جايلى قونىسقا جايعاستى

قاسيەتتى رامازان ايىندا جانە استانا كۇنىن مەرەكەلەۋ قارساڭىندا قاراعاندى وبلىسىنىڭ  شاحتينسك قالاسىندا 26 وتباسى جاڭا باسپاناعا يە بولدى. ۇزاق جىلداردان بەرى كەزەكتە تۇرعاندارعا قالا اكىمى سەرجان ايماقوۆ پەن قالالىق ءماسليحاتتىڭ حاتشىسى جامالا مامەرحانوۆا پاتەرلەردىڭ كىلتىن تابىستادى. ەستەرىڭىزدە بولسا, ەلباسىمىز ن.نازارباەۆ قازاقستان حالقىنا جولداعان «نۇرلى جول» باع­دارلاماسىندا قولجەتىمدى تۇر­عىن ءۇي قۇرىلىسىن قايتا قاراستىرۋدى جانە قازاق­س­تان­دىقتاردى قولجەتىمدى, ارزان باسپانامەن قامتاماسىز ەتۋدى تاپسىرعان بولاتىن. مەملەكەت باسشىسىنىڭ بۇل تاپسىرماسى ءبىزدىڭ قالامىزدا دا جۇزەگە اسىرىلۋدا. اتا-اناسىنىڭ قام­قورلىعىنسىز قالعان بالالار, مۇگەدەكتەر, كوپ بالالى وتباسىلار, ارداگەرلەر جانە بيۋدجەت مەكەمەلەرىنىڭ قىزمەتكەرلەرى قالا باسشىسىنىڭ تابىستاعان پاتەر كىلتىن قۋانىش­پەن قولعا الىپ, قونىس تويىن تويلاۋعا اسىقتى. وسى كۇنى سالتاناتتى شا­را­عا جاڭا پاتەرگە يە بول­عانداردىڭ جاقىن-جۋىقتارى, دوس-جاراندارى دا قاتىسىپ, قۋانىشتارىنا ورتاق بولدى. قالا اكىمدىگىنىڭ عيماراتى  تۇر­­عىندارعا تولدى. تۇلا بويىن بيلەگەن شاتتىق سەزىمدەرىمەن بولىسكەن تۇرعىندار جاڭا باسپانالارىن كورۋگە اسىقتى. ءتىپتى, كەيبىر وتباسىلار جاڭا ءپا­­­تەر­لەرىن جارقىراعان جيھاز­دارمەن تول­تىرۋدى ويلاستىرىپ قويىپ­تى. قونىس تويىن تويلاعالى وتىر­عان جاڭا پاتەر يەلەرىنە «ءسىز­دەر وسى كۇندى ۇزاق  كۇت­تىڭىزدەر. ەلباسىنىڭ تاپسىرماسىنا سايكەس, قازاقستان رەس­پۋبليكاسىنىڭ ۇكىمەتى وڭىرلەردى دامىتۋدىڭ 2020 جىلعا دەيىنگى باعدارلاماسىن ازىرلەپ, تۇر­عىن ۇيگە مۇقتاجداردى باس­پا­نامەن قامتۋعا كوڭىل ءبولىندى. قاسيەتتى رامازان ايىندا بۇگىن ەلباسىنىڭ قولداۋىمەن جاڭا باسپاناعا يە بولىپ وتىرسىزدار. جاڭا ۇيلەرىڭىز سابيلەردىڭ كۇلكىسىنە تولسىن, بەرەكە-بىرلىك ارىلماسىن», – دەدى قالا باسشىسى سەرجان جاڭابەك ۇلى. ءبىز جاڭا پاتەرگە يە بولعان­داردىڭ كەيبىرىن اڭگىمەگە تارتتىق. نادەجدا ايۋحانوۆا, ۇلى وتان سوعىسىنىڭ ارداگەرى: – كوپ جىلدان بەرى جەكەجايدا تۇرىپ كەلدىم.توزىعى جەتكەن باسپانامنان جاڭا ۇيگە كوشەتىنىمە قۋانىشتىمىن. ەلى­مىزدىڭ كوش­­باسشىسى, حال­قىمىزدىڭ قامقورشىسى نۇرسۇلتان ءابىش ۇلى نازارباەۆ­قا شەكسىز العىسىمدى ايتامىن. اللانىڭ نۇرى جاۋسىن. نازىم بارلىباي, جاس وتباسى مۇشەسى: – قالامىزدىڭ 30-شى ورا­مىنداعى قىزعىلت سارى ءتۇستى دەر­بەس تۇرعان كوپ قاباتتى تۇر­عىن ۇيدەن ماعان دا پاتەر بەرىلگەندىگىنە باقىتتان باسىم اينالىپ تۇر. جاڭا پاتەرگە يە بولسام عوي, بالالارىم ۇيىمىزدە اسىر سالىپ ويناسا ەكەن دەپ كوپ ارماندۋشى ەدىم. رامازان ايىندا اللا تاعالا تىلەگىمدى قابىل ەتتى. ەلباسىمىز وتباسىمنىڭ قان­شالىقتى ريزا ەكەنىن بىلسە عوي. روزا قاپار, كوپ بالالى انا: – بالالارىم بۇگىن باقىتتى. وسى كۇندى اڭساپ, اسىعا كۇتكەن بولاتىن. مەملەكەت باسشىسىنا انالىق اق تىلەگىمدى جاۋدىرامىن. ەلىمىز تىنىش, مەرەكەلى بولسىن, باسپاناعا مۇقتاج وزگە دە جانۇيالار جاڭا ۇيگە قول جەتكىزىپ, قونىس تويىن تويلاسىن.  امانكەلدى تۇرجانوۆ, جۋرناليست  قاراعاندى وبلىسى