مەملەكەت باسشىسى ن.ءا.نازارباەۆ قازاقتىڭ كورنەكتى اقىنى, مەملەكەتتىك سىيلىقتىڭ لاۋرەاتى قادىر مىرزا ءالىنىڭ ومىردەن وزۋىنا بايلانىستى مارقۇمنىڭ وتباسى مەن تۋعان-تۋىستارىنا كوڭىل ايتۋ جەدەلحاتىن جولدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
ەلباسى جەدەلحاتتا ارداقتى اقىننىڭ دۇنيەدەن ءوتۋى قازاق ادەبيەتى ءۇشىن ورنى تولماس قازا ەكەنىن, ونىڭ ازاماتتىق, پاتريوتتىق تاقىرىپتارعا جازىلعان, فيلوسوفيالىق تۇيىندەۋلەرگە قۇرىلعان جىرلارىن حالقىمىزدىڭ ءسۇيىپ وقيتىنىن اتاپ وتكەن.
«قادىر مىرزا ءالى تەك قالامگەرلىك قايراتىمەن عانا ەمەس, بيىك ازاماتتىق بولمىسىمەن, ەڭبەكسۇيگىشتىك قاسيەتىمەن دە جۇرتشىلىققا جاقسى ۇلگى ەدى. حالقىمىز ونىڭ جارقىن ديدارىن, تاپقىر دا شۋاقتى ءازىلىن ءسوزسىز ساعىناتىن بولادى. قادىرداي اقىننىڭ ءومىرى ونىڭ جۇرەگىنىڭ توقتاۋىمەن اياقتالمايدى, ەندى ونىڭ شىعارماشىلىق مول مۇراسىنىڭ ماڭگىلىك عۇمىرى باستالىپ, بايانىن تابا بەرەتىنى ءسوزسىز», دەلىنگەن جەدەلحاتتا.