كەشە پارلامەنت سەناتىنىڭ توراعاسى قاسىم-جومارت توقاەۆتىڭ توراعالىق ەتۋىمەن بولعان پارلامەنت سەناتى بيۋروسىنىڭ وتىرىسىندا پالاتانىڭ 27 قاڭتاردا بولاتىن جالپى وتىرىسىنىڭ كۇن ءتارتىبىن قالىپتاستىرۋ تۋرالى تۇراقتى كوميتەتتەردىڭ ۇسىنىستارى قارالدى, دەپ حابارلادى سەناتتىڭ ءباسپاسوز قىزمەتى.
پالاتا وتىرىسىندا تالقىلاۋعا «1997 جىلعى يادرولىق زالال ءۇشىن ازاماتتىق جاۋاپكەرشىلىك تۋرالى ۆەنا كونۆەنتسياسىن راتيفيكاتسيالاۋ تۋرالى (12.09.1997 ج. حاتتامامەن ەنگىزىلگەن تۇزەتۋلەرمەن 21.05.1963 ج. يادرولىق زالال ءۇشىن ازاماتتىق جاۋاپكەرشىلىك تۋرالى ۆەنا كونۆەنتسياسىنىڭ جيىنتىق ءماتىنى)» زاڭ جوباسى ۇسىنىلاتىن بولدى.
سونىمەن قاتار, «عىلىم تۋرالى» جانە قولدانىستاعى زاڭنامالارعا عىلىم ماسەلەلەرى بويىنشا وزگەرىستەر ەنگىزۋ تۋرالى زاڭ جوباسى دا دەپۋتاتتار نازارىنا ۇسىنىلادى.
وتىرىستا سونداي-اق كەيبىر زاڭدارعا شارۋا نەمەسە فەرمەر قوجالىعى تۋرالى وزگەرىستەر ەنگىزۋدى كوزدەيتىن زاڭ جوباسى بويىنشا قۇرىلاتىن كەلىسىم كوميسسياسىنىڭ قۇرامىنا دەپۋتاتتار ءوز ارىپتەستەرىن سايلايدى.
بيۋرو وتىرىسىندا سەناتتىڭ 2011 جىلعا ارنالعان نەگىزگى شارالار جوسپارى دا قارالدى.