كەشە پارلامەنت ءماجىلىسى جاڭا سپيكەر نۇرلان نىعماتۋليننىڭ توراعالىعىمەن كەزەكتى جالپى وتىرىسىن وتكىزدى. وتىرىستا ءبىرىنشى كەزەكتە «تولەمدەر جانە تولەم جۇيەلەرى تۋرالى» زاڭ جوباسى جانە وعان ىلەسپە زاڭ جوباسى ەكىنشى وقىلىمدا قارالىپ, تالقىلانعان سوڭ ماقۇلداندى.
زاڭ جوباسىن ۇلتتىق بانك ازىرلەگەن. ونىڭ ماقساتى قازىرگى قولدانىستاعى «اقشا تولەمى جانە اۋدارىمى تۋرالى» زاڭنىڭ كۇشىن جويىپ, جەتىلدىرىلگەن جاڭا زاڭدى قولدانىسقا ەنگىزۋ. زاڭ جوباسى نەگىزىنەن تولەم جۇيەلەرىنىڭ جۇمىسىن رەگلامەنتتەيدى, تولەم قىزمەتتەرىنىڭ نارىعىن رەتتەيدى جانە تولەمدەر مەن اقشا اۋدارۋ تارتىپتەرىن ايقىندايدى. ونى ازىرلەۋدە كوپتەگەن شەتەلدەردىڭ وزىق تاجىريبەلەرى ەسكەرىلگەن.
زاڭ جوباسى بويىنشا بايانداما جاساعان ءماجىلىستىڭ قارجى جانە بيۋدجەت كوميتەتىنىڭ مۇشەسى دانيا ەسپاەۆانىڭ ايتۋىنشا, جاڭا زاڭ جوباسى بويىنشا تولەمدەر مەن اقشا اۋدارىمدارى قازىرگى زامانعى يننوۆاتسيالىق تەحنولوگيالاردى پايدالانا وتىرىپ, جاڭا ادىستەر ارقىلى جۇزەگە اساتىن بولادى. مەملەكەتتىك بيۋدجەتتەن جانە مەملەكەتتىك الەۋمەتتىك ساقتاندىرۋ قورىنان تولەنەتىن ءجاردەماقىلار مەن الەۋمەتتىك تولەمدەردىڭ, تۇرعىن ءۇي تولەمدەرىنىڭ, ازاماتتاردىڭ نوتاريۋس دەپوزيتىنە اۋدارىلاتىن اقشاسىنىڭ ەسەبىنەن بانك ەسەپشوتى يەسىنىڭ مىندەتتەمەلەرى بويىنشا بەرەشەكتى ءوندىرىپ الۋعا شەكتەۋ بەلگىلەۋ جانە تىيىم سالۋ كوزدەلىپ وتىر.
سونىمەن قاتار, زاڭ جوباسى «تولەم ۇيىمى» دەلىنەتىن جاڭا ۇعىم ەنگىزىپ, ولاردا ۇلتتىق بانكتە ەسەپتىك تىركەۋ رەجىمىن, قازاقستاننىڭ تولەم نارىعىندا ءوز قىزمەتىن جۇزەگە اسىراتىن جەكە بانكتىك ەمەس تولەم ۇيىمدارىنىڭ قىزمەتىنە مەملەكەتتىك باقىلاۋ ەنگىزۋ, تولەم اگەنتتەرى مەن قوسالقى اگەنتتەردى تارتۋ ارقىلى تولەم قىزمەتتەرىنىڭ بەلگىلى ءبىر ءتۇرىن كورسەتۋ مۇمكىندىگى قاراستىرىلعان. قۇجات قابىلدانعان جاعدايدا تولەمدەر مەن اقشا اۋدارىمدارىن جۇزەگە اسىرۋ كەزىندە عانا تۋىندايتىن قۇقىقتىق قاتىناستاردى رەتتەيتىن قولدانىستاعى «اقشا تولەمى مەن اۋدارىمى تۋرالى» زاڭنىڭ كۇشى جويىلدى دەپ تانىلادى.
