قازاقستان رەسپۋبليكاسىنىڭ زاڭى №394

«نازارباەۆ ۋنيۆەرسيتەتى», «نازارباەۆ زياتكەرلىك مەكتەپتەرى» جانە «نازارباەۆ قورى» مارتەبەسى تۋرالى

وسى زاڭ قازاقستان رەسپۋبليكاسى تۇڭعىش پرەزي­دەنتىنىڭ – ەلباسىنىڭ باستاماسى بويىنشا قۇرىلاتىن «نازارباەۆ ۋنيۆەرسيتەتىنىڭ» (بۇدان ءارى – ۋنيۆەرسيتەت), «نازارباەۆ زياتكەرلىك مەكتەپتەرىنىڭ» (بۇدان ءارى – زياتكەرلىك مەكتەپتەر) جانە «نازارباەۆ قورىنىڭ» (بۇدان ءارى – قور) قۇقىقتىق مارتەبەسىن جانە ولاردىڭ قۇرىلۋى مەن قىزمەتىنىڭ ايرىقشا قۇقىقتىق رەجىمىن ايقىندايدى. 1-تاراۋ. جالپى ەرەجەلەر 1-باپ. وسى زاڭدا پايدالانىلاتىن نەگىزگى ۇعىمدار وسى زاڭدا مىناداي نەگiزگi ۇعىمدار پايدالانىلادى: 1) دەربەس ءبىلىم بەرۋ ۇيىمى – قازاقستان رەسپۋب­لي­كا­سىنىڭ ۇكىمەتى قۇراتىن, قۇقىقتىق مارتەبەسى جانە قىز­مەتىنىڭ ايرىقشا قۇقىقتىق رەجىمى وسى زاڭمەن ايقىن­دا­لاتىن, مۇشەلىگى بولمايتىن كوممەرتسيالىق ەمەس ۇيىم; 2) زياتكەرلىك مەكتەپتەر ۇيىمدارى – زياتكەرلىك مەكتەپتەر قۇراتىن كوممەرتسيالىق ەمەس ۇيىمدار, داۋىس بەرەتىن اكتسيالارىنىڭ (جارعىلىق كاپيتالعا قاتىسۋ ۇلەستەرىنىڭ) ەلۋ جانە ودان كوپ پايىزى مەنشىك نەمەسە سەنىمگەرلىك باسقارۋ قۇقىعىمەن زياتكەرلىك مەكتەپتەرگە تيەسىلى باسقا دا زاڭدى تۇلعالار, سونداي-اق ولاردىڭ ەنشىلەس ۇيىمدارى; 3) ۋنيۆەرسيتەت ۇيىمدارى – ۋنيۆەرسيتەت قۇراتىن كوم­مەرتسيالىق ەمەس ۇيىمدار, داۋىس بەرەتىن اك­تسيا­لا­رىنىڭ (جارعىلىق كاپيتالعا قاتىسۋ ۇلەستەرىنىڭ) ەلۋ جانە ودان كوپ پايىزى مەنشىك نەمەسە سەنىمگەرلىك باس­قارۋ قۇقىعىمەن ۋنيۆەرسيتەتكە تيەسىلى باسقا دا زاڭدى تۇلعالار, سونداي-اق ولاردىڭ ەنشىلەس ۇيىمدارى. 2-باپ. قازاقستان رەسپۋبليكاسىنىڭ ۋنيۆەرسيتەت,  زياتكەرلىك مەكتەپتەر جانە قور تۋرالى زاڭناماسى 1. قازاقستان رەسپۋبليكاسىنىڭ ۋنيۆەرسيتەت, زياتكەرلىك مەكتەپتەر تۋرالى جانە قور تۋرالى زاڭناماسى قا­زاقستان رەسپۋبليكاسىنىڭ كونستيتۋتسياسىنا نەگىزدەلەدى, وسى زاڭنان جانە قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىنەن تۇرادى. 2. ءبىلىم بەرۋ, عىلىمي جانە (نەمەسە) عىلىمي-تەح­ني­كالىق قىزمەتتى رەتتەيتىن قازاقستان رەسپۋبليكاسىنىڭ زاڭناماسى ۋنيۆەرسيتەتكە, زياتكەرلىك مەكتەپتەرگە جانە قورعا وسى زاڭمەن رەتتەلمەگەن بولىگىندە قولدانىلادى. 