رەسەي كينورەجيسسەرى

قازاقستان تۋرالى فيلم ءتۇسىرىپ جاتىر كورشى ەلدەن ارنايى كەلگەن رەجيسسەر سەرگەي شانوۆيچ تەلە­جوباسىنىڭ «جايلاۋعا جىلقى ايداۋ» دەپ اتالاتىن ءبولىمىنىڭ تۇسىرىلۋىنە قازاق گەوگرافيالىق قوعامى ارىپتەستىك تانىتىپ, كومەك كورسەتىپ وتىر. بۇل ءبولىم ءتۇسىرىلىم جوباسىنداعى ەڭ ماڭىزدى مازمۇن جىلقىنىڭ كوشپەندىلەر ۇعىمىندا تاۋەل­سىزدىكتى, دەربەستىك پەن اسقاق مۇراتتى بەينەلەيتىندىگىن كور­سەتەتىن ءسات بولماق. تابيعي ەكوجۇيەنى ساقتاۋعا, جەردى توزدىر­ماۋعا ايرىقشا دەن قويعان بايىرعى بابالارىمىزدان ۇلاسىپ كەلە جاتقان «جايلاۋعا كوشۋ» ءداستۇرى قازىر دە وزەكتىلىگىن جويعان جوق. سەرگەي شانوۆيچ كومانداسىنا ءتىپتى, الماتى وبلىسىنداعى تۇرگەن شاتقالىندا جىلقى ءۇيىرىنىڭ كوش جولىن ءتۇسىرىپ الۋدىڭ دا ورايى كەلگەن. سونىمەن قاتار, ءتۇسىرىلىم جۇمىستارى تەڭىز دەڭگەيىنەن 2200-2600 مەتر بيىكتە جاتقان, كۇزگى بوزقىراۋعا دەيىن جايىلىم بولار ءشوبى شۇيگىن, شۇرايلى اسى جايلاۋىندا جالعاسۋدا. بۇل ىسكە اتبەگى, بۇركىتشى, سايىس ونەرىنىڭ شەبەرلەرىمەن قاتار, قازىرگى تاڭدا ۇمىتىلىپ بارا جاتقان – ءاندى ەسكىشە كومەيمەن ايتۋ ونەرىنىڭ مايتالماندارى Arkayim توبىنىڭ مۇشەلەرى انار قاسىموۆا مەن ابزال ارىقباەۆ قاتىستى. قانات ەسكەندىر, «ەگەمەن قازاقستان» الماتى