سولتۇستىك قازاقستان وقۋشىلارى ماسكەۋدە توپ جاردى

پەتروپاۆل. 25 مامىر. ماسكەۋ قالاسىندا «ماتەماتيكا جانە جوبالاۋ» اتتى 10-شى حالىقارالىق عىلىمي سايىستا قىزىلجار ءوڭىرىنىڭ وقۋشىلارى بىرنەشە جۇلدە يەلەندى. بۇل تۋرالى ءبىلىم باسقارماسىنا سىلتەمە جاساعان egemen.kz ءتىلشىسى حابارلادى. ايتۋلى دوداعا قازاقستان, رەسەي, بەلارۋس جانە بولگاريا مەملەكەتتەرىنەن كەلگەن 280 وقۋشى قاتىسىپ, باق سىنادى. سولتۇستىك قازاقستاننان قاتىسقان 11-سىنىپ وقۋشىسى ماديار سۇلەيمەن مودەلدەۋ باعىتى بويىنشا جۇلدەلى ءۇشىنشى ورىنعا يە بولدى. ال 10-سىنىپ وقۋشىسى الينا ساقتاعانوۆا مەن 11-سىنىپ وقۋشىسى ماليكا شاياحمەتوۆا التىن مەدالعا قول جەتكىزدى. «ءبىلىم دوداسىندا بىلىكتىلىك تانىتقان وقۋشىلار ليتسەيدىڭ عانا ەمەس, ەلىمىزدىڭ نامىسىن قورعاپ, وزدەرىنە ارتىلعان سەنىمدى اقتاي ءبىلدى», – دەيدى قازاق-تۇرىك ليتسەي-ينتەرناتىنىڭ مۇعالىمى اسىل ىسقاقوۆا. ءومىر ەسقالي. دەرەك: سولتۇستىك قازاقستان وبلىسىنىڭ ءبىلىم باسقارماسى. فوتو: pstgu.ru.