3. ەگەر قازاقستان رەسپۋبليكاسى راتيفيكاتسيالاعان حالىقارالىق شارتتا وسى زاڭداعىدان وزگەشە قاعيدالار بەلگىلەنسە, وندا حالىقارالىق شارتتىڭ قاعيدالارى قولدانىلادى. 3-باپ. ۋنيۆەرسيتەت, زياتكەرلىك مەكتەپتەر جانە قور قىزمەتىنىڭ قاعيداتتارى ۋنيۆەرسيتەتتىڭ, زياتكەرلىك مەكتەپتەردىڭ جانە قور­دىڭ قىزمەتى مىناداي قاعيداتتارعا نەگىزدەلەدى: 1) اكادەميالىق ەركىندىك قاعيداتى – ۋنيۆەرسيتەتتىڭ جانە زياتكەرلىك مەكتەپتەردىڭ ءبىلىم بەرۋ باع­دار­لا­ما­لارىن, ءبىلىم بەرۋ قىزمەتىن جۇزەگە اسىرۋدىڭ نىساندارى مەن ادىستەرىن, عىلىمي زەرتتەۋلەردى جۇرگىزۋ باعىتتارىن ازىرلەۋ مەن تاڭداۋداعى ەركىندىگى; 2) ءبىلىمنىڭ, عىلىم مەن ءوندىرىستىڭ ينتەگراتسياسى قا­عيداتى – ۋنيۆەرسيتەتتەگى جانە زياتكەرلىك مەكتەپتەردەگى ءبىلىم بەرۋ ۇدەرىسىنىڭ عىلىمي جانە پراكتيكالىق قىز­مەت­تەن اجىراعىسىزدىعى, عىلىم جانە كاسىپكەرلىك ۇيىم­دارىمەن ستراتەگيالىق ارىپتەستىكتى قامتاماسىز ەتۋ; 3) دەربەستىك جانە ءوزىن-ءوزى باسقارۋشىلىق قاعيداتى – ۋنيۆەرسيتەتتىڭ, زياتكەرلىك مەكتەپتەردىڭ جانە قوردىڭ قار­جى-ەكونوميكالىق, اكىمشىلىك باسقارۋداعى, شەشىمدەر قابىلداۋداعى وقشاۋلىعى مەن ەركىندىگى; 4) شەشىمدەر قابىلداۋدىڭ القالىق قاعيداتى – ۋنيۆەرسيتەت, زياتكەرلىك مەكتەپتەر جانە قور قىزمەتىنە باي­لانىستى شەشىمدەردى ولاردىڭ قامقورشىلىق كەڭەس­تەرىنىڭ, جوعارى قامقورشىلىق كەڭەستىڭ قابىلداۋى; 5) الەۋمەتتىك جاۋاپكەرشىلىك پەن اشىقتىق قاعيداتى – ۋنيۆەرسيتەتتىڭ, زياتكەرلىك مەكتەپتەردىڭ جانە قوردىڭ قوعامنىڭ ءال-اۋقاتىن جاقسارتۋ ماقساتىندا الەۋمەتتىك ماڭىزى بار جوبالاردى ازىرلەۋى جانە ولارعا قاتىسۋى, ءوز قىزمەتىنىڭ بارلىق باعىتتارى بويىنشا اقپاراتتىق اشىقتىقتى قامتاماسىز ەتۋى. 2-تاراۋ. ۋنيۆەرسيتەتتىڭ, زياتكەرلىك مەكتەپتەردىڭ جانە قوردىڭ قۇقىقتىق مارتەبەسى 4-باپ. ۋنيۆەرسيتەتتىڭ, زياتكەرلىك مەكتەپتەردىڭ  جانە قوردىڭ قۇقىقتىق مارتەبەسى 1. ۋنيۆەرسيتەت ورتا بىلىمنەن كەيىنگى, جوعارى, جوعارى وقۋ ورنىنان كەيىنگى جانە قوسىمشا ءبىلىم بەرۋ سا­لا­سىن­داعى قىزمەتتى, عىلىمي جانە (نەمەسە) عىلىمي-تەح­نيكالىق قىزمەتتى جۇزەگە اسىرۋ, قازىرگى زامانعى ءبىلىم بەرۋ, عىلىمي ينفراقۇرىلىمدى قۇرۋ جانە ءوزىنىڭ جارعىسىنا سايكەس وزگە دە قىزمەتتى جۇزەگە اسىرۋ ماقساتىندا قۇرىلاتىن دەربەس ءبىلىم بەرۋ ۇيىمى بولىپ تابىلادى. ۋنيۆەرسيتەت ءبىلىم جانە عىلىم سالاسىنداعى يننوۆاتسيالىق باعدارلامالاردى ازىرلەۋدى, ولارعا مونيتورينگ جۇرگىزۋدى, زەرتتەۋدى, تالداۋدى, بايقاۋدان ءوت­كى­زۋدى, ەنگىزۋ مەن ىسكە اسىرۋدى جۇزەگە اسىراتىن ەكس­پەريمەنتتىك الاڭ بولىپ تابىلادى. 