بوس جاتپاۋى كەرەك

سولتۇستىك قازاقستان – اگرارلىق جاعىنان قۋاتتى وبلىس. جالپى جەر قورى 9804,3 مىڭ گەكتاردى قۇراسا, اۋىل شارۋاشىلىعىنا جارامدىسى –7168,5 مىڭ گەكتار. 3100 شارۋا جانە فەرمەر قوجالىعى ماقساتتى اۋىلشارۋاشىلىق القاپتارىنىڭ 18 پايىزىن, 671 سەرىكتەستىك 69 پايىزىن يەلەنەدى. وبلىس اكىمىنىڭ ءبىرىنشى ورىنباسارى ايدار­بەك ساپاروۆتىڭ قاتىسۋىمەن ءوت­كەن وڭىرلىك قو­عامدىق كەڭەستىڭ وتىرىسىن­دا جەر قاتىناستارى باسقارماسىنىڭ باس­شىسى ەسەنگەلدى كارىباەۆ حابارل­ا­ما جا­ساپ, جۇرتشىلىق تاراپىنان ءۇل­كەن قو­عام­دىق رەزونانس تۋدىرعان جەر كو­دەكسىنە قاتىستى ەلباسى ايقىنداپ بەر­­گەن ناقتى تۇجىرىمدار توڭىرەگىندە اتقا­­رىلىپ جاتقان جۇمىستارمەن تانىس­تىر­دى. سوڭعى ءۇش جىلدا 7055,7 مىڭ گەكتار ال­قاپ­قا تۇگەندەۋ جۇرگىزىلىپ, 278 مىڭ گەكتار ۋچاس­كەنىڭ پايدالانىلماي جاتقانى انىقتالعان. ناتيجەسىندە 35,9 مىڭ گەكتار جەر ۋچاسكەلەرى بويىن­شا جالداۋ شارتتارى بۇزىلىپ, 205 مىڭ گەكتارى اۋىلشارۋاشىلىق اينالىمىنا ەنگىزىلگەن. اۋىل­شا­رۋاشىلىق ماقساتىنداعى جەرلەر ساناتىندا ايدالمالى جەرلەر ۇلە­سىنىڭ تومەندەۋىن بولدىرماۋ ماقسا­تىمەن ولاردى بو­سال­قى جەرلەردەن اۋىلشارۋاشىلىق اينالىمىنا تارتۋ, تىڭايعان جەرلەردى يگەرۋ جۇ­مىستارىنا باسىمدىق بەرىلگەن. ا.ساپاروۆ جەردىڭ شەتەلدىكتەرگە جالعا عانا بەرىلەتىنىن, ساتىلمايتىنىن قاداپ ايتىپ, قازىرگى تاڭداعى وزەكتى ماسەلە جەر كودەكسىنە ەنگىزىل­گەن وزگەرىستەر مەن تۇزەتۋ­­­­­لەردى بايىپ­تىلىقپەن جان-جاقتى ءتۇسىندىرۋ بولىپ تابىلاتىن اتاپ كورسەتتى. جەردى ءتيىمدى پايدالانۋ, قورەكتىك زاتتارمەن بايىتۋ, قۇنارلىلىعىن جوعالتپاۋ قاجەتتىگىن ەسكە سالدى. ايماقتا ءبىر گەكتار ەگىستىك جەردىڭ باعاسى 55 مىڭ تەڭگە, جايىلىم 12 مىڭ تەڭگەگە جۋىقتايدى. بونيتەتى جوعارى, توپىراعى قارا شىرىندىگە مول وڭىرگە ۇسىنىستار از تۇسپەسى انىق. سول سەبەپتى جەرلەردىڭ ساپاسى مەن سانى جاعىنان ەسەپتەۋگە مونيتورينگ جۇرگىزۋ, جەر قورىن ءتيىمدى پايدالانۋ وتە ماڭىزدى. مەم­لەكەت ۇسىنىپ وتىرعان ءمۇم­كىندىكتەردى ورايىمەن قولدانا بىلسەك, تابى­سىمىز دا مولايا­دى, حالىقتىڭ ءال-اۋقاتى دا ارتادى, دەدى قوعامدىق كەڭەسكە قاتى­سۋشىلار. ءبارىنىڭ ويلارى اۋىل شارۋا­شىلىعىنا ارنالعان جەرلەر بوس جاتپاۋى كەرەك دەگەن ۇسىنىس-پىكىرلەرمەن ۇندەستى. جەر كودەكسىنە ەنگىزىلگەن وزگە­رىستەرگە وراي تۇرعىنداردىڭ ۇسىنىس-تىلەكتەرىن ءبىلۋ ماقسا­تىمەن قۇرىلعان Gall-ورتالىق جۇمىس ىستەگەلى بىرقاتار پىكىرلەردىڭ جيناقتالىپ قال­عانىن اڭعارۋعا بولادى. سولاردىڭ ءبىرى ءۋاليحانوۆ اۋدانى قايرات اۋىلىنىڭ تۇر­عىنى ماۋلەت ايتماعامبەتوۆتەن ءتۇسىپتى. ول كەزىندە «دونسكوە» جشس-ءنىڭ يەلىگىنە بەرىل­گەن اۋىلشارۋاشىلىق جەرلەرىنىڭ يگەرۋسىز قال­عانىن قىنجىلا جەتكىزگەن. وعان شارۋا­شىلىقپەن جالعا بەرۋ كەلىسىمشارتتى بۇزۋ ءۇشىن سوتقا تالاپ ارىز جىبەرىلگەنى, ءىس وڭ شەشىل­گەن جاعدايدا جەر ۋچاسكەلەرى كونكۋرس­تىق نەگىزدە اۋكتسيونعا تۇسەتىنى ءجونىن­دە جاۋاپ بەرىلگەن. تايىنشا اۋدانى قارا­عاش ەلدى مەكەنىنىڭ تۇرعىنى دوسىمحان سىرىم­بەت اۋىل ماڭىندا جايىلىمدىق جەرلەر قال­ماعانىنا الاڭداۋشىلىق بىلدىرسە, ع.ءمۇسى­رەپوۆ اۋدانىنان حابارلاسقان سەرگەي پي­تاەۆ «ۆوزۆىشەنسكوە» جشس-نەن جارىتىپ پاي ۇلەسىن الا الماي جۇرگەنىن, كورشىلەس شارۋا­شىلىقتاردا كوپ بەرىلەتىنىن العا تارت­قان. پەتروپاۆلدىق بەكجان ەسەنوۆ وسىدان ءتورت جىل بۇرىن جەر تەلىمدەرىن الۋعا ءوتى­نىش بەرسە دە كەزەگى جىلجى­مايتىنىن جازعان. ءومىر ەسقالي, «ەگەمەن قازاقستان» سولتۇستىك قازاقستان وبلىسى