ىنتىماقتاستىق ماسەلەسى تالقىلاندى

استانادا پرەمەر-مينيستر كارىم ءماسىموۆتىڭ قاتى­سۋىمەن ەۋروپا قايتا قۇرۋ جانە دامۋ بانكى ديرەك­تور­لار كەڭەسىنىڭ وتىرىسى ءوتتى, دەپ حابارلادى پرەمەر-مي­نيستردىڭ ءباسپاسوز قىزمەتى. وتىرىس بارىسىندا قازاق­ستانداعى اعىمداعى ەكونوميكالىق  جاعداي, ۇكىمەتتىڭ ەكونوميكالىق ءوسىمدى ىنتالاندىرۋ بويىنشا قولدانىپ جاتقان شارالارى, سون­داي-اق قازاقستاننىڭ ەقدب-مەن ىنتىماقتاستىق ماسەلەسى تالقى­لاندى. بىرقاتار مينيسترلىكتەردىڭ باسشىلارى ەنەرگەتيكا, كولىك جانە اۋىل شارۋاشىلىعى سالا­سىنداعى ينۆەستيتسيالىق مۇمكىن­دىكتەر تۋرالى بايانداما­لار ۇسىن­دى. سون­داي-اق, جەكەشە­لەندى­رۋ باعدار­لا­مالارىن جۇزەگە اسىرۋ بارىسى جانە «استانا» حالىق­ارالىق قار­جى ورتالىعى قىزمە­تىنىڭ پەرسپەكتي­ۆالارى تانىستىرىلدى. ءوز كەزەگىندە, ەقدب ديرەك­تور­لار كەڭەسىنىڭ مۇشەلەرى قازاق­ستاندا ىسكە اسىرىلىپ جاتقان ەكونو­ميكالىق رەفورمالارعا وڭ باعا بەرىپ, جەمىستى ىنتى­ماق­تاس­تىقتى جالعاستىرۋعا سەنىمدى­لىك­تەرىن ءبىلدىردى. «ءبىز رەفورما جۇرگىزۋدە ءسىز­دەر­دى بەلسەندى قولدايمىز», دەدى فران­تسيانىڭ اتىنان كەلگەن ەقدب ديرەكتورلار كەڭەسىنىڭ مۇشەسى رافاەل بەللو. ءىس-شارا سوڭىندا ك.ءماسىموۆ قا­­زاق­ستان مەن ەۋروپا بانكى ىن­تى­­ماق­تاستىعىنىڭ جانە ەلدىڭ الدىن­دا تۇرعان سىن-قاتەر­لەر جاع­دايىن­دا دامۋدىڭ ماڭىزدى­لىعىن اتاپ ءوتتى. «وتكەن جىلى ءبىز زاڭناماعا باسا نازار اۋداردىق جانە قازىر رەفورمالاردى جۇزەگە اسىرۋ بويىن­شا پراكتيكالىق قادامدار قولدا­نۋدامىز. بۇل وڭاي ەمەس, الايدا, ءبىزدىڭ دۇرىس جولدا ەكەنىمىزگە سەنىمدىمىن», دەپ تۇيىندەدى ءسوزىن پرە­مەر-مينيستر.