مارتەبە جانە جاۋاپكەرشىلىك

قحا كەڭەسىنىڭ مۇشەسى, قازاقستانداعى «باربانگ» كۇردتەر اسسوتسياتسياسىنىڭ پرەزيدەنتى كنياز ميرزوەۆپەن اڭگىمە – كنياز يبراگيم­ ۇلى, بىرىككەن ۇلتتار ۇيىمىنىڭ قاۋىپسىزدىك كەڭەسىنە تۇراقتى ەمەس مۇشە بولىپ سايلاندىق. بۇل شەشىم شىققانشا, بارشا قازاقستاندىقتار ءبىر كىسىدەي ەلىمىزدىڭ ءتى­لەۋىن تىلەگەنىمىز راس. قازاقستانداعى ۇلت­تار دوستىعىنىڭ ۇندەۋ­شىسى رەتىندە وسى ءبىر قۋا­نىشتى حابار جونىندە نە ايتقان بولار ەدىڭىز؟ – بۇل ءبىز ءۇشىن زور قۋانىش ارقالاعان ءسۇيىنشى حابار بولدى. ءدال بۇگىنگى گەوساياسي احۋال ۇشىنىپ تۇرعان شاقتا, دەموكراتيانى جەلەۋ ەتكەن استىرتىن ارەكەتشىلەردىڭ قاعىنىپ تۇرعان شاعىندا, كورشى بولىپ قاتار جاساپ كەلە جاتقان مەملەكەتتەردىڭ اراسىنا شوق تاستاپ, قىرعي-قاباق ەتىپ قوياتىن سۇرقيا ارەكەتتەر اسقى­نىپ تۇرعان كەزدە مۇنداي بۇكىل الەمدىك قابىرعالى ۇيىمعا مۇشە بولۋ – ەل تاۋەلسىزدىگى مەن دامۋ تۇراق­تى­لىعىنىڭ كەپىلى ەكەندىگىنە داۋ جوق. جاقسى حاباردى ەستي سالا, ءوزىم­نىڭ كيەلى شاڭىراق – قازاقستان حالقى اسسامبلەياسى اياسىندا قازاق ەلىنىڭ بىرلىگى مەن ىنتىماعىنا, دامۋى مەن ىلگەرى باسۋىنا ۇلەس قوسىپ كەلە جاتقان ارىپتەس-زامان­داستارىما, وسىنداعى وزگە ۇلت ەتنومادەني بىرلەستىكتەرىنىڭ جەتەك­شىلەرىنە حابارلاسىپ, ەلى­مىز­دىڭ جاڭا ءبىر سەنىمدىلىككە يە بول­عا­نىن, مەملەكەت باسشىسى نۇرسۇلتان نازارباەۆتىڭ الەمنىڭ اي­تۋ­لى ەلدەرىن شارلاپ, التىن بەسىك – قا­زاق­­ستا­نى­مىز­دىڭ دا­مۋ­ى مەن الەم­دە ەڭ­سەسى بيىك ەلدەر قاتارىنان كورى­نۋى­نە بەل شەشە ات­قا­­رىپ جۇرگەن ەرەن ەڭ­بەگى وسىلايشا تا­عى ءبىر بيىكتەن كورىن­­گەن­دىگىن ايتىپ, ءوز­ارا ءبىر قۋانىسىپ قال­دىق. – كۇللى الەمنىڭ قاۋىپ­سىزدىگىن قادا­عا­لايتىن بۇل كەڭەسكە مۇشە بولۋ – وڭ جامباسقا يكەمدەپ, قاعىپ سالا بەرەتىن وڭاي شارۋا ەمەس. دۇنيە­نىڭ دامۋىنا ءوزىن­دىك ۇلەس قوسىپ وتىر­عان 200-گە تارتا مەم­لە­كەت داۋىسقا سالىپ, سونىڭ 138-ءى قازاقستانعا شار سالىپ, قال­عانى بىزبەن باق سى­ناس­قان تاي­لاندقا