ماقسات – ءبىر, مىندەت – ورتاق

اقوردادا مەملەكەتتىك حاتشى گۇلشارا ابدىقالىقوۆا بۇۇ باس حاتشىسىنىڭ كومەكشىسى, ەۋروپا مەن تمد ەلدەرى ءۇشىن بۇۇ دامۋ باعدارلاماسىنىڭ ايماقتىق بيۋروسىنىڭ باسشىسى ج.سۇلتانوعلۋمەن كەزدەستى. تاراپتار قازاقستان مەن بۇۇ-نىڭ ەلدىك كومانداسىنىڭ 2016-2020 جىلدارعا ارنالعان سەرىكتەستىكتىڭ نەگىزدەمەلىك باعدارلاماسىن ىسكە اسىرۋ اياسىنداعى قازاقستان مەن بۇۇ دب ىنتىماقتاستىعىنىڭ كەلەشەگى جونىندە پىكىر الماستى. گ.ابدىقالىقوۆا ءوزىنىڭ سوزىندە «قازاقستان-2050» ستراتەگياسىنداعى, «نۇرلى جول» مەملەكەتتىك باعدار­لاما­سىنداعى, «100 ناقتى قادام» ۇلت جوسپارىنداعى نەگىزگى باعىت­تار بۇۇ-نىڭ تۇراقتى دامۋ ماق­ساتتارىمەن جانە بۇۇ باس حات­شى­سى­نىڭ بەسجىلدىق ءىس-قيمىل جاساۋ باعدارلاماسىنىڭ ماقسات­تارى­مەن ۇندەسەتىنىن اتاپ ءوتتى. سون­داي-اق, ول بۇۇ دب سەرىكتەس­تىكتى ىن­تى­­ماقتاستىقتىڭ بارلىق باعىتىن­دا – بىرلەسىپ قارجىلاندىرىلا­­تىن جوبا­­لار اياسىندا, استاناداعى مەم­لەكەت­­تىك قىزمەت ىستەرى وڭىرلىك حا­بىن ودان ءارى ىلگەرىلەتۋ باعىتىن­دا جالعاس­تى­رۋ­عا مۇددەلىلىك بار ەكەنىن ءبىلدىردى. «بۇۇ مەن قازاقستان اراسىنداعى ىنتىماقتاستىق جىل وتكەن سايىن جاڭا ءارى جوعارى ساتىعا كوتەرىلىپ كەلەدى. ءبىز بۇۇ باس حاتشىسى پان گي مۋن مىرزانىڭ 2015 جىلى استاناعا جاساعان ساپارىن جوعارى باعالايمىز. سونىمەن قاتار, ءبىز بۇۇ باس­­­شىلىعى مەن ۇيىم اگەنت­تىكتەرى جەتەكشىلەرىن استانا ەكو­نو­­ميكالىق فورۋمىن وتكىزۋگە قولداۋ كورسەتكەندەرى ءۇشىن ريزا­­­شىلىعىمىزدى بىلدىرەمىز. ءسىز­دەردىڭ بۇل فورۋمعا جىل سا­يىنعى قاتىسۋلارىڭىز ونىڭ جۇ­مىسىنا ۇلكەن ماڭىز بەرەدى», – دەدى مەملەكەتتىك حاتشى. سونىمەن قاتار, گ.ءابدى­قالى­قوۆا قازاقستان پرەزي­دەنتى­نىڭ بىلتىرعى جىلى بۇۇ باس اس­سامبلەياسىنىڭ 70-ءشى مەرەي­توي­لىق سەسسياسىنا قاتىسىپ, ون­دا بىرقاتار ماڭىزدى ۇسىنىس­تار جاسا­عانىن, سونىڭ ءبىرى 2045 جىلعا دەيىنگى ستراتەگيا­لىق باستامالار جوسپارى ەكەنىن ايتتى. «پرەزيدەنت ن.نازارباەۆ اقش-تاعى جاھاندىق سامميتتە «الەم. ءححى عاسىر» مانيفەسىن جاريالاپ, ول بۇۇ باس اسسامب­لەيا­سى تاراپىنان رەسمي قۇجات رەتىن­دە قابىلدانعان بولاتىن. سترا­تەگيالىق باستامالار جوسپارى مەن مانيفەست ءبىر-بىرىمەن تىعىز باي­لانىستى. بۇل ەكى باستاما دا قاقتىعىس جاعدايلارىن بول­دىرماۋعا, بۇكىل دۇنيەجۇزىندە بەيبىتشىلىكتى ورناتۋعا باعىتتالىپ وتىر», – دەدى گ.ابدىقالىقوۆا. مەملەكەتتىك حاتشى قازاقستاننىڭ بۇۇ-مەن كوپتەگەن باعىت بويىن­شا ارىپتەستىك بايلانىس ورناتقا­نىن, ونىڭ ىشىندە گەندەرلىك سايا­سات ماسەلەسىنە قاتىستى دا ءۇل­كەن جۇ­مىس­تار جۇرگىزىلىپ جاتقانىن ايتىپ ءوتتى. «ءبىزدىڭ الدىمىزدا ۇلكەن ماقسات-مىندەتتەر تۇر. دەمەك, ءبىز ولاردىڭ ارقايسىسى بويىنشا ارىپتەستىك ورناتۋعا دايىنبىز», – دەدى مەملەكەتتىك حاتشى. كەزدەسۋ سوڭىندا گ.ءابدى­قالىقوۆا بۇۇ باس حاتشى­سىنىڭ كومەكشىسى ج.سۇلتانوعلۋعا تىعىز ىنتىماقتاستىق ءۇشىن العىس ءبىلدىرىپ, تابىس تىلەدى. جۋرناليستەرگە بەرگەن سۇح­باتىندا ج.سۇلتانوعلۋ ءوزىنىڭ قازاقستانعا وسىمەن 4-ءشى مارتە كەلىپ وتىرعانىن تىلگە تيەك ەتە كەلە, بيىلعى ساپار استانا ەكو­نو­ميكالىق فورۋمىمەن باي­لانىستى ەكەنىن جەتكىزدى. «قازاقستاننىڭ مەملەكەتتىك حاتشىسى بىزگە ءاردايىم قولداۋ كورسەتىپ, ءوزارا ارىپتەستىك ورناتىپ كەلەمىز. سول سەبەپتى, ءبىز الداعى ۋاقىتتا دا ىنتىماقتاستىعىمىزدى دامىتىپ, جاڭا ماقساتتارعا قول جەت­كىزۋ جولدارىن بىرلەسە قاراس­تىرۋىمىز كەرەك», – دەدى بۇۇ وكىلى. ءلايلا ەدىلقىزى, «ەگەمەن قازاقستان»