حالىقارالىق قۇجاتتار راتيفيكاتسيالاندى

پالاتا باسشىسى قاسىم-جومارت توقاەۆتىڭ توراعالىق ەتۋىمەن پارلامەنت سەناتىنىڭ كەزەكتى وتىرىسى بولدى. سەنات توراعاسىنىڭ ۇسىنۋىن قاراي كەلىپ, جوعارعى پالاتانىڭ دەپۋتاتتارى نۇرلان نۇرجانوۆتى رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ مۇشەسى ەتىپ تاعايىندادى. سەناتورلار ەۋرازيالىق ەكو­نوميكالىق وداق شەڭبەرىندە ءدارى­لىك زاتتار اينالىسىنىڭ بىرىڭعاي قاعيداتتارى مەن قاعيدالارى تۋرالى كەلىسىمگە ارمەنيا رەس­پۋب­ليكاسىنىڭ قوسىلۋى تۋرالى حاتتامانى راتيفيكاتسيالادى. حاتتاما دارىلىك زاتتاردىڭ ورتاق نارىعىنا ارمەنيا رەسپۋبليكاسىنىڭ قاتى­سۋىن, دارىلىك زاتتار اينالىمىن رەتتەۋدىڭ بىرىڭعاي قاعيدالارى مەن تالاپتارىن قابىلداۋدى, مۇشە مەملەكەتتەر اۋماعىندا ءدا­رى­لىك زاتتاردىڭ قاۋىپسىزدىگىنە, ءتيىم­دىلىگىنە جانە ساپاسىنا قويى­لاتىن مىندەتتى تالاپتاردىڭ ءبىر­كەلكى بولۋى مەن ولاردىڭ ساق­تالۋىن قامتاماسىز ەتۋدى, مۇشە مەملەكەتتەردىڭ دارىلىك زاتتار اينالىسى اياسىندا باقىلاۋ سالا­سىنداعى زاڭناماسىن ۇيلەستىرۋدى, دارىلىك زاتتاردىڭ ساپاسىن قامتا­ماسىز ەتۋ جۇيەسىن قۇرۋعا ارنالعان بىرىڭعاي تاسىلدەردى جەتىلدىرۋدى كوزدەيدى. سونداي-اق, ەۋرازيالىق ەكو­نوميكالىق وداق شەڭبەرىندە مە­ديتسينالىق بۇيىمدار اينالى­سىنىڭ بىرىڭعاي قاعيداتتارى مەن قاعيدالارى تۋرالى كەلىسىمگە ارمەنيا رەسپۋبليكاسىنىڭ قوسىلۋى تۋرالى حاتتاما دا راتيفيكاتسيالاندى. قۇجات ارمەنيا رەسپۋبليكاسىنىڭ مەديتسينالىق بۇيىمداردىڭ جالپى نارىعىنا قاتىسۋىن, مەديتسينالىق بۇيىمداردىڭ اينالىمىن رەتتەۋدىڭ بىرىڭعاي قاعيدالارى مەن تالاپتارىن قابىلداۋدى, مۇشە مەملەكەتتەر اۋماعىندا مەديتسينالىق بۇيىمداردىڭ قاۋىپسىزدىگىنە, تيىمدىلىگىنە جانە ساپاسىنا قويىلاتىن مىندەتتى تالاپتاردىڭ بىركەلكى بولۋى مەن ولاردىڭ ساقتالۋىن قامتاماسىز ەتۋدى, سونداي-اق, مۇشە مەملەكەتتەردىڭ مەديتسينالىق بۇيىمدار اينالىسى اياسىندا باقىلاۋ سالاسىنداعى زاڭناماسىن ۇيلەستىرۋدى كوزدەيدى. سەناتورلار تاۋەلسىز مەملەكەتتەر دوس­تاستىعىنا قاتىسۋشى مەم­لە­كەتتەردىڭ اۋماقتارىندا بىرلەسكەن جەدەل-تەرگەۋ توپتارىن قۇرۋ ءتارتىبى جانە ولاردىڭ قىزمەتى تۋرالى كەلىسىمدى راتيفيكاتسيالادى. 