تالدىقورعان. 25 مامىر. الماتى وبلىسىندا سۋ قويمالارىندا جانە ايدىنداردا سۋدان زارداپ شەككەندەرگە ۋاقتىلى كومەك كورسەتەتىن جەدەل-قۇتقارۋ جاساعى جۇمىسىن باستادى. بۇل تۋرالى egemen.kz ءتىلشىسى حابارلادى.
وبلىستا جىل سايىن جازعى شومىلۋ ماۋسىمىندا وبلىستىق توتەنشە جاعدايلار دەپارتامەنتىنىڭ جەدەل-قۇتقارۋ جاساعىنىڭ بەكەتتەرى جوق جەرلەردە, ادام ومىرىنە قاۋىپ توندىرەتىن جاعدايلار ءجيى ورىن الادى. ايتالىق, بىلتىرعى جىلدىڭ جازعى ماۋسىمىنا جۇرگىزىلگەن ستاتيستيكالىق مالىمەتكە سۇيەنسەك, ارناۋلى قۇتقارۋشىلار توبى كۇزەتىنەن تىس سۋ ايدىندارىندا 79 ادام قازا بولسا, ولاردىڭ ىشىندە 16-سى بالالار ەكەن.
سۋداعى توتەنشە جاعدايلاردىڭ باستى سەبەپتەرى, ازاماتتاردىڭ سۋ ايدىندارىندا دەمالۋىنان, شومىلۋعا ارنالماعان جەرلەردە شومىلۋىنان, سۋداعى قاۋىپسىزدىك تالاپتارىن بىلمەۋىنەن, سپيرتتىك ىشىمدىك ءىشىپ شومىلۋىنان, جۇزە بىلمەۋىنەن, بالالاردىڭ سۋ جاعاسىندا ەرەسەكتەردىڭ باقىلاۋىنسىز قالۋىنان بولاتىنى بەلگىلى.
جەدەل-قۇتقارۋ جاساعى قۇتقارۋ بولىمشەلەرى ورنالاسقان سۋ قويمالارىندا جانە ايدىنداردا سۋدان زارداپ شەككەندەرگە ۋاقتىلى كومەك كورسەتىلىپ, بىلتىر 236 ادام قۇتقارىلدى.
نۇربول الدىباەۆ.
دەرەك, فوتو: egemen.kz
