وقىعان وڭىردە تۇراقتاپ قالا ما؟

ەلباسى نۇرسۇلتان نازارباەۆتىڭ «ماڭگىلىك ەل جاستارى – يندۋس­تريا­عا» اتتى مەملەكەتتىك باعدارلاماسى اياسىندا «سەرپىن-2050» الەۋمەتتىك جوباسى شوقان ءۋاليحانوۆ اتىنداعى كوكشەتاۋ مەم­لەكەتتىك ۋنيۆەرسيتەتىندە تولىققاندى جۇزەگە اسىرىلۋ ۇستىندە. «ماڭگىلىك ەل» ماق­سات­تارىمەن بايلانىستىرىلعان جوبا وڭتۇستىك وبلىستار جاستارىنىڭ ەلىمىز­دىڭ سولتۇستىك, باتىس جانە شىعىس ايماق­تارىندا ءبىلىم الۋىنا مۇمكىندىك بەرەدى. جوبانىڭ ماقساتى – ەڭبەك نارىعىندا تالاپ ەتىلە­تىن مامان­دىقتار بويىنشا ءبىلىم كەڭىس­تىگىن كەڭەيتۋگە, رەسپۋب­ليكا­نىڭ سولتۇستىك جانە ورتالىق ءوڭىر­لەرىندە اشىلىپ جاتقان ءمۇم­كىن­دىكتەردى ەسكەرە وتىرىپ, وڭتايلى كوشى-قون ۇدەرىسىن ۇيلەستىرۋگە, ستۋدەنتتەردىڭ تاڭداعان مامان­دىق­تارىنا دەگەن ىنتاسىن ار­ت­تىرۋعا جانە ولاردىڭ ەڭبەك جانە جۇمىسپەن قامتۋ سالاسىندا شارتتار جاساسۋىنا جول اشۋ. – ۋنيۆەرسيتەتىمىزدە «سەر­پىن-2050» الەۋمەتتىك جوباسىن قولداۋ ماقساتىندا وقىتۋشىلار ارا­سىندا ارنايى شتاب قۇرىلعان, – دەيدى رەكتوردىڭ تاربيە ءىسى ءجونىن­دەگى ورىنباسارى اماناي سەيىت­ق­اسىموۆ. – ونىڭ مۇشەلەرى بەس وبلىسقا ءبولىنىپ, وقۋعا تۇسەتىن تالاپكەرلەرمەن ناقتى جۇمىستار جۇرگىزدى. سونىڭ ناتيجەسىندە بۇگىن­گى كۇنى ش.ءۋاليحانوۆ اتىن­داعى كمۋ-دە بىلتىرعى جىلمەن قوسقاندا «سەرپىن-2050» الەۋ­مەتتىك جوباسى بويىنشا وڭ­تۇس­تىك قازاقستان, قىزىلوردا, جام­­بىل, الماتى, ماڭعىستاۋ وبلىس­­تارىنىڭ 515 تالاپكەرى وقۋ وردامىزدا پەداگوگيكالىق, تەح­نيكالىق, اۋىلشارۋاشىلىق ماماندىقتارى بويىنشا ءبىلىم الۋدا. بيىل 377 ستۋدەنت ءبىرىنشى كۋرستى ويداعىداي اياقتادى. اڭگىمە بارىسىندا, ۋنيۆەرسيتەتتە «سەرپىن-2050» گرانت يەگەر­­لەرىنىڭ شتابى قۇرىلىپ, ونىڭ توراعالىعىنا اتالعان جوبا تۇلەگى, جاراتىلىستانۋ عىلىم­دارى فاكۋلتەتىنىڭ 2-كۋرس ستۋ­دەنتى كەرىمبەك بەكسۇلتاننىڭ ساي­لانعانىن بىلدىك. بۇل ءوزىن ءوزى باسقارۋ قاعيداتتارىنا قۇرىلعان وتە جاقسى شەشىم. ويتكەنى, مۇنىڭ استارىندا كوپتەگەن ماسەلەلەر قاراستىرىلعان. ماسەلەن, بۇل كۇنى كەشە مەكتەپ ءبىتىرىپ, تۋعان ەلىنەن ۇزاپ شىقپاعان بالالاردىڭ جاراسىمدى قاۋىمداستىعىن, جەرگىلىكتى تۇسىنىك-تانىمداردىڭ جىلدام قالىپتاسۋىن قامتاماسىز ەتەتىنى انىق. سونىمەن بىرگە, «سەرپىن» شتابىنا ۋنيۆەرسيتەتتىڭ باس عيماراتىنان ارنايى كابينەت ءبولىنىپ, تالاپقا ساي جابدىقتالعانى دا قۇپتارلىق. ءبىلىم ورداسىنىڭ باسشىسى سەرپىندىكتەرمەن ءجيى-ءجيى كەزدەسۋ وتكىزىپ, ەمەن-جارقىن اڭگىمە ءوربيتىنى تاربيە ءتالىمىنىڭ باياندىلىعىن بايقاتادى. تاعى ءبىر ايتا كەتەرلىگى, ۋنيۆەرسيتەت