2. زياتكەرلىك مەكتەپتەر مەكتەپكە دەيىنگى تاربيە مەن وقىتۋ, ورتا, قوسىمشا ءبىلىم بەرۋ سالاسىنداعى قىزمەتتى جانە ءوزىنىڭ جارعىسىنا سايكەس وزگە دە قىزمەتتى جۇزەگە اسىرۋ ماقساتىندا قۇرىلاتىن دەربەس ءبىلىم بەرۋ ۇيىمى بولىپ تابىلادى. زياتكەرلىك مەكتەپتەر باستاۋىش مەكتەپ (ونىڭ ىشىندە مەكتەپكە دەيىنگى تاربيە مەن وقىتۋ), نەگىزگى مەكتەپ جانە جوعارى مەكتەپ دەڭگەيلەرى بويىنشا ءبىلىم بەرۋ باع­دار­لامالارىنىڭ قازىرگى زامانعى مودەلدەرىن ازىرلەۋدى, ولارعا مونيتورينگ جۇرگىزۋدى, زەرتتەۋدى, تالداۋدى, باي­قاۋدان وتكىزۋدى, ەنگىزۋ مەن ىسكە اسىرۋدى جۇزەگە اسى­راتىن ەكسپەريمەنتتىك الاڭ بولىپ تابىلادى. 3. قازاقستان رەسپۋبليكاسىنىڭ ۇكىمەتى ۋنيۆەرسي­تەت­تىڭ جانە زياتكەرلىك مەكتەپتەردىڭ قۇرىلتايشىسى بولىپ تابىلادى. 4. قور ۋنيۆەرسيتەتتىڭ جانە زياتكەرلىك مەكتەپتەردىڭ, سونداي-اق ولاردىڭ ۇيىمدارىنىڭ قىزمەتىن قارجىلان­دى­رۋدى قامتاماسىز ەتۋ ءۇشىن عانا قوردىڭ ۇيىمدىق-قۇقىقتىق نىسانىندا قۇرىلاتىن كوممەرتسيالىق ەمەس ۇيىم بولىپ تابىلادى. 5-باپ. ۋنيۆەرسيتەتتىڭ جانە زياتكەرلىك  مەكتەپتەردىڭ مۇلكى 1. ۋنيۆەرسيتەتتىڭ جانە زياتكەرلىك مەكتەپتەردىڭ مۇلكى: 1) قۇرىلتايشىنىڭ دامۋعا ارنالعان نىسانالى سالىمدارى; 2) قازاقستان رەسپۋبليكاسى ۇكىمەتىنىڭ شەشىمى بو­يىنشا بەرىلەتىن مەملەكەتتىك م ۇلىك; 3) ەرىكتى م ۇلىكتىك جارنالار مەن قايىرمالدىقتار; 4) قور بەرەتىن قارجىلاندىرۋ; 5) قازاقستان رەسپۋبليكاسىنىڭ زاڭناماسىندا بەلگىلەنگەن جاعدايلاردا تاۋارلاردى, جۇمىستاردى وتكىزۋدەن, قىزمەت كورسەتۋدەن تۇسكەن تۇسiمدەر (تابىستار); 6) اكتسيالار, وبليگاتسيالار مەن سالىمدار (دەپوزيتتەر) بويىنشا الىناتىن ديۆيدەندتەر (تابىستار, سىي­اقى­لار (مۇددە); 7) قازاقستان رەسپۋبليكاسىنىڭ زاڭدارىندا تىيىم سا­لىنباعان باسقا دا تۇسىمدەر ەسەبىنەن قالىپتاسادى. ۋنيۆەرسيتەتتىڭ جانە زياتكەرلىك مەكتەپتەردىڭ وسى تارماققا سايكەس قالىپتاستىرىلعان مۇلكى ولارعا مەنشىك قۇقىعىمەن تيەسىلى بولادى. ۋنيۆەرسيتەت جانە زياتكەرلىك مەكتەپتەر ءوز مۇلكىن وزدەرىنىڭ قۇرىلۋ ماقساتتارىنا قول جەتكىزۋ ءۇشىن عانا پايدالانادى. 