اقتوبەدە باسقارما باسشىسى تاعايىندالدى

[caption id="attachment_48317" align="aligncenter" width="383"] فوتو: اقتوبە وبلىسىنىڭ اكىمدىگى[/caption] اقتوبە وبلىسى ءبىلىم باسقارماسىنىڭ باسشىسى لاۋازىمى ءبىرازدان بەرى بوس ەدى. وبلىس اكىمى بەردىبەك ساپارباەۆتىڭ 2016 جىلعى 15 ماۋسىمداعى وكىمىمەن ساۋلە ومىربەكوۆا «اقتوبە وبلىسىنىڭ ءبىلىم باسقارماسى» مم-ءنىڭ باسشىسى قىزمەتىنە تاعايىندالدى. ول 1968 جىلى دۇنيەگە كەلگەن. ق.جۇبانوۆ اتىنداعى اقتوبە پەدوگوگيكالىق ۋنيۆەرسيتەتىن تاريح ءپانىنىڭ مۇعالىمى ماماندىعى بويىنشا ءبىتىردى. العاشقى ەڭبەك جولىن 1987 جىلى باستاعان. ءبىلىم سالاسىندا ءارتۇرلى قىزمەتتەردە ەڭبەك اتقارعان. «راۋان» كەدەن-قارجى كوللەدجىنىڭ ديرەكتورى, «اقتوبە وبلىسىنىڭ كاسىپكەرلىكتى قولداۋ» مم باسقارما باستىعىنىڭ ورىنباسارى, «اقتوبە وبلىسى اكىمىنىڭ اپپاراتى» مم ءبولىم مەڭگەرۋشىسى, «اقتوبە وبلىسىنىڭ بالالاردىڭ قۇقىقتارىن قورعاۋ دەپارتامەنتى» مم ديرەكتورىنىڭ ورىنباسارى, اقتوبە قالاسىنداعى №23 مەكتەپ-ليتسەيدىڭ ديرەكتورى قىزمەتتەرىن اتقاردى. 2013 جىلعى اقپان ايىنان بەرى – «اقتوبە قالاسىنداعى فيزيكا-ماتەماتيكا باعىتىنداعى نازارباەۆ زياتكەرلىك مەكتەبىنىڭ» ديرەكتورى بولىپ جۇمىس ىستەپ كەلدى. ساتىبالدى ءساۋىرباي اقتوبە وبلىسى.