جىلدام جەتكىزەتىن قوعامدىق كولىكتەر

ەلوردامىز بۇگىندە كوركەيىپ, كوز الدىمىزدا ساۋلەتى مەن كەسكىنى جاراسقان الىپ شاھارعا اينالدى. سان ءتۇرلى قۇرىلىس نىساندارىمەن قاتار, قالا حالقىنىڭ سانى دا كۇن ساناپ وسۋدە. ايماق تۇرعىندارىنان بولەك, جىلدان-جىلعا باس شاھارىمىزعا سان تاراپتان اعىلاتىن قالا قوناقتارىنىڭ كەلۋى دە ەداۋىر جيىلەگەن. وسىعان وراي, ەلوردانىڭ جول-كولىك قوزعالىسىنا وڭ وزگەرىستەر ەنگىزىلىپ, قوعامدىق كولىك جەلىلەرى جەتىلىپ كەلەدى.     ايتار بولساق, قالا ءىشى مەن قالا ماڭىنا جەدەل قاتىنايتىن  – «Express» اۆتوبۋستارىنىڭ ىسكە قوسىلۋى قالانىڭ قىم-قۋىت تىرلىگىن جەڭىلدەتۋگە اۋقىم­دى ۇلەس قوسۋدا. اتالعان اۆتوبۋس­تار وتكەن جىلدىڭ تامىزىنان باس­تاپ, بىرنەشە باعىت بويىنشا ءوز جۇ­مىسىن باستاعان بولاتىن. بۇگىندە 101, 102, 103, 105 ءنومىر­لى ەكسپرەسس-مارشرۋتتارى قالا تۇر­­عىن­دارىنا كۇندەلىكتى قىزمەت كورسەتۋدە. استانا ىشىندە ازا­مات­تاردى تاسىمالداۋ قىزمەتىن ات­قاراتىن قوعامدىق كولىكتەر­دىڭ سوڭعى نۇسقاسى بۇرىنعى­سى­نا قاراعاندا, بىرقاتار وزگەشەلىك­تەرى­مەن كوزگە تۇسەدى. ايالداما سانى­نىڭ شەكتەۋلىلىگى, ياعني بەلگىلەنگەن بىرنەشە ايال­داما­لارعا عانا قىزمەت كور­سەتەتىن ەكسپرەسس-مارشرۋتتار ۋاقىت جاعى­نان تۇرعىندار ءۇشىن وتە ءتيىمدى بولىپ تۇر. ءارى قاتى­ناۋ قاشىق­تىعىن جەڭىلدەتىپ, ازا­مات­تار­دىڭ ءبىر عانا كولىكپەن دىتتە­گەن جەرىنە جەتۋىنە مۇمكىندىك مول. مىسالى, 101 ءنومىرلى ەكسپرەسس-مارشرۋتى اۋداندىق اۋرۋحانا مەن «جاعالاۋ» تۇرعىن ءۇي كەشەنى ارالىعىنا قاتىناسا, 102 ءنومىرلى مارشرۋت «كوكتال-2» ايماعى مەن كلينيكالىق وڭالتۋ كەشەنى اراسىن جالعايدى. ال «شارىن» بازارى مەن «قاراوتكەل-2» اۋما­عىن قامتيتىن 103 ءنومىرلى قو­عامدىق كولىك كوپتىڭ سۇرانىسىن قاناعاتتاندىرىپ كەلەدى. «جىبەك جولى» اۋىلى مەن «بال بالا» بالاباقشاسىنا جول جۇرەتىن 105 ەكپرەسس كولىگى جاس پەن كارىنىڭ قاجەتىنە جاراپ-اق تۇر. سونىمەن قاتار, قالانىڭ ب­ىراز ءبو­لىگىن قامتىپ وتىرعان «Express» قوعامدىق كولىكتەرى ەرەك­­­شە دي­زاي­نىمەن قاتار, ءجۇيىت­كي ءجو­نە­­لە­تىن جوعارى جىلدام­دى­عى­مەن جولاۋ­شىلاردىڭ كوڭى­لى­نەن شىعۋ­دا. تاسىمال كولى­گى رەتىن­دەگى اۆ­تو­بۋس­تار ارنايى جەل­دەت­­كىش­تەرمەن جابدىقتالعان. جانە دە الەۋمەتتىك جەلىلەردى تە­گىن پاي­­دالانۋعا ارنالعان — «Wi-fi» قۇ­­رىلعىسى دا قوندى­رى­لىپ­تى. سونداي-اق, مەكتەپ وقۋ­شى­لارى مەن ارنايى كومەك كورسە­تى­لە­تىن تۇرعىندارعا جەڭىلدىك قاراستىرىلعان. دەگەنمەن, ساپاسىنا قاراي باعاسىنىڭ قىمبات ەكەندى­گىن ەسكەرە كەتكەن ءجون. ادەتتە, ەلور­دا اۋماعىندا دىتتەگەن ايال­داماڭىزعا جەتىپ بارۋ ءۇشىن بەلگىلەنگەن 90 تەڭگە تولەيتىن بولساڭىز, «Express» مارشرۋتىنا وتىرعانىڭىز ءۇشىن 150 تەڭگە شىعىن شىعارۋىڭىز قاجەت. نە دە بولسا, قاراپايىم حالىق ءۇشىن قالتا كوتەرەرلىك باعا ەمەس ەكەندىگى اقيقات. دەسەك تە, جۇرت­­شىلىقتىڭ كوڭىلىنەن شىعىپ جاتقان جاڭا قوعامدىق كولىك­تەردىڭ ءىشى ادامعا تولى. – وسى ەكسپرەسس-اۆتوبۋستار ىسكە قو­سىل­عالى بەرى, ۋاقىتتى ءتيىمدى پاي­دالانۋدامىز. ال­عاش­قىدا, جولاقى قۇنىنىڭ قىم­باتتىعىنا قامى­عاتىن ەدىك, ەندى ۋاقىت جاعى­نان ۇ­تىمدىلىعى كوڭىلگە قونىمدى بو­لىپ تۇر, – دەيدى قالا تۇرعىنى مەي­رامگۇل نۇرتاەۆا. وعان سەبەپ, بەلگىلى باعىتتا ەكى اۆتوبۋسپەن ءجۇ­رىپ, ەكى شىعىن شىعارعانشا, ءبىر رەت تولەپ, ءبىر كولىكپەن ءجۇرۋ­دىڭ ءتيىم­­دىلىگى بولسا كەرەك. الدا­عى ۋا­قىت­­تاردا ەكسپرەسس-اۆتوبۋس­تار­دىڭ سا­نى ارتىپ, ەلەكتروندى اقى تولەۋ ءجۇ­يە­سىنە كوشۋ ماقساتى كوز­دە­لىپ وتىر. بۇل استانا شاھارى­نىڭ جو­لاۋ­­شى­لار­دى تاسىمالداۋ جۇيە­سىن­­دەگى ەلەۋلى جاڭالىقتىڭ ءبىرى بولماق. ارايلىم تاستەمىر, ق.ا.ياساۋي اتىنداعى  حالىقارالىق قازاق-تۇرىك  ۋنيۆەرسيتەتىنىڭ 2-كۋرس ستۋدەنتى