مادەني ماۋسىم باستاۋ الدى

قازاقستان رەسپۋبليكاسى ۇلتتىق مۋزەيىندە گەنەرال دە گوللدىڭ بايقوڭىر عارىش ايلاعىنا ساپارىنىڭ 50 جىلدىعىنا ارنالعان شارل دە گولل قورىنىڭ پرەزيدەنتى جاك گودفرەن مىرزانىڭ قاتىسۋىمەن كونفەرەنتسيا ءوتتى, دەپ حابارلادى ۇلتتىق مۋزەيدىڭ اقپاراتتىق-يميدجدىك قىزمەتى. بۇل شارا فرانتسيا مەن قا­زاق­ستان اراسىنداعى ديپ­لوما­تيالىق قاتىناستىڭ  25 جىل تولۋىنا ارنال­عان شاعىن مادەني ماۋسىمنىڭ باس­تاماسى بولىپ سانالادى. كونفەرەنتسيادا ءسوز العان فران­تسيانىڭ قازاقستانداعى ەلشىسى فرانسيا ەتەن مۇنداي شا­را­­لار­دىڭ ەكى ەل قارىم-قاتى­ناسى­نا وڭ ىقپال ەتەتىنىن اتاپ ءوتتى. ال شارل دە گولل قورىنىڭ پرەزيدەنتى جاك گودفرەن گەنەرال دە گولل تۋرالى, ونىڭ قوعامداعى ورنى جايىندا باياندادى. «ون­داعان جىلدار وتكەننەن كەيىن ءبىز ەسكە الىپ وتىراتىن ءوز ەلىنىڭ, ءوز مەملەكەتىنىڭ تاريحىندا وشپەس ءىز قالدىرعان ساياسي قايراتكەرلەر  ەندى كوپ تە بولا بەرمەيدى», – دەدى جاك گودفرەن. قوناقتار كونفەرەنتسيا بارى­سىندا شارل دە گوللدىڭ ءومىرى جانە ونىڭ فرانتسيا پرە­زي­دەنتى بولعانداعى قىزمەتى تۋرالى اڭگىمەلەدى.  سول سياقتى ءسوز سويلەگەندەر فرانتسيا مەن قازاق­­ستان اراسىنداعى قارىم-قاتى­­ناستىڭ سەرپىنى, گەنەرال دە گوللدىڭ قازاقستانعا ساپارى­نىڭ تاريحي ماڭىزى جانە ەكى ەل اراسىنداعى ديپلوماتيالىق قارىم-قاتىناستىڭ ودان ءارى دامۋى تۋرالى ماسەلەلەرگە توقتالدى. شارانىڭ رەسمي ءبولىمىنىڭ سوڭىندا ۇلتتىق مۋزەي دي­رەك­تورىنىڭ ورىنباسارى جاكەن تاي­ماعامبەتوۆ قوناقتارعا ال­عى­سىن ءبىلدىرىپ, مۋزەيدىڭ اتىنان شاعىن ەستەلىك كادەسىي تاپسىردى. جاك گودفرەن ۇلتتىق مۋزەيدىڭ ۆيترينالارىنىڭ بىرىنەن ءوزىنىڭ لايىقتى ورنىن الاتىن شارل دە گولل قورىنىڭ ەسكەرتكىش مەدالىن مۋزەيگە سىيعا تارتتى.