ادەبيەتشىلەرسىز ادەبي بايقاۋ

وسىدان جەتى جىل بۇرىن ءبىر توپ ازامات اقىلداسا كەلە «التىن قالام» ادەبي جۇلدەسىن تاعيىنداۋ تۋرالى باستاما كوتەر­گەن بولاتىن. ماقسات – ەلىمىزدىڭ رۋحاني-مادەني دامۋىنا ەل پاتريوتى رەتىندە ءوز ۇلەسىن قوسۋ جانە جاس دارىندار مەن جاڭا ەسىمدەردىڭ قالىڭ جۇرتقا تانىلۋىنا ىقپال ەتۋ. كەيىن بايقاۋدى ۇيىمداستىرۋ كوميتەتىنىڭ قۇرا­مىنا باسقا دا بەلگىلى ازاماتتار, كاسىپكەرلەر قوسىلا باستادى. سونىمەن, قازاقستان ءباسپاسوز كلۋبىندا وتكەن ءماسليحاتتا«التىن قالام» ۇلتتىق ادەبي جۇلدەسى بەسىنشى ماۋسىمىنىڭ باستالعانى ءمالىم بولدى. بۇل كۇندە بايگەنىڭ ءتۇر-ءتۇرى بولعانىمەن, ۇزدىكتەردى انىقتاۋعا وقىرمانداردىڭ اتسالىسۋى وسى بايقاۋدىڭ باستى ەرەكشەلىگى سانالادى. شىعارمالاردى باعالاۋ ەكى كەزەڭنەن تۇرادى. العاش رەت وقىرماندار داۋىس بەرىپ, ءار كوركەم تۋىندىعا قاتىستى ءوز ءپى­كىرلەرىن بىلدىرەدى. بۇدان كەيىن جۇمىستارمەن قازىلار تا­نىسادى. ايتا كەتەتىن جايت, قازىلار قۇرامىندا كاسىبي قالامگەرلەر, ادەبيەتشىلەر جوق. كوپتىڭ تالقىسىنا ۇسىنىلعان ادەبي شىعارمالاردىڭ اۆتورى دا كورسەتىلمەيدى. مۇنداي تالاپتار جۇلدەنىڭ ءادىل وتۋىنە كەپىلدىك بەرەدى. قىسقاسى, ءبىز ءسوز ەتىپ وتىرعان بايقاۋ – جۇمىستارىنا جازۋشىلار ەمەس, وقىرماندار باعا بەرەتىن قازاقستانداعى ءبىرىنشى ادەبي جۇلدە. «التىن قالام» ۇلتتىق ادە­بي جۇلدەسى العاش رەت التى جىل بۇرىن يەلەرىن تاپقان ەدى. ۇمىتكەرلەردەن ادەبي تۋىندىلار «جىلدىڭ ۇزدىك پروزاسى», «جىلدىڭ ۇزدىك پوەزياسى», «جىلدىڭ ۇزدىك عىلىمي باسىلىمى», «جىلدىڭ ۇزدىك ىسكەرلىك باسىلىمى», «جىلدىڭ ۇزدىك بالالار كىتابى», «بلوگومانيا» («E-Kiتاپ»), «جىلدىڭ ۇزدىك اۋدارماسى» اتالىمدارى بويىنشا قابىلداندى. العاشقى بايگەگە ءۇش ايدا ەلىمىزدىڭ ءار وڭىرىندە تۇراتىن 75 اۆتوردان 92 شىعارما كەلىپ تۇسكەن. «التىن قالام» ەكىنشى رەت 2011 جىلى ۇيىمداستىرىلدى. باي­قاۋعا 115 اۆتور 240 شىعار­ماسىن جولدادى. ءۇشىنشى بايقاۋ 2014 جىلى ءوتتى. ال بىلتىرعى ۇيىم­داستى­رىلعان بايگەدە 170 ادام باق سىنادى, 355 جۇمىس وقىرمان سۇزگىسىنەن ءوتتى. وتكەن جىلعى بايقاۋ اتالىمدارى «جىلدىڭ ۇزدىك ساتيراسى», «جىلدىڭ ۇزدىك فانتاستيكاسى جانە دەتەكتيۆ شىعارماسى» اتالىمدارىمەن تولىقتى. بۇل جۇمىستاردىڭ دەنى www.akalam.kz ۆەب-پورتالىنا ورنالاستىرىلدى. بيىل «التىن قالام» ادەبي جۇلدەسىمەن «ارۋنا» باسپاسى ىنتىماقتاستىق ورناتىپ, جۇلدەگە قاتىسقان اۆتورلاردىڭ ءبىرىنىڭ بالالارعا ارنالعان كىتابىن شىعارۋعا دايىندالىپ جاتىر. ايناش ەسالي, «ەگەمەن قازاقستان» الماتى