جەتىسۋ جاعدايىمەن تانىستى

پرەمەر-مينيستر كارىم ءماسىموۆ الماتى وبلىسىنداعى الەۋمەتتىك نىساندار جانە ينفراقۇرىلىم قۇرىلىسىن ارالاپ كوردى كەشە پرەمەر-مينيستر كارىم ءماسىموۆ جۇمىس ساپارىمەن تال­دىقورعانعا كەلدى. ۇكى­مەتتىك دەلەگاتسيانىڭ جۇ­مىس باعدارلاماسىنىڭ تى­عىز­­دىعىنان اڭگىمە بىردەن اۋەجاي­دان باستالدى. الماتى وبلى­سى­­نىڭ اكىمى اماندىق باتا­لوۆ تالدىقورعان اۋەجايى­نىڭ ۇشىپ-قونۋ الابىنا ءجۇر­گى­زىلگەن جوندەۋ جۇمىستارى ءجا­نە ونىڭ ءمۇم­كىن­دىكتەرى تۋرالى ايتىپ بەردى. نەگىزىنەن تالدىقورعان اۋە­جايى جىلىنا ورتا ەسەپپەن 26,5 مىڭ ادامدى تاسىمالداپ, 600 اۋە رەيسىن جاسايدى. جالپى اۋە جاي­دىڭ ىشكى جولدارى, بايلانىس, ەلەكتر جۇيەسى, دابىل قۇرالدارى تولىعىمەن اۋىستىرىلعان. ءسوي­تىپ, قالانىڭ كىرەبەرىسىندەگى كەلبەتىن كورگەن سوڭ ۇكىمەتتىك دەلەگاتسيا تالدىقورعاننىڭ وڭتۇستىك-باتىسىندا جارىسا ءارى كوككە شانشىلا ساندەنە بوي كوتەرگەن تۇرعىن ءۇي كەشەنىنە كەلدى. تاياۋ جىلدارى بۇل ارادا جاڭادان 400 گەكتار جەرگە بىرنەشە شاعىن اۋدان, الەۋمەتتىك-مادەني قۇرىلىمدار: بالاباقشا, مەكتەپ, حالىققا قىزمەت كورسەتۋ ورتالىعى, دراما تەاتر, ەمحانا, قوناق ءۇي, كورمە كەشەنى سالىنىپ, قالا كولەمى ۇلكەيە تۇسەتىنى دە حاباردار ەتىلدى. ءوڭىر باسشىسىنىڭ ورىنباسارلارى عالىمجان ءابدىرايىموۆ, سەرىكجان بەسكەمپىروۆ, سەرىك تۇرداليەۆتەر «نۇرلى جول» باعدارلاماسى اياسىندا جول, تۇرعىن ءۇي قۇرىلىسى جانە «اقبۇلاق» باعدارلاماسى بويىنشا ايماقتى گازداندىرۋدى جەدەلدەتە دامىتۋ بارىسىمەن ۇكىمەت باسشىسىن حاباردار ەتتى. وسى جەردە جەتىسۋدىڭ اگرارلى سەكتورى, جاركەنت-قورعاس اگلومەراتسياسى جوباسىمەن وندىرىستىك القاپتى, يندۋستريالىق ايماقتى قۇرۋ جونىندە قىسقاشا حابارلاما جاسالدى. جەرگىلىكتى بيلىك وكىلدەرىنىڭ ايتۋىنشا جاقىن جىلداردا پانفيلوۆ اۋدانى, نۇركەنت اۋىلىن جاڭا قالاشىققا اينالدىرۋ جوسپارلانعان. جاڭا قالاشىقتىڭ ينجەنەرلىك-كوممۋنيكاتسيالىق قۇرىلىس جۇمىسىنىڭ قۇنى 5, 6 ملرد. تەڭگە بولاتىنى دا ءمالىم ەتىلدى. جالپى ۇلكەن الماتى شەڭبەرلى اۆتوكولىك جولىن جۇزەگە اسىرۋ ءۇشىن الماتىنىڭ التى كوشەسى تۇيىسەتىن شەڭبەرلى جول سالىنۋى كەرەك ەكەن. ۇكىمەت باسشىسى تالدى­قور­عاننىڭ وڭتۇستىك-باتىسىنا تاياۋدا عانا اشىلىپ, «جاسىل ەل» قوزعا­لىسىنىڭ وبلىستىق شتابى ور­نالاسقان جاستارعا قىزمەت كورسەتۋ ور­تالىعىندا بولدى. ونداعى ينتەر­نەت-كىتاپحانانىڭ جۇمىسىن كورىپ, جەرگىلىكتى جاستارمەن پىكىر الماسىپ, ولاردىڭ جۇمىسقا ورنالاسۋى سەكىلدى وزەكتى ماسەلەلەرىنە ۇكىمەتتىك دەلەگاتسيا وكىلدەرىن دە ارا­لاس­تىرا ءبىلدى. كارىم ءماسىموۆ جۇمىس ساپارىنىڭ سوڭىندا جاقىندا عانا قۇرىلىس جۇمىستارى اياقتالىپ, كورىكتىلىگىمەن كوز تارتاتىن وقۋشىلار سارايىندا بولدى. وندا ونەر سالاسىنىڭ سان قىرىن اشاتىن كورمە, ويىن الاڭدارى ورنالاسىپتى. مۇندا بالالارعا ارنالعان 50-گە جۋىق ءتۇرلى ۇيىرمەلەر اشىلىپ, وندا جاس فيزيكتەر, ماتەماتيكتەر, بيولوگتار, استرونومدار جاتتىعاتىن بولادى. جوباعا سايكەس, زەرتحانالار, فوتوسالوندار جانە تاعى باسقا شەبەرحانالار جابدىقتالادى. ءجۇزۋ باسسەينى, ءسان-سالتانات مەكتەبى, بەينەجازۋ ستۋديا­سى, ءتىپتى بالالار تەاترى دا جۇمىس ىستەيدى. ەڭ باس­تىسى جەرگىلىكتى با­لا­لارعا تارتىلاتىن تەڭدەسسىز سىي – جۇلدىزداردى الا­قان­دارىنا سالعان­داي اسەرگە بولەنەتىندىگى. ول ءۇشىن عي­مارات شاتىرىنا قۋاتتى تەلەس­كوپ ورناتىلادى. سول ارقىلى ءماجىلىس زالى­نا ارنايى مونيتور قويى­لىپتى. مۇنداي عالامات تەلەس­كوپيالىق قۇرال ەلىمىزدىڭ بىردە-ءبىر وڭىرىندە جوق ەكەن­دىگىن ماماندار راستاۋدا. ءساندى عيماراتتىڭ كون­تسەرتتىك زالىندا ۇكىمەت مۇشەلەرى مەن وبلىس اكتي­ۆىنىڭ الدىندا وبلىستىڭ الەۋ­مەتتىك-ەكونوميكالىق دامۋى جونىندە ءوڭىر باسشىسى حابارلاما جاسادى. ۇكىمەت باسشىسى بىرقاتار مينيسترلەردى مىنبەگە شىعارىپ, الماتى وب­لىسىنا قاتىستى مينيستر­­لىكتەردە اتقارىلىپ جاتقان جۇمىس­تار تۋرالى ايتقىزدى. جيىندى تۇيىندەي كەلە بۇل كۇنى كوتەرىلگەن ماسەلەلەرگە ءتيىستى تۇلعالار جاۋابى بەرىلەتىندىگىن دە ءمالىم ەتتى. نۇربول الدىباەۆ, «ەگەمەن قازاقستان» تالدىقورعان