كوكشە پوليتسەيلەرى ءبىر ايەلدى قاراقشىدان امان الىپ قالدى

كوكشەتاۋ. 25 مامىر. اقمولا وبلىسىنىڭ ورتالىعىندا پوليتسەيلەر ءبىر ايەلدى پىشاقپەن شابۋىل قاراقشىدان قۇتقارىپ قالدى. بۇل تۋرالى وبلىستىق ىشكى ىستەر دەپارتمەنتى ءباسپاسوز قىزمەتىنىڭ دەرەگىنە سۇيەنگەن egemen.kz ءتىلشىسى حابارلادى. وقيعانىڭ جاي-جاپسارى ءتارتىپ ساقشىلارىنىڭ كومەگىمەن ءبىر اجالدان امان قالعان ايەلدىڭ دەپارتامەنت باسشىسى اتىنا جازعان العىس حاتىنان كەيىن عانا بەلگىلى بولدى. ال بۇل وقىس وقيعا 13 مامىر كۇنى ءتۇننىڭ جارىمىندا ورىن العان. ايتىلعان ايەل ۇيىنە جالعىز كەلە جاتادى. ول جامبىل كوشەسىندەگى №134 ءۇيدىڭ جانىنا جاقىنداعاندا قاراڭعى قالتارىستا قىز بەن جىگىتتىڭ تۇرعانىن كورەدى. ايەل سوسىن ولاردىڭ جاندارىنان ءوتىپ بارا جاتقانىندا جىگىتتىڭ قىزبەن وزىنە شابۋىل جاساي الاتىنىن ايتىپ, باستەسىن تۇرعانىن ەستىپ قالادى. جىگىت وسىنى ايتا سالا, ايەلگە قاراي پىشاق الىپ تۇرا ۇمتىلادى. ول پىشاقتى مۇنىڭ الدىمەن ىشىنە, سوسىن كەۋدەسىنە قاراي سىلتەيدى. سول كەزدە ەسىن جيىپ العان ايەل بار داۋسىمەن ايقايلايدى. ونىڭ ايقايىن سول ماڭدا جۇرگەن جول ءپاترۋلى پوليتسەيلەرى ەستىپ قالادى دا, دەرەۋ كومەككە ۇمتىلادى. وقيعا ورنىنا تەز جەتكەن ءتارتىپ ساقشىلارى ماس بۇزاقىنىڭ قولىنان پىشاعىن ۇشىرىپ ءتۇسىرىپ, ءوزىن قاماۋعا الادى. «مەن ءۇش بالانىڭ اناسىمىن. بالالارىمدى جالعىس ءوسىرىپ كەلەمىن. مەن جانە مەنىڭ بالالارىم ءوز ومىرلەرىن قاتەرگە تىگە وتىرىپ, مەنى اجالدان امان الىپ قالعان كوكشەتاۋ قالالىق ىشكى ىستەر باسقارماسىنىڭ پوليتسەيلەرى ازات ءشارىپوۆ پەن نۇرلان وماروۆقا كورسەتكەن كاسىبي قىزمەتتەرى ءۇشىن العىسىمىزدى بىلدىرەمىز», - دەپ جازادى ءوزىنىڭ حاتىندا سامال احمەتجانوۆا. باقبەرگەن امالبەك. دەرەك: اقمولا وبلىستىق ىشكى ىستەر دەپارتامەنتىنىڭ ءباسپاسوز قىزمەتى.