مەملەكەت باسشىسى تاۋەلسىزدىگىمىزدىڭ 25 جىلىندا قول جەتكىزگەن ەلىمىزدىڭ جەتىستىكتەرىن, جەر ماسەلەسىن حالىق اراسىندا ءتۇسىندىرۋ جۇمىستارىن بەلسەندى جۇرگىزۋدى تاپسىرعان بولاتىن. وسىعان بايلانىستى جامبىل وبلىستىق اكىمدىگىندە جەر كودەكسىنىڭ نورمالارىن حالىق الدىندا ءتۇسىندىرۋ بويىنشا قوعامدىق كەڭەستىڭ وتىرىسى ءوتتى. جيىنعا قاتىسقان جامبىل وبلىسىنىڭ اكىمى كارىم كوكىرەكباەۆ بۇل باعىتتاعى شارالار كەڭىنەن جالعاسۋى كەرەك ەكەندىگىن اتاپ ءوتتى.
جەر كودەكسىنە ەنگىزىلگەن ءوزگەرىستەردى وبلىس تۇرعىندارىنا ءتۇسىندىرۋ ءۇشىن وبلىس اكىمدىگى جانىنان قۇرامى 18 ادامنان تۇراتىن جۇمىس توبى قۇرىلعان. توپ قۇرامىندا «نۇر وتان» پارتياسى وبلىستىق فيليالى توراعاسىنىڭ ءبىرىنشى ورىنباسارى, وبلىستىق ءماسليحاتتىڭ حاتشىسى, وبلىستىق قوعامدىق كەڭەستىڭ توراعاسى, وبلىستىق كاسىپكەرلەر پالاتاسىنىڭ ديرەكتورى, وبلىس اكىمدىگىنىڭ ىشكى ساياسات, جەر قاتىناستارى, اۋىل شارۋاشىلىعى, جاستار ساياساتى ماسەلەلەرى, كاسىپكەرلىك, دەنساۋلىق ساقتاۋ, ءبىلىم, تابيعي رەسۋرستار جانە تابيعاتتى پايدالانۋدى رەتتەۋ, دەنساۋلىق ساقتاۋ باسقارمالارىنىڭ باسشىلارى قامتىلعان. جۇمىس توبىنىڭ جۇمىسشى ورگانى بولىپ وبلىس اكىمدىگىنىڭ جەر قاتىناستارى باسقارماسى بەلگىلەندى.
وبلىس اكىمدىگى جانىنان قۇرىلعان جۇمىس توبىنىڭ جەر كودەكسىنە ەنگىزىلگەن وزگەرتۋلەر مەن تولىقتىرۋلاردى وبلىس تۇرعىندارىنا ءتۇسىندىرۋ بويىنشا ءىس-شارالار جوسپارى بەكىتىلىپ, 16 مامىردان باستاپ جەرگىلىكتى تۇرعىندارعا ءتۇسىندىرۋ جۇمىستارى جۇرگىزىلۋدە. بۇگىنگى كۇنى ەلدى مەكەندەردە بارلىعى 325 كەزدەسۋ وتكىزىلىپ, 23 مىڭنان استام ادام قامتىلدى.
– كەزدەسۋ بارىسىندا وبلىس تۇرعىندارى تاراپىنان جەر رەفورماسى, ءبىلىم بەرۋ, مەديتسينالىق قىزمەت كورسەتۋ جانە باسقا دا سالالار بويىنشا قوردالانعان ماسەلەلەر كوتەرىلدى. وسىعان بايلانىستى حالىق اراسىندا تۇسىندىرمە جۇمىستارى كەڭىنەن جۇرگىزىلۋدە, – دەيدى قوعامدىق كەڭەس توراعاسى جاندار كارىباەۆ.
ەندى وسى ماسەلەگە قاتىستى ايتىلعان كەيبىر پىكىرلەردى كەلتىرە كەتەيىك.