زاڭ جوباسىن قاراۋ بارىسىندا دەپۋتاتتار تولەم جۇيەسى قاعيدالارىن ناقتىلاۋعا جانە ولاردى وپەراتوردىڭ ينتەرنەت-رەسۋرسىندا جاريالاۋ مەرزىمدەرىنە, سونداي-اق, قازاقستان رەسپۋبليكاسى ۇلتتىق بانكىنىڭ تولەم جانە تولەم جۇيەلەرى سالاسىنداعى وكىلەتتىكتەرىن ناقتىلاۋعا قاتىستى تۇزەتۋلەر ەنگىزدى. بۇدان باسقا, ءبىلىم بەرۋ جيناقتاۋ جۇيەسى تۋرالى شارتقا سايكەس بانكتىك شوتتارداعى اقشاعا ءوندىرىپ الۋدى قولدانۋعا جول بەرمەۋدى, جۇيەلىك ماڭىزى بار جانە ماڭىزدى تولەم جۇيەسىنىڭ وپەراتورلارى ءۇشىن ەڭ تومەن تالاپتاردى ناقتىلاۋدى ەنگىزدى.
ال ىلەسپە زاڭ جوباسىندا نەگىزگى زاڭ جوباسىندا بەلگىلەنەتىن تالاپتاردى بۇزعانى ءۇشىن تولەم قىزمەتتەرىن بەرۋشىلەردىڭ اكىمشىلىك جاۋاپكەرشىلىگىن بەكىتۋ كوزدەلىپ وتىر. جۇمىس توبىنا 70-تەن استام ۇسىنىستار كەلىپ ءتۇسىپ, ولار مۇددەلى مينيسترلىكتەر مەن ۆەدومستۆولار, سونداي-اق, بىرقاتار ۇكىمەتتىك ەمەس ۇيىمدار وكىلدەرىنىڭ قاتىسۋىمەن جۇمىس توبىنىڭ ون وتىرىسىندا جانە سالالىق كوميتەتتىڭ كەڭەيتىلگەن ەكى وتىرىسىندا قارالعان. تالقىلاۋ اياقتالعان سوڭ زاڭ جوبالارى ماقۇلدانىپ, سەناتتىڭ قاراۋىنا جىبەرىلدى.
كۇن تارتىبىنە سايكەس وسى كۇنى دەپۋتاتتار اۋعانستان يسلام رەسپۋبليكاسىمەن ازاماتتىق قورعانىس, توتەنشە جاعدايلاردىڭ الدىن الۋ جانە ولاردى جويۋ سالاسىنداعى ىنتىماقتاستىق تۋرالى ۇكىمەتارالىق كەلىسىمدى راتيفيكاتسيالاۋ تۋرالى زاڭ جوباسىن ماقۇلدادى. كەلىسىمگە سايكەس تاراپتار توتەنشە جاعدايلاردى جويۋ كەزىندە ونىڭ سيپاتى, قاجەتتى كومەك تۇرلەرى مەن كولەمى تۋرالى بارلىق اقپاراتتارمەن الماسۋ نەگىزىندە ءبىر-بىرىنە كومەك كورسەتەدى. الايدا, سۇراۋ سالۋدى العان تاراپتىڭ كەلىسىمدە كوزدەلگەن سەبەپتەرگە وراي ءوتىنىشتى ورىنداۋدان باس تارتۋعا قۇقىعى بار.
سۇراۋ سالۋشى تاراپ كومەك كورسەتۋ جونىندەگى توپتاردى ورنالاستىرۋ ءجانە تاماقتانۋ باعىتىنداعى بارلىق شىعىستارىن كوتەرەدى, سونداي-اق, ولارعا مەديتسينالىق قىزمەت كورسەتىلۋىن قامتاماسىز ەتەدى.