2. ۋنيۆەرسيتەت جانە زياتكەرلىك مەكتەپتەر, سونداي-اق ولاردىڭ ۇيىمدارى قازاقستان رەسپۋبليكاسىنىڭ زاڭ­ناماسىنا سايكەس مەملەكەتتىك تاپسىرما, مەملەكەتتىك ءبىلىم بەرۋ تاپسىرىسىن جانە تەگىن مەديتسينالىق كومەكتىڭ كەپىلدىك بەرىلگەن كولەمىن كورسەتۋگە مەملەكەتتىك تاپ­سىرىس الۋعا قۇقىلى. 3. دەربەس ءبىلىم بەرۋ ۇيىمدارىنىڭ مۇلكىنە قۇرىل­تاي­شىنىڭ م ۇلىكتىك قۇقىقتارى بولمايدى. قۇرىلتايشى ءوزى قۇرعان دەربەس ءبىلىم بەرۋ ۇيىم­دا­رى­نىڭ مىندەتتەمەلەرى بويىنشا جاۋاپ بەرمەيدى, ال ولار قۇرىل­تايشىنىڭ مىندەتتەمەلەرى بويىنشا جاۋاپ بەرمەيدى. 6-باپ. ۋنيۆەرسيتەتتىڭ, زياتكەرلىك مەكتەپتەردىڭ  جانە قوردىڭ باسقارۋ ورگاندارى 1. جوعارى قامقورشىلىق كەڭەس ۋنيۆەرسيتەتتىڭ, زياتكەرلىك مەكتەپتەردىڭ جانە قوردىڭ جوعارى باسقارۋ ور­گانى بولىپ تابىلادى. ەلباسى نۇرسۇلتان ءابىش ۇلى نازارباەۆ جوعارى قام­قورشىلىق كەڭەستىڭ تۇڭعىش توراعاسى بولىپ تابىلادى. جوعارى قامقورشىلىق كەڭەس تۋرالى ەرەجەنى جوعارى قامقورشىلىق كەڭەستىڭ تۇڭعىش توراعاسى بەكىتەدى. 2. جوعارى قامقورشىلىق كەڭەستىڭ قۇرىلىمى, قۇ­زىرەتى, قالىپتاسۋ ءتارتىبى, مۇشەلەرىنىڭ وكىلەتتىك مەرزىمدەرى, ونىڭ شەشىمدەردى قابىلداۋ ءتارتىبى وسى زاڭدا, سونداي-اق جوعارى قامقورشىلىق كەڭەس تۋرالى ەرەجەدە ايقىندالادى. 3. جوعارى قامقورشىلىق كەڭەستىڭ قۇزىرەتىنە: 1) ۋنيۆەرسيتەتتىڭ, زياتكەرلىك مەكتەپتەردىڭ جانە قور­دىڭ ۇزاق مەرزىمدى دامۋ ستراتەگيالارىن بەكىتۋ; 2) م ۇلىككە بيلىك ەتۋ ءتارتىبىن بەكىتۋ; 3) ۋنيۆەرسيتەتتىڭ, زياتكەرلىك مەكتەپتەردىڭ جانە قور­دىڭ جارعىلارىنا وزگەرىستەر مەن تولىقتىرۋلار ەنگىزۋ, ولاردى جاڭا رەداكتسيادا قابىلداۋ; 4) ۋنيۆەرسيتەتتىڭ, زياتكەرلىك مەكتەپتەردىڭ جانە قور­دىڭ قامقورشىلىق كەڭەستەرىن قالىپتاستىرۋ, قام­قورشىلىق كەڭەستەردىڭ مۇشەلەرىن تاعايىنداۋ جانە ولاردىڭ وكىلەتتىكتەرىن توقتاتۋ; 5) ۋنيۆەرسيتەتتى, زياتكەرلىك مەكتەپتەردى جانە قوردى قايتا ۇيىمداستىرۋ, تاراتۋ تۋرالى شەشىم قابىلداۋ; 6) جوعارى قامقورشىلىق كەڭەس تۋرالى ەرەجەگە سايكەس وزگە دە وكىلەتتىكتەر جاتادى. 4. تۇراقتى جۇمىس ىستەيتىن قامقورشىلىق كەڭەستەر ۋنيۆەرسيتەتتىڭ, زياتكەرلىك مەكتەپتەردىڭ جانە قوردىڭ قىزمەتىنە جالپى باسشىلىقتى جۇزەگە اسىراتىن باسقارۋ ورگاندارى بولىپ تابىلادى. ۋنيۆەرسيتەتتىڭ, زياتكەرلىك مەكتەپتەردىڭ جانە قور­دىڭ قامقورشىلىق كەڭەستەرىنىڭ قۇرىلىمى, قۇزىرەتى, قالىپتاسۋ ءتارتىبى, مۇشەلەرىنىڭ وكىلەتتىك مەرزىمدەرى, ولار­دىڭ شەشىمدەردى قابىلداۋ ءتارتىبى وسى زاڭدا, سون­داي-اق ولاردىڭ جارعىلارىندا ايقىندالادى. 