بۇيرەك بۇرىپتى... – تايلاند – ازياداعى ەكپىندى دامىپ كەلە جاتقان مەملەكەت, مادە­نيەتى, قولونەرى, سىرتقى دۇنيەمەن بايلانىسى ابدەن پى­سىق­تالىپ, جولعا قويىلعان ەل. ال ءبىزدىڭ تاۋەلسىز ەل بولعانىمىز – كەشە عانا بولسا, تايلاندتىڭ حا­لىق­ارالىق ساياسي-ەكونوميكالىق بايلانىسقا الدەقاشان شىعىپ, بىزدەن بۇرىن ورنىعىپ ۇلگەرگەنى بەلگىلى. بىراق: «نەگە بارشا داۋىس بەرۋشى ەلدەر ءبىزدى تاڭدا­دى؟» دەگەن سۇراق وزدىگىنەن باس كوتەرەرى انىق قوي. بۇل – ءبىزدىڭ قازاق ەلىنىڭ, بەيبىتسۇيگىش قازاق­ستان مەملەكەتىنىڭ الەمگە تا­نىل­عاندىعىنىڭ بەلگىسى بولسا, وسىن­داي بەرەكەلى ەلدى باسقارىپ, ءتۇرلى سايا­سي احۋالداردىڭ اراسىنان بارشا جۇرتپەن ءتىل تابىسا وتىرىپ, ەش قيىنشىلىققا ۇرىندىرماي باس­تاپ كەلە جاتقان نۇرسۇلتان نازارباەۆتاي ەلباسىمىزدىڭ ۇستان­عان ساياساتىنىڭ ناقتى ءناتي­جەسى. عاسىردىڭ شيرەگىندەي عانا ۋاقىت ارالىعىندا تۇتاس مەم­لە­كەتتەردىڭ تاعدىرىن شەشەتىن ازۋلى ەلدەردىڭ الدىندا ابىرويعا يە بولۋ وڭاي ما؟ حالىقارالىق دەڭگەيدە ءوز ۇستانىمىن ساقتاپ قانا قويماي, ونى دالەلدەپ, وزگەنىڭ سەنىمىنە يە بولۋ ءۇشىن ءبىر عاسىر دەگەنىڭىزدىڭ ءوزى مەملەكەت ءۇشىن سويلەۋدى جاڭا ۇيرەنگەن سابيدەي عانا مەرزىم. ونىڭ سىرتىندا الىپ ەلدەرمەن كورشى بولا وتىرىپ, باسقا الەم, وزگە مادەنيەتتىڭ تاسقىنى اقتارىلا سالاتىن ازيا مەن ەۋروپانىڭ كىندىك بەلدەۋىندە تۇرىپ, حالىقارالىق ساياسات پەن الەمدىك ەكونوميكانىڭ جۇردەك كوشىنە ىلەسۋ – ارينە, سىرتكوز سىناي وتىرىپ سالماقتايتىن باعا. بىرىككەن ۇلتتار ۇيىمىنىڭ جارعىسى بويىنشا جاھاندىق قاۋىپسىزدىك پەن بەيبىتشىلىكتى ساق­تاۋعا وكىلەتتەنگەن ەڭ ماڭىزدى ساياسي ورگاننىڭ قۇرامىنا تاريحتا ءبىرىنشى بولىپ ورتالىق ازيا كولەمىندە سايلانعان مەملەكەت بولۋ – جاھان الدىنداعى مارتەبەمەن قاتار, ۇلكەن جاۋاپ­كەر­شىلىك. ءوز باسىم قازاق ەلى مەن ونىڭ مەملەكەت باسشىسى بۇل جاۋاپ­­كەر­شىلىكتى دە ابىرويمەن الىپ جۇرە الاتىندىعىنا كامىل سەنەمىن! اڭگىمەلەسكەن قانات ەسكەندىر, «ەگەمەن قازاقستان» الماتى