ءوزارا سەنىمنىڭ جوعارى دەڭگەيىن كورسەتكەن سەزد

كەشە «نۇر وتان» پارتياسى توراعاسىنىڭ ءبىرىنشى ورىنباسارى مۇحتار قۇل-مۇحاممەد ماسكەۋدە وتكەن «ەدينايا روسسيا» پارتياسىنىڭ XV سەزىنە قاتىستى. مۇحتار قۇل-مۇحاممەد «ەدي­نايا روسسيا» پارتياسىنىڭ باس­شىلىعىنا «نۇر وتان» پارتيا­سىنىڭ توراعاسى نۇرسۇلتان نازارباەۆتىڭ اتىنان قۇتتىقتاۋ حات­تى تابىس ەتتى. ءوزىنىڭ قۇت­تىقتاۋ حاتىندا مەملەكەت باسشى­سى سەزد دەلەگاتتارى مەن قوناق­تارىنا ىستىق ىقىلاسىن جولداي وتىرىپ, قازاقستان مەن رەسەي حالىقتارىن ءححى عاسىرداعى تاتۋ كورشىلىك جانە وداقتاستىق تۋرا­لى كەلىسىممەن بەكىتىلگەن سترا­تەگيالىق سەرىك­تەستىكتى دايەك­تى تۇردە دامىتىپ وتىرعان دوس­تىق پەن ىنتى­ماق­تاستىقتىڭ سان عاسىرلىق باۋىرلاس قارىم-قاتى­ناسى بايلانىستىراتىنىن جەت­كىزگەن. ەۋرازيالىق ەكونومي­كالىق وداقتىڭ سەرپىندى دامۋى قا­زاقستان مەن رەسەي ارا­سىنداعى ءوزارا سەنىمنىڭ جاڭا دەڭگەيىن كورسەتەدى. نۇرسۇلتان نازارباەۆ: «ەكى ەلدىڭ بيلەۋشى پارتيالارى: «نۇر وتان» مەن «ەدينايا روسسيا» ارا­سىنداعى ءوزارا تىعىز بايلانىس قا­زاقستان-رەسەي قارىم-قاتىناسىن ودان ءارى نىعايتاتىن ماڭىزدى تەتىك بولىپ تابىلادى. جەتەكشى سايا­سي كۇشتەر اراسىنداعى ۇنقاتىسۋ – قازاقستان مەن رەسەيدىڭ بارلىق سالانى قامتيتىن سەرىكتەستىگىنىڭ سالماقتى فاكتورى. ءبىز رەسەيلىك ارىپتەستەرىمىزبەن كوپقىرلى جانە سىندارلى ىنتىماقتاستىعىمىزدى ودان ءارى دامىتۋعا, پارتياارالىق بايلانىستى جان-جاقتى كەڭەيتىپ, تەرەڭدەتۋگە نيەتتىمىز», – دەپ اتاپ وتكەن. «نۇر وتان» پارتياسى توراعا­سىنىڭ ءبىرىنشى ورىنباسارى رەسەي استاناسىندا بىرقاتار ەكىجاق­تى كەزدەسۋلەر وتكىزدى. اتاپ ايت­قان­دا, مۇحتار قۇل-مۇحاممەد رە­سەي فەدەراتسياسى مەملەكەتتىك دۋ­ما­سىنىڭ توراعاسى سەرگەي نارىش­­كينمەن جانە «ەدينايا روس­سيا» پارتيا بيۋروسى جوعا­رى كەڭە­سىنىڭ توراعاسى بوريس گرىز­لوۆ­­پەن كەزدەسىپ, پارتيا توراعاسى نۇرسۇلتان نازارباەۆ كورسەتىپ بەرگەن «نۇر وتاننىڭ» الدىنداعى جۇمىستاردىڭ باسىم باعىتتارى جونىندە ايتتى. ءوز سوزىندە پارتيا توراعاسىنىڭ ءبىرىنشى ورىنباسارى قازاقستاننىڭ 2050 جىلعا دەيىنگى دامۋ ستراتەگياسىنا, «100 ناقتى قادام» ۇلت جوسپارىنا, «نۇرلى جول» كەڭ اۋقىمدى باع­دارلاماسىنا, سونداي-اق, «الەم. ءححى عاسىر» مانيفەسى مەن ۇلى جىبەك جولىن جاندان­دىرۋ ماسەلەسىنە, مەملەكەت باس­شى­سىنىڭ «ۇلكەن ەۋرازيا» قۇرۋ سىندى قوعام نازارىنا ىلىنگەن حالىقارالىق باستامالارىنا ەرەكشە كوڭىل ءبولدى. ءوز كەزەگىندە رەسەيلىك ارىپتەستەر نۇرسۇلتان نازار­باەۆتىڭ سانكت-پەتەربۋرگتەگى حالىقارالىق ەكو­­­نو­ميكالىق فورۋمدا جانە تاش­­­كەنت­تەگى شىۇ-نىڭ ساممي­تىندە ءسوي­لەگەن سوزدەرىنىڭ ەرەكشە ماڭىز­­دىلىعىن اتاپ ءوتتى. وزبەك­ستان استاناسىنداعى باسقوسۋ­دا قازاق­ستان باسشىسى شانحاي ىنتى­ماقتاستىق ۇيىمىنا توراعالىق ەتۋ قۇقىن قابىلداپ العانىن ايتا كەتكەن ءجون. كەشە مۇحتار قۇل-مۇحاممەد جاپونيا ليبەرال-دەموكراتيالىق پارتياسىنىڭ باس حاتشىسىمەن دە كەزدەستى. كازۋنوري تاناكا ءوز ەلى­نىڭ پارلامەنتىنە جەتى مارتە ساي­لانعان. سونداي-اق, ول بۇگىندە جا­پونيانىڭ بيلەۋشى پارتياسىنىڭ سايلاۋالدى شتابىن باسقارادى. كەلىسسوز بارىسىندا كازۋنوري تاناكا نۇرسۇلتان نازارباەۆتىڭ تاۋەلسىز قازاقستاننىڭ قالىپتاسۋى مەن دامۋىنداعى ايرىقشا رولىنە جانە ونىڭ حالىقارالىق ارەناداعى جوعارى بەدەلىنە توقتالدى. ماسكەۋدە قازاقستان-رەسەي سەرىكتەستىگىنىڭ ەرەكشە مارتەبەسى ەسكەرىلىپ, سەزدىڭ اشىلۋىنا وراي وتكىزىلگەن سالتاناتتى كەزدەسۋدە رەسەيگە كەلگەن بارلىق وتىز شەتەلدىك پارتيا دەلەگاتسيالارى اتىنان «نۇر وتان» پارتياسى توراعاسىنىڭ ءبىرىنشى ورىنباسارىنا ءسوز بەرىلگەنىن اتاپ وتكەن ءجون. «ەگەمەن-اقپارات»