سىندارلى ساياساتتىڭ جەمىسى

قازاقستاننىڭ ءوز ەگەمەن­دىگىن الىپ, تاۋەلسىز ەل بول­عانىنا بيىل شيرەك عاسىر تولادى. وسى 25 جىل ىشىندە ەلبا­سى اتامەكەنىمىزدى التى قۇر­لىققا تانىتىپ, ەكونو­مي­كا­مىزدى دامىتتى. شىنىن ايتۋىمىز كەرەك, قازاقستان الەمگە ەڭ الدىمەن بىرلىگى بەكىگەن, ىنتىماعى جاراسقان, حالقى بەيبىتشىلىكتى قالايتىن, پرەزيدەنتتىڭ سارابدال ساياساتى­نىڭ ارقا­سىندا وركەندەپ كەلە جاتقان جاس مەم­لەكەت رەتىندە تانىلدى. بۇل ءسوزىمنىڭ تاعى ءبىر دالەلى بولسىن, كۇنى كەشە عانا ەلىمىز­دىڭ بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە سايلانىپ, ابىرويىمىزدى جانە ءبىر مارتە اسىرا ءتۇستى. البەتتە, مۇنىڭ ءوزى – پرەزيدەنتىمىز نۇرسۇلتان نازارباەۆتىڭ تاۋەل­سىزدىك جىلدارىنداعى قازاقستاندى وركە­ندەتۋ جولىندا توككەن تەرى مەن سىن­دارلى ساياساتىنىڭ جەمىسى. ەلىمىز اتالعان كەڭەسكە مۇشەلىككە ءوتۋ ءۇشىن قاجەتتى 129 داۋىستان دا اسىپ-ءتۇ­سىپ, 138 داۋىس الدى. ءسويتىپ, قازاقستان وڭىردەن وزىمەن باسە­كەگە تۇسكەن تايلاندتان وق بويى وزىپ كەتىپ وتىر. وعان داۋىس بەرگەن مۇشە ەل­­دەر سانى 50-ءدىڭ توڭىرەگىندە عانا. مىنە, وسى­­عان قاراپ-اق ەلىمىز سىرتقى ساياساتىنىڭ قان­­شا­­لىق­تى قۋاتقا يە ەكەنىن كورۋگە بولادى. قازاقستان حالقى قازىر شىن نيەتپەن قۋا­نىپ جاتىر. الەمدە ەڭ بەدەلدى ۇيىم سا­نالاتىن بۇۇ ءبىرىنشى كەزەكتە بەيبىتشىلىكتى جاقتايدى. ءاربىر ەلدەگى ساياسي تۇراقتىلىقتى, دوستاستىق­تى, تاتۋلىقتى باعا­لايدى. وسى رەتتە قازاقستان – جەر شارىندا يادرولىق قارۋدان باس تارتقان ءبىرىنشى مەملەكەت. بيىلعى جىلدىڭ باسىندا ەلباسى اقش-تا ءوت­كەن الەم ليدەرلەرىنىڭ كەڭە­سىندە بارشا حالىقتى بەيبىت ءومىر سۇرۋگە شاقىرىپ, تاتۋ­لىق­تى تۋ ەتۋ كەرەكتىگىن ايت­قان بولاتىن. پرەزيدەنتتىڭ ماني­فەسىندە قامتىلعان ۇتىمدى وي مەن كەلەلى پىكىر كوپتىڭ كوڭىلىنەن شىقتى. سول سياقتى, مەملەكەت باسشىسىنىڭ كورەگەن كوش­باسشىلىعى مەن ساليقالى ساياساتى قازاقستاننىڭ بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلانۋىنا زور ىقپال ەتتى. بۇگىندە ت.جۇرگەنوۆ اتىنداعى ونەر اكادەمياسىنىڭ ۇجىمى ەلباسىنىڭ ءاربىر جولداۋى مەن ماڭىزدى رەفورماسىن قولداپ, جاستارعا كەڭىنەن ناسيحاتتاۋ جولىندا جۇمىس جۇرگىزىپ كەلەدى. ءوز كەزەگىندە ءبىز دە كەشەگى تاريحي وقيعانى شاكىرتتەرگە جان-جاقتى اڭگىمەلەپ, ماڭىزدىلىعى جايىندا ايتاتىن بولامىز. «قازاقستاننىڭ بولاشاعى جاستاردىڭ قولىندا. وسكەلەڭ ۇرپاق تەرەڭ ءبىلىم الىپ, سانالى تاربيەمەن سۋسىنداۋى كەرەك. ول ءۇشىن مەملەكەت جاستارعا بارلىق جاعدايدى جاساپ كەلەدى», – دەگەن ەلباسىنىڭ ءسوزى ۇنەمى جادىمىزدا. ءسوزىمنىڭ سوڭىندا ەلباسىنىڭ «قايت­سەم وتانىمدى وركەندەتىپ, قالاي دامىتا­مىن» دەگەن ءسوزىن جۇرەكپەن ءتۇسى­نەيىك. بىرلىگىمىزدى باعالاپ, تاتۋلى­عىمىز­دى جوعالتپايىق. تاۋەلسىزدىكتىڭ 25 جىل­دىعىمەن تۇسپا-تۇس كەلگەن بۇۇ قاۋىپ­سىزدىك كەڭەسىنىڭ تۇراقتى ەمەس مۇشە­سى بولىپ سايلانۋ ەرتەڭگى ۇلى تاريح, كەلە­شەك ۇرپاقتىڭ جولىنا جاسالعان سونى قادام ەكەنىن ۇمىتپايىق دەگىم كەلەدى. بيبىگۇل ءنۇسىپجانوۆا, ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ رەكتورى الماتى