تۇركىتىلدەس ەلدەردىڭ پارلامەنتتىك جۇزدەسۋى

كەشە ماجىلىستە «ءححى عاسىرداعى ۇلى جىبەك جولى: تۇركىتىلدەس ەلدەردىڭ ءرولى مەن كەلەشەگى» اتتى پارلامەنتتىك كەزدەسۋ ءوتتى. ماڭىزدى شاراعا پارلامەنت ءماجىلىسى, تۇركپا حاتشى­لىعى, حالىقارالىق تۇركى اكادەمياسى ۇيىتقى بولدى. جالپى, بيىل تۇركپا-عا ءماجىلىس سپيكەرى باقتىقوجا ىزمۇحامبەتوۆتىڭ باسشىلىعىمەن قازاقستان تارابى توراعالىق ەتۋدە. سوندىقتان بۇل جولعى كەزدەسۋ وسى توراعالىقتىڭ, سونىمەن قاتار, ەلوردامىزدا ءوتىپ جاتقان «جاڭا ەكونوميكالىق شىنايىلىق: ءارتاراپتاندىرۋ, يننوۆاتسيالار جانە ءبىلىم ەكونوميكاسى» تاقىرىبىندا ءىح استانا ەكونوميكالىق فورۋمى اياسىندا وتكىزىلىپ وتىر. باستى ماقسات – تۇركىتىلدەس مەملەكەتتەر اراسىنداعى ەكونوميكالىق قارىم-قاتىناستاردى تالقى­لاۋ, ينتەگراتسيا ماسەلەلەرىن قاراستىرۋ. شارانىڭ العى سوزىندە تۇركى­تىلدەس مەملەكەتتەر اراسىن­داعى قاتىناستىڭ جىل ساناپ جوعارى دەڭگەيگە كوتەرىلىپ كەلە جات­قاندىعىن العا تارتقان ءماجىلىس دەپۋتاتى, حالىقارالىق ىستەر, قورعانىس جانە قاۋىپسىزدىك كومي­­تەتىنىڭ توراعاسى ماۋلەن اشىمباەۆ مادەنيەت, عىلىم سالا­لارىندا اۋىز تولتىرىپ ايتار­لىقتاي جەتىستىكتەردىڭ بار ەكەنىنە توقتالا كەلىپ, اسىرەسە, ەكو­نو­­مي­كا باعىتىنداعى الەۋەت­تەر­دىڭ زور ەكەنىن ەسكەرىپ: «تۇركپا پارلامەنتشىلەرىنىڭ ءبىزدىڭ ەل­دەرىمىز اراسىنداعى, ونىڭ ءىشىن­دە جىبەك جولىنىڭ ەكونو­مي­كالىق بەل­دەۋى اياسىنداعى ەكونو­ميكالىق ءوزارا ءىس-قيمىلدى نىعايتۋ جوبالارىن تالقىلاۋعا قاتىسۋى ءتۇر­كىتىلدەس ەلدەردىڭ ىن­تى­ماقتاس­تىعىن نىعايتۋعا ءسوزسىز ىقپال ەتەتىن بولادى», – دەدى. م.اشىمباەۆ الەمدىك قوعام­داستىقتىڭ جىبەك جولى جوبالارىنا قىزىعۋشىلىعى تاريحي تۇرعىدان ۇلى جىبەك جولىنىڭ بويىندا ورنالاسقان وڭىرگە, اتاپ ايتقاندا, ءبىزدىڭ ەلدەرىمىزگە قىزىعۋشىلىقتى ارتتىراتىنىن اتاپ ءوتتى. ودان ءارى كەزدەسۋگە قاتىسۋ­شىلار باۋىرلاس مەملەكەتتەر اراسىنداعى كوممۋنيكاتسيا, كولىك, كورشىلەس ەلدەرمەن قارىم-قاتىناس, ينتەگراتسيالىق وداقتاردىڭ تۇركىتىلدەس ەلدەرمەن بايلانىسى سىندى وزەكتى تاقىرىپتاردى تالقىعا سالدى. وسىعان وراي, ءماجىلىستىڭ ەكونوميكالىق رەفورما جانە وڭىرلىك دامۋ كوميتەتىنىڭ حاتشىسى مەرۋەرت قازبەكوۆا, قارجى جانە بيۋدجەت كوميتەتىنىڭ مۇشەسى قوجاحان جاباعيەۆ, سەناتتىڭ اگرارلىق ماسەلەلەر جونىندەگى كومي­تەتىنىڭ مۇشەسى سەرىك ءبىلالوۆ, ءماجىلىستىڭ اگرارلىق ماسە­لە­لەر جونىندەگى كوميتەتىنىڭ مۇشەسى امانگەلدى داۋرەنباەۆ, ت.ب ءسوز سويلەدى. ءوز سوزىندە شىعىس پەن باتىستى بايلانىستىراتىن ۇلى جىبەك جولى كونە زاماننان بەرى ادامزات تاريحىنداعى الەمدىك دەڭگەي­دەگى وركەنيەتتەر اراسىنداعى بەي­بىت دامۋ بايلانىستاردىڭ كورى­نىسى ەكەنىن العا تارتا كەلىپ, ا.داۋرەنباەۆ ۇلى جىبەك جولىن دامىتۋدى بارىنشا جالعاستىرا بەرۋ ەكونوميكانىڭ بارلىق سالاسىندا بارشا تۇركىتىلدەس ەلدەرمەن عانا ەمەس, كۇللى الەممەن ءوزارا ءىس-قيمىلدىڭ زور كەلەشەگىن اشاتىندىعىن ايتتى. ءىس-شارا بارىسىندا تۇركپا پارلامەنتشىلەرىمەن قاتار, ءبىزدىڭ ەلدەگى ديپلوماتيالىق كورپۋستىڭ, مەملەكەتتىك ورگانداردىڭ وكىل­دەرى, «ەكونوميكالىق زەرتتەۋلەر ينستيتۋتىنىڭ», قازاقستان پرەزي­دەنتى جانىنداعى سترا­تەگيا­لىق زەرتتەۋلەر ينستيتۋتىنىڭ ساراپ­شىلارى وي-پىكىرلەرىن ورتاعا سالدى. وتىرىسقا توراعالىق ەتكەن ەكولوگيا ماسەلەلەرى جانە تابيعات پايدالانۋ كوميتەتىنىڭ مۇشەسى سەرىك سەيدۋمانوۆ كەزدەسۋدى قورىتىندىلاي كەلە, ايتىلعان ماڭىزدى پىكىر-ۇسىنىستاردىڭ الداعى ۋاقىتتا تۇركىتىلدەس ەلدەر پارلامەنتتەرىنىڭ بىرلەسكەن جۇمىسىنىڭ نىعايا تۇسۋىنە ىقپال ەتەتىندىگىن جەتكىزدى.