كەلەشەككە كەمەل قادام

ەلباسىمىز «قازاقستان جاڭا جاھاندىق ناقتى احۋالدا: ءوسىم, رەفورمالار, دامۋ» اتتى جولداۋىندا: «ءبىز – ازاتتىق تۋىن جەلبىرەتىپ, تاۋەلسىز مەملەكەت اتانعانىمىزدىڭ 25 جىلدىعىنا اياق باسامىز. بۇل – تاۋەلسىزدىكتى نىعايتۋ جولىنداعى ولشەۋسىز ەڭبەگىمىزدىڭ شيرەك عاسىرلىق بەلەسىن قورىتىندىلايتىن مەرەيلى ءسات», – دەپ اتاپ كورسەتتى. الدىمىزدا دامىعان وزىق 30 ەلدىڭ قاتارىنا كىرۋمەن بىرگە «ماڭگىلىك ەل» يدەياسىن ىسكە اسىرۋ سەكىلدى تولاعاي مىندەتتەر تۇر. وتكەنگە وي جۇگىرتسەم, تاۋەلسىزدىك العاننان بەرگى كەزەڭدە نە اتقار­دىم, ەلىمنىڭ وركەندەۋىنە قان­داي ۇلەس قوستىم, دەگەن ساۋال كەس-كەستەيدى. ءيا, ەگەمەندىكتىڭ ەلەڭ-الاڭ شاعىندا كۇرمەۋى كوپ كوپتەگەن ەكونوميكالىق قيىن­دىقتارعا كەزىككەنىمىز راس. ونىڭ ءبارى كەشەگىدەي كوز الدىمىزدا. مەملەكەت باسشىسىنىڭ تۋرا جولدان اداستىرماي, العا جە­تە­لەۋىنىڭ ارقاسىندا شيرەك عاسىرلىق مە­رەيتويعا دا جەتىپ وتىر­عانىمىزعا شۇكىرشىلىك دەيمىز. سول كەزدەرى قۇرىلعان «با­­­­بىق-بۇرلىق» جشس-ءى ءبۇ­گىندە وبلىستاعى ءىرى استىق شا­رۋاشىلىقتارىنىڭ ءبىرى. ءبىز دە ءتاي-ءتايلاپ وسكەن ءسابي قۇساپ ءوسۋ, تولىسۋ, تاجىريبە جيناقتاۋ كەزەڭدەرىن باستان كەشىردىك. العاشقى قادامىمىزدى كەڭەستىك داۋىردەن قالعان ەسكى «نيۆا», «ەنيسەي» كومبايندارىمەن, «دت-75», «ت-4», «ت-40», «يۋمز-6» تراكتورلارىمەن باستادىق. قازىر «قازەكسپورتاستىق» حولدينگىنىڭ قۇرامىندا جۇمىس ىستەپ جاتقان­دىقتان قولداۋ كورسەتىلەدى. سەرىكتەستىكتىڭ يەلىگىندە 25 مىڭ گەكتار ەگىستىك پەن جا­يىلىم بار. جىل سايىن ءدان­دى جانە مايلى داقىلدار, ءبىر­جىل­دىق جانە كوپجىلدىق مال ازىقتارىن ءوسىرىپ, مول ءونىم الىپ كەلەمىز. استىقتىڭ گەكتار بەرەكەلىگىن 30 تسەنتنەرگە دەيىن جەتكىزگەن تۇستارىمىز بولدى. شارۋاشىلىقتا ءوندىرىس كولەمىن ارتتىرۋ ماقساتىمەن تەحنيكالىق قايتا جاراقتاندىرۋعا, قور ۇنەم­دەۋ تەحنولوگياسىن ەنگىزۋگە, مي­نەرالدى تىڭايتقىشتاردى جانە وسىمدىك قورعاۋ زاتتارىن ءتيىمدى پايدالانۋعا ايرىقشا كوڭىل بولىنەدى. ءبىزدىڭ ماماندارىمىز اقش, كانادا, گەرما­نيا سەكىلدى