بايقاۋ باستالدى

«قازاقستان رەسپۋبليكاسى تۇڭعىش پرەزيدەنتى – ەلباسى قورى» اعىمداعى جىلدىڭ 1 شىلدەسىنەن باستاپ بيىل ەكىنشى رەت ۇيىمداستىرىلىپ وتىرعان ادەبيەت باعىتىنداعى ءداستۇرلى «التىن توبىلعى» بايگەسىنە وتىنىمدەردى قابىلدايدى. سىياقىنىڭ جالپى قورى – 5,5 ميلليون تەڭگە. «قر تۇڭعىش پرەزيدەنتى قورى» جاس تالانتتاردى قولداۋ باعىتىندا «التىن توبىلعى» ادەبي سىيلىعىن العاش 2015 جىلى تاعايىنداعان. اتالعان جابىق بايقاۋدىڭ نەگىزگى ماق­ساتى – ۇلتتىق ادەبيەتتە جاڭا ەسىم­دەردى قالىپتاستىرۋ جانە جاس قالامگەرلەردىڭ قوعامدىق ءومىر­­دەگى فيلوسوفياسىن كورسەتە وتىرىپ جاڭا زامان ادەبيەتىنە قۇلشىنىسىن ارتتىرۋ بولىپ تابىلادى. جوبانىڭ سەرىكتەستەرى – قا­زاقستان جازۋشىلار وداعى جانە مەملەكەتتىك ءتىلدى دامىتۋ قورى. «قر تۇڭعىش پرەزيدەنتى قورى­نىڭ» اتقارۋشى ديرەكتورى ساعىندىق نۇراحانوۆ: «التىن توبىلعى» ادەبي سىي­لىعى رۋحاني كوكجيەگىمىزدى كەڭەيتۋ ماقساتىندا ارنايى تاعايىندالدى. بۇل ادە­بي جوبا از عانا ۋاقىتتىڭ ىشىندە قو­عامىمىزعا كەڭىنەن تانى­لىپ, جاس قالامگەرلەر ءۇشىن دە ايتۋلى وقيعا بولدى. اتال­عان سىيلىق قازاقستاننىڭ شىعار­ما­شىلىقپەن جانە عىلىممەن اينا­لىساتىن دارىندى جاستارىن قولداۋعا با­عىتتالعان ول قوردىڭ ءداستۇرلى بايقاۋ باع­دارلامالارىنىڭ قاتا­رىنا ەنگىزىلدى. قوردىڭ لاۋرەاتتارى, ستيپەندياتتار مەن گرانت يەلەرى – وزدەرىنىڭ جەتىستىكتەرىن رەسپۋبليكا كولەمىندە عانا كور­سەتىپ قويماي, شەتەلدە دە كەڭى­نەن تانىلعان ەسىمدەر. بيىلعى جىلعى ادەبي بايقاۋ دا ەلىمىزدىڭ رۋحاني كەڭىستىگى ءۇشىن ايتۋلى وقي­عا بولاتىنىنا جانە ءبۇ­گىنگى كەزەڭ ادەبيەتىنە تىڭ تۋىن­دىلار ۇسىناتىن لايىقتى ەسىم­دەر قاتارى ارتا تۇسەتىنىنە سەنىم­دىمىز» – دەپ ايرىقشا اتاپ ءوتتى. بايقاۋعا قازاقستاننىڭ 18-35 جاس ارالىعىنداعى جاس دارىندارى قاتىسا الادى. جابىق بايگەگە بۇدان بۇرىن ەش جەردە جاريالانباعان (كىتاپتاردا, گازەت-جۋرنالداردا, ينتەرنەت-پورتالداردا, الەۋمەتتىك جەلىلەردە) تۋىندىلار عانا قابىلدانادى. «التىن توبىلعى» سىيلىعى «ۇزدىك پروزا», «ۇزدىك پوەزيا», «ۇزدىك دراماتۋرگيا», «ۇزدىك بالالار ادەبيەتى» دەگەن ءتورت نوميناتسيا بويىنشا تاعايىندالعان. ءاربىر نوميناتسيانىڭ جەڭىم­پازىنا 1 ميلليون تەڭگە سىياقى بەرىلەدى. سونىمەن قاتار, بيىلعى جىلى قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي ارنايى تاقىرىپتىق نوميناتسيا جاريالاندى. بۇل نوميناتسيا بويىنشا سىياقى 1,5 ميلليون تەڭگە كولەمىندە بەلگىلەندى. شىعارمالاردى ەلىمىزدىڭ تانىمال مادەنيەت قايراتكەرلەرى, اقىن-جازۋشىلار مەن جۋرناليس­تەرىنەن قۇرالعان قازىلار القاسى ساراپتايتىن بولادى. بايقاۋعا ۇسىنىلعان جۇ­مىس­تار جانرعا سايكەستىك, ويلاۋ دەربەستىگى, اۆتورلىق ۇستا­نىم, بايانداۋ رەت­تىلىگى مەن ما­عى­نالىلىعى, يدەيا ەرەك­شە­لىگى, ادەبي-كوركەم قۇندى­لىعى, كور­كەمدىك قيال مەن شىعار­ماشىلىق كوزقاراس, ەستەتيكالىق اسەر تە­رەڭدىگى سياقتى ولشەمدەر بويىن­شا باعالانادى. بۇل ەرەك­شە بايقاۋ, سەبەبى ول جاس اۆتور­لارعا ارنالعان جانە وندا بۇدان بۇرىن جاريالانباعان جاڭا تۋىن­دىلارعا باعا بەرىلەدى. بايقاۋعا ۇسىنىلعان تۋىندىلاردى باعالاۋ ادىلدىگى بارىنشا جەتىلدىرىلگەن. شىعارما لاقاپ اتپەن قابىلدانادى. اۆتوردىڭ تولىق اتى-ءجونى جانە ءومىربايانى ارنايى بولەك كونۆەرتكە سالىنىپ, شىعارمامەن بىرگە جولدانۋى ءتيىس. شىعارمالاردى تولىق ساراپتاپ, باعالاپ بولعان سوڭ عانا اۆتور تۋرالى مالىمەت سالىنعان كونۆەرت ارنايى كوميسسيانىڭ كوزىنشە اشىلىپ, قازىلار القاسىنا ۇسىنىلادى. وتىنىمدەر 2016 جىلعى 1 ءشىل­دە مەن 1 قاراشا ارالىعىندا تومەندە كورسەتىلگەن ءتيىستى مەكەنجايدا قابىلدانادى. شىعار­مالاردىڭ ەلەكتروندى نۇسقاسىن قوسا جىبەرۋ قاجەت. ءار نوميناتسيا بويىنشا تاڭ­داۋلى دەپ تانىلعان جەڭىمپازدار ەسىمى 2016 جىلعى جەلتوقسان ايىندا جاريالاناتىن بولادى. قوسىمشا اقپاراتتى www.fpp.kz سايتىنان الۋعا بولادى.