جالپى وتىرىستا, سونداي-اق, تاجىكستانمەن ستراتەگيالىق ارىپتەستىك تۋرالى شارتتى راتيفيكاتسيالاۋ تۋرالى زاڭ جوباسى جۇمىسقا قابىلدانىپ, قازاقستان مەن سەربيا ۇكىمەتتەرى اراسىنداعى تابىس پەن كاپيتالعا سالىناتىن سالىقتارعا قاتىستى قوسارلانعان سالىق سالۋدى بولدىرماۋ جانە سالىق سالۋدان جالتارۋعا جول بەرمەۋ تۋرالى كونۆەنتسيانى جانە وعان حاتتامانى راتيفيكاتسيالاۋعا قاتىستى زاڭ جوباسى بويىنشا بەيىندى كوميتەتتەرگە قورىتىندى ازىرلەۋ مەرزىمى بەلگىلەندى.
سونداي-اق, جالپى وتىرىستا دەپۋتات باقتىقوجا ىزمۇحامبەتوۆ حالىقارالىق ىستەر, قورعانىس جانە قاۋىپسىزدىك كوميتەتىنىڭ قۇرامىنا سايلاندى.
كۇن تارتىبىندەگى ماسەلەلەر اياقتالعان سوڭ دەپۋتاتتار ورتالىق مەملەكەتتىك اتقارۋ ورگاندارىنا ارناعان وزدەرىنىڭ دەپۋتاتتىق ساۋالدارىن جولدادى. سولاردىڭ بىرەۋىنە توقتالا كەتەر بولساق, ماسەلەن, ماجىلىسكە قازاقستان حالقى اسسامبلەياسىنان سايلانعان دەپۋتاتتاردىڭ اتىنان ساۋىتبەك ابدراحمانوۆ جاريا ەتكەن دەپۋتاتتىق ساۋال ەلىمىزدەگى ەڭبەكتىڭ قادىر-قاسيەتىنە, جۇمىسشى ماماندىقتارىنىڭ مارتەبەسىنە الاڭداۋدان تۋعان ەكەن. «بىزدە ەڭبەك ادامىنىڭ ابىروي-بەدەلى تومەندەپ بارادى. ەڭبەك ەتۋدەن, اسىرەسە, قول ەڭبەگىنەن بويىن اۋلاق سالاتىن, قاراپايىم ماماندىقتى نامىس كورەتىن پسيحولوگيا كوپتەگەن جاستارىمىزدىڭ ساناسىنا ابدەن ءسىڭىپ العانىن جاسىرىپ-جابۋدىڭ ەش ءجونى جوق. ونىڭ ۇستىنە, جۇمىس ىستەۋگە كاسىبي دايىندىقتىڭ دەڭگەيى دە تومەن. ساپاسىزدىقتىڭ سەبەبى تەك قانا جاۋاپسىزدىق ەمەس. ونىڭ نەگىزگى سەبەبى – بىلىكسىزدىك. ارناۋلى ماماندىقتىڭ جوقتىعى. ەندىگى جەردە كاسىبي-تەحنيكالىق ءبىلىم بەرۋ جۇيەسىن جاڭا زامان تالابىنا ساي ەتىپ جەتىلدىرمەي بولمايتىنى انىق. جۇمىسشى ماماندىقتارىن جاپپاي مەڭگەرۋ – ەل ەرتەڭى قالاي قالىپتاساتىنىن ايقىندايتىن اسا ماڭىزدى ماسەلە. وسى اسا ماڭىزدى ماسەلە ويداعىداي شەشىلگەندە عانا ەلباسىمىزدىڭ ستراتەگيالىق ماقساتىنا – جالپىعا ورتاق ەڭبەك قوعامىن قۇرۋعا قول جەتكىزىلەتىن بولادى», دەگەن س.ابدراحمانوۆ پرەزيدەنتتىڭ تاپسىرماسى بويىنشا 2017 جىلدان «بارشاعا ارنالعان تەگىن كاسىبي-تەحنيكالىق ءبىلىم» باعدارلاماسى باستالاتىنىنا, وعان دەيىن نەبارى ءبىر جىل, ەكى اي عانا ۋاقىت قالعانىنا نازار اۋدارتىپ, پرەمەر-مينيستر كارىم ءماسىموۆتىڭ جاستاردىڭ جۇمىسشى ماماندىقتارىن جاپپاي جانە تەگىن الۋىنا جاعداي جاساۋعا بايلانىستى ءالى كۇنگە شەشىمىن تولىق تابا قويماعان بىرقاتار سۇراقتارعا جاۋاپ قايتارۋىن سۇرادى.
