«قازاقستان بارىسى» ءتۋرنيرىنىڭ فيناليستەرى انىقتالدى

استانا. 23 مامىر. «قازاقستان بارىسى» ءتۋرنيرىنىڭ ىرىكتەۋ تۋرنيرلەرى اياقتالدى.  وسى سىنداردا ەلىمىزدىڭ 14 وبلىسى مەن استانا جانە الماتى قالالارىنان  تۋرنيرگە قاتىساتىن بالۋاندار انىقتالدى.  بۇل تۋرالى egemen.kz ءتىلشىسى حابارلادى. بيىلعى تۋرنيرگە 32 بالۋان جولداما الدى. ولاردىڭ اراسىندا بىلتىرعى «قازاقستان بارىسى» اتاعىن جەڭىپ العان بەيبىت ىستىباەۆ پەن «اسكەر بارىسى» جارىسىنىڭ جەڭىمپازى تالعات امىرەنوۆ بار. «قازاقستان بارىسى» قازاق كۇرەسىن دامىتۋ قوعامدىق قورىنىڭ حابارلاۋىنشا, بيىل فينالعا شىققان 11 بالۋان العاش رەت تۋرنيرگە قاتىسادى. ال قالعاندارى وتكەن جىلداردان بەرى فينالعا قاتىسىپ كەلە جاتقان سپورتشىلار.  وسى جولى العاش رەت كىلەمگە شىعاتىن بالۋانداردىڭ قاتارىندا دۋلات الپىسوۆ, التىنبەك اۋساعيتوۆ (ەكەۋى دە سولتۇستىك قازاقستان وبلىسى), ەركەبۇلان ەگىنباەۆ (پاۆلودار وبلىسى), ەلامان ەرعاليەۆ (قىزىلوردا وبلىسى), سەرجان ەرلان (باتىس قازاقستان وبلىسى), ەربول يگىلىك (ماڭعىستاۋ وبلىسى), باۋىرجان قاباي (الماتى قالاسى), ابىلايحان قاسىمحان (قوستاناي وبلىسى), اسحات قۇسايىنوۆ (شىعىس قازاقستان وبلىسى), دارحان تەمىرحانوۆ (اقتوبە وبلىسى) مەن مەرەكە تۇراشەۆ (اقمولا وبلىسى) بار. 16-18 مامىردا بالۋانداردىڭ ءبارى الماتى قالاسىندا مەديتسينالىق تەكسەرىستەن ءوتىپ, دوپينگ تالداۋىنا اناليز تاپسىردى. «قازاقستان بارىسى» ءتۋرنيرىنىڭ فينالىنا مىنا بالۋاندار قاتىسادى: اقمولا وبلىسى: مەرەكە تۇراشەۆ, لەونيد ستانەەۆ اقتوبە وبلىسى: دارحان تەمىرحانوۆ, نۇرسۇلتان يمانعازين الماتى وبلىسى: ۇلان رىسقۇل, الەكساندر كاساچيوۆ اتىراۋ وبلىسى: سۇڭعات زاكارياەۆ, كەنجەبەك كۇزەمباەۆ باتىس قازاقستان وبلىسى: ولجاس سۇلەيمەنوۆ, سەرجان ەرلان جامبىل وبلىسى: ايبول ايتبەك, داۋلەتحان جاقىپوۆ قاراعاندى وبلىسى: اسىل بارمەنوۆ, بەكزات احمەتبەكوۆ قىزىلوردا وبلىسى: ەلامان ەرعاليەۆ, رۋسلان ابدىرازاقوۆ قوستاناي وبلىسى: ەرلان وماروۆ, ابىلايحان قاسىمحان ماڭعىستاۋ وبلىسى: نۇرداۋلەت جارىلعاپوۆ, ەربول يگىلىك وڭتۇستىك قازاقستان وبلىسى: جۇمانازار ەرسۇلتانوۆ, نۇرسۇلتان مىڭعىشوۆ پاۆلودار وبلىسى: سامير مامەدوۆ, ەركەبۇلان ەگىنباەۆ سولتۇستىك قازاقستان وبلىسى: التىنبەك اۋساعيتوۆ, دۋلات الپىسوۆ شىعىس قازاقستان وبلىسى: ايبەك نۇعىماروۆ, اسحات قۇسايىنوۆ الماتى قالاسى: ۆيكتور دەميانەنكو, باۋىرجان قاباي استانا قالاسى: ايبات سەيتەن, ايتۋار ابدۋلوۆ «اسكەر بارىسى»: تالعات امرەنوۆ «قازاقستان بارىسى – 2015»: بەيبىت ىستىباەۆ. «قازاقستان بارىسى» ءتۋرنيرى 3 شىلدەدە ساعات 12.00-دە استاناداعى «سارىارقا» رەسپۋبليكالىق ۆەلوترەگىندە وتەدى. ءتۋرنيردىڭ جەڭىمپازى «تايتۇياق» پەن «قازاقستان بارىسى» التىن بەلبەۋىنىڭ يەگەرى اتانادى. داستان كەنجالين. دەرەك, فوتو: kazakhstanbarysy.kz