5. ۋنيۆەرسيتەتتىڭ, زياتكەرلىك مەكتەپتەردىڭ جانە قوردىڭ قامقورشىلىق كەڭەستەرىنىڭ قۇزىرەتىنە: 1) جىلدىق جانە ورتا مەرزىمدى بيۋدجەتتەردى بەكىتۋ; 2) ۋنيۆەرسيتەتتىڭ, زياتكەرلىك مەكتەپتەردىڭ جانە قوردىڭ اتقارۋشى ورگاندارىنىڭ سان جاعىنان قۇرامىن ايقىنداۋ, ولاردىڭ باسشىلارى مەن مۇشەلەرىن نەمەسە اتقارۋشى ورگاننىڭ فۋنكتسيالارىن جەكە-دارا جۇزەگە اسى­راتىن ادامداردى سايلاۋ, سونداي-اق ولاردىڭ وكى­لەت­تىكتەرىن مەرزىمىنەن بۇرىن توقتاتۋ; 3) تاۋارلاردى, جۇمىستاردى, كورسەتىلەتىن قىزمەتتەردى ساتىپ الۋ قاعيدالارىن بەكىتۋ; 4) ۋنيۆەرسيتەتتىڭ, زياتكەرلىك مەكتەپتەردىڭ جانە قور­دىڭ جارعىلارىنا سايكەس وزگە دە وكىلەتتىكتەر جا­تادى. 6. ۋنيۆەرسيتەتتىڭ جانە زياتكەرلىك مەكتەپتەردىڭ قامقورشىلىق كەڭەستەرىنىڭ قۇرامىنا قۇرىلتايشىنىڭ وكىلدەرى, عىلىمي جانە پەداگوگ قىزمەتكەرلەر, قوعامدىق بىرلەستىكتەردىڭ وكىلدەرى جانە وزگە دە ادامدار كىرەدى. مەملەكەتتىك قىزمەتشىلەر ۋنيۆەرسيتەتتىڭ, زياتكەرلىك مەك­تەپتەردىڭ جانە قوردىڭ باسقارۋ ورگاندارىنا تا­عا­يىندالعان جاعدايدا ولار اتالعان زاڭدى تۇلعالاردى باسقارۋعا قاتىسادى. 7. ۋنيۆەرسيتەتتىڭ, زياتكەرلىك مەكتەپتەردىڭ جانە قور­دىڭ اعىمداعى قىزمەتىنە باسشىلىقتى ولاردىڭ ات­قا­رۋشى ورگاندارى جۇزەگە اسىرادى. اتقارۋشى ورگاندار القالى نەمەسە جەكە-دارا بولۋى مۇمكىن. ۋنيۆەرسيتەتتىڭ, زياتكەرلىك مەكتەپتەردىڭ جانە قور­دىڭ اتقارۋشى ورگاندارى جوعارى قامقورشىلىق كە­ڭەس­تىڭ, ۋنيۆەرسيتەتتىڭ, زياتكەرلىك مەكتەپتەردىڭ, قوردىڭ قام­قورشىلىق كەڭەستەرىنىڭ شەشىمدەرى نەگىزىندە جانە ولاردى ورىنداۋ ءۇشىن جۇمىس ىستەيدى جانە ولارعا ەسەپ بەرەدى. ۋنيۆەرسيتەتتىڭ, زياتكەرلىك مەكتەپتەردىڭ جانە قور­دىڭ اتقارۋشى ورگاندارىنىڭ قۇرىلىمى, قۇزىرەتى, قالىپتاسۋ ءتارتىبى مەن وكىلەتتىك مەرزىمدەرى ولاردىڭ جارعىلارىندا ايقىندالادى. 8. ۋنيۆەرسيتەتتە, زياتكەرلىك مەكتەپتەردە جانە قوردا ولاردىڭ جارعىلارىنا سايكەس وزگە دە ورگاندار قۇرىلۋى مۇمكىن. 7-باپ. ۋنيۆەرسيتەتتى, زياتكەرلىك مەكتەپتەردى  جانە قوردى قايتا ۇيىمداستىرۋ, تاراتۋ 1. ۋنيۆەرسيتەت, زياتكەرلىك مەكتەپتەر جانە قور وسى زاڭعا, قازاقستان رەسپۋبليكاسىنىڭ زاڭناماسىنا جانە ولاردىڭ جارعىلارىنا سايكەس قايتا ۇيىمداستىرىلۋعا, تاراتىلۋعا جاتادى. 