جاقسىباي سامرات,
«ەگەمەن قازاقستان»
كەشە پارلامەنت ءماجىلىسى جاڭا سپيكەر نۇرلان نىعماتۋليننىڭ توراعالىعىمەن كەزەكتى جالپى وتىرىسىن وتكىزدى. وتىرىستا ءبىرىنشى كەزەكتە «تولەمدەر جانە تولەم جۇيەلەرى تۋرالى» زاڭ جوباسى جانە وعان ىلەسپە زاڭ جوباسى ەكىنشى وقىلىمدا قارالىپ, تالقىلانعان سوڭ ماقۇلداندى.
زاڭ جوباسىن ۇلتتىق بانك ازىرلەگەن. ونىڭ ماقساتى قازىرگى قولدانىستاعى «اقشا تولەمى جانە اۋدارىمى تۋرالى» زاڭنىڭ كۇشىن جويىپ, جەتىلدىرىلگەن جاڭا زاڭدى قولدانىسقا ەنگىزۋ. زاڭ جوباسى نەگىزىنەن تولەم جۇيەلەرىنىڭ جۇمىسىن رەگلامەنتتەيدى, تولەم قىزمەتتەرىنىڭ نارىعىن رەتتەيدى جانە تولەمدەر مەن اقشا اۋدارۋ تارتىپتەرىن ايقىندايدى. ونى ازىرلەۋدە كوپتەگەن شەتەلدەردىڭ وزىق تاجىريبەلەرى ەسكەرىلگەن.
زاڭ جوباسى بويىنشا بايانداما جاساعان ءماجىلىستىڭ قارجى جانە بيۋدجەت كوميتەتىنىڭ مۇشەسى دانيا ەسپاەۆانىڭ ايتۋىنشا, جاڭا زاڭ جوباسى بويىنشا تولەمدەر مەن اقشا اۋدارىمدارى قازىرگى زامانعى يننوۆاتسيالىق تەحنولوگيالاردى پايدالانا وتىرىپ, جاڭا ادىستەر ارقىلى جۇزەگە اساتىن بولادى. مەملەكەتتىك بيۋدجەتتەن جانە مەملەكەتتىك الەۋمەتتىك ساقتاندىرۋ قورىنان تولەنەتىن ءجاردەماقىلار مەن الەۋمەتتىك تولەمدەردىڭ, تۇرعىن ءۇي تولەمدەرىنىڭ, ازاماتتاردىڭ نوتاريۋس دەپوزيتىنە اۋدارىلاتىن اقشاسىنىڭ ەسەبىنەن بانك ەسەپشوتى يەسىنىڭ مىندەتتەمەلەرى بويىنشا بەرەشەكتى ءوندىرىپ الۋعا شەكتەۋ بەلگىلەۋ جانە تىيىم سالۋ كوزدەلىپ وتىر.
