ءبىلىم بەرۋ ساپاسىن قامتاماسىزداندىرۋ تاۋەلسىز قازاقستاندىق اگەنتتىگى (بسقا) 2016 جىلعى قازاقستاننىڭ ۇزدىك جوعارى وقۋ ورىندارىنىڭ ۇلتتىق رەيتينگىن ۇسىنادى.
بۇگىنگى كۇنى جوو جانە ءبىلىم بەرۋ باعدارلامالارىنىڭ ۇلتتىق رەيتينگى ءبىزدىڭ كۇندەلىكتى ءومىرىمىزگە تولىق ەندى.
ءبىلىم بەرۋ سالاسىنداعى رەيتينگ ساپاسىنا قازىرگى تاڭدا قويىلاتىن تالاپتار وسۋدە, ويتكەنى ۋنيۆەرسيتەتتەردىڭ رەيتينگى تالاپكەرلەردىڭ جوو تاڭداۋىنا ىقپال جاسايتىن باستى فاكتور بولىپ وتىر. سوندىقتان رەيتينگ وسى زامانداعى ۇلكەن اقپاراتتىق, سونىڭ ىشىندە جارنامالىق باعىتتا, جاستارعا ءوز تاڭداۋىن دۇرىس قالاپ الۋعا كومەكتەسەدى دەپ سانايمىز.
بسقا ۇلتتىق رەيتينگىنىڭ ءادىسناماسى حالىقارالىق ساراپشىلارمەن ماقۇلدانعان جانە جوعارى ساپا مەن اكادەميالىق تالداۋ وبسەرۆاتورياسى (www.ireg-observatory.org) – IREG بەرلين پرينتسيپتەرىندە كورسەتىلگەن ستاندارتتارعا سايكەس كەلەدى. ول تۋرالى ەۋروپا جانە شانحاي جوعارى وقۋ ورىندارىنىڭ رەيتينگتەرى بويىنشا وتكىزىلگەن حالىقارالىق كونفەرەنتسيالاردا بىرنەشە رەت باياندالعان بولاتىن.
بسقا ۇلتتىق رەيتينگى كوپولشەمدى رەيتينگ بولىپ سانالادى نەمەسە ونى باستى رەيتينگ دەپ اتايدى, سەبەبى ول ءۇش قۇراستىرۋشى: 1, 2 جانە 3 ساۋالدامادان تۇرادى. 1-ءشى ساۋالداما ستۋدەنتتەر كونتينگەنتى مەن قۇرامىن, ولاردىڭ ءبىلىم ناتيجەلەرىن, پروفەسسورلىق-وقىتۋشىلار قۇرامى قىزمەتىنىڭ ساپاسىن, جوو-نىڭ عىلىمي جانە يننوۆاتسيالىق قىزمەتىن, حالىقارالىق ىنتىماقتاستىعىن قامتيتىن اكادەميالىق ستاتيستيكالىق ينديكاتورلار مەن كريتەريلەردى, سونىمەن بىرگە, ينتەرنەتتەگى اقپاراتتىق كورسەتكىشتەردى ۇسىنادى. 1-ءشى ساۋالدامانىڭ ينديكاتورلارى مەن كريتەريلەرى سيپاتتاماسى اگەنتتىكتىڭ www.nkaoko.kz سايتىندا كورسەتىلگەن. 2-ءشى ساۋالداما جوو ساراپشىلارىنىڭ الدىندا جوو-نىڭ مارتەبەسىن كورسەتسە, 3-ءشى ساۋالداما جۇمىس بەرۋشىلەر الدىندا جوو-نىڭ مارتەبەسىن كورسەتەدى.
اعىمداعى جىلدا بسقا رەيتينگىن انىقتاۋ ءادىسناماسىنا بىرنەشە وزگەرىستەر ەنگىزىلدى.
ينستيتۋتسيونالدىق رەيتينگتە 1-3 ساۋالدامالاردىڭ سالماقتى قاتىناستارى وزگەرتىلدى. وسىعان بايلانىستى 1-ءشى ساۋالدامادا كورسەتىلگەن اكادەميالىق قۇرامىنىڭ ماڭىزدىلىعى كوتەرىلدى. ول قۇرام 60%-دان 70%-عا دەيىن كوتەرىلدى, ال 2-ءشى جانە 3-ءشى ساۋالدامالاردىڭ ارقايسىسىنىڭ سالماعى 15%-عا دەيىن تومەندەتىلدى.
