اقيقاتتىڭ اشىق الاڭى

قازاق ۇلتتىق ونەر ۋني­ۆەرسيتەتىنىڭ «شابىت» شىعار­ماشىلىق سارايىندا اق­پارات جانە كوممۋني­كاتسيا­لار ءمينيسترى داۋرەن اباەۆ پەن مادەنيەت جانە سپورت ءمينيسترى ارىستانبەك مۇحامەدي ۇلىنىڭ جەتەك­شى­لىگىمەن وتكەن باسقوسۋعا قاتىسۋشىلار جۋرناليستيكا, كينو جانە تەلەۆيدەنيە سالالارىنا قاجەتتى ماماندار دايارلاۋداعى وزەكتى ماسەلەلەر تۋرالى ويلارىمەن ءبولىستى ەلىمىزدەگى جەتەكشى باسىلىمدار مەن وتاندىق تەلەارنالار باسشىلارىنىڭ, سالالىق وقۋ ورىندارى رەكتورلارى مەن بىلىكتى مامانداردىڭ وي-ۇسىنىستارى ورتاعا سالىنعان وتىرىستى ءسوز سويلەپ اشقان مادەنيەت جانە سپورت ءمينيسترى ارىستانبەك مۇحامەدي ۇلى مۇنداي كەزدەسۋ­لەردىڭ اسا ماڭىزدى ەكەنىن اتاي كەلىپ, سالالىق وقۋ ورىن­دارىن­­داعى ءبىلىم دەڭگەيىنە, جاس مامان­داردىڭ كەلەشەكتە جۇمىس­پەن قامتىلۋ رەتتەرىنە قىسقاشا توق­تالىپ ءوتتى. اقپارات جانە كوممۋ­ني­كاتسيالار ءمينيسترى داۋرەن اباەۆ ءوز كەزەگىندە تەلە-راديو سالاسى مەن الەۋمەتتىك جەلىلەر دامۋىنىڭ قارقىنى ءبىرىنشى كەزەكتە مامانداردىڭ كاسىبي بىلىك­تىلىگىن ارتتىرۋدى بارىنشا تالاپ ەتىپ وتىرعانىن, سونىمەن قاتار اقپارات سالاسىنداعى باسەكەلەستىكتىڭ جالپى الەم بويىنشا قارقىن الا تۇسكەنىن العا تارتتى. سالا باسشىسى ول ءۇشىن ءبىرىنشى كەزەكتە جوو-عا ۇلكەن جاۋاپكەرشىلىك جۇكتەلىپ وتىر دەدى. مالىمەت بويىنشا ەلىمىزدەگى 28 وقۋ ورنىندا جۋرناليستەر دايارلانادى دەسەك, شامامەن بيىل 500-دەي مامان وقۋ بىتىرگەن. بىراق سونىڭ وكىنىشكە قاراي كوپشىلىگى ماماندىعى بويىنشا جۇمىسقا ورنالاسا المايتىندىعى اششى دا بولسا, اقيقات. سوندىقتان مينيستر مۇنداي جاعداي الداعى ۋاقىتتا جوو-داعى وقىتۋ ادىستەمەسىن وزگەرتپەي بولمايتىنىنا نازار اۋدارتتى. تەلەارنالار, گازەتتەر, ينتەرنەت-سايتتار ستۋدەنت­تەر­دى تاجىريبەدەن وتكىزۋ ماسە­لەسىنە ءجىتى كوڭىل ءبولىپ, ولار­دىڭ كاسىبي بىلىكتىلىگى مەن شەبەر­لىگىن شىڭداۋعا جەتكىلىكتى ءمان بەرۋلەرى كەرەك. اتاپ وتەتىن تاعى ءبىر جايت, اسىرەسە تەحنيكالىق ما­مان­­­داردى دايارلاۋ ءىسى وتە وتكىر كۇيىن­دە قالۋدا. ال, تەلەار­نا­لار­­داعى باعدارلامالار ساپاسى نەگىزىنەن تىكەلەي وسىعان تاۋەل­­دى. ماماندارعا الەمدىك مەديا­­نا­رىقتىڭ تالاپتارىنا جاۋاپ بەرەتىن كەز كەلدى. بۇل رەتتە ەلىمىزدىڭ وقۋ ورىندارىندا الەم­دىك دەڭگەيدەگى ارنالاردا جۇ­مىس ىستەۋگە قابىلەتتى ماماندار دايار­لانۋى تيىستىگى ءسوز ەتىلدى. «بۇل ءۇشىن ءبىز ءوز تاراپىمىزدان ءسىز­دەر­­­دىڭ قويىپ وتىرعان بارلىق تالاپ­تارىڭىزدى ەسكەرەتىن بولامىز» دەدى د.