زاڭ جوبالارى ماقۇلداندى

پارلامەنت ءماجىلىسىنىڭ سپي­كەرى باقتىقوجا ءىزمۇحام­بەتوۆتىڭ توراعالىعىمەن پالاتانىڭ كەزەكتى جالپى وتىرىسى ءوتتى. كۇن تارتىبىندەگى ماسە­لەلەرگە كىرىس­پەس بۇرىن ب.ءىزمۇحام­بەتوۆ ءما­جىلىس دەپۋتاتى قابيبوللا جاقىپوۆقا ناگرادا تا­بىس ەتتى. ياعني, ەل­باسى – قازاقستان حالقى اس­سامب­لەياسىنىڭ توراعاسى نۇرسۇلتان نازارباەۆ قازاقستان حالقى اسسام­ب­لەياسى كەڭەسىنىڭ شەشى­مىمەن ۇلتتىق بىرلىكتى نىعاي­تۋعا, مادەنيەتارالىق ۇنقاتىسۋدى دامىتۋعا جانە قازاقستاندىق ءپاتريوتيزمدى تاربيەلەۋگە قوسقان ەلەۋلى ۇلەسى ءۇشىن قابيبوللا جاقىپوۆتى قازاقستان حالقى اسسامبلەياسىنىڭ قوعامدىق «بىرلىك» التىن مەدالىمەن ماراپاتتادى. ودان ءارى دەپۋتاتتىق كورپۋس راتيفيكاتسيالىق زاڭ جوبالارىن تالقىلاۋعا كىرىستى. الدىمەن دەپۋتاتتار نازارىنا «2014 جىلعى 23 جەلتوقسانداعى ەۋرازيالىق ەكونوميكالىق وداق شەڭبەرىندە دارىلىك زاتتار اي­نا­لىسىنىڭ بىرىڭعاي قاعي­دات­تارى مەن قاعيدالارى تۋرا­لى» كەلىسىمگە ارمەنيا رەسپۋ­ب­لي­كاسىنىڭ قوسىلۋى تۋرالى» حاتتامانى, سونىمەن قاتار,  «مەدي­تسينالىق بۇيىمدار (مەدي­تسينا­لىق ماقساتتاعى بۇيىم­دار مەن مەديتسينالىق تەحنيكا) اينا­لىسىنىڭ بىرىڭعاي قاعي­داتتارى مەن قاعيدالارى تۋرالى» كەلىسىمگە ارمەنيا رەسپۋب­ليكا­سىنىڭ قوسىلۋى تۋرالى» حاتتامانى راتيفيكاتسيالاۋ ۇسىنىلدى. ەكى حاتتاما دا 2015 جىلى ماسكەۋ قالاسىندا جاسالعان. اتال­عان زاڭ جوبالارى بويىنشا بايان­داما جاساعان دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆانىڭ ايتۋىنشا, دارىلىك زاتتار اي­نالى­سىنىڭ بىرىڭعاي قاعيداتتارى مەن قاعي­دالارى نەگىزىندە دارىلىك زاتتاردى تىركەۋ جانە ساراپتاۋ كەزىندە اسەر ەتۋشى زاتتاردىڭ ساپا­لىق قۇرامى ءارتۇرلى بولاتىن دارىلىك زاتتاردى ءبىر ساۋدا اتاۋى­مەن تىركەۋگە, مۇشە مەملەكەت­تەر­دىڭ بىرىندە تىركەلگەن دارىلىك زاتتاردى باسقا مۇشە مەملەكەتتە قايتا تىركەۋگە تىيىم سالىنادى, سونداي-اق, ءبىر مۇشە مەملەكەتتە جۇرگىزىلگەن كلينيكاعا دەيىن­گى, كلينيكالىق سىناقتار جانە دارىلىك زاتتاردى ينسپەكتسيالاۋ ءناتي­جەلەرى باسقا مۇشە مەملەكەتتەر تاراپىنان مويىندالاتىن بولادى. سونىمەن قاتار,  دارىلىك زاتتار ورتاق نارىققا ولار بىرىڭعاي تارتىپكە سايكەس تىركەۋدەن وتكەندە جانە دارىلىك زاتتاردىڭ بىرىڭعاي تىزىلىمىنە ەنگىزىلگەن جاعدايدا عانا وتكىزىلىپ, دارىلىك زاتتاردى ءوندىرۋ ءتيىستى بىرىڭعاي وندىرىستىك پراكتيكا (GMP) قاعيدالارىنا سايكەس جۇزەگە اسىرىلادى. ال مەديتسينالىق بۇيىمدار, ياعني مەديتسينالىق ماقساتتاعى بۇيىمدار مەن مەديتسينالىق تەحنيكا اينالىسىنىڭ بىرىڭعاي قاعيداتتارى مەن قاعيدالارى نەگىزىندە مەديتسينالىق بۇيىم­داردى تىركەۋ بارىسىندا ەاەو  شەڭبەرىندە وندىرىلگەن جانە باسقا مەملەكەتتەردەن اكەلىنگەن مەديتسينالىق بۇيىمدارعا بىردەي تالاپتار قويىلادى. مۇشە ەلدەردە تىركەلگەن مەديتسينالىق بۇيىمدار اينالىسقا شىعار الدىندا مىندەتتى تۇردە ارنايى بەلگىمەن  تاڭبالانادى. ەاەو ەلدەرىندە ادامدار­دىڭ ومىرىنە جانە دەنساۋلىعى­نا قاۋىپ توندىرەتىن, ساپاسىز, فالسيفيكاتتى نەمەسە جالعان مەديتسينالىق بۇيىمداردىڭ اينالىستا بولۋى انىقتالعان جاعدايدا, ۋاكىلەتتى ورگان مۇشە مەملەكەتتەرگە حاباردار ەتە­دى. بۇل ورايدا, مەديتسينا­لىق بۇيىم­داردىڭ قولدانىلۋىن توق­تاتا تۇرۋ, وعان تىيىم سالۋ جانە اينالىستان الۋ بويىنشا شارا­­­لار قولدانىلاتىن بولادى. زاڭ جوبالارى بويىنشا قوسىمشا بايانداما جاساعان ءما­جىلىس دەپۋتاتى, حالىقارالىق ىستەر, قورعانىس جانە قاۋىپسىز­دىك كوميتەتىنىڭ مۇشەسى ناتاليا جۇمادىلداەۆا ءماجىلىس كومي­تەتتەرىنىڭ جوعارىدا اتالعان حاتتامالاردى وڭ باعالاعانىن العا تارتتى. عابيت ىسكەندەر ۇلى, «ەگەمەن قازاقستان»