الىپ ساڭىراۋقۇلاق تابىلدى

بيىلعى كوكتەمگى جاۋىن-شا­شىن­نىڭ شامادان تىس كوپ بولۋى اسەر ەتتى مە ەكەن, جامبىل وبلىسىندا سالماعى 17 كيلوعا جۋىق ساڭىراۋقۇلاق تابىلدى. «نايزاعاي ويناپ, كۇن قاتتى كۇركىرەگەن سايىن قوزىقۇيرىق قاپتاپ شىعادى» دەگەن حالىقتىڭ نانىمىنا سەنەتىن بولساق, بيىلعى كوكتەمنىڭ اسپانى تابيعاتتىڭ جارقىلى مەن دۇرسىلىنە تولى بولعانى دا بەلگىلى. ايتەۋىر, الىپ ساڭىراۋقۇلاق تابيعات اياسىندا قوزىقۇيرىق تەرۋگە شىققانداردىڭ نازارىنا بىردەن ىلىگىپتى. ونى تاۋىپ العان جامبىل وبلىسىنان سايلانعان ەكس-سەناتور الەكساندر ساۆچەنكو ساڭىراۋقۇلاقتىڭ اۋىر سالماعىنا ءوزى دە قاتتى تاڭعالىپ وتىر. نەگىزى, مۇنداي ەرەكشە ساڭى­­راۋقۇلاقتاردى جامبىل وبلىسى اۋماعىنىڭ جارتىسىنا جۋى­عىن الىپ جاتقان مويىنقۇم اۋدانىندا كەزدەستىرۋگە بولادى. ماماندار بۇل قوزىقۇيرىقتى تۇتىنباستان بۇرىن سەس زەرتحاناسىندا رادياتسيا مەن توكسيندەردەن تەكسەرىپ الۋدى ۇسىندى. «ۇلتتىق ساراپتاۋ ورتالىعىنىڭ» مەڭگەرۋشىسى ۆيولەتتا كاساپاكليس ونى تەكسەرىپ, تۇتىنۋعا جارامدى ەكەنىن ايتتى. ورالحان ءداۋىت, «ەگەمەن قازاقستان» جامبىل وبلىسى