بريتانيا ەۋرووداقتان شىعاتىن بولدى ما؟

بۇرناعى كۇنى ۇلىبريتانيا ءبى­رىككەن كورولدىگىندە وتكەن رەفەرەندۋم تۇرعىنداردىڭ باسىم بولىگى ەۋرووداقتان شىققاندى قالايتىنىن كورسەتتى. كورولدىكتەگى 382 وكرۋگتىڭ باسىم بولىگى كۇن تارتىبىنە قويىلعان سۇراقتى قولدادى. اتاپ ايتقاندا, بريتانيالىقتاردىڭ 51,9 پايىزى وداقتان شىعۋدى قالاسا, 48,1 پايىزى قالا بەرۋگە ءۇن قوستى. بىلايشا ايتقاندا, 17 410 742 ادام ەو-دان شىعۋعا داۋىس بەرسە, 16 141 241 ادام بۇ­رىنعى قالپىندا قالۋعا ءۇمىت ارتقان. ناتيجە بەلگىلى بولعان بويدا ونى تالداۋشىلار قاتارى كو­بەيە ءتۇستى. سولاردىڭ الدىڭعى قاتارىندا جاقىندا لوندوننىڭ مەرى بولىپ سايلانعان ساديك حان ەلدىڭ ەو قۇ­رامىنان شىعاتىنىنا قاراماستان, ۇلىبريتانيا استاناسىنىڭ بۇ­رىنعىسىنشا ەۋروپا جۇرتى ءۇشىن ەسىگى اشىق, «جايناعان قالا بولىپ قالا بەرەتىنىن» ايتتى. وسى كۇنى تاڭەرتەڭ ءبىر توپ ادام بريتانيانىڭ ەو-دان شىعۋىن ايرىقشا جاقتاۋشىلاردىڭ ءبىرى, لوندوننىڭ بۇرىنعى مەرى بوريس دجونسوننىڭ ءۇيى الدىنا جينالىپ, ونىڭ رەفەرەندۋم قورىتىندىسىنا قانداي رەاكتسيا بىلدىرەتىنىن قادا­عالاپ تۇردى. الايدا, دجونسون جۇ­رت الدىنا شىعىپ, ەشتەڭە ايتا قوي­مادى. سودان سوڭ ولار ايعايلاپ, ىسقىرىپ, شۋلاپ كەتىپ قالدى. مۇنىڭ ەسەسىنە, اقش پەن ەۋرو­وداققا مۇشە ەلدەر سەڭ سوققان بالىقتاي بولىپ ەستەرىنەن تانعان كەيىپ تانىتتى. ەۋروپالىق كەڭەس تاڭەرتەڭ شۇعىل جيىن وتكىزدى. ون­دا كەڭەس توراعاسى دونالد تۋسك جاعداي بۇلاي وزگەرىپ كەتكەنىمەن, ەۋرووداقتىڭ بولاشاعى بولاتىنىنا سەنەتىنىن جەتكىزدى. «ءبىزدى ولتىرگەن نارسە ءبىزدى كۇشتى دە ەتە تۇسەدى», دەپ مالىمدەدى ول ورتاعاسىرلىق شەشەندەردىڭ ءسوز ستيلىمەن. يس­پا­نيا سىرتقى ىستەر ءمينيسترى حوسە مانۋەل گارسيا-مارگالو 1713 جىلدان بەرى تەڭىزدىڭ ارعى جاعىنداعى تەرريتوريا بولىپ كەلە جاتقان ۇلىبريتانيانىڭ ەو-دان شىعۋ جونىندە شەشىم قابىلداۋى ارال-مەملەكەتتىڭ بولاشاعىنا قانداي ءوز­گەرىستەر اكەلەدى, دەدى, ال اقش پرەزيدەنتتىگىنە رەسپۋب­­ليكاشىلار اتىنان كاندي­دات دونالد ترامپ ۇلىبريتانيانىڭ ەو-دان شىعۋ جونىندە شەشىم جاساپ, كەرەمەت ۇيعارىمعا كەل­گەنىن اتاپ ءوتتى. ونىڭ ويىنشا, بۇل بريتانيالىقتارعا «ءوز ەل­دەرىن وزدەرىنە قايتارىپ الۋعا كو­­­مەكتەسەدى». ونىڭ پيعىلىنا قاراعاندا, ءبىرتۇتاس كۇشتى ەۋ­روپا اقش-قا ەش كەرەك ەمەس, ىدىراپ السىرەگەنى ۇتىمدى. ەۋروپار­لامەنتتىڭ توراعاسى مارتين شۋلتس كابينەتتىڭ بريتانياداعى رەفەرەندۋم قورىتىندىسىن تالقىلاۋ ءۇشىن سەيسەنبى كۇنى باس قوساتىندارىن ايتتى. مۇنداي باسقوسۋلاردى اقش, گەرمانيا جانە فرانتسيا باسشىلارى دا وتكىزگەلى جاتىر. ال رەسەي پرەزيدەنتى ۆلاديمير پۋتين قالاي بولعاندا دا بريتانيا حالقىنىڭ تاڭداۋىن قولداۋعا تۋرا كەلەتىنىن كولدەنەڭ تارتتى. ۇلىبريتانياداعى رەفەرەندۋم قورىتىندىسى الدىمەن ەۋرو­وداقتىڭ ىرگەسى سوگىلۋىنىڭ ءبىرىنشى بەلگىسى بولسا, ەكىنشى جاعىنان كورول­دىك قۇرامىنا كىرەتىن باسقا ۇلتتىق قۇرىلىمداردىڭ ورتاق مەملەكەت اياسىنان شىعىپ كەتۋگە قايتا تالپىنىس جاساۋلارىنا مۇرىندىق جاساعالى تۇرعان سياقتى. مىسالى, «ۇلكەن ەۋروپانىڭ» قۇرامىندا بولۋدى قالاعان شوتلانديا بۇدان بىلاي كىشى بريتانيانىڭ اياسىندا قا­لا بەرۋگە ىقىلاستى ەمەس ەكەندەرىن اشىق ايتا باستادى. مۇنداي كوڭىل-كۇي تولقىنى سولتۇستىك يرلانديا جانە ۋەلس اۋماعىن دا شارپىپ جاتىر. ولار دا ەندى ءوز رەفەرەندۋمدارىن وتكىزبەك ارەكەتكە تاۋەكەل ەتەتىن تۇرلەرى بار. ۇلىبريتانيا پرەمەر-ءمينيسترى دەۆيد كەمەرون بولسا, ءۇش ايدىڭ ىشىندە قىزمەتىنەن كەتەتىنىن ءمالىم­دەپ ۇلگەردى... سەرىك ءپىرنازار, «ەگەمەن قازاقستان»