سونىمەن قاتار, زاڭ جوباسى «تولەم ۇيىمى» دەلىنەتىن جاڭا ۇعىم ەنگىزىپ, ولاردا ۇلتتىق بانكتە ەسەپتىك تىركەۋ رەجىمىن, قازاقستاننىڭ تولەم نارىعىندا ءوز قىزمەتىن جۇزەگە اسىراتىن جەكە بانكتىك ەمەس تولەم ۇيىمدارىنىڭ قىزمەتىنە مەملەكەتتىك باقىلاۋ ەنگىزۋ, تولەم اگەنتتەرى مەن قوسالقى اگەنتتەردى تارتۋ ارقىلى تولەم قىزمەتتەرىنىڭ بەلگىلى ءبىر ءتۇرىن كورسەتۋ مۇمكىندىگى قاراستىرىلعان. قۇجات قابىلدانعان جاعدايدا تولەمدەر مەن اقشا اۋدارىمدارىن جۇزەگە اسىرۋ كەزىندە عانا تۋىندايتىن قۇقىقتىق قاتىناستاردى رەتتەيتىن قولدانىستاعى «اقشا تولەمى مەن اۋدارىمى تۋرالى» زاڭنىڭ كۇشى جويىلدى دەپ تانىلادى.
زاڭ جوباسىن قاراۋ بارىسىندا دەپۋتاتتار تولەم جۇيەسى قاعيدالارىن ناقتىلاۋعا جانە ولاردى وپەراتوردىڭ ينتەرنەت-رەسۋرسىندا جاريالاۋ مەرزىمدەرىنە, سونداي-اق, قازاقستان رەسپۋبليكاسى ۇلتتىق بانكىنىڭ تولەم جانە تولەم جۇيەلەرى سالاسىنداعى وكىلەتتىكتەرىن ناقتىلاۋعا قاتىستى تۇزەتۋلەر ەنگىزدى. بۇدان باسقا, ءبىلىم بەرۋ جيناقتاۋ جۇيەسى تۋرالى شارتقا سايكەس بانكتىك شوتتارداعى اقشاعا ءوندىرىپ الۋدى قولدانۋعا جول بەرمەۋدى, جۇيەلىك ماڭىزى بار جانە ماڭىزدى تولەم جۇيەسىنىڭ وپەراتورلارى ءۇشىن ەڭ تومەن تالاپتاردى ناقتىلاۋدى ەنگىزدى.
ال ىلەسپە زاڭ جوباسىندا نەگىزگى زاڭ جوباسىندا بەلگىلەنەتىن تالاپتاردى بۇزعانى ءۇشىن تولەم قىزمەتتەرىن بەرۋشىلەردىڭ اكىمشىلىك جاۋاپكەرشىلىگىن بەكىتۋ كوزدەلىپ وتىر. جۇمىس توبىنا 70-تەن استام ۇسىنىستار كەلىپ ءتۇسىپ, ولار مۇددەلى مينيسترلىكتەر مەن ۆەدومستۆولار, سونداي-اق, بىرقاتار ۇكىمەتتىك ەمەس ۇيىمدار وكىلدەرىنىڭ قاتىسۋىمەن جۇمىس توبىنىڭ ون وتىرىسىندا جانە سالالىق كوميتەتتىڭ كەڭەيتىلگەن ەكى وتىرىسىندا قارالعان. تالقىلاۋ اياقتالعان سوڭ زاڭ جوبالارى ماقۇلدانىپ, سەناتتىڭ قاراۋىنا جىبەرىلدى.
كۇن تارتىبىنە سايكەس وسى كۇنى دەپۋتاتتار اۋعانستان يسلام رەسپۋبليكاسىمەن ازاماتتىق قورعانىس, توتەنشە جاعدايلاردىڭ الدىن الۋ جانە ولاردى جويۋ سالاسىنداعى ىنتىماقتاستىق تۋرالى ۇكىمەتارالىق كەلىسىمدى راتيفيكاتسيالاۋ تۋرالى زاڭ جوباسىن ماقۇلدادى. كەلىسىمگە سايكەس تاراپتار توتەنشە جاعدايلاردى جويۋ كەزىندە ونىڭ سيپاتى, قاجەتتى كومەك تۇرلەرى مەن كولەمى تۋرالى بارلىق اقپاراتتارمەن الماسۋ نەگىزىندە ءبىر-بىرىنە كومەك كورسەتەدى. الايدا, سۇراۋ سالۋدى العان تاراپتىڭ كەلىسىمدە كوزدەلگەن سەبەپتەرگە وراي ءوتىنىشتى ورىنداۋدان باس تارتۋعا قۇقىعى بار.