بسقا حالىقارالىق عىلىمي-تەحنيكالىق اقپاراتتار ورتالىعىمەن (رەسەي, ماسكەۋ ق.) ىنتىماقتاستىعى ارقاسىندا 1-ءشى ساۋالدامادا ءبىرىنشى رەت رعدي (رەسەي عىلىمي دايەكسوز يندەكسى) عىلىمي باسپالار بازاسىنداعى قازاقستاندىق جوو عالىمدارىنىڭ باسىلىمدارى مەن دايەكسوزدەرى تۋرالى تولىق اقپارات كورسەتىلدى, بۇرىن بۇل اقپاراتتى جوو ۇسىناتىن.
قازاقستانداعى, شەت ەلدەگى عىلىمي-تاجىريبەلىك كونفەرەنتسيالار, وليمپيادالاردىڭ جەڭىمپاز-ستۋدەنتتەرى تۋرالى ءمالىمەتتى جوو كونفەرەنتسيالار نەمەسە وليمپيادالاردى ۇيىمداستىرۋشىنىڭ سايتىنا سىلتەمە كورسەتۋ ارقىلى دالەلدەيتىن بولدى.
بيىلعى جىلى قر بعم گريفى استىندا شىعارىلعان كىتاپتار, مونوگرافيالار, ISBN بار وقۋلىقتار, وقۋ قۇرالدارى تۋرالى تولىق اقپاراتتى اگەنتتىكتىڭ سۇرانىسى بويىنشا قر كىتاپ پالاتاسى بەردى.
بسقا وسىنداي جولمەن جوو-دا رەيتينگ ءۇشىن بەرىلەتىن ينديكاتورلار مەن كريتەريلەر بويىنشا جالعان مالىمەتتەردى ۇسىنۋ مۇمكىندىگىن ايتارلىقتاي تومەندەتتى. بسقا مالىمەتتەردى جيناۋ ءۇشىن تاۋەلسىز دەرەككوزدەر سانىن كوبەيتۋ ارقىلى رەيتينگ ءادىسناماسىن جەتىلدىرۋ بويىنشا جۇمىستى ءارى قاراي جالعاستىرادى.
رەيتينگتە جوو-نىڭ اقپاراتىمەن بىرگە جوو-نىڭ تۇلەكتەرى بويىنشا «بولاشاق» حالىقارالىق باعدارلامالار ورتالىعى» اق, وجسب مالىمەتتەرى بويىنشا ۇلتتىق تەستىلەۋ ورتالىعىنان الىنعان تاۋەلسىز دەرەككوزدەرى, عىلىمي ماقالالاردىڭ Web of Science جانە Scopus تاۋەلسىز بازاسىنداعى وقىتۋشىلاردىڭ باسىلىمدارى, قر بعم جىل سايىنعى «جىلدىڭ ۇزدىك وقىتۋشىسى» كونكۋرسى ناتيجەلەرى قولدانىلدى
2-ءشى ساۋالدامادا ساراپشىلار رەتىندە جوو-نىڭ قۇرىلىمدىق بولىمشەلەرىنىڭ جەتەكشىلەرى, كافەدرا مەڭگەرۋشىلەرى, پروفەسسۋرا وكىلدەرى قاتىستى. ساۋالدامادا قازاقستاندىق جوو-عا ءوزىنىڭ باعاسىن بەرگەن بارلىعى 300-دەي ساراپشى قاتىستى.
جۇمىس بەرۋشىلەردىڭ ساۋالداماسى مينيسترلىكتەرگە, ەلىمىزدىڭ وڭىرلەرىنە, ۇلتتىق كومپانيالارىنا جىبەرىلگەن قاعاز جۇزىندەگى ساۋالداما; ورتا جانە شاعىن بيزنەس وكىلدەرىنە سۇراق قويۋ, سونىمەن بىرگە, جۇمىس بەرۋشىلەردىڭ ە-mail-دارىنا ساۋالداما جىبەرۋ جانە تەلەفون ارقىلى سۇراق قويۋ نەگىزىندە جۇرگىزىلدى. ساۋالداماعا قاتىسقان كوپشىلىكتىڭ بەلسەندىلىگىن ەرەكشە اتاپ ءوتىپ, ولارعا ءوزىمىزدىڭ ۇلكەن ريزاشىلىعىمىزدى بىلدىرەمىز.
ساۋالداماعا 11 ورتالىق جانە 12 وڭىرلىك مەملەكەتتىك ورگاندار قاتىستى. ولاردىڭ ىشىندە ەڭ بەلسەندىلەرى: سىرتقى ىستەر, مەملەكەتتىك قىزمەت ىستەرى, ەنەرگەتيكا, اۋىل شارۋاشىلىعى, مادەنيەت جانە سپورت مينيسترلىكتەرى; الماتى, اقمولا, اقتوبە, قىزىلوردا, قوستاناي, وڭتۇستىك قازاقستان جانە سولتۇستىك قازاقستان وبلىستارىنىڭ اكىمدىكتەرى. اگەنتتىكپەن جۇمىس بەرۋشىلەردەن 1000-نان اسا ساۋالداما الىندى.
قازاقستاننىڭ ۇزدىك جوو ۇلتتىق رەيتينگى تىزىمىندە ەلىمىزدىڭ تەك 52 وقۋ ورنى كورسەتىلگەن. ولار 1-ءشى ساۋالدامادا كورسەتىلگەن اكادەميالىق رەسۋرستىڭ 70 ماكسيمالدى باللىنىڭ 33%-دان ءتومەن ەمەس بالل العان جوو. سوندىقتان كوپبەيىندى جوو ساناتىندا تەك 18 وقۋ ورنى; تەحنيكالىق – 13; گۋمانيتارلىق-ەكونوميكالىق – 12; ونەر جوو – 1; مەديتسينالىق – 3; پەداگوگيكالىق – 5 وقۋ ورنى كورسەتىلگەن.
رەيتينگتىڭ بارلىق ءۇش ساۋالداماسى بويىنشا ينتەگراتسيالانعان ناتيجەلەر گازەتتە جاريالانعان, ال رەيتينگتىڭ ءار ساۋالداماسى جانە ءار ينديكاتورى بويىنشا ناتيجەلەر اگەنتتىكتىڭ www.nkaoko.kz سايتىندا كورسەتىلگەن.
كوپبەيىندى جوو رەيتينگىنىڭ قورىتىندىسى بويىنشا بيىلعى جىلى دا بىرىنشىلىك قاتارىن جەتەكشى ۇلتتىق ۋنيۆەرسيتەتتەر ساقتاعان: ءبىرىنشى ورىندى بولىسكەن ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى جانە ءال-فارابي اتىنداعى قازاق ۇلتتىق ۋنيۆەرسيتەتى. كوپبەيىندى جوو ءبىرىنشى بەستىگىنە, الدىڭعى جىلدارداعىداي م.و.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى (3-ءشى ورىن), ە.ا.بوكەتوۆ اتىنداعى قاراعاندى مەملەكەتتىك ۋنيۆەرسيتەتى (4-ءشى ورىن), س.تورايعىروۆ اتىنداعى پاۆلودار مەملەكەتتىك ۋنيۆەرسيتەتى (5-ءشى ورىن) ەندى. تەحنيكالىق جوو توبىندا ءبىرىنشى ورىندا بىرنەشە جىل بويى قازاقستان-بريتان تەحنيكالىق ۋنيۆەرسيتەتى, ودان كەيىن ەكىنشى ورىندا – قاراعاندى مەملەكەتتىك تەحنيكالىق ۋنيۆەرسيتەتى, ءۇشىنشى ورىندا – قازاق ۇلتتىق اگرارلىق ۋنيۆەرسيتەتى تۇر. ۇزدىك تەحنيكالىق جوو بەستىگىنە د.سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتى جانە الماتى تەحنولوگيالىق ۋنيۆەرسيتەتى ەندى. حالىقارالىق اقپاراتتىق تەحنولوگيالار ۋنيۆەرسيتەتى 8-ءشى ورىننان 6-شى ورىنعا, اكادەميالىق رەسۋرستار بويىنشا ءۇشىنشى ورىنعا كوتەرىلدى.
گۋمانيتارلىق-ەكونوميكالىق جوو توبىندا ءبىرىنشى ورىندى تۇراقتى قمەبي ۋنيۆەرسيتەتى السا, ەكىنشى ورىندى قازاقتۇتىنۋوداعى قاراعاندى ەكونوميكالىق ۋنيۆەرسيتەتى, ءۇشىنشى ورىندى الماتى مەنەدجمەنت ۋنيۆەرسيتەتى (بۇرىنعى –حبا) الدى, بۇل باعىتتاعى جەتەكشى جوو بەستىگىنە «نارحوز» ۋنيۆەرسيتەت جانە «تۇران» ۋنيۆەرسيتەتى ەندى.
شىعارماشىلىق باعىتتاعى جوو ىشىندە قازاق ۇلتتىق ونەر ۋنيۆەرسيتەتىنە باسەكەلەستىك بولعان جوق.
مەديتسينا جوو ىشىندە بىرنەشە جىل بويى جەتەكشى ءبىرىنشى ورىندا س.اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتى, 2-ءشى ورىندا سەمەي قالاسىنىڭ مەملەكەتتىك مەديتسينا ۋنيۆەرسيتەتى, ءۇشىنشى ورىندا وڭتۇستىك قازاقستان فارماتسەۆتيكالىق اكادەمياسى ورنالاسقان.
پەداگوگيكالىق جوو باعىتى بويىنشا پەداگوگيكالىق ءبىلىم بەرۋدىڭ كوشباسشىسى – اباي اتىنداعى قازاق ۇلتتىق پەداگوگيكالىق ۋنيۆەرسيتەتى بولسا, ەكىنشى ورىندا – قازاق مەملەكەتتىك قىزدار پەداگوگيكالىق ۋنيۆەرسيتەتى, ودان كەيىن پاۆلودار مەملەكەتتىك پەداگوگيكالىق ينستيتۋتى, قوستاناي مەملەكەتتىك پەداگوگيكالىق ينستيتۋتى جانە تاراز مەملەكەتتىك پەداگوگيكالىق ينستيتۋتى تۇر. پاۆلودار مەملەكەتتىك پەداگوگيكالىق ينستيتۋتى سەنىمدى جۇمىس جاساۋ ارقاسىندا اكادەميالىق رەسۋرس بويىنشا ەكىنشى ورىن الدى.
باعدارلامالىق رەيتينگتە 2016 جىلى 42 جوو 143 باكالاۆر ماماندىقتارى (670 باعدارلاما) جانە 131 ماگيستراتۋرا ماماندىقتارى (389 باعدارلاما) بويىنشا قاتىستى. رەيتينگكە قاتىسقان بارلىق ءبىلىم بەرۋ باعدارلامالارىنىڭ جالپى سانى 1200-گە جۋىق. ۇسىنىلعان باعدارلامالار سانى جانە ناتيجەلەر بويىنشا جەتەكشى جوو ۇشتىگىنە ءال-فارابي اتىنداعى قازاق ۇلتتىق ۋنيۆەرسيتەتى (147), ە. ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتى (120) جانە ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى (101) ەندى, ولار تۋرالى اقپارات اگەنتتىكتىڭ سايتىندا ۇسىنىلعان.
رەيتينگتىڭ قورىتىندىسىن باق, تولىق اقپاراتتى اگەنتتىكتىڭ سايتىنا جاريالاي وتىرىپ, اگەنتتىك قوعامعا جوو قىزمەتىنىڭ كورسەتكىشتەرىن ۇسىنادى. بۇل كورسەتكىشتەر قانداي دا ءبىر تالداۋدىڭ, مۇمكىن, نەگە بۇل جوو رەيتينگتىڭ الدىندا نەمەسە سوڭىندا تۇر, نەگە باسقا ماڭىزدى كورسەتكىشتەر ەسكەرىلمەدى دەگەن قانداي دا ءبىر سىننىڭ تاقىرىبى بولادى دەپ ويلايمىز. رەيتينگتى قۇراستىرۋشىلار رەتىندە سىندارلى سىندى ءبىز مىندەتتى تۇردە ەسكەرەمىز, بىراق رەيتينگتىك بالدارى تومەن جوو-نىڭ باسشىلىعى قانداي سەبەپپەن ولاردىڭ كورسەتكىشتەرى تومەن ەكەنىن وزدەرى تۇسىنەدى دەپ ويلايمىز. سوندىقتان رەيتينگكە قاتىسۋشى بارلىق جوو اكىمشىلىگىنە وزدەرىنىڭ ماتەريالدارىنا جانە رەيتينگ ناتيجەلەرىنە تەرەڭ تالداۋ جاساۋىن ۇسىنامىز. سوندا جەتەكشى-جوو وزدەرىنىڭ جەتەكشىلىك ورىندارىن قالاي ساقتاپ قالۋ كەرەك, ول ءۇشىن رەزەرۆتى قايدان الۋ كەرەك, ورتا بۋىنداعى جوو العا شىعۋ ءۇشىن قانداي سەكىرىس جاساۋ كەرەك, سوڭعى ورىنداعى جوو وزدەرىنىڭ ەڭ ءالسىز ورىندارىن تاۋىپ, وزدەرىنىڭ پوزيتسياسىن كۇشەيتۋ ءۇشىن ستراتەگيالىق جوسپارعا قانداي شارالاردى قوسۋ كەرەك ەكەن سياقتى سۇراقتارعا جاۋاپ بەرۋگە مۇمكىندىك الادى. اگەنتتىك جوو-دان الىناتىن مالىمەتتەردىڭ ماكسيمالدى تۇردە تاۋەلسىز بولۋى ءۇشىن ءوزىنىڭ ءادىسناماسىن الدىڭعى قاتارداعى جاھاندىق جانە ۇلتتىق رەيتينگكە جاقىنداتۋ ارقىلى رەيتينگتىڭ جەكەلەگەن پوزيتسياسىن ءارى قاراي جەتىلدىرەدى, بۇل ءبىلىم ساپاسىن باعالايتىن رەيتينگتىڭ ماكسيمالدى دايەكتىلىگىنە جەتۋگە مۇمكىندىك بەرەدى.
ءبىلىم بەرۋ ساپاسىن قامتاماسىزداندىرۋ تاۋەلسىز قازاقستاندىق اگەنتتىگى بارلىق تالاپكەرلەر مەن ولاردىڭ اتا-انالارىنا تابىس جانە جوعارى وقۋ ورنىن دۇرىس تاڭداۋدى تىلەيدى. اگەنتتىك قازاقستاننىڭ ۇزدىك جوعارى وقۋ ورىندارىنىڭ ۇلتتىق رەيتينگى ولارعا وقۋ ورنىن دۇرىس تاڭداۋعا كومەكتەسەدى دەپ سەنەدى!
قازاقستاننىڭ ۇزدىك كوپبەيىندى جوعارى وقۋ ورىندارىنىڭ رەيتينگى-2016
|
ورنى |
اتاۋى |
بالدارى |
|
1 |
ءال-فارابي اتىنداعى قازاق ۇلتتىق ۋنيۆەرسيتەتى |
99,39 |
|
1 |
ل. ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى |
99,39 |
|
3 |
م.و.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى |
62,61 |
|
4 |
ە.ا.بوكەتوۆ اتىنداعى قاراعاندى مەملەكەتتىك ۋنيۆەرسيتەتى |
61,41 |
|
5 |
س.تورايعىروۆ اتىنداعى پاۆلودار مەملەكەتتىك ۋنيۆەرسيتەتى |
58,28 |
|
6 |
م.ح.دۋلاتي اتىنداعى تاراز مەملەكەتتىك ۋنيۆەرسيتەتى |
53,33 |
|
7 |
ا.بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتى |
49,18 |
|
8 |
س.امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتى |
48,95 |
|
9 |
ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتى |
48,34 |
|
10 |
قورقىت اتا اتىنداعى قىزىلوردا مەملەكەتتىك ۋنيۆەرسيتەتى |
48,15 |
|
11 |
ءى.جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتى |
45,64 |
|
12 |
يننوۆاتسيالىق ەۋرازيا ۋنيۆەرسيتەتى |
45,41 |
|
13 |
شاكارىم اتىنداعى سەمەي مەملەكەتتىك ۋنيۆەرسيتەتى |
44,45 |
|
14 |
سۇلەيمەن دەميرەل اتىنداعى ۋنيۆەرسيتەت |
44,16 |
|
15 |
حالىقارالىق ءبىلىم بەرۋ كورپوراتسياسى |
38,34 |
|
16 |
م.قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتى |
38,14 |
|
17 |
ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتى |
32,68 |
|
18 |
كاسپي قوعامدىق ۋنيۆەرسيتەتى |
30,54 |
|
ورنى |
اتاۋى |
بالدارى |
|
1 |
قازاقستان-بريتان تەحنيكالىق ۋنيۆەرسيتەتى |
98,69 |
|
2 |
قاراعاندى مەملەكەتتىك تەحنيكالىق ۋنيۆەرسيتەتى |
89,47 |
|
3 |
قازاق ۇلتتىق اگرارلىق ۋنيۆەرسيتەتى |
75,21 |
|
4 |
د.سەرىكباەۆ اتىنداعى شىعىس قازاقستان مەملەكەتتiك تەحنيكالىق |
66,85 |
| ۋنيۆەرسيتەتi | ||
|
5 |
الماتى تەحنولوگيالىق ۋنيۆەرسيتەتى |
66,45 |
|
6 |
حالىقارالىق اقپاراتتىق تەحنولوگيالار ۋنيۆەرسيتەتى |
64,29 |
|
7 |
الماتى ەنەرگەتيكا جانە بايلانىس ۋنيۆەرسيتەتى |
63,41 |
|
8 |
س.سەيفۋللين اتىنداعى قازاق اگروتەحنيكالىق ۋنيۆەرسيتەتى |
59,56 |
|
9 |
م.تىنىشپاەۆ اتىنداعى قازاق كولىك جانە كوممۋنيكاتسيالار اكادەمياسى |
56,77 |
|
10 |
جاڭگىر حان اتىنداعى باتىس قازاقستان اگرارلىق-تەحنيكالىق |
54,08 |
| ۋنيۆەرسيتەتى | ||
|
11 |
قاراعاندى مەملەكەتتىك يندۋستريالىق ۋنيۆەرسيتەتى |
52,86 |
|
12 |
رۋدنىي يندۋستريالىق ينستيتۋتى |
44,95 |
|
13 |
ەۋرازيا تەحنولوگيالىق ۋنيۆەرسيتەتى |
34,96 |
| ورنى | اتاۋى |
بالدارى |
|
1 |
قمەبي ۋنيۆەرسيتەتى |
100,00 |
|
2 |
قازتۇتىنۋوداعى قاراعاندى ەكونوميكالىق ۋنيۆەرسيتەتى |
83,38 |
|
3 |
الماتى مەنەدجمەنت ۋنيۆەرسيتەتى |
73,01 |
|
4 |
«نارحوز» ۋنيۆەرسيتەت |
72,04 |
|
5 |
«تۇران» ۋنيۆەرسيتەتى |
69,73 |
|
6 |
«بولاشاق» اكادەمياسى |
60,28 |
|
7 |
قارجى اكادەمياسى |
57,28 |
|
8 |
«تۇران-استانا» ۋنيۆەرسيتەتى |
55,11 |
|
9 |
قازاق يننوۆاتسيالىق گۋمانيتارلىق-زاڭ ۋنيۆەرسيتەتى |
52,90 |
|
10 |
قازاق ەكونوميكا, قارجى جانە حالىقارالىق ساۋدا ۋنيۆەرسيتەتى |
52,65 |
|
11 |
قازاقستان-امەريكان ەركىن ۋنيۆەرسيتەتى |
50,98 |
|
12 |
قازاق ەڭبەك جانە الەۋمەتتىك قاتىناستار اكادەمياسى |
43,57 |
| ورنى | اتاۋى |
بالدارى |
| 1 قازاق ۇلتتىق ونەر ۋنيۆەرسيتەتى |
100,00 |
|
ورنى |
اتاۋى |
بالدارى |
|
1 |
س.ج.اسفەندياروۆ اتىنداعى قازاق مەملەكەتتىك مەديتسينا ۋنيۆەرسيتەتى |
100,00 |
|
2 |
سەمەي قالاسىنىڭ مەملەكەتتىك مەديتسينا ۋنيۆەرسيتەتى |
74,57 |
|
3 |
وڭتۇستىك قازاقستان مەملەكەتتىك فارماتسەۆتيكا اكادەمياسى |
68,03 |
|
ورنى |
اتاۋى |
بالدارى |
|
1 |
اباي اتىنداعى قازاق ۇلتتىق پەداگوگيكالىق ۋنيۆەرسيتەتى |
99,94 |
|
2 |
قازاق مەملەكەتتىك قىزدار پەداگوگيكالىق ۋنيۆەرسيتەتى |
87,75 |
|
3 |
پاۆلودار مەملەكەتتىك پەداگوگيكالىق ينستيتۋتى |
85,32 |
|
4 |
قوستاناي مەملەكەتتىك پەداگوگيكالىق ينستيتۋتى |
73,67 |
|
5 |
تاراز مەملەكەتتىك پەداگوگيكالىق ينستيتۋتى |
65,80 |