وركەنيەتتى ەلدەرگە با­­رىپ, وندىرىستىك تاجىريبەدەن ءوتتى. ءسويتىپ, استىق ءوندىرىسىنىڭ نولدىك تەحنولوگياسىمەن جۇمىس ىستەۋ تاجىريبەسىن ۇيرەنىپ كەلدى. سوڭعى جىلدارى سىيىمدىلىعى 13500 تونناعا جەتەعابىل 9 اس­تىق ساقتايتىن قوندىرعى ىسكە قوسىلدى. سەرىكتەستىكتىڭ عيماراتى مەن ماشينا-تراكتور پاركىن, ناۋ­بايحانا مەن اۋىلدىق كلۋبتى جى­لىتۋ ءۇشىن زاماناۋي قازاندىق ورناتىلدى. كەيىنگى ۋاقىتتا مال شارۋا­­­­­شىلىعىن دامىتۋ باعدار­لا­­­ماسىنا بەلسەنە اتسالىسىپ كە­لەمىز. كومپانيانىڭ قارجىلىق قولداۋىمەن قازاقتىڭ ەتتى اقباس سيىرلارى ساتىپ الىندى. تۇقىم شارۋاشىلىعى مارتەبەسىن يە­لەنىپ, مال باسى ەكى مىڭعا جەت­تى. كانادادان 10 گەرەفورد اسىل­تۇقىمدى اتالىق مال اكەلىندى. مال سويۋ جانە قولدان ۇرىق­تان­دىرۋ قوسىندارى جۇمىس ىستەيدى. سەرىكتەستىك جە­كە­مەن­شىك-مەملەكەت ءارىپ­تەستىگى اياسىندا شارۋاشىلىق اۋماعىنداعى مەك­تەپتەرگە جىل سايىن ءجون­دەۋ جۇمىستارىن جۇرگىزىپ, وقۋ­­شىلاردى تەگىن تاماقپەن قامتاماسىز ەتەدى. تومەنگى بۇر­لىق اۋىلىنداعى دارىگەرلىك امبۋلاتوريا قالپىنا كەلتىرىلدى. اگروقۇرىلىمنىڭ كۇشىمەن بالاباقشا, مادەنيەت ءۇيى قالپىنا كەلتىرىلدى. جاقسى جالعىزتاۋ اۋىلىندا قوعامدىق مونشا ىسكە قوسىلدى. جاستار ءۇشىن ءدامحاناسى بار جازعى بي الاڭى اشىلدى. جاڭا ستاديون, «ارلان» جابىق مۇز ايدىنى, اۋىل تۇرعىندارى دەمالاتىن «كونستيتۋتسيا الاڭى» پايدالانۋعا بەرىلدى. قات-قابات تىرشىلىكتىڭ جەتە­گىندە جۇرسەك تە, اۋىل­دىق­تار­دىڭ الەۋمەتتىك ماسەلەلەرىن نا­زاردان تىس قالدىرمايمىز. جىلىجايلاردا كوكونىستەر ءوسىرىلىپ, تۇرعىندار مەن بالا­باقشاعا, مەكتەپكە قولجەتىمدى باعامەن بوساتىلادى. ءبىر ءسوز­بەن ايتقاندا, ەل يگىلىگى ءۇشىن اتقارىلىپ جاتقان ازدى-كوپتى جەتىستىكتەرگە بوستاندىقتىڭ اق تاڭىنىڭ ارقاسىندا قول جەت­كىزگەنىمىزدى زور باقىت سانايمىز. كەلەشەككە كەمەل قاداممەن باسا وتىرىپ, ەل ريزىعىن ەسەلەي تۇسۋگە بارلىق كۇش-جىگەرىمىزدى جۇمىلدىراتىن بولامىز.  سەيىلبەك ماحمەتوۆ,  «بابىق-بۇرلىق» جشس ديرەكتورى, «قۇرمەت» وردەنىنىڭ يەگەرى  سولتۇستىك قازاقستان وبلىسى, ايىرتاۋ اۋدانى