اي-80 بەنزينى مەن ديزەل وتىنى قىمباتتاي ما؟

پارلامەنت سەناتى ەكونوميكالىق ساياسات, يننو­ۆاتسيالىق دامۋ جانە كاسىپكەرلىك كوميتەتىنىڭ مۇشەلەرى ەنەرگەتيكا مينيسترلىگى مەن «سامۇرىق-قازىنا» اق-تىڭ باسشىلىعىمەن كەزدەسىپ, ەلىمىزدەگى مۇناي ونىمدەرىنىڭ باعاسىن رەتتەۋ مەن ساپاسىن ارتتىرۋدىڭ زاڭنامالىق ماسەلەلەرىن تالقىلادى. ­ەنەرگەتيكا ءمينيسترىنىڭ ورىنباسارى اسەت ماعاۋوۆ ىشكى نارىقتاعى مۇناي ونىمدەرىنىڭ تۇراقتىلىعىن ساقتاۋعا ارنالىپ قابىلدانعان شارالار تۋرالى حابارلادى. مۇناي ونىمدەرىنىڭ تاپشىلىعى قاۋپىن بولدىرماۋ ماقساتىندا مينيسترلىك اي-80 جانە ديزەل وتىنىنا باعالاردى مەملەكەتتىك رەتتەۋدى توقتاتۋ­دى ۇسىنىپ وتىر. بايانداماشى­نىڭ ايتۋىنشا, جانارماي قۇيۋ بەكەتتەرىندەگى تومەن باعالار كورشى مەملەكەتتەرمەن شەكارالاس ايماقتارعا مۇناي ونىمدەرىنىڭ باقىلاۋسىز اعىلۋىنا اكەلىپ سوعۋى مۇمكىن. ءا.ماعاۋوۆ وتاندىق مۇناي ءونىم­د­ەرىن وڭدەۋ كاسىپورىندارىن جاڭ­عىرتۋ جاعدايى تۋرالى حاباردار ەتتى. اتاپ ايتقاندا, اتىراۋ مۇ­ناي وڭدەۋ زاۋىتىندا مۇناي­دى تەرەڭ وڭدەۋ كەشەنى قۇرىلىسى بيىل اياقتالادى. پاۆلودار مۇناي حي­­مياسى زاۋىتى مەن پەتروكازاح­ستان ويل پروداكتس (پكوپ) كاسىپ­­ورنىن جاڭعىرتۋ شارالارى 2017 جىلى اياقتاۋ كوزدەلىپ وتىر, ول ك4 جانە ك5 ەكولوگيالىق دارە­جەسىندەگى وتىن وندىرىسىنە كوشۋگە مۇمكىندىك بەرەدى. سونىمەن قاتار, ءمينيستردىڭ ورىنباسارى سۇيىتىلعان گازدى پايدالاناتىن كولىك قۇرال­دارىنىڭ سانى ارتىپ وتىر­عا­نى­نا توقتالدى. گاز­بەن ءجۇ­رە­­ت­ىن ماشينالاردىڭ سا­نى 36 000-عا جەتىپ, 2014 جىل­مەن سالىس­تىرعاندا ءۇش ەسە ارت­تى. قازاق­­ستاندا مىڭ ادامعا شاق­قانداعى اۆتوموبيل سانى قازىرگى 250-دەن ون جىلدا 370-كە دەيىن ۇلعايۋى كۇتىلىپ وتىر. وعان قوسا, 2025 جىلعا قاراي گازبەن جۇرەتىن كولىكتەر مەن ەلەكتروموبيلدەر ۇلەسى 20 پايىزعا جەتەدى. ءسوزىنىڭ سوڭىندا ءا. ماعاۋوۆ ءۇش نەگىزگى مۇناي وڭدەۋ زاۋىتىن جاڭعىرتۋ ىشكى نارىق سۇرا­نىستارىن ءوزىمىزدىڭ جوعارى ساپالى مۇناي ونىمدەرىمەن تولتىرۋعا مۇمكىندىك بەرەتىنىن, ارتىعىن كورشى ەلدەرگە شىعارۋعا بولاتىنىن اتاپ ءوتتى. ەكونوميكالىق ساياسات, يننو­ۆاتسيالىق دامۋ جانە كاسىپ­كەر­لىك كوميتەتىنىڭ توراعاسى تالعات­بەك ءابايدىلدين اي-80 ماركالى بەنزين مەن ديزەل وتىنى باعا­سىنىڭ كوتەرىلۋى, اسىرەسە, اۋىل تۇر­عىن­دارى ءۇشىن الەۋمەتتىك ماڭىزى زور ماسەلە ەكەنىنە نازار اۋداردى. ول, سونداي-اق, گازدى پايدالا­نا­تىن كولىك قۇرالدارىنىڭ ۇلەسى ۇلعايىپ وتىرعانىن ەسەپكە الا وتى­رىپ, ونىڭ باعاسىنا باقى­لاۋ­دىڭ قاجەتتىگىن اتاپ ءوتتى, دەپ حابارلادى پارلامەنت سەناتىنىڭ ءباسپاسوز قىزمەتى.