كەڭەيتىلگەن كەڭەس بولدى

وتكەن سارسەنبىدە اقتوبە وبلىستىق سوتىنىڭ عيماراتىندا جوعارعى سوت توراعاسى قايرات ءماميدىڭ, ءوڭىر باسشىسى بەردىبەك ساپارباەۆتىڭ قاتىسۋىمەن وتكەن كەڭەيتىلگەن كەڭەستە وبلىستىق سوتتىڭ جاڭا توراعاسى تانىستىرىلدى. ءىس-شاراعا اقتوبە جانە سولتۇستىك قازاقستان وبلىستىق سوتتارىنىڭ توراعالارى, وبلىس اكتيۆى, ءوڭىر سۋديالارى, سۋديالار وداعى فيليالى مەن سوتتار اكىمشىسىنىڭ باسشىلارى قاتىستى. كەڭەستە ءسوز العان قايرات ءمامي زاڭعا سايكەس ەرلان ايتجانوۆتىڭ وبلىستىق سوت توراعاسى لاۋازى­مىنداعى بەس جىلدىق مەرزىمىنىڭ اياقتالعاندىعىن جانە ۇستىمىزدەگى جىلعى 20 ماۋسىمداعى پرەزيدەنت جارلىعىمەن وبلىستىق سوتتىڭ توراعاسى قىزمەتىنە مۇراتقالي اكە­تايدىڭ تاعايىندالعانىن مالىمدەدى. جوعارعى سوت توراعاسى جاڭا­دان تاعايىندالعان وبلىستىق سوت­تىڭ توراعاسىن ءبىلىمدى زاڭگەر ءارى بىلىكتى باسشى رەتىندە تانىس­تىردى. م.اكەتايدىڭ وبلىس پرو­كۋرورىنىڭ ورىنباسارى, وبلىس­تىق سوتتىڭ القا توراعاسى جانە سولتۇستىك قازاقستان وبلىس­تىق سوتى­نىڭ توراعاسى لاۋازىم­دارىن­داعى جۇمىستارى اتالىپ ءوتىلدى. ق.ءمامي وبلىستىڭ سوت جۇيە­سىن دامىتۋعا قوسقان ۇلەسى ءۇشىن ە.ايتجانوۆقا العىس ءبىلدىردى. مەم­لەكەت باسشىسىنىڭ جارلى­عىمەن ول سولتۇستىك قازاقستان وبلىستىق سوتىنىڭ توراعاسى بولىپ تاعايىندالدى. كەڭەس اياسىندا وبلىس سوتتارى قىزمەتىنىڭ, سوت ادەبى جونىندەگى كوميسسيانىڭ جانە سۋديالار وداعى فيليالىنىڭ ۇستىمىزدەگى جىلعى 5 ايداعى جۇ­مى­سىنىڭ قورىتىندىلارى تال­قىلاندى. جوعارعى سوت توراعاسى «100 ناقتى قادام» ۇلت جوسپارىندا كوز­دەلگەن شارالاردى ىسكە اسىرۋ ايا­سىندا ەلىمىزدىڭ سوت جۇيەسىنە ەنگى­زىلگەن جاڭالىقتار تۋرالى اي­تىپ ءوتتى. اتاپ ايتقاندا, سوت تورە­لىگى ءۇش بۋىندى جۇيەگە كوش­تى. جو­عارعى سوتتىڭ جانىندا ينۆەس­تي­تسيا­لىق داۋلاردى قارايتىن مامان­داندىرىلعان القا مەن حالىق­ارالىق كەڭەس قۇرىلدى. ازامات­تىق سوت ءىسى­نە پروكۋروردىڭ قاتى­سۋى شەك­تەلدى. بىلىكتىلىك تالاپتارى مەن سۋديالىق لاۋازىمعا كاندي­دات­تاردى ىرىكتەۋ تەتىكتەرى, پسيحولو­گيالىق تەستىلەۋدىڭ ءرولى كۇشەي­تىلدى, پوليگرافولوگيالىق زەرتتەۋ ەن­گىزىلدى. جوعارى سوت كەڭەسى دەربەس اپپاراتى بار اۆتونومدى مەم­لەكەتتىك مەكەمە رە­تىندە تۇبەگەيلى قاي­تا قۇرىلدى, جوعارعى سوت جا­نىن­داعى سوت تورەلىگى اكادەمياسى ءوز جۇمىسىن جاڭا مارتەبەدە باستادى. سوتتاردا اۋديو-بەينە تىركەۋ جۇيەسىن ەنگىزۋ مەن قولدانۋ بويىن­شا بەلسەندى جۇمىس جۇرگىزىلدى. ق.ءما­مي ۇستىمىزدەگى جىلدىڭ كۇ­زىندە سۋديا­لاردىڭ سەزىندە قا­بىل­دا­نا­­دى دەپ جوسپارلانىپ وتىرعان جا­ڭا ادەپ كودەكسى جوباسىنىڭ ءازىر­­لەن­گەندىگىن ايتتى. كودەكس جوبا­سى رەسپۋبليكانىڭ سۋديالار قاۋ­­ىم­داستىعىمەن كەلىسىلدى جانە جو­­­عارعى سوت جانىنداعى حالىق­ارا­لىق كەڭەستىڭ وتىرىسىندا ما­قۇل­داندى. ول بويىنشا ەۋروپا­لىق كە­ڭەس­تىڭ ۆەنەتسيالىق كوميسسياسى ساراپ­شىلارىنىڭ قورىتىندىسى الىندى. توراعا بارلىق ماڭىزدى مەم­لەكەتتىك مەكەمەلەردى قور­عاۋدى كۇ­شەي­تۋگە, ولاردى قاراۋ­دىڭ زامان­اۋي قۇرالدارىمەن, ساپالى بەي­نە­باقىلاۋ جۇيەسىمەن جاراقتاندىرۋ قاجەتتىگىنە نازار اۋداردى. وسى رەتتە اتالعان شارالار ازاماتتار ءۇشىن ىڭ­­عايسىزدىق تۋعىزباۋى تيىستىگى اتاپ ءوتىلدى. – سۋديالار مەن سوتتار اپپاراتتارى قىزمەتكەرلەرىنىڭ اراسىندا ءتۇسىندىرۋ جۇمىسىن جۇرگىزۋ كەرەك. ءاري­نە, مۇنداي جۇمىستى پروتسەس­كە قاتىسۋشىلارمەن دە جۇرگىزۋ قا­جەت. وسى باعىتتاعى ەرەجە باق-تا كەڭى­نەن جاريالاندى. ولاردى ءبىلۋ كەرەك جانە قۇقىق قورعاۋ ورگاندارى مەن ارنايى قىزمەت قىزمەتكەرلەرىنىڭ وسى جاعدايداعى تالاپتارىنا تۇسىنىستىكپەن قاراۋ كەرەك, – دەدى ول. ساتىبالدى ءساۋىرباي, «ەگەمەن قازاقستان» كەڭەستە وبلىس اكىمى ب.ساپار­باەۆ, جاڭادان تاعايىندالعان وبلىستىق سوتتاردىڭ توراعالارى, سۋديالار قاۋىمداستىعىنىڭ وكىل­دەرى ءسوز سويلەدى, بۇل باعىتتاعى ءوز ويلارىن ورتاعا سالدى. اقتوبە