الماتى وبلىسىندا «التىن بەلگىگە» 364 ۇمىتكەر بار

تالدىقورعان. 25 مامىر. تالدىقورعاندا الماتى وبلىسى ءبىلىم باسقارماسىنىڭ باسشىسى ءلاززات بازارقۇلوۆا مەملەكەتتىك ءبىلىم بەرۋدى دامىتۋ باعدارلاماسىنىڭ ورىندالۋ بارىسى تۋرالى ايتىپ بەردى. بۇل تۋرالى egemen.kz ءتىلشىسى حابارلادى. 2015-2016 وقۋ جىلىندا وبلىس بويىنشا جالپى ءبىلىم بەرەتىن 737 مەكتەپ, مەكتەپكە دەيىنگى 826 ءبىلىم بەرۋ ۇيىمى, 70 كوللەدج قىزمەت ىستەدى. 2016 جىلى ءبىلىم مەكەمەلەرىنىڭ ماتەريالدىق-تەحنيكالىق بازاسىن جاڭارتۋ ءۇشىن بيۋدجەتتەن 773,2 ملن. تەڭگە ءبولىندى. ونىڭ ىشىندە ءبىلىم مەكەمەلەرىنە كومپيۋتەرلىك تەحنيكانى ساتىپ الۋعا – 313,6 ملن تەڭگە, مەكتەپكە دەيىنگى جانە ورتا ءبىلىم بەرۋ مەكەمەلەرىنىڭ ماتەريالدىق-تەحنيكالىق بازاسىن نىعايتۋعا – 160,3 ملن. تەڭگە, ءبىلىم بەرۋ مەكەمەلەرىندە بەينەباقىلاۋ جۇرگىزۋگە – 74,3 ملن. تەڭگە ءبولىندى. 50 ءبىلىم بەرۋ مەكەمەسىنىڭ جىلۋ قازاندىقتارىن سىرتقا شىعارۋعا 225,0 ملن. تەڭگە قاراجات قاراستىرىلعان. بيىل 47 (جب-17, ۇق-30) ءبىلىم بەرۋ نىسانىنىڭ قۇرىلىس جانە قايتا قالپىنا كەلتىرۋ جۇمىستارىن جۇرگىزۋ جوسپارلانىپ, وعان ۇلتتىق قوردان جانە جەرگىلىكتى بيۋدجەت ەسەبىنەن 32 ملرد. 807 ملن. 216 مىڭ تەڭگە قارجى ءبولىندى. سونداي-اق, بيىلعى جىلى 37 ءبىلىم بەرۋ مەكەمەسىنە 7 ملرد. تەڭگەدەن استام قارجىعا كۇردەلى جوندەۋ جۇمىستارىن جۇرگىزۋ جوسپارلانعان. تالدىقورعان قالاسىنداعى №10 جانە پانفيلوۆ اۋدانى ح.حامراەۆ اتىنداعى ورتا مەكتەپتەردە باستاۋىش ءبىلىم بەرۋ ستاندارتى جانە وقۋ باعدارلاماسىنىڭ اپروباتسياسى 2015 جىلعى 1 قىركۇيەكتەن باستاپ 1-سىنىپتاردا وتكىزىلۋدە. بيىلعى ۇبت 1 – 7 ماۋسىم ارالىعىندا وتەدى. 15 ءۇبتوپ تەستىلەۋ وتكىزۋگە دايىن, قاجەتتى تەحنيكالىق قۇرالدارمەن جابدىقتالعان. وبلىس بويىنشا 2015-2016 وقۋ جىلىنداعى تۇلەكتەر سانى – 13322. «التىن بەلگى» بەلگىسىنەن ۇمىتكەرلەر - 364, ۇزدىك اتتەستاتقا – 83. نۇربول الدىباەۆ. دەرەك, فوتو: egemen.kz