باس­شىلىعى بىلتىرعى وقۋ جىلى­­نىڭ باسىندا بارلىق جاتاق­حانالاردا تۇراتىن 900 ستۋدەن­تكە داستارقان جايىپ, ءدام بەرگەنىن قالا جۇرت­شىلىعى جاق­سى ءداستۇردىڭ باس­تاماسىنداي قابىلداعانى ەسىمىزدە. قازىرگى ۋاقىتتا بۇل شتابتىڭ مۇشەلەرى ۋنيۆەرسيتەتتىڭ قوعام­دىق جۇمىستارىن ۇيلەستىرۋگە سەپ­تەسۋدە. بۇگىنگى كۇنى بارلىق گرانت يەگەرلەرى جاتاقحانامەن قام­تا­ماسىز ەتىلىپ, ولارعا قاجەتتى تۇر­مىستىق جاعدايلار جاسالعان. ءبىلىم ورداسىندا ءان-بي, دومبىرا, شاحمات, جاس تالانتتار, كور­­كەم­ونەرپازدار ۇيىرمەلەرى, «جاۋقازىن» تەاترى جۇمىس ىستەيدى. سونىمەن بىرگە, كمۋ-دە ستۋ­دەنتتىك دەكانات, «جاستار» پەدا­گوگيكالىق وتريا­دى, ستۋدەنتتەر كەڭەسى دە ونە­­گەلى قىرلارىمەن تانىلۋدا. «سەر­پىن-2050» الەۋ­مەتتىك جوباسى بو­يىن­­شا وقۋعا تۇسكەن ستۋدەنتتەر اتال­عان ۇيىم­دار­دىڭ نەگىزگى قۇرا­مى­نىڭ مۇشە­لەرى. ياعني, شىعار­ما­شى­لىق ۇيىرمەلەرىنە 115, سپورت جا­عى­نا 144 ستۋدەنت قاتىسادى ەكەن. مۇندا جاس اقىندار مەن ءتىل­شى­لەر كلۋبى قۇرىلعانىن دا بىلە­­مىز. بۇلاردىڭ قاتارىنداعى بالاۋسا جىر ءمۇشايرالارىنا قاتى­سىپ, قالالىق, وبلىستىق, رەس­پۋب­ليكالىق بايقاۋلاردىڭ جەڭىم­پاز­دارى اتاندى. اسىرەسە, تالان­تى­مەن ءتانتى ەتىپ جۇرگەن كۇلاش نىسانبەك ل.ن.گۋميلەۆ اتىن­داعى ەۇۋ ۇيىمداستىرۋىمەن وتكەن مۇقاعالي ماقاتاەۆقا ار­نال­عان «جازبا اقىندار ءمۇشاي­راسىندا» باس جۇلدەنى, تۇركى­ستان قالاسىنداعى عاني مۇرات­باەۆتىڭ 100 جىلدىعىنا ارنالعان «جالىنداپ وتكەن جاس عۇمىر» اتتى رەسپۋبليكالىق جىر ءمۇشاي­را­سىندا ءىىى ورىندى, اقمولا وب­لىستىق «ستۋدەنتتىك كوكتەم» فەس­تيۆالى مەن «ماڭگىلىك ەل – ءمار­تەبەلى ءتىل» اتتى اقىندار ءمۇشاي­را­سىندا ءىىى ورىندى يەمدەنۋىن ۇلكەن جەتىستىك دەپ باعالايمىز. سونداي-اق, كەرىمبەك بەكسۇل­تان­­نىڭ كوكشەتاۋ قالالىق «كو­ڭىل­دىلەر مەن تاپقىر­لار» باي­قاۋىن­دا ءى ورىندى جەڭىپ العا­نىن, نازەر­كە جاقسى­لىقوۆا­نىڭ قالالىق «ناۋرىز ارۋى» بايقاۋىندا ءىىى ورىن­دى يەمدە­نىپ, «كۇز ارۋى» باي­قاۋىندا توپ جارعانىن بولەك­تەپ ايتۋعا بولادى. ال, «كۇز ارۋى-2015» باي­قاۋىنا قاتىسقان فيلولوگيا فاكۋلتەتىنىڭ 1 كۋرس ستۋدەنت­تەرى قارامان ارداق ءىى ورىن, قال­قامان اينۇر ءىىى ورىنداردى ەنشىلەدى. وسى ورايدا, جولامان ۇلىقبەك «قازاق كۇرەسىنەن» رەسپۋبليكالىق, قالالىق كوپتەگەن تۋرنيرلەردىڭ جەڭىمپازى اتانىپ جۇرگەن جولامان ۇلىقبەكتىڭ اتىنا جىلى لەبىزدەر بىلدىرگىمىز كەلەدى. بۇگىنگى كۇنى «سەرپىن-2050» الەۋ­مەتتىك جوباسى بويىنشا وقۋعا تۇسكەن ستۋدەنتتەر ۋنيۆەر­سيتەت­تەگى جانە قالالىق, وبلىستىق, رەس­پۋبليكالىق دەڭگەيدە