اسكەري ۇشاقتا دا كوشتەن قالار ەمەس
قىتاي جويعىش ۇشاعىنىڭ بەسىنشى بۋىنىن جاساۋعا قول جەتكىزىپ, ونى سىناقتان وتكىزدى. بۇل وقيعا الەمدەگى بارلىق مامانداردى تاڭقالدىرىپ وتىر. ويتكەنى, ولاردىڭ پىكىرىنشە, قىتايدىڭ كونسترۋكتورلىق اقىل-ويى مەن تەحنيكالىق مۇمكىنشىلىكتەرى وعان قول جەتكىزۋگە ءالى ەرتە ەدى.
وسى ۋاقىتقا دەيىن اقش پەن رەسەيدە عانا ونداي جويعىش ۇشاقتار بار-تىن. كەيبىر ساراپشىلار قىتايدىڭ بۇل اسكەري ۇشاعىن 1999 جىلى سەربيادا اتىپ تۇسىرىلگەن اقش-تىڭ وسى بۋىنداعى بومبالاعىش ۇشاعىنىڭ كوشىرمەسى دەسەدى. قىتايلىقتار ونىڭ قالدىقتارىن جەرگىلىكتى تۇرعىنداردان مەتالل سىنىعى رەتىندە ساتىپ الىپتى-مىس... بىراق اقش-تىڭ اسكەري-اۋە كۇشتەرىنىڭ وكىلى مۇنى تەرىسكە شىعارىپ وتىر.
كەشە وحوت تەڭىزىندەگى مۇز قۇرساۋىندا قالعان رەسەيدىڭ «بەرەگ نادەجدى» اتتى تاعى ءبىر تەڭىز رەفريجەراتورى قۇتقارىلدى.
«ادميرال ماكاروۆ» اتتى مۇزجارعىش كەمە جەلتوقسان ايىنىڭ اياعىنان بەرى قۇرساۋدا تۇرعان رەفريجەراتوردى قۇتقارىپ, تىركەگەن كۇيى تىنىستايتىن تەڭىز الاڭىنا ءبىر-اق جەتكىزدى. كوپ ۋاقىتقا تەڭىزدە بالىق اۋلاۋعا شىققان رەفريجەراتور كۇننىڭ كۇرت سۋىپ كەتۋىنىڭ كەسىرىنەن بايلانعان مۇزدى جارىپ شىعا الماي, قۇرساۋدا قالعان ەدى. بۇعان دەيىن دە وسىنداي ءبىراز بالىق اۋلايتىن كەمەلەر مۇزدان قۇتقارىلعان بولاتىن.