سۇراۋ سالۋشى تاراپ كومەك كورسەتۋ جونىندەگى توپتاردى ورنالاستىرۋ ءجانە تاماقتانۋ باعىتىنداعى بارلىق شىعىستارىن كوتەرەدى, سونداي-اق, ولارعا مەديتسينالىق قىزمەت كورسەتىلۋىن قامتاماسىز ەتەدى.
جالپى وتىرىستا, سونداي-اق, تاجىكستانمەن ستراتەگيالىق ارىپتەستىك تۋرالى شارتتى راتيفيكاتسيالاۋ تۋرالى زاڭ جوباسى جۇمىسقا قابىلدانىپ, قازاقستان مەن سەربيا ۇكىمەتتەرى اراسىنداعى تابىس پەن كاپيتالعا سالىناتىن سالىقتارعا قاتىستى قوسارلانعان سالىق سالۋدى بولدىرماۋ جانە سالىق سالۋدان جالتارۋعا جول بەرمەۋ تۋرالى كونۆەنتسيانى جانە وعان حاتتامانى راتيفيكاتسيالاۋعا قاتىستى زاڭ جوباسى بويىنشا بەيىندى كوميتەتتەرگە قورىتىندى ازىرلەۋ مەرزىمى بەلگىلەندى.
سونداي-اق, جالپى وتىرىستا دەپۋتات باقتىقوجا ىزمۇحامبەتوۆ حالىقارالىق ىستەر, قورعانىس جانە قاۋىپسىزدىك كوميتەتىنىڭ قۇرامىنا سايلاندى.
كۇن تارتىبىندەگى ماسەلەلەر اياقتالعان سوڭ دەپۋتاتتار ورتالىق مەملەكەتتىك اتقارۋ ورگاندارىنا ارناعان وزدەرىنىڭ دەپۋتاتتىق ساۋالدارىن جولدادى. سولاردىڭ بىرەۋىنە توقتالا كەتەر بولساق, ماسەلەن, ماجىلىسكە قازاقستان حالقى اسسامبلەياسىنان سايلانعان دەپۋتاتتاردىڭ اتىنان ساۋىتبەك ابدراحمانوۆ جاريا ەتكەن دەپۋتاتتىق ساۋال ەلىمىزدەگى ەڭبەكتىڭ قادىر-قاسيەتىنە, جۇمىسشى ماماندىقتارىنىڭ مارتەبەسىنە الاڭداۋدان تۋعان ەكەن. «بىزدە ەڭبەك ادامىنىڭ ابىروي-بەدەلى تومەندەپ بارادى. ەڭبەك ەتۋدەن, اسىرەسە, قول ەڭبەگىنەن بويىن اۋلاق سالاتىن, قاراپايىم ماماندىقتى نامىس كورەتىن پسيحولوگيا كوپتەگەن جاستارىمىزدىڭ ساناسىنا ابدەن ءسىڭىپ العانىن جاسىرىپ-جابۋدىڭ ەش ءجونى جوق. ونىڭ ۇستىنە, جۇمىس ىستەۋگە كاسىبي دايىندىقتىڭ دەڭگەيى دە تومەن. ساپاسىزدىقتىڭ سەبەبى تەك قانا جاۋاپسىزدىق ەمەس. ونىڭ نەگىزگى سەبەبى – بىلىكسىزدىك. ارناۋلى ماماندىقتىڭ جوقتىعى. ەندىگى جەردە كاسىبي-تەحنيكالىق ءبىلىم بەرۋ جۇيەسىن جاڭا زامان تالابىنا ساي ەتىپ جەتىلدىرمەي بولمايتىنى انىق. جۇمىسشى ماماندىقتارىن جاپپاي مەڭگەرۋ – ەل ەرتەڭى قالاي قالىپتاساتىنىن ايقىندايتىن اسا ماڭىزدى ماسەلە. وسى اسا ماڭىزدى ماسەلە ويداعىداي شەشىلگەندە عانا ەلباسىمىزدىڭ ستراتەگيالىق ماقساتىنا – جالپىعا ورتاق ەڭبەك قوعامىن قۇرۋعا قول جەتكىزىلەتىن بولادى», دەگەن س.