استانا. 27 ءساۋىر. سوماليدە «اش-شاباب» لاڭكەستىك ۇيىمىنىڭ سودىرلارى اسكەري بازاعا شابۋىل جاسادى. بۇل تۋرالى 24.kz-كە سىلتەمە جاساعان egemen.kz ءتىلشىسى حابارلادى.
قاقتىعىس سالدارىنان 6 اسكەري قىزمەتكەر جانە 10 ەكسترەميست قازا تاپتى. مالىمەتتەر بويىنشا, لاڭكەستەر اسكەري بازانى باسىپ الىپ, يەلىك ەتكەن. الايدا, كوپ ۇزاماي قوسىمشا جاۋىنگەرلەر كەلىپ, اتالعان ورىندى وزدەرىنە قايتارىپ الدى.
ايتا كەتەيىك, سومالي مەملەكەتىندە «ءال-كايدا» لاڭكەستەرىمەن تىعىز بايلانىس ورناتقان «اش-شاباب» ۇكىمەت اسكەري بازاسىنا ءجيى شابۋىل جاسايدى. ءساۋىردىڭ 12 كۇنى ەل استاناسى موگاديشودا جانكەشتى مىنگەن كولىك ۇكىمەت عيماراتىنا كىرە بەرگەندە جارىلعان. لاڭكەستىك ارەكەتتەن 5 ادام مەرت بولدى.
ايان ءابدۋالي.
دەرەك, فوتو: 24.kz.