2. ۋنيۆەرسيتەت, زياتكەرلىك مەكتەپتەر, قور تارا­تىل­عان كەزدە كرەديت بەرۋشىلەردىڭ تالاپتارى قاناعات­تان­دىرىلعاننان كەيىن قالعان م ۇلىك ولاردىڭ قۇرىلتاي قۇجاتتارىندا كورسەتىلگەن ماقساتتارعا جۇمسالادى. 3-تاراۋ. ۋنيۆەرسيتەت, زياتكەرلىك مەكتەپتەر جانە قور قىزمەتىنىڭ ايرىقشا قۇقىقتىق رەجىمى 8-باپ. ۋنيۆەرسيتەتتىڭ جانە زياتكەرلىك مەكتەپتەردىڭ ءبىلىم بەرۋ قىزمەتىن ليتسەنزيالاۋ, اتتەستاتتاۋ جانە اككرەديتتەۋ 1. ۋنيۆەرسيتەت, زياتكەرلىك مەكتەپتەر, ولاردىڭ ۇيىم­دارى, سونداي-اق ۋنيۆەرسيتەتتە جانە (نەمەسە) زياتكەرلىك مەكتەپتەردە ءبىلىم بەرۋ باعدارلامالارىن ەنگىزەتىن جانە (نەمەسە) ىسكە اسىراتىن شەتەلدىك زاڭدى تۇلعالار ءبىلىم بەرۋ قىزمەتىن ليتسەنزياسىز جۇزەگە اسىرادى. 2. قازاقستان رەسپۋبليكاسىنىڭ ءبىلىم تۋرالى زاڭ­ناماسىندا كوزدەلگەن مەملەكەتتىك اتتەستاتتاۋ ۋنيۆەرسيتەتكە جانە زياتكەرلىك مەكتەپتەرگە قاتىستى ءجۇر­گىزىلمەيدى. 3. ۋنيۆەرسيتەتتى جانە زياتكەرلىك مەكتەپتەردى اككرەديتتەۋدى تاۋەلسىز, ونىڭ ىشىندە شەتەلدىك اككرەديتتەۋ ۇيىمدارى جۇزەگە اسىرادى. 9-باپ. ۋنيۆەرسيتەتتىڭ ءبىلىم بەرۋ قىزمەتىن  جۇزەگە اسىرۋ ەرەكشەلىكتەرى 1. ۋنيۆەرسيتەت ءبىلىم بەرۋ قىزمەتىن ءوز بەتىنشە ءازىر­لەگەن ءبىلىم بەرۋ باعدارلامالارى, سونداي-اق شەتەلدىك ارىپتەستەرىنىڭ ءبىلىم بەرۋ باعدارلامالارى نەگىزىندە ءجۇ­زەگە اسىرادى. 2. ءبىلىم بەرۋ قىزمەتىن ۇيىمداستىرۋ, وقۋعا قابىلداۋ, ءبىلىم الۋشىلاردىڭ ۇلگەرىمىن اعىمداعى باقىلاۋ, ولار­دى ارالىق جانە قورىتىندى اتتەستاتتاۋ ءتارتىبىن ۋنيۆەرسيتەت ءوز جارعىسىنا سايكەس ءوز بەتىنشە ايقىندايدى. ۋنيۆەرسيتەتتە ءبىلىم الۋشىلار مەملەكەتتىك ارالىق باقىلاۋدان بوساتىلادى. 3. ۋنيۆەرسيتەت ءبىلىم بەرۋ قىزمەتتەرىن كورسەتۋ شار­تىنىڭ نىسانىن ءوز بەتىنشە بەكىتەدى. 4. ۋنيۆەرسيتەتتە ءبىلىم الۋشىلارعا مەملەكەتتىك گرانت­تار مەن وزگە دە تولەمدەردىڭ مولشەرىن جانە ولاردى بەرۋ ءتارتىبىن قازاقستان رەسپۋبليكاسىنىڭ ۇكىمەتى اي­قىندايدى. 5. ۋنيۆەرسيتەت وزىندە ىسكە اسىرىلىپ جاتقان ءبىلىم بەرۋ باعدارلامالارى بويىنشا وقۋ بىتىرگەن جانە قو­رى­تىندى اتتەستاتتاۋدان وتكەن ادامدارعا ءتيىستى ءبىلىم جانە (نەمەسە) بىلىكتىلىك دەڭگەيى تۋرالى قۇجاتتار بەرەدى. ءبىلىم تۋرالى قۇجاتتاردىڭ بىرىڭعاي نىسانىن جانە ولار­دى تولتىرۋ ءتارتىبىن ۋنيۆەرسيتەتتىڭ قامقورشىلىق كە­ڭەسى بەكىتەدى. 