باس بايگە العان بالالار ءانسامبلى

قاراعاندى وبلىسىنىڭ اق­توعاي اۋدانىندا «اۋەن» بالالار ءانسامبلى بار. وسى جاس ونەرپازدار توبى استانادا تۇڭعىش رەت وتكەن «جارىق جۇلدىز» حالىقارالىق تەلەۆيزيالىق ونەر بايقاۋىندا «ەسترادالىق ۆوكال» اتالىمى بويىنشا گران-پري يەگەرى اتاندى. سايىسقا ەلىمىزدىڭ ءار ايما­عىنداعى ىرىكتەۋ كەزەڭىندە ۇزدىك اتانعان ونەرپازدار قاتىسسا, «اۋەن» ءانسامبلى دە «سارىارقا دارىنى» وبلىستىق بايقاۋىندا باس جۇلدەنى جەڭىپ الىپ, استاناداعى وسى بايگەگە جولداما العان بولاتىن. بىزبەن اڭگىمەسىندە انسامبل جەتەكشىسى سالامات مۇباراك: «اۋەن­نىڭ» قۇرىلعانىنا كوپ بولا قويعان جوق, – دەدى. – بيىل ناۋ­رىز ايىنان بەرى جۇمىس ىستەپ جاتىرمىز. جالپى, اقتوعاي اۋدانىندا «ارداگەرلەر» ءانسامبلى,   «توقىراۋىن» ءان-بي, «ارمان» ەسترادالىق جاستار, «بالبىراۋىن» بي ءانسامبلى, «سارىجايلاۋ» ۇلتتىق اسپاپتار وركەسترى, «اقتوعاي» جانە «شالقار» حالىق تەاترلارى بار ەدى. تەك بالالار ونەر ۇجىمى جوق بولاتىن. سوندىقتان, «اۋەن» ءانسامبلىن ۇيىمداستىردىق». ونىڭ قۇرامىنداعى سەگىز بالانىڭ ارقايسىسى ءارتۇرلى باي­قاۋلاردا جەڭىمپاز بولعاندار. مىسالى, سامال ماعاۋينا ءتات­تىمبەتتىڭ 200 جىلدىعىنا ار­نالعان رەس­پۋب­­ليكالىق كۇيشىلەر سايى­سىن­دا وزىپ شىقسا, ءامينا ەسىم استاناداعى «كۇنشۋاق» قو­رى­نىڭ ۇيىمداستىرۋىمەن وتكەن رەسپۋبليكالىق «سالەم, استانا» بايقاۋىندا گران-پري يەلەنگەن. ماديار ومىرعالى بولسا «سالەم, استانا!» بايقاۋىندا ءى ورىن, ەلنارا ءمىراسىل الماتى قالاسىنداعى حالىقارالىق ونەر فەستيۆالىندە I ورىن, عابيت سەرىك, ارۋجان بورانقۇل, ءمولدىر مول­داشەۆا سياقتى جەتكىنشەكتەر دە ءتۇرلى كونكۋرستاردا جۇلدەلى ورىننان كورىنگەندەر». نەگىزىندە, اقتوعاي اۋداندىق «ونەر» مەكتەبى العاش 2003 جىلى قۇرىلعاندا 60 وقۋشى بولسا, بۇگىندە مەكتەپتە 230 ۇل-قىز وقيدى. ولار دومبىرا, ەسترادالىق ۆوكال, ءداستۇرلى ءان, كوركەمسۋرەت سىنىپتارىندا ءبىلىم الىپ, قابىلەتتەرىن شىڭداۋدا. اقتوعاي – ورەلى ونەر تۇنعان, نەبىر ءدۇلدۇل ونەرپازدار شىققان مەكەن. سوندىقتان, «اۋەن» بالالار ءانسامبلىنىڭ دە تاريحى ۇزاق, الار اسۋلارى بيىك بولادى دەپ سەنەمىز. ەرنات قاشقىنوۆ قاراعاندى وبلىسى, اقتوعاي اۋدانى