اباەۆ. مۇنان كەيىن قازاق ۇلتتىق ونەر ۋنيۆەرسيتەتىنىڭ رەكتورى ايمان مۇساقوجاەۆا وقۋ ور­نى­نىڭ جەتىستىكتەرى, ماتە­ريال­دىق-تەحنيكالىق بازانىڭ مۇمكىندىكتەرى تۋرالى توقتالىپ, كەلەشەكتە ماماندىق اۋقىمىن مۇنان دا كەڭەيتۋگە, ماسەلەن, جۋر­ناليستەردى, ديكتورلاردى دايار­لاۋعا دايىن ەكەندىكتەرىن جەتكىز­دى. 2010 جىلى جاڭا مامان­دىقتار اشىلدى, اتاپ ايتقاندا, مادە­­نيەت­تانۋ, ونەرتانۋ, حورەو­گرافيا, كەس­كiندەمە, ءمۇسiن, رەجيسسۋرا ء(رول­دىك ويىن جانە دەرەكتى كينو), وپە­راتورلىق ونەر, ستسەنوگرافيا (كيiم, گريم-ۆيزاج ديزايندارى), كiتاپحانا ءiسى سياقتى شىعارماشىلىق ما­مان­­دىق­تارى. سونىمەن قاتار, ءوزى باس­قا­راتىن ءبىلىم ورداسىن­داعى ستۋدەنت­تەر مەن وقىتۋشى-ما­مان­­دار­دىڭ حالىقارالىق ءباي­گە­­لەر­دەگى جۇلدەلەرىن, سونىڭ ءبىرى, جاقىندا عانا فرانتسيانىڭ ۆەزۋل قالا­سىن­دا وتكەن ءححىى حالىق­­ارا­لىق كينو­فەستيۆالدەن ەكى بىردەي ول­جانى قانجىعاسىنا بايلاپ قايت­قان «كينو جانە تد» كافەد­راسى­نىڭ وقىتۋشىسى, رەجيس­سەر ەرلان نۇرمۇحامبەتوۆتىڭ «جاڭعاق تال» تۋىندىسىن اتاپ ءوتتى. ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ رەكتورى بيبىگۇل ءنۇسىپجانوۆا سالا ماماندارىنىڭ بىلىكتىلىك دەڭگەيى تۋرالى ويلارىمەن ءبولىستى. بۇل رەتتە ستۋدەنتتەردىڭ وتاندىق باق-تا تاجىريبەدەن ءوتۋى دۇرىس جولعا قويىلعانىن, جاستاردىڭ بىلىكتىلىگىن ارتتىرىپ, كاسىبي شەبەرلىگىن ۇشتاۋدا تاجىريبەلى مامانداردىڭ تارتىلىپ وتىرعانىن ايتتى. ال, قازاق ۇلتتىق ونەر ۋنيۆەرسيتەتى «كينو جانە تد» كافەدراسىنىڭ مەڭگەرۋشىسى تالعات تايشانوۆ ءوز سوزىندە ەلىمىزدىڭ جەتەكشى تەلەار­نالارىندا كاسىبي ءبىلىمى جوق مامانداردىڭ جۇمىس ىستەپ ءجۇر­گەنىن, ال وڭىرلىك تەلەار­نا­لار­داعى جاعداي مۇنان دا قيىن كۇيدە ەكەنىن سىنعا الدى. وسى ورايدا كاسىبي ءبىلىمى جوق قىز­مەت­كەرلەردى قايتا دايارلىق­تان وتكىزىپ, وقىتۋدى ۇسىندى. سونىمەن قاتار, بۇل سالا بويىنشا كەيبىر قاجەت مامانداردىڭ ءالى كۇنگە وزىمىزدە وقىتىلماي وتىر­عانىن ايتتى. ت.