6. ۋنيۆەرسيتەت بەرەتىن ءتيىستى ءبىلىم جانە (نەمەسە) بىلىكتىلىك دەڭگەيى تۋرالى قۇجاتتار وزدەرىنىڭ يەلەرىنە ءبىلىم تۋرالى مەملەكەتتىك ۇلگىدەگى قۇجاتتاردىڭ يەلەرى ءۇشىن كوزدەلگەن قۇقىقتاردى بەرەدى. 10-باپ. زياتكەرلىك مەكتەپتەردىڭ ءبىلىم بەرۋ  قىزمەتىن جۇزەگە اسىرۋ ەرەكشەلىكتەرى 1. زياتكەرلىك مەكتەپتەر ءوز بەتىنشە ازىرلەگەن ءبىلىم بەرۋ باعدارلامالارىن, سونداي-اق شەتەلدىك ارىپتەستەرىنىڭ ءبىلىم بەرۋ باعدارلامالارىن ىسكە اسىرادى. زياتكەرلىك مەكتەپتەردە ىسكە اسىرىلاتىن ءبىلىم بەرۋ باعدارلامالارى مىناداي: باستاۋىش مەكتەپ (ونىڭ ىشىندە مەكتەپكە دەيىنگى تاربيە مەن وقىتۋ), نەگىزگى مەكتەپ جانە جوعارى مەكتەپ دەڭگەيلەرىنەن تۇرادى. 2. ءبىلىم بەرۋ قىزمەتىن ۇيىمداستىرۋ, وقۋعا قابىلداۋ, ءبىلىم الۋشىلاردىڭ ۇلگەرىمىن اعىمداعى باقىلاۋ, ولار­دى ارالىق جانە قورىتىندى اتتەستاتتاۋ ءتارتىبىن زياتكەرلىك مەكتەپتەر ءوز بەتىنشە ايقىندايدى. زياتكەرلىك مەك­تەپتەردە ءبىلىم الۋشىلار مەملەكەتتىك ارالىق باقى­لاۋدان بوساتىلادى. 3. زياتكەرلىك مەكتەپتەردە ءبىلىم العان ادامدار ۇلتتىق بىرىڭعاي تەستىلەۋدەن بوساتىلادى. 4. زياتكەرلىك مەكتەپتەر وزدەرىندە ىسكە اسىرىلىپ جاتقان ءبىلىم بەرۋ باعدارلامالارى بويىنشا وقۋ بىتىرگەن جانە قورىتىندى اتتەستاتتاۋدان وتكەن ادامدارعا ءتيىستى ءبىلىم دەڭگەيى تۋرالى قۇجاتتار بەرەدى, ولار ءبىلىم تۋرالى مەملەكەتتىك ۇلگىدەگى قۇجاتتارعا تەڭەستىرىلەدى. ءبىلىم تۋ­رالى قۇجاتتاردىڭ بىرىڭعاي نىسانىن جانە ولاردى تول­تىرۋ ءتارتىبىن زياتكەرلىك مەكتەپتەردىڭ قامقورشىلىق كەڭەسى بەكىتەدى. 5. زياتكەرلىك مەكتەپتەردى بىتىرگەننەن كەيىن ءبىلىم تۋرالى قۇجات العان ادامدارعا ءبىلىم بەرۋ سالاسىنداعى ۋاكىلەتتى ورگان ءبىلىم بەرۋ گرانتتارىن الۋعا ارنالعان كونكۋرسقا قاتىسۋ ءۇشىن ۇلتتىق بىرىڭعاي تەستىلەۋدىڭ ناتيجەلەرى تۋرالى سەرتيفيكاتتار بەرەدى. سەرتيفي­كات­تار­دىڭ بالدارى ءبىلىم بەرۋ سالاسىنداعى ۋاكىلەتتى ورگان بەكىتەتىن شاكىل بويىنشا قورىتىندى باعالاردى (بال­داردى) اۋىستىرۋ ارقىلى بەلگىلەنەدى. 11-باپ. ۋنيۆەرسيتەتتىڭ عىلىمي جانە (نەمەسە) عىلىمي-تەحنيكالىق قىزمەتتى جۇزەگە اسىرۋى 1. ۋنيۆەرسيتەت عىلىمي جانە (نەمەسە) عىلىمي-تەح­نيكالىق قىزمەتتى جۇزەگە اسىرادى, گرانتتىق, باعدار­لا­مالىق-نىسانالى قارجىلاندىرۋ جانە قازاقستان رەس­پۋب­ليكاسىنىڭ زاڭناماسىندا تىيىم سالىنباعان وزگە دە قارجىلاندىرۋ كوزدەرى ەسەبىنەن عىلىمي زەرتتەۋلەر جۇرگىزەدى. 