سەنات توراعاسى قاسىم-جومارت توقاەۆ باستاعان قازاقستان دەلەگاتسياسى بىرىككەن ۇلتتار ۇيىمى وركەنيەتتەر اليانسى VII جاھاندىق فورۋمىنا قاتىسۋ ءۇشىن باكۋگە جۇمىس بابىنداعى ساپارمەن باردى. ساپار اياسىندا سەنات توراعاسى ازەربايجان پرەزيدەنتى