جۇرگەنوۆ اتىن­داعى قازاق ۇلتتىق ونەر اكا­دە­مياسى «كينو جانە تد رەجيسسۋراسى» كافەدراسىنىڭ مەڭ­گەرۋشىسى مارگاريتا سولوۆەۆا قاشىق­تىقتان وقىتۋ, سونداي-اق شەتەلدەردەن بىلىكتى مامانداردى تارتۋ جايىنا توقتالدى.  بۇل سالادا كاسىبي بىلىكتىلىكتى ارتتىرۋ ينستيتۋتىنىڭ قاجەتتىگىن ۇسىندى. مادەنيەت جانە سپورت ءمينيسترى ا.مۇحامەدي ۇلىنىڭ وسى ورايداعى باق جەتەكشىلەرى مەن بىلىكتى مامانداردىڭ وقۋ ورىندارىندا شەبەرلىك-سىنىپتارىن, لەكتسيالارىن ۇيىمداستىرۋ تۋرالى ايتقان ۇسىنىسى ارىپتەستەرى تاراپىنان قولداۋ تاپقانداي. «قازاقستان»  رترك» اق باس­قار­ما ءتورايىمى نۇرجان مۇحا­مەد­جانوۆا  ءبىلىم الۋشى جاس­تاردىڭ شەبەرلىگىن قالىپ­تاس­تىرىپ, تاجىريبەدەن وتۋىنە ۇلت­تىق تەلەارنادا بارلىق جاعدايلار جاسالعانىن, كەلەشەك مامانداردى كاسىبي تۇرعىدان دايارلاۋدا ەشقانداي كەدەرگىلەر جوقتىعىن مالىمدەسە, «حابار اگەنتتىگى» اق باسقارما ءتورايىمى الماگۇل  احمەتجانوۆا وتاندىق ارنادان جىلىنا 70 ستۋدەنتتىڭ ءتاجىري­بە­دەن وتەتىنىن, ەلىمىزدەگى 5 جوو-مەن ءوزارا شىعارماشىلىق باي­لانىس ورناتىلىپ, ۇدايى شەبەر­لىك-سىنىپتارى وتكىزىلىپ تۇرا­تى­نىن ايتتى. ال, «ەگەمەن قازاق­ستان»  رەسپۋبليكالىق گازەتى» اق باسقارما توراعاسى ەركىن قىدىر  بۇگىندە گازەت-جۋرنالدارعا ارنايى كاسىبي ءبىلىمى بار تەحنيكالىق قىزمەتكەرلەر, اتاپ ايتقاندا,  ماكەتتى بەزەندىرۋ, ديزاين سالاسىنا بىلىكتى ماماندار اۋاداي قاجەت, سالالىق وقۋ ورىندارى الداعى ۋاقىتتا وسى ۇسىنىس­تارى­مىز­دى ەسكەرسە دەگەن ويىن ءبىلدىردى. «كازاحستانسكايا پراۆ­دا» رەسپۋبليكالىق گازەتى» اق باسقارما توراعاسى الەكساندر تاراكوۆ  جوو ستۋدەنتتەرى رەسپۋب­ليكا­لىق گازەتتەردەن بۇرىن الدىمەن اۋداندىق, وڭىرلىك باسىلىمداردا تاجىريبە سىناعىنان ءوتۋى تيىستىگىن, سونداي-اق اعىلشىن ءتىلىن ۇيرەنۋ ءومىر تالابىنا اي­نالا باستاعانىن ەسكەرتتى. اقپا­رات جانە كوممۋنيكاتسيالار مي­نيسترى داۋرەن اباەۆ جيىن­دى قورىتىندىلاي كەلىپ,  ايتىل­عان پىكىر-ۇسىنىستاردى تۇجى­رىم­دايتىن جۇمىس كوميسسياسى قۇرىلۋى كەرەكتىگىن, باق-تا تاجىريبەدەن وتكەن كەلەشەك مامانداردىڭ جۇمىسپەن قامتىلۋ جاعدايى نازارعا الىناتىنىن ايتتى. قاراشاش توقسانباي, «ەگەمەن قازاقستان»