى. سونى سوڭىنا دەيىن ۇستاندى. ءتۇبى جەمىسىن بەردى. قورعانىستى مىقتاپ ۇستاپ, قارىمتا شابۋىلدارمەن تۇيرەدى. پورتۋگاليا 2004 جىلى گرەكيادان جەڭىلىپ ەدى عوي. مىنە, سونى اينا قاتەسىز قايتالاپ بەردى. بۇل ولاردىڭ وتكەن كۇندەردەن ساباق العاندىعىن بىلدىرەدى. پورتۋگاليا – چەمپيون! دەمەك, ول سول اتاققا لايىق كوماندا. 7 ويىننىڭ تەك بىرەۋىندە عانا نەگىزگى ۋاقىتتا جەڭىسكە جەتتى. مىنە, وسىلاي بولدى. ءبىر جەڭىسپەن ەۋروپا چەمپيونى اتاندى. قالعان ماتچتاردىڭ بارلىعىن تەڭ ويناپ كەلدى.
3.16 كوماندا بولىپ قالا بەرگەنى دۇرىس ەدى. سەبەبى توپتىق تۋرنيردەگى العاشقى 3 تۋر وتە سۇرەڭسىز ءوتتى. گولدى از كوردىك. فۋتبولدىڭ كوركى گول ەمەس پە؟ ال 1 جەڭىسكە جەتىپ 3 ۇپاي العان دا, مۇلدە جەڭىلمەي 3 ويىن تەڭ تۇسكەن كوماندا دا توپتان شىقتى. پلەي-وففقا جولداما العانداردىڭ قاتارىندا پورتۋگاليادا بولدى. باياعى ەسكى فورماتپەن وتكەندە پورتۋگاليا توپتان شىعا الماس ەدى. سوندىقتان دا, بۇل فورمات وزىمە تۇك تە ۇناعان جوق. فۋتبولدىڭ ءبىر بەرەكەسىن كەتىردى.چەمپيوناتتىڭ ۇزدىك ويىنشىسى دەپ 1 ادامدى ايتۋ قيىن عوي. بەيل, بۋففون, رونالدۋ, ناني, گريزمانن سەكىلدى ويىنشىلاردىڭ بارلىعى دا لايىقتى. بىراق وسىلاردىڭ ىشىندە مەن گاررەت بەيلدى ايتار ەدىم. ول العاش رەت ەۋروپا چەمپيوناتىنا قاتىسقان ۋەلستى العا سۇيرەدى. سوققان ءاربىر گولى ماڭىزدى بولدى. سونىڭ ارقاسىندا كوماندا توپتان شىقتى. سولتۇستىك يرلاندياعا قارسى وتكەن ويىندا سونىڭ پاسىنان اۆتوگول سوعىلدى. بەلگيانى جەڭگەن كەزدە دە بەيل بىلگەنىنەن جاڭىلمادى. ول كريشتيانۋدان مىقتى وينادى. الايدا, سول پورتۋگالياعا جەڭىلىپ قالدى. رەمزيدىڭ جوقتىعى كەرى اسەرىن بەردى. سوندىقتان دا وسى تۋرنيردە ۇزدىك دەپ مەن بەيلدى ايتار ەدىم.
4.بۋففون, بارتساللي – بونۋچچي – كەليني, ماريۋ – پوگبا – ازار –دجۋدجاك بەيل – كريشتيك.
داستان كەنجالين
