ەڭبەكتىڭ مويىندالۋى

سەنات توراعاسى قاسىم-جومارت توقاەۆ دۇنيەجۇزىلىك ساۋ­دا ۇيىمىنىڭ باس ديرەكتورى روبەرتو ازەۆەدومەن كەزدەستى, دەپ حابارلادى پارلامەنت سەناتىنىڭ ءباسپاسوز قىزمەتى. توراعا دسۇ باسشىسىن ءىى دارەجەلى «دوستىق» وردەنىمەن ماراپاتتالۋىمەن قۇتتىقتادى, ق.توقاەۆتىڭ پىكىرىنشە, بۇل قازاقستان مەن دسۇ اراسىنداعى ىنتىماقتاستىقتى نىعايتۋ ىسىندەگى ر.ازەۆەدونىڭ ەلەۋلى ەڭبەگىنىڭ مويىندالۋى بولىپ تابىلادى. سەنات باسشىسى ن.نازارباەۆتىڭ «100 قادام» ۇلت جوسپارىنىڭ ەلەۋلى بولىگى ەلىمىزدىڭ الەمدىك ەكونوميكاعا تى­عىز ىق­پال­داسۋى جاعدايىندا يندۋس­تريا­لان­دىرۋ مەن ەكونوميكالىق وركەندەۋدى قام­­تاماسىز ەتۋگە ارنالعانىن اتاپ ءوتتى. وسىعان باي­لانىستى, پارلامەنت پەن ۇكىمەتتىڭ ءبىر­لەسكەن ءىس-قيمىلى ۇلتتىق زاڭنامانى جەتىلدىرۋدە كەشەندى جۇمىستاردى جۇزەگە اسىرادى. توراعا سەناتتا دسۇ مەن ەاەو-عا مۇشەلىكتى ەسەپكە الا وتىرىپ, وتاندىق اگرارلىق سەكتوردىڭ باسەكەگە قابىلەتتىلىگى ماسەلەلەرى بويىنشا ساۋىردە پارلامەنتتىك تىڭداۋ وتكەنىن ايتتى. كەزدەسۋ بارىسىندا جۇزدەسۋشىلەر قازاق­ستان پرەزيدەنتىنىڭ استانا ەكونو­ميكالىق فورۋمى بارىسىندا ادام كاپيتالىن دامىتۋ, وفشورسىزداندىرۋ مەن قورشاعان ورتانى قورعاۋ سالاسىنداعى الەمدىك قوعامداستىققا ۇسىنعان جاڭا باستامالارى تۋرالى پىكىر الماستى.