حريستوفور كولۋمبتىڭ ۇرلانعان حاتى يتالياعا قايتارىلدى

استانا. 23 مامىر. ايگىلى ساياحاتشى حريستوفور كولۋمبتىڭ ۇرلانعان حاتى يتالياعا قايتارىلدى. بۇل تۋرالى inform.kz-كە سىلتەمە جاساعان egemen.kz ءتىلشىسى حابارلادى. بۇل حاتتا ونىڭ سولتۇستىك جانە وڭتۇستىك امەريكادا اشقان جاڭالىقتارى جازىلعان. The Telegraph باسىلىمىنىڭ مالىمەتتەرى بويىنشا, تاريحي حات وتكەن عاسىردىڭ ورتاسىندا فلورەنتسيا كىتاپحاناسىنان ۇرلانعان. امەريكاعا ەكىنشى ساياحاتىندا, ياعني 1493 جىلى حريستوفەر كولۋمب ەكسپەديتسيانى قارجىلاندىرعان يسپانيا كورولى مەن حانشايىمىنا حات جازدى. ول ەسپانولا مەن كۋبا تۇبەكتەرىندەگى جانۋارلار الەمى, وسىمدىكتەر الەمى, سول جەردىڭ حالقىنان العان اسەرى جايلى جازعان. قازىرگى تاڭدا حاتتىڭ 30-عا جۋىق كوشىرمەسى ساقتالعان. يتالياعا قايتارىلعان حات فلورەنتسياداعى ريكارديان كىتاپحاناسىندا ساقتالىپ كەلگەن. كىتاپحانا ديرەكتورى 1950-51 جىلدارى جاسالعان حاتتى بىرەۋلەر ۇرلاپ, ونىڭ ورنىنا جاساندى كوشىرمەنى الماستىرىپ كەتكەنىن مالىمدەدى. شۆەيتسارياداعى سيرەك كىتاپتاردى جيناۋشى 1990 جىلى ۇرلانعان حاتتى ساتىپ العان, ال 1992 جىلى قۇجات اۋكتسيوندا ساتىلىپ, 2004 جىلى يەسى ونى ۆاشينگتونداعى كونگرەسس كىتاپحاناسىنا سىيلاعان. اقش-تىڭ ادىلەت دەپارتامەنتىنە 2012 جىلى كولۋمب حاتىنىڭ ۇرلانعانى تۋرالى قۇپيا مالىمەت كەلىپ ءتۇستى. ساراپشىلار حاتتاعى ريكارديان كىتاپحاناسىنىڭ ءمورىن جويۋ ءۇشىن ۇرى حيميالىق رەاگەنتتى پايدالانعانىن انىقتادى. حاتتى اقش-قا كىمنىڭ اكەلگەنى بەلگىسىز. قازىر وسى وقيعا بويىنشا تەرگەۋ جۇرگىزىلىپ جاتىر. ايان ءابدۋالي. دەرەك, فوتو: inform.kz.