ماسات ءاشىم, «نۇر وتان» پارتياسى جامبىل وبلىستىق فيليالى توراعاسىنىڭ ءبىرىنشى ورىنباسارى:
– «نۇر وتان» پارتياسىنىڭ وبلىستىق, اۋداندىق, قالالىق فيليالدارى وسى ۋاقىت ىشىندە اۋىل-ايماقتى ارالاپ, ەلمەن 180-نەن استام كەزدەسۋ وتكىزىپ, ولاردىڭ وزدەرىن مازالاعان سۇراقتارىنا جاۋاپ بەردى. ەل جەر كودەكسىندەگى وزگەرتۋلەردى ءالى دە قاتاڭداتۋدى سۇرايدى. اسىرەسە, 25 جىلعا شەتەل ازاماتتارىنا جالعا بەرۋ ماسەلەسىنە الاڭدايدى. توپ مۇشەلەرى بارلىق جاعدايدى ءتۇسىندىرىپ, ءاربىر وزگەرتۋدى جەكە-جەكە ساراپتاپ بەردى. جينالعان جۇرت كەزدەسۋلەردە جەر كودەكسىندەگى وزگەرىستەردەن دە بولەك كوپتەگەن ماسەلەلەردى كوتەرىپ جاتتى. ناقتىراق ايتساق, اۋىلداردا جەر الۋدىڭ قيىندىعى, جىل وتكەن سايىن اۋىل ماڭىنداعى مال جايىلىمدارىنىڭ تارىلىپ كەلە جاتقانى, باۋ-باقشانى سۋاراتىن اعىن سۋدىڭ تاپشىلىعى جانە مال ۇرلىعىنىڭ ءورشىپ تۇرعانى كوبىرەك ءسوز بولدى. مەنىڭشە بۇل ماسەلەلەرگە مايدا-شۇيدە دەپ قاراماي, تەرەڭ ءمان بەرۋ كەرەك. اۋىل, اۋدان اكىمدەرى حالىقپەن ءجيى جۇزدەسىپ, قوردالانعان ماسەلەلەردى اۋىل ازاماتتارىمەن بىرگە تالقىلاپ, ودان ءبىر ناتيجە شىعارۋعا كۇش سالۋى كەرەك. ياعني, اۋىل, اۋدان اكىمدەرىنىڭ جاۋاپكەرشىلىگىن ارتتىرۋىمىز قاجەت. قالاي ايتساق تا, اۋىل, اۋدان اكىمدەرى ەلمەن تىعىز جۇمىس ىستەۋى ولاردىڭ بيلىككە دەگەن سەنىمىن بەكىتە تۇسەتىنى انىق.
الىبەك امزەەۆ,
مادەنيەت قايراتكەرى:
– مەن دە اۋىل-ايماقتى ارالاپ قايتتىم. ونىڭ ىشىندە ءوزىمنىڭ تۋعان اۋىلىمدا دا بولدىم. شىنىندا, ەلدىڭ جەر ماسەلەسىنە بايلانىستى الاڭداۋشىلىعى بار. بىراق, كوبىسى جەر كودەكسىندەگى وزگەرىستەردى جەتە تۇسىنبەيدى. سودان بولار, بۇل باسقوسۋلاردا ەل باسقا دا ماسەلەلەردى ءجيى كوتەرىپ جاتتى. شىنىندا, كەيبىر اۋىلداردا جايىلىم ماسەلەسى ۇلكەن پروبلەماعا اينالعان. ەلدى مەكەننىڭ توڭىرەگىندەگى جەرلەردىڭ ءبارى ساتىلىپ كەتكەندىكتەن, مال جاياتىن جەر جوق. سوناۋ 12 شاقىرىم جەردەن جايىلىم بەرگەن ەكەن. ول جاققا بارىپ-قايتۋ ءبىر ازاپ. جانە وسى كەزدەسۋدە ءبىر بايقاعانىم, كەيبىر اۋىل اكىمدەرى ەلمەن سويلەسۋدى, بىرلەسىپ جۇمىس ىستەۋدى جاقسى بىلمەيدى. ءبارىن بىردەي قارالاي بەرۋگە بولماس. بىراق كوپتەگەن اۋىل اكىمدەرىنىڭ جەرگىلىكتى زيالى قاۋىممەن بايلانىسى جوق. مۇنداي باسشىلار قوعامنىڭ كومەكشىسى بولا الا ما؟ مىنە, بۇل باعىتتا اۋىل اكىمدەرىنە جۇكتەلەر مىندەت وتە اۋقىمدى.
ورالحان ءداۋىت,
«ەگەمەن قازاقستان»
جامبىل وبلىسى
مەملەكەت باسشىسى تاۋەلسىزدىگىمىزدىڭ 25 جىلىندا قول جەتكىزگەن ەلىمىزدىڭ جەتىستىكتەرىن, جەر ماسەلەسىن حالىق اراسىندا ءتۇسىندىرۋ جۇمىستارىن بەلسەندى جۇرگىزۋدى تاپسىرعان بولاتىن. وسىعان بايلانىستى جامبىل وبلىستىق اكىمدىگىندە جەر كودەكسىنىڭ نورمالارىن حالىق الدىندا ءتۇسىندىرۋ بويىنشا قوعامدىق كەڭەستىڭ وتىرىسى ءوتتى. جيىنعا قاتىسقان جامبىل وبلىسىنىڭ اكىمى كارىم كوكىرەكباەۆ بۇل باعىتتاعى شارالار كەڭىنەن جالعاسۋى كەرەك ەكەندىگىن اتاپ ءوتتى.
جەر كودەكسىنە ەنگىزىلگەن ءوزگەرىستەردى وبلىس تۇرعىندارىنا ءتۇسىندىرۋ ءۇشىن وبلىس اكىمدىگى جانىنان قۇرامى 18 ادامنان تۇراتىن جۇمىس توبى قۇرىلعان. توپ قۇرامىندا «نۇر وتان» پارتياسى وبلىستىق فيليالى توراعاسىنىڭ ءبىرىنشى ورىنباسارى, وبلىستىق ءماسليحاتتىڭ حاتشىسى, وبلىستىق قوعامدىق كەڭەستىڭ توراعاسى, وبلىستىق كاسىپكەرلەر پالاتاسىنىڭ ديرەكتورى, وبلىس اكىمدىگىنىڭ ىشكى ساياسات, جەر قاتىناستارى, اۋىل شارۋاشىلىعى, جاستار ساياساتى ماسەلەلەرى, كاسىپكەرلىك, دەنساۋلىق ساقتاۋ, ءبىلىم, تابيعي رەسۋرستار جانە تابيعاتتى پايدالانۋدى رەتتەۋ, دەنساۋلىق ساقتاۋ باسقارمالارىنىڭ باسشىلارى قامتىلعان. جۇمىس توبىنىڭ جۇمىسشى ورگانى بولىپ وبلىس اكىمدىگىنىڭ جەر قاتىناستارى باسقارماسى بەلگىلەندى.
وبلىس اكىمدىگى جانىنان قۇرىلعان جۇمىس توبىنىڭ جەر كودەكسىنە ەنگىزىلگەن وزگەرتۋلەر مەن تولىقتىرۋلاردى وبلىس تۇرعىندارىنا ءتۇسىندىرۋ بويىنشا ءىس-شارالار جوسپارى بەكىتىلىپ, 16 مامىردان باستاپ جەرگىلىكتى تۇرعىندارعا ءتۇسىندىرۋ جۇمىستارى جۇرگىزىلۋدە. بۇگىنگى كۇنى ەلدى مەكەندەردە بارلىعى 325 كەزدەسۋ وتكىزىلىپ, 23 مىڭنان استام ادام قامتىلدى.
– كەزدەسۋ بارىسىندا وبلىس تۇرعىندارى تاراپىنان جەر رەفورماسى, ءبىلىم بەرۋ, مەديتسينالىق قىزمەت كورسەتۋ جانە باسقا دا سالالار بويىنشا قوردالانعان ماسەلەلەر كوتەرىلدى. وسىعان بايلانىستى حالىق اراسىندا تۇسىندىرمە جۇمىستارى كەڭىنەن جۇرگىزىلۋدە, – دەيدى قوعامدىق كەڭەس توراعاسى جاندار كارىباەۆ.
ەندى وسى ماسەلەگە قاتىستى ايتىلعان كەيبىر پىكىرلەردى كەلتىرە كەتەيىك.