2. ۋنيۆەرسيتەت سالالىق عىلىمي ورتالىقتار قۇرۋعا قۇ­قىلى. 3. ۋنيۆەرسيتەت جانە ونىڭ سالالىق عىلىمي ورتا­لىقتارى قازاقستان رەسپۋبليكاسىنىڭ عىلىم تۋرالى زاڭناماسىندا كوزدەلگەن ولاردىڭ عىلىمي جانە (نەمەسە) عىلىمي-تەحنيكالىق قىزمەتىن اككرەديتتەۋدەن بوسا­تىلادى. 4. ۋنيۆەرسيتەت عىلىمي جانە (نەمەسە) عىلىمي-تەحنيكالىق قىزمەت ناتيجەلەرىن پراكتيكادا قولدانۋعا (كوممەرتسيالاندىرۋعا) قاتىسۋعا قۇقىلى. ۋنيۆەرسيتەتتىڭ جانە ونىڭ سالالىق عىلىمي ورتالىق­تارىنىڭ عىلىمي جانە (نەمەسە) عىلىمي-تەحنيكالىق قىزمەت ناتيجەلەرىن پراكتيكادا قولدانۋ (كوممەرتسيا­لاندىرۋ) ناتيجەسىندە الىنعان تابىستارى تەك قانا ولاردى دامىتۋعا جۇمسالادى. 12-باپ. ۋنيۆەرسيتەتتىڭ, زياتكەرلىك مەكتەپتەردىڭ جانە  قوردىڭ شەتەلدىك جۇمىس كۇشىن تارتۋ ەرەكشەلىكتەرى 1. ۋنيۆەرسيتەت, زياتكەرلىك مەكتەپتەر, ولاردىڭ ۇيىم­دارى, سونداي-اق قور شەتەلدىك قىزمەكتەرلەردى باسشى جانە جوعارى ءبىلىمدى ماماندار لاۋازىمدارىنا تارتۋدى شەتەلدىك جۇمىس كۇشىن تارتۋعا بەرىلەتىن رۇقساتتى ال­ماي-اق جۇزەگە اسىرادى. 2. ۋنيۆەرسيتەتتە نەمەسە ونىڭ مەديتسينالىق ۇيىم­دارىندا مەديتسينالىق قىزمەتپەن اينالىسۋ قۇقىعىن بەرەتىن نەمەسە كاسىپتىك مەديتسينالىق قىزمەتتى جۇزەگە اسىرۋعا شاقىرىلعان مامانداردىڭ شەتەلدە العان بىلىكتىلىك ساناتىن كۋالاندىراتىن قۇجات قازاقستان رەسپۋب­لي­كاسىنىڭ اۋماعىندا سانات بەرىلمەي-اق قولدانىلاتىن مامان سەرتيفيكاتىنا تەڭەستىرىلەدى. 13-باپ. قورىتىندى ەرەجەلەر 1. وسى زاڭ العاشقى رەسمي جاريالانعانىنان كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi. 2. وسى زاڭ قولدانىسقا ەنگىزىلگەن كەزدەن باستاپ التى اي ىشىندە قۇرىلتايشى ۋنيۆەرسيتەتتى جانە زياتكەرلىك مەكتەپتەردى, ونىڭ ىشىندە جارعىلىق كاپيتالىنا مەملەكەت قاتىساتىن ءتيىستى زاڭدى تۇلعالاردى قايتا ۇيىم­داس­تىرۋ ارقىلى قۇرۋ تۋرالى شەشىم قابىلدايدى. 3. جوعارى قامقورشىلىق كەڭەس ۋنيۆەرسيتەتتىڭ, زياتكەرلىك مەكتەپتەردىڭ جانە قوردىڭ جارعىلارىن قابىل­دا­عانعا دەيىن اتالعان ۇيىمدار ولاردىڭ قۇرىلتايشىلارى بەكىتكەن جارعىلار نەگىزىندە جۇمىس ىستەيدى. قازاقستان رەسپۋبليكاسىنىڭ پرەزيدەنتى ن.نازارباەۆ. استانا, اقوردا, 2011 جىلعى قاڭتاردىڭ 19-ى.    №394-IV قرز