سەنىم گراموتاسىن تاپسىردى

قازاقستان رەسپۋبليكاسىنىڭ توتەنشە جانە وكىلەتتى ەلشىسى قايرات سارجانوۆ برازيليا فەدەراتيۆتىك رەسپۋبليكاسى پرەزيدەنتىنىڭ مىندەتىن اتقارۋشى ميشەل تەمەرگە سەنىم گراموتاسىن تاپسىردى. كەزدەسۋ بارىسىندا سۇحباتتاستار ەكىجاقتى قارىم-قاتىناستاردى دا­مى­تۋدىڭ پەرسپەكتيۆالارىن تالقىلادى. ق.سارجانوۆ ەلىمىزدىڭ برازيليامەن ماشينا جاساۋ, مەتالل وڭدەۋ, مۇناي جانە مۇناي حيمياسى ونەركاسىبى سالا­لارىندا ىنتىماقتاستىقتى نىعاي­تۋعا, سونداي-اق, برازيليالىق ينۆەس­تيتسيالار مەن جاڭا تەحنولوگيالاردى تارتۋعا مۇددەلى ەكەنىن جەتكىزدى. ەلشى ەكىجاقتى ساۋدا اينالى­مىنىڭ قۇرىلىمىن ەسكەرە وتىرىپ, اۋىل شارۋاشىلىعى سالاسىن­دا ىنتى­ماق­تاستىقتى دامىتۋ ءمۇم­كىن­دىگى مول ەكەنىن اتاپ ءوتتى, ونىڭ ىشىندە قازاقستان اۋما­عىندا ەت, ءسۇت شىعاراتىن بىرلەسكەن كاسىپورىندار قۇرۋ, سونداي-اق, اۋىل شارۋاشىلىعى ونىمدەرىن زاماناۋي تەحنولوگيالاردى قولدانۋ ارقىلى وڭدەۋ بويىنشا تاجىريبە الماسۋ سياقتى ماسە­­لە­لەرگە نازار اۋدارىلدى. سونى­مەن بىرگە, ول ەلىمىزدىڭ اۋە بايلانى­سى قۇ­رامىندا برازيليانىڭ «ەم­براەر» كومپانياسىنىڭ 12 جولاۋشى ۇشاعى­نىڭ بار ەكەنىنە بايلانىس­تى قازاق­ستان­دا اۆياتسيالىق-تەحنيكالىق ورتا­لىق اشۋ مۇمكىندىگىن قاراستىرۋدى ۇسىندى. ەلشى استانادا ەكسپو-2017 حا­لىق­ارالىق مامانداندىرىلعان كور­مەسىن وتكىزۋگە دايىندىق جۇمىستارى بەلسەندى جۇرگىزىلىپ جاتقانىنا ەرەكشە نازار اۋدارىپ, برازيليانىڭ قاتىسۋى تۋرالى رەسمي راستاۋ قۇجاتىن ءجى­بەرۋ ماسەلەسىن جانە «ەكسپو» كو­ميسسارىن تاعايىنداۋ ءراسىمىن تەزدەتۋگە شاقىردى. برازيليانىڭ «يتايپۋ بيناسيونال» كومپانياسى ەكسپو-2017 الاڭىندا ۇلتتىق پاۆيلون اشۋ ماسەلەسىندە برازيليا ۇكىمەتىنە قارجىلىق كومەك كورسەتۋگە دايىن وتىر ەكەن. ق.سارجانوۆ قازاقستاندا «نۇر­لى جول» باعدارلاماسى مەن بەس ينس­تيتۋتتىق رەفورمانى جۇزەگە اسىرۋعا باعىتتالعان «100 ناقتى قادام» ۇلت جوسپارى نەگىزىندە قوعامدى دامىتۋ مەن ەكونوميكانى ءارتاراپتاندىرۋ بويىنشا اتقارىلىپ جاتقان جۇ­مىستار, ينۆەستيتسيالىق كليماتتى جەتىلدىرۋ باعىتىنداعى ءىس-شارالار, جەكەشەلەندىرۋ ۇدەرىستەرى تۋرالى حابارلادى. سونداي-اق, ەلشى قازاقستان پرەزيدەنتىنىڭ بىتىمگەرلىك باستاماسى – «الەم. XXI عاسىر» مانيفەسىنىڭ نە­گىزگى قىرلارى تۋرالى باياندادى. ءوز كەزەگىندە م.تەمەر قازاقستان پرەزيدەنتى نۇرسۇلتان نازارباەۆقا قازاقستان حالقىنىڭ يگىلىگى ءۇشىن جاساپ كەلە جاتقان جۇمىسىندا تابىس ءتى­لەدى. دۇنيەجۇزىنىڭ ساياسات ساحناسىندا قازاقستاننىڭ بەدەلى وسە ءتۇسىپ وتىرعانىن اتاپ ءوتىپ, برازيليانىڭ ەلىمىزبەن بارلىق سالادا ءوزارا ىقپال­داسۋعا دايىن ەكەندىگىن ءبىلدىردى جانە ەكى جاقتىڭ ساۋدا-ەكونوميكالىق الەۋ­ەتىن بەلسەندى ەتە تۇسۋگە  بارلىق مۇمكىن­شىلىكتەر بار ەكەنىن مالىمدەدى. «ەگەمەن-اقپارات»