وتكىزىلەتىن بارلىق ءىس-شارالارعا بەلسەندى تۇردە قاتىسۋدا. سولاردىڭ ءبىر­ازىن سانامالاپ وتسەك دەيمىز. سەرپىندىكتەر­دىڭ ۇيىم­داس­تىرۋى­­مەن №1 جانە «ارا­س­ان» جا­تاق­­­حاناسىندا «ءبىز جالىن­دى جاس­­تار­مىز» اتتى مادەني كەش ءوت­كىزدى. قالالىق «دەنساۋلىق فە­س­تي­­ۆالىنە» بەس فاكۋلتەتتەن 1000-عا جۋىق ستۋدەنت قاتىستى. سونىڭ تەڭ جارتىسىنان كوبى – سەر­پىندىكتەر. وزدەرى شەپتىك قام­قور­لىققا العان بۇقپا تاۋىنىڭ بوك­تەرىن كوكورايعا بولەۋدەگى بەل­سەن­دىلىگى ءۇشىن قالا اكىمىنىڭ ال­عىس حاتىمەن ماراپاتتالعاندار دا سولار. «جاستاردىڭ جەتى قازى­ناسى» فورۋمىندا, «شوقان جۇل­دىز­دارى» فەستيۆالىندە جارقى­راي كورىنگەندەردىڭ ىشىندە دە سەر­پىندىكتەر بار. ءارتۇرلى ينتەللەكتۋالدىق, سپورت­تىق جارىستاردا كوكشەدەگى جەتەكشى ءبىلىم ورداسىنىڭ بەدەلىن كوتەرىپ جۇرگەندەردىڭ اراسىنان سەرپىندىكتەردى كوبىرەك كورە باس­تاۋىمىز دا عانيبەت. ماسەلەن, 2015 جىلدىڭ 29 قىركۇيەگىندە اس­تانا قالاسىندا وتكەن سەرپىن سار­دارلارىنىڭ سلەتىنە كەرىمبەك بەكسۇلتان قاتىسىپ, اقمولا وبلى­سىنىڭ سەرپىن ساردارى اتانىپ قايتتى. بيىلعى جىلعى 1 كۋرس ستۋ­دەنتتەرى اراسىنان «جالىن» قو­عام­­­­دىق ۇيىمى قۇرىلىپ, قايى­­رىم­دىلىق شارالار ۇيىم­داس­تىرىلۋدا. ناقتىلاي كەتسەك, قالا­داعى سوعىس جانە تىل اردا­گەر­لەرىنىڭ ۇيلەرىنە بارىپ ۇلكەن قايىرىمدىلىق كومەكتەر جاسالدى. سونىمەن بىرگە, مۇمكىندىگى شەك­تەۋلى بالالار ءۇي­لەرىندە دە كون­تسەرتتەر قويىل­دى. ستۋدەنتتەر ارا­سىنداعى اي­ماق­تىق «الامان» ءباي­گەسىن ۇيىم­داس­تىرۋشىلار قاتا­رىندا دا سەر­پىندىلىكتەر اي­رىق­شا بەلسەندىلىك تانىتقانى ايتىلۋدا. وتكەن جىلدىڭ سوڭىندا «ءور­لەۋ» بىلىكتىلىكتى ارتتىرۋ ۇلت­ت­ىق ورتالىعى» اكتسيونەرلىك قو­عا­مى ديرەكتورلار كەڭەسىنىڭ ءمۇ­شەلەرى, «ماڭگىلىك ەل جاستارى – يندۋسترياعا» رەسپۋبليكالىق جوباسى ۇيلەستىرۋ كەڭەسىنىڭ توراعاسى مۇرات ابەنوۆ ارنايى كەلىپ, سەر­پىن­دىكتەرمەن كەزدەسۋ وتكىزۋى الەۋمەتتىك جوبانىڭ الەۋەتتى ەكەن­دىگىن ايعاقتايدى. ەلباسى ن.ءا.نازارباەۆ قازاق­ستان تاۋەلسىزدىگىنىڭ تۇعىرلى بولىپ, قازاق ەلىنىڭ وركەندەۋى جاس­تار­دىڭ قولىندا ەكەندىگىن العا تارت­قاندا, اتالى ءسوزىن سەرپىن­دىك­­تەرگە دە قاراتىپ ايتقانى بەل­­گىلى. قوعامىمىزدا عىلىمي جاس­­­تار ەليتاسى شوعىرلانسا, ەلى­­مىز دامىعان 30 مەملەكەتتىڭ قا­تارى­نا قوسىلاتىندىعى ايقىن. حال­­قى­مىزدىڭ ۇلىق مۇراتىنا ش.ءۋالي­­حانوۆ اتىنداعى كوكشەتاۋ مەم­لە­كەت­تىك ۋنيۆەرسيتەتىندە ءبىلىم الىپ جاتقان ستۋدەنتتەر دە وزىندىك ۇلەس قوساتىنىنا سەنگىمىز كەلەدى. باقبەرگەن امالبەك, «ەگەمەن قازاقستان» اقمولا وبلىسى