كوركەم شىعارمالاردا ەلدىك مۇرات كورىنىس تابۋى كەرەك

الماتىدا مەملەكەتتىك حاتشى گۇلشارا ابدىقالى­قو­ۆانىڭ تورايىمدىعىمەن قازاقستان رەسپۋبليكاسىنىڭ ادەبيەت پەن ونەر سالاسىنداعى مەملەكەتتىك سىيلىعىن بەرۋ جونىندەگى كوميسسيانىڭ وتىرىسى بولىپ ءوتتى. القالى جيىندا 2016 جىلعى قازاقستان رەسپۋبليكاسىنىڭ ادە­بيەت پەن ونەر سالاسىنداعى مەم­لە­كەتتىك سىيلىعىنا ۇسى­نىلعان جۇ­مىستار, ولاردىڭ تىركە­لۋى, قارالۋى جانە العاشقى ساراپ­تا­مادان ءوتۋى تۋرالى ماسەلەلەر قارالدى. كوميسسيانىڭ وتىرىسىن اشا وتىرىپ, مەملەكەتتىك حاتشى گۇل­شارا ابدىقالىقوۆا ەلبا­سى نۇرسۇلتان نازارباەۆتىڭ «قا­زاق­ستان-2050» ستراتەگيالىق باعدار­لاماسىندا ۇلتتىق مادەني كودتى ساقتاۋدىڭ ماڭىزدىلىعى ەرەكشە اتاپ وتىلگەندىگىنە توقتالدى. ءتىلدى, رۋحانياتتى, ءداستۇردى جانە ۇلتتىق قۇندىلىقتاردى دامىتۋ قوعام مەن مەملەكەتتىڭ الدىندا تۇرعان باسىم مىندەتتەردىڭ ءبىرى جانە ونداي ماڭىزدى ءمىن­دەت­تەردى شەشۋدە ادەبيەت پەن ونەر قاي­رات­كەرلەرىنە ەرەكشە سەنىم ارتى­لاتىنىن, تاريحي ميسسيا جۇك­تەلەتىنىن تىلگە تيەك ەتتى. سون­داي-اق, مەملەكەتتىك حاتشى ەلى­مىزدىڭ مادەني مۇراسىن بايى­تۋعا, ۇلتتىق قۇندىلىقتارىن ۇلىقتاۋعا ۇلەس قوسقان اۆتورلاردى باعالاپ, ولارعا قولداۋ كورسەتۋگە باعىتتالعان جۇمىستىڭ ماڭىزدىلىعىنا جانە كوميسسيا مۇشەلەرىنىڭ بۇل ورايداعى ايرىقشا جاۋاپكەرشىلىگىنە ارنايى توقتالدى. سونىمەن قاتار, گۇلشارا ناۋشاقىزى مەملەكەت باسشىسىنىڭ جارلىعىمەن كوميسس­يا قۇرامىنا ەنگىزىلگەن وزگە­رىستەر رەتىن تانىستىرا وتى­رىپ, مەملەكەتتىك سىيلىق ءجونىن­دەگى كوميسسيانىڭ ادەبيەت سەكتسياسى مۇشەلەرىنىڭ قۇرامىنا پار­لامەنت سەناتىنىڭ دەپۋتاتى, پۋب­ليتسيست-جازۋشى جابال ەرعا­ليەۆ پەن مۋزىكا, تەاتر جانە كينو سەكتسياسى مۇشەلەرىنىڭ قۇرا­مىنا بەلگىلى كينوتانۋشى باۋىر­جان نوگەربەكتىڭ مۇشە بولىپ ەنگىزىل­گەن­دىگىن ءمالىم ەتتى. – تاۋەلسىزدىك جىلدارىن­دا مەملەكەت تاراپىنان ۇلت­تىق ونەردىڭ ۇلىقتالۋىنا, ءتول ءما­دە­نيەتتىڭ تورگە وزۋىنا, قازاق ادەبيەتىنىڭ تىنىسىن كەڭەي­تۋگە جان-جاقتى قولداۋ كورسە­تىلۋدە. 1992 جىل مەن 2014 جىل ارا­لى­عىندا 89 مادەنيەت جانە ونەر قايراتكەرى مەملەكەتتىك سىيلىققا يە بولدى. 2008 جىلدان بەرى ادەبيەت پەن ونەر سالاسىنداعى مەملەكەتتىك سىيلىق ەلباسى جارلىعىمەن بەكى­تىلىپ, وسى ۋاقىت ارالىعىندا 22 ونەر قايراتكەرى لاۋ­رەات اتان­دى. ەلباسى نۇرسۇلتان نازار­باەۆ ۇسىنعان «ماڭگىلىك ەل» جالپى­ۇلتتىق پاتريوتتىق يدەياسى حال­قىمىزدىڭ بىرلىگى مەن ىنتى­ماعىن نىعايتۋعا باعىتتالىپ, ۇلتتىق ونەر مەن مادەنيەتتىڭ جاڭاشا ورىستەۋىنە سەرپىن بەرۋدە. سوندىقتان, بەرىلەتىن سىي­لىق ەلدىڭ رۋحاني-مادەني ءومىرىن­دە مويىندالعان, ءوز سالاسىن­دا وزىق ءارى ۇزدىك كوركەم شىعار­ما بولۋى ءتيىس دەپ ويلايمىن. ول شىعارمالاردا وتانشىل, مەملەكەتشىل, ەلشىل يدەيا تەرەڭ كورىنىپ تۇرۋى ءتيىس, – دەدى مەم­لەكەتتىك حاتشى. ەڭبەكتەردى تالقىلاۋ جانە جاسىرىن داۋىس بەرۋ ۇدەرىسى ادەبيەت, مۋزىكا, تەاتر جانە كينو, سونداي-اق, بەينەلەۋ جانە ساۋلەت ونەرى دەپ بولىنگەن 3 سەكتسيا مۇشەلەرىنىڭ داۋىسقا سالۋىنا ساي قارالدى. سەكتسيالاردا جالعاسقان تالقىلاۋلاردىڭ, جاسىرىن داۋىس بەرۋلەردىڭ, ودان كەيىنگى جالپى وتىرىستىڭ قورىتىندىسى بويىنشا بايقاۋدىڭ كەلەسى كەزەڭىنە جىبەرىلەتىن شىعارمالار تۋرالى شەشىم قابىلداندى. حاتتامالىق شەشىم بويىنشا ىرىكتەۋدەن ءوتىپ, مەملەكەتتىك سىيلىق الۋعا ۇسى­نىل­عان جۇمىستار ءتىزىمى قوعامدا, ادەبيەت پەن ونەر جاناشىر­لارى­نىڭ ورتاسىندا, سونداي-اق, قالىڭ جۇرتشىلىق اراسىندا كەڭى­نەن تالقىلانۋ ءۇشىن «ەگەمەن قازاق­ستان» جانە «كازاحستانسكايا پراۆدا» گازەتتەرىندە جاريالاناتىن بو­لادى. قانات ەسكەندىر, «ەگەمەن قازاقستان» الماتى