ۇكىمەت باقىلاۋىندا

قازاقستان پرەمەر-ءمينيسترى كارىم ءماسىموۆ قاراعاندى وبلى­سىندا كۇيدىرگى ء(سىبىر جا­را­سى) اۋ­رۋى­نىڭ تارالۋىنا قاتىستى جاع­­داي­دى كۇندەلىكتى باقىلاۋعا الدى. بۇگىن ۇەم تۇتى­نۋ­شى­­­لاردىڭ قۇقىق­تارىن قور­­عاۋ كوميتەتى  توراعا­سى­نىڭ ورىن­باسارى – باس مەم­­­لەكەتتىك سانيتار­لىق ءدا­رى­گ­ەرى جانداربەك بەك­شين ءوزىنىڭ كەزەكتى باياندا­ما­سىندا «سوڭعى تاۋلىكتە ەر­­كىندىك اۋىلى تۇرعىن­دارى­­نىڭ اراسىندا كۇيدىرگى اۋ­­رۋىن جۇقتىرعان وقيعا ءتىر­­­كەل­مەگەنىن» اتاپ كور­سەتتى. سونىمەن قاتار, ارنايى شتاب جۇمىس ىستەۋدە, اۋىلدا كارانتين جاريالاندى. «بۇل اۋىلدان مال باسى مەن ازىق-ت ۇلىك ونىمدەرىن سىرتقا شىعارۋعا تىيىم سالىندى. جاعداي باقىلاۋدا. ءۇي-جايلار جانە كۇيدىرگىنى جۇقتىرعان ناۋقاستارمەن قارىم-قاتىناس جاساعان ادام­داردىڭ تۇگەلى انىقتال­دى, حيميالىق جانە دارىلىك جولدارمەن ىندەتكە قارسى ەمدىك شارالار جۇرگىزىلىپ جا­تىر», – دەدى باس ساني­تارلىق دارىگەر. بايانداما قورىتىندىسى بويىنشا كارىم ءماسىموۆ ۇلتتىق ەكونوميكا, اۋىل شارۋاشىلىعى مينيس­تر­لىكتەرىنە جەرگىلىكتى ورگاندارمەن بىرلەسىپ, جۇقپالى ىندەتتەن تۇرعىنداردى قور­عاۋ جۇمىستارىن كۇشەيتۋدى تاپسىردى. «بىرىنشىدەن, اۋرۋدىڭ ءارى قاراي تارالۋىنا جول بەر­مەي, تۇرعىنداردىڭ قاۋىپ­سىزدىگىن قامتاماسىز ەتۋ قاجەت. ەكىنشى مىندەت – ەلى­مىزدە مۇنداي وقيعالاردىڭ بولماۋى ءۇشىن بىزگە كەشەندى ءىس-شارالار كەرەك. بۇل ماسە­لەنى سىزگە تۇراقتى باقى­لاۋدا ۇستاۋدى تاپسىرامىن», – دەدى ك.ءماسىموۆ. پرەمەر-مينيستر كە­لەسى اپتادا قاراعاندى وبلىسىنا جۇمىس ساپارىمەن بارىپ, جاعدايمەن تانىساتىنىن ايتتى. بۇل ماسەلە بويىنشا ارنايى جۇمىس كەڭەسى وتەتىن بولادى. ەستەرىڭىزگە سالا كەتەيىك, 19 – 22 ماۋ­سىم ارالىعىندا قاراعاندى وبلىسى شەت اۋدانى ەركىندىك اۋىلىندا كۇيدىرگى اۋرۋىن جۇقتىردى دەگەن كۇدىكپەن توعىز ادام اۋرۋحاناعا جاتقىزىلعان, ولاردىڭ ەكەۋى قايتىس بولدى. ىندەتتىڭ جۇعۋىنا اۋرۋ مالدىڭ ەتى سەبەپ بولعان, دەپ حابارلادى پرەمەر-ءمينيستردىڭ ءباسپاسوز قىز­مەتى.