2015 جىلعى 16 قازاندا بۋرابايدا قول قويىلعان كەلىسىمدە بىرلەسكەن جەدەل-تەرگەۋ توپتارىنىڭ نەگىزگى مىندەتتەرى, ولاردى قۇرۋدىڭ ءتارتىبى, ولارعا ۇلتتىق جەدەل-تەرگەۋ توپتارىنىڭ قوسىلۋ جانە شىعۋ راسىمدەرى, سونداي-اق, تمد-عا قاتىسۋشى مەملەكەتتەردىڭ اۋماعىن­دا پروتسەستىك ارەكەتتەردى نەمەسە جە­دەل-ىزدەستىرۋ ءىس-شارالارىن جۇرگىزۋ كەزىندەگى ءوزارا ءىس-قيمىل ءتارتىبى اي­قىندالعان. ەكى وقىلىمدا ەگجەي-تەگجەيلى قارال­عاننان كەيىن «قازاقستان رەسپۋب­ليكاسى جەر كودەكسىنىڭ جەكەلەگەن نورمالارىنىڭ قولدانىسىن جانە «قازاقستان رەسپۋبليكاسىنىڭ جەر كودەكسىنە وزگەرىستەر مەن تولىق­تىرۋلار ەنگىزۋ تۋرالى» 2015 جىلعى 2 قاراشاداعى قازاقستان رەسپۋبليكاسى زاڭىنىڭ قولدانىسقا ەنگىزىلۋىن توقتاتا تۇرۋ تۋرالى» زاڭ قابىلداندى. قۇجات قازاقستان رەسپۋبليكاسى پرەزيدەنتىنىڭ 2016 جىلعى 6 مامىرداعى «جەر زاڭناماسىنىڭ كەيبىر نورمالارىن قولدانۋعا موراتوري ەنگىزۋ تۋرالى» №248 جارلىعىن ورىنداۋ ءۇشىن ازىرلەندى. زاڭنىڭ نەگىزگى ماقساتى جەر كودەكسىنىڭ اۋىل شارۋاشىلىعى ماقساتىنداعى جەر بەرۋ (جالعا الۋ) ماسەلەلەرىن رەتتەيتىن جەكەلەگەن ەرەجەلەردىڭ قولدانىسىن 2016 جىلعى 31 جەلتوقسانعا دەيىن توقتاتا تۇرۋ بولىپ تابىلادى. سونداي-اق, 2015 جىلعى 2 قاراشاداعى «قازاقستان رەسپۋبليكاسىنىڭ جەر كودەكسىنە وزگەرىستەر مەن تولىقتىرۋلار ەنگىزۋ تۋرالى» زاڭىن قولدانىسقا ەنگىزۋ 2016 جىلعى 31 جەلتوقسانعا دەيىن توقتاتىلا تۇراتىن بولادى. وتىرىس بارىسىندا سەناتور قۋانىش ايتاحانوۆ ەلىمىزدىڭ اگروونەركاسىپ كەشەنىن دامىتۋ جونىندەگى اۋقىمدى شارالار قابىلداۋ جانە جەكە تۇرعىن ءۇي قۇرىلىسىن سالۋدى دامىتۋدى ىنتالاندىرۋ قاجەتتىگى تۋرالى; سەرىك اقىلباي قازاقستان رەسپۋبليكاسى ءىىم قوستاناي اكادەمياسىنىڭ قىزمەتىن قامتاماسىز ەتۋ تۋرالى; جابال ەرعاليەۆ اسكەري ءتارتىپ جانە قۇقىق ءتارتىبىن نىعايتۋ تۋرالى; ءالي بەكتاەۆ وڭتۇستىك قازاقستان وبلىسىنىڭ سارىاعاش اۋدانىنداعى مەكتەپ قۇرىلىسىن سالۋ قاجەتتىگى تۋرالى; ماناپ كوبەنوۆ دەنساۋلىق ساقتاۋ نىساندارىنا مىندەتتى كەپىلدى كاسىبي جاۋاپتىلىق جۇيەسىن ەنگىزۋ تۋرالى دەپۋتاتتىق ساۋالدارىن جاريا ەتتى. عابيت ىسكەندەر ۇلى, «ەگەمەن قازاقستان»