ماسات ءاشىم, «نۇر وتان» پارتياسى جامبىل وبلىستىق فيليالى توراعاسىنىڭ ءبىرىنشى ورىنباسارى:
– «نۇر وتان» پارتياسىنىڭ وبلىستىق, اۋداندىق, قالالىق فيليالدارى وسى ۋاقىت ىشىندە اۋىل-ايماقتى ارالاپ, ەلمەن 180-نەن استام كەزدەسۋ وتكىزىپ, ولاردىڭ وزدەرىن مازالاعان سۇراقتارىنا جاۋاپ بەردى. ەل جەر كودەكسىندەگى وزگەرتۋلەردى ءالى دە قاتاڭداتۋدى سۇرايدى. اسىرەسە, 25 جىلعا شەتەل ازاماتتارىنا جالعا بەرۋ ماسەلەسىنە الاڭدايدى. توپ مۇشەلەرى بارلىق جاعدايدى ءتۇسىندىرىپ, ءاربىر وزگەرتۋدى جەكە-جەكە ساراپتاپ بەردى. جينالعان جۇرت كەزدەسۋلەردە جەر كودەكسىندەگى وزگەرىستەردەن دە بولەك كوپتەگەن ماسەلەلەردى كوتەرىپ جاتتى. ناقتىراق ايتساق, اۋىلداردا جەر الۋدىڭ قيىندىعى, جىل وتكەن سايىن اۋىل ماڭىنداعى مال جايىلىمدارىنىڭ تارىلىپ كەلە جاتقانى, باۋ-باقشانى سۋاراتىن اعىن سۋدىڭ تاپشىلىعى جانە مال ۇرلىعىنىڭ ءورشىپ تۇرعانى كوبىرەك ءسوز بولدى. مەنىڭشە بۇل ماسەلەلەرگە مايدا-شۇيدە دەپ قاراماي, تەرەڭ ءمان بەرۋ كەرەك. اۋىل, اۋدان اكىمدەرى حالىقپەن ءجيى جۇزدەسىپ, قوردالانعان ماسەلەلەردى اۋىل ازاماتتارىمەن بىرگە تالقىلاپ, ودان ءبىر ناتيجە شىعارۋعا كۇش سالۋى كەرەك. ياعني, اۋىل, اۋدان اكىمدەرىنىڭ جاۋاپكەرشىلىگىن ارتتىرۋىمىز قاجەت. قالاي ايتساق تا, اۋىل, اۋدان اكىمدەرى ەلمەن تىعىز جۇمىس ىستەۋى ولاردىڭ بيلىككە دەگەن سەنىمىن بەكىتە تۇسەتىنى انىق.
الىبەك امزەەۆ,
مادەنيەت قايراتكەرى:
– مەن دە اۋىل-ايماقتى ارالاپ قايتتىم. ونىڭ ىشىندە ءوزىمنىڭ تۋعان اۋىلىمدا دا بولدىم. شىنىندا, ەلدىڭ جەر ماسەلەسىنە بايلانىستى الاڭداۋشىلىعى بار. بىراق, كوبىسى جەر كودەكسىندەگى وزگەرىستەردى جەتە تۇسىنبەيدى. سودان بولار, بۇل باسقوسۋلاردا ەل باسقا دا ماسەلەلەردى ءجيى كوتەرىپ جاتتى. شىنىندا, كەيبىر اۋىلداردا جايىلىم ماسەلەسى ۇلكەن پروبلەماعا اينالعان. ەلدى مەكەننىڭ توڭىرەگىندەگى جەرلەردىڭ ءبارى ساتىلىپ كەتكەندىكتەن, مال جاياتىن جەر جوق. سوناۋ 12 شاقىرىم جەردەن جايىلىم بەرگەن ەكەن. ول جاققا بارىپ-قايتۋ ءبىر ازاپ. جانە وسى كەزدەسۋدە ءبىر بايقاعانىم, كەيبىر اۋىل اكىمدەرى ەلمەن سويلەسۋدى, بىرلەسىپ جۇمىس ىستەۋدى جاقسى بىلمەيدى. ءبارىن بىردەي قارالاي بەرۋگە بولماس. بىراق كوپتەگەن اۋىل اكىمدەرىنىڭ جەرگىلىكتى زيالى قاۋىممەن بايلانىسى جوق. مۇنداي باسشىلار قوعامنىڭ كومەكشىسى بولا الا ما؟ مىنە, بۇل باعىتتا اۋىل اكىمدەرىنە جۇكتەلەر مىندەت وتە اۋقىمدى.
ورالحان ءداۋىت,
«ەگەمەن قازاقستان»
جامبىل وبلىسى
سوڭعى جاڭالىقتار
استانادا وليمپيادا چەمپيونى ميحايل شايدوروۆتى سالتاناتتى تۇردە قارسى الدى
ەلوردا • بۇگىن, 02:45
قوعام • كەشە
«اتىراۋ» فۋتبول كلۋبى ساتىلىمعا شىعارىلدى
فۋتبول • كەشە
مويىنقۇم اۋدانىندا ءورت ءسوندىرۋ ءبولىمى اشىلدى
ايماقتار • كەشە
25 اقپانعا دەيىن سالىقتاردى تولەپ ۇلگەرىڭىز
سالىق • كەشە
«رەال» باس باپكەرگە بايلانىستى شەشىم قابىلدادى
فۋتبول • كەشە
