وزىق ويلى وقۋشىلار

الماتىنى سۋ تاسقىنى مەن سەلدەن قورعايتىن قۇرىلعى ويلاپ تاپتى «الماتىدا وقۋشىلار الىپ شاھاردى سۋ تاسقىنى مەن سەلدەن قورعاۋعا باعىتتالعان جاڭا جۇيە ويلاپ تاپتى. پايداسى مول, مۇمكىندىگى زور قۇرىلعى ىلە الاتاۋىنىڭ بەتكەيىنە ورناتىلاتىن بولادى», دەپ جازادى 24 kz ارناسى. سوڭعى ۋاقىتتا جاۋىن-شاشىن شامادان تىس كوپ بولىپ تۇر. تابيعاتتىڭ بۇل مىنەزى وقۋشىلاردى دا تولعاندىرۋدا. جۋىردا ءبىر توپ شاكىرت «قار سۋى, جاۋىن-شاشىن مەن پايدالانىلعان سۋدى تازالاۋدىڭ جەرگىلىكتى جۇيەسى» دەپ اتالاتىن جاڭا جوبا دايىنداپ شىعاردى. جوبا بويىنشا, جىلۋ وتكىزەتىن تالشىق ەنگىزىلگەن قوس تۇتىك تاۋ بەتكەيلەرىندەگى قاسات قارعا ورنالاستىرىلىپ, كۇن ەنەرگياسى ارقىلى جىلىتىلادى. – ەكى تۇتىكتىڭ اراسىنداعى كەڭىس­تىككە قار تۇسكەن ساتتە ەرىپ, ارنايى قۇبىرلار ارقىلى جاساندى سۋ قويماسىنا قۇيادى. بۇل سۋمەن جازدا باسسەيندەردى تولتىرۋعا, ەگىندىكتى سۋعارۋعا بولادى. جينالعان سۋ كومىرتەك پيراميداسى ارقىلى تازارتىلعان, – دەدى ءدىلنۇر ايۋپوۆا ەسىمدى وقۋشى. وقۋشىلاردىڭ جوباسىنا سايكەس, اۆتوكولىكتەردى جۋعان سۋدى ءۇش ءتۇرلى سۇزگىنىڭ كومەگىمەن قالدىق مايدان تازارتۋعا بولادى. بالالار وزدەرى ويلاپ تاپقان جوبانىڭ ماكەتىن ۇساق بولشەكتەردەن قۇراستىرعان. ونى جاساۋ ءۇشىن ءۇش جىل ۋاقىتتارى كەتىپتى. جوبا جەتەكشىلەرىنىڭ ايتۋىنشا, ءار قۇرىلعىنىڭ بولشەكتەرى مۇقيات زەرتتەلىپ, عىلىمي نەگىزدە جاسالعان. قانات ەسكەندىر, «ەگەمەن قازاقستان» نوسەر جاۋىننىڭ سالدارىنان كوپىر استىنا جينالعان سۋدان كولىك موتورى ىستەن شىعىپ قالماس ءۇشىن شىعارماشىلىق توپ ارىق جۇيەسىن قايتا جاساۋدى ۇسىنىپ وتىر. «وزەندەردىڭ تابيعي ارناسىن ساقتاي وتىرىپ, ۇيلەردىڭ شاتىرىنان باستاپ جەراستى جولدارىنا دەيىن سۋ وتكىزەتىن قۇبىرلار قويۋ كەرەك», دەدى تالاپتى جاستار. الماتى