استانا كۇنىنە – الماتى سىيى

«نۇر وتان» پارتياسى ساياسي كەڭەسىنىڭ بيۋرو مۇشەسى, پارتيانىڭ الماتى قالالىق فيليالىنىڭ توراعاسى جانە قالا اكىمى باۋىرجان بايبەك استانا كۇنى قارساڭىندا قالا­­داعى «نۇر وتان» پار­تيا­­سىنىڭ اۋداندىق عي­ما­راتىنىڭ اشىلۋ سالتانا­تىنا قاتىسىپ, پارتيا قاتا­رىنا جاڭادان قوسىل­عان ازا­مات­تارعا پارتيا بيلەت­تەرىن تاپسىردى. «نۇر وتان» پارتياسىنىڭ باس­تى ماقساتىنىڭ ءبىرى – اۋداندىق فيليالدار قىزمەتىن حالىقتىڭ ەركىن پايدالانۋىنا قول جەتكىزۋ مەن باستاۋىش ۇيىمداردىڭ, سونداي-اق, اۋداندارداعى قوعام­دىق قابىلداۋ قىزمەتىن ەل يگىلىگى ءۇشىن كۇشەيتە ءتۇسۋ ەكەندىگىن ايتقان باۋىرجان بايبەك قالا­نىڭ بوستاندىق اۋدانىندا اشىل­عان پارتيانىڭ اۋداندىق في­ليا­لىنىڭ جۇمىسىنا ساتتىلىك تىلەدى. – وسى ۋاقىتقا دەيىن پارتيا­نىڭ 8 اۋداندىق فيليالىنىڭ 6-نىڭ ءوز عيماراتتارى بولدى. مىنە, بۇگىن وزدەرىڭىزبەن 7-عي­ماراتتىڭ اشىلۋىندا باس قوسىپ تۇرمىز. ەندىگى كەزەكتە ناۋرىزباي اۋدانىنىڭ عيما­راتى سالىنباق. مۇنىڭ بار­لىعى الماتىلىقتاردىڭ ءمۇد­دەسى ءۇشىن جاسالىپ وتىر. تۇرعىن­دار­عا ورتالىققا جۇگىرمەي-اق, جەر­گى­لىك­تى جەرلەردە وزدەرىنىڭ ماسە­لە­لەرىن شەشە الاتىنداي جاع­داي تۋ­عىزىلۋدا. باستاۋىش پار­تيا ۇيىم­دارى مەن اۋداندىق فيليال­داردىڭ قىزمەتى ءتيىمدى بولا تۇسەدى دەگەن سەنىمدەمىز. تەك ءبىرتۇتاس كۇشىمىزدى بىرىكتىرە وتىرىپ, العا قويعان ماق­سات­تارىمىزعا جەتە الامىز, – دەپ اتاپ ءوتتى قالا باسشىسى. قازىرگى كەزدە اۋداندىق فيليال­­داردىڭ ماتەريالدىق-تەحني­كا­لىق بازالارى نى­عايتىلۋدا. قوعام­دىق قابىلداۋ بولمەلەرىنىڭ الما­تىلىقتاردى الاڭداتقان ماسە­لەلەردى جەر­گىلىكتى جەردە ءتيىمدى شەشۋگە ىق­پال جاسارلىقتاي ءمۇم­كىندىگى بار. تەك وسى جىلدىڭ بەس ايىندا عانا قالالىق جانە اۋدان­دىق فيليالداردىڭ قوعامدىق قابىل­داۋلارىندا جەرگىلىكتى ات­قارۋ ورگاندارىنىڭ وكىلدەرى مەن ءماسليحات دەپۋتاتتارى 300-دەن اسا قابىلداۋ وتكىزىپ, 2,5 مىڭ ادام­نىڭ وتىنىشتەرىن قاراعان. استانا كۇنى قارساڭىندا پارتيا قاتارىنا وتۋشىلەر اراسىندا «2015 جىلدىڭ ۇزدىك مە­يىر­بيكەسى», №4 قالالىق ەمحانا باس دارىگەرىنىڭ مەدبيكەلەر ءىسى جونىندەگى ورىنباسا­رى ءامينا شۇكىروۆا, تەحني­كا عىلىمدارىنىڭ دوكتورى, «ال­ماتى پوليگرافيا كول­لەد­جى­نىڭ» ديرەكتورى بيلالدين احمەتوۆ, «كۇمىس القا» يەگەرى, «ەكسپرەسس-كونسالتينگ» كومپا­نيا­سىنىڭ ديرەكتورى اقنۇر جۇماباەۆا, شا­عىن جانە ورتا بيزنەس وكىلى, «مەگا ليس» تيپوگرافياسىنىڭ ديرەكتورى سەرگەي ليپينسكي, حالىقارالىق بيزنەس ۋنيۆەر­سيتەتىنىڭ الەۋمەتتىك دامۋ ءجونىن­دەگى پرورەكتورى قايىرجان مەڭ­دىعاليەۆ, الماتى قالاسىنداعى وزبەك ەتنومادەني بىرلەستىگىنىڭ باسشىسى ابدۋحاليل ورالباەۆ, مەديتسي­نا عىلىمدارىنىڭ دوك­تورى, پەديا­تريا جانە بالا حي­رۋرگيا­سى عى­لىمي ورتالىعىنىڭ ديرەكتورى ريزا بورانباەۆا بار. – ءبىز سىزدەردى «نۇر وتان» پارتياسى قاتارىنا قابىل­دانۋ­لارىڭىزبەن شىن جۇرەكتەن قۇت­تىقتايمىز. سىزدەردىڭ ءومىر­لىك تاجىريبەلەرىڭىز بەن بىلىك­تى­لىك­تەرىڭىز پارتياعا كۇش-قۋات قوسادى دەپ ويلايمىز. بۇل رەتتە پارتيا توراعاسى, ەلباسى نۇرسۇلتان نازارباەۆ نۇروتاندىقتار الدىنا قويىپ وتىرعان مىندەتتەردى جۇزەگە اسىرۋدا اۋداندىق في­ليال­­داردىڭ كۇشەيتىلۋى اسا ماڭىزدى ءرول اتقاراتىنى اقيقات, – دەدى باۋىرجان بايبەك. قانات ەسكەندىر, «ەگەمەن قازاقستان» الماتى