ابدراحمانوۆ پرەزيدەنتتىڭ تاپسىرماسى بويىنشا 2017 جىلدان «بارشاعا ارنالعان تەگىن كاسىبي-تەحنيكالىق ءبىلىم» باعدارلاماسى باستالاتىنىنا, وعان دەيىن نەبارى ءبىر جىل, ەكى اي عانا ۋاقىت قالعانىنا نازار اۋدارتىپ, پرەمەر-مينيستر كارىم ءماسىموۆتىڭ جاستاردىڭ جۇمىسشى ماماندىقتارىن جاپپاي جانە تەگىن الۋىنا جاعداي جاساۋعا بايلانىستى ءالى كۇنگە شەشىمىن تولىق تابا قويماعان بىرقاتار سۇراقتارعا جاۋاپ قايتارۋىن سۇرادى.
جاقسىباي سامرات,
«ەگەمەن قازاقستان»
سوڭعى جاڭالىقتار
دارىلىك زاتتاردى تىركەۋ جانە نارىققا شىعارۋ ءىسى جەدەلدەتىلەدى
مەديتسينا • بۇگىن, 14:55
مەملەكەت باسشىسى تۇركيانىڭ ۆيتسە-پرەزيدەنتى دجەۆدەت يىلمازبەن كەزدەستى
پرەزيدەنت • بۇگىن, 14:38
مەشىتتەن 175 مىڭ تەڭگەلىك اياق كيىمدى ۇرلاپ كەتكەن كۇدىكتى ۇستالدى
وقيعا • بۇگىن, 14:30
ايماقتار • بۇگىن, 14:15
يرلانديادا حالىقارالىق ۆولونتەرلەر جىلى اياسىندا «26 for 26» اكتسياسى باستالدى
ۆولونتەر • بۇگىن, 13:55
اتىرۋدا جي ارقىلى 4500-دەن اسا قۇقىقبۇزۋشىلىق انىقتالعان
تەحنولوگيا • بۇگىن, 13:42
استانادا بىرقاتار باعىتتا قوسىمشا اۆتوبۋستار شىعارىلدى
ەلوردا • بۇگىن, 13:33
پاۆلوداردا تۇزەۋ مەكەمەسىنىڭ قىزمەتكەرى پارا العانى ءۇشىن سوتتالدى
جەمقورلىق • بۇگىن, 13:21
الماتىدا بيىل 2 مىڭنان استام جاياۋ جۇرگىنشى وتكەلى جاڭارتىلادى
الماتى • بۇگىن, 13:10
دەپۋتاتتار قوعامدىق ماراپاتتاردى زاڭمەن رەتتەۋدى تالاپ ەتتى
زاڭ • بۇگىن, 13:05
نارتاي سارسەنعاليەۆ «بيلەر» ۇيىمدارىنىڭ قىزمەتىن تەكسەرۋدى ۇسىندى
پارلامەنت • بۇگىن, 13:01
ەلىمىزدە عىلىم قالاشىقتارى مەن عىلىمي-تەحنولوگيالىق پاركتەر قۇرىلادى
عىلىم • بۇگىن, 12:40
ولجاس قۇسپەكوۆ: شلاگباۋمدار مەن رەتسىز اۆتوتۇراق ادام ولىمىنە سەبەپ بولىپ جاتىر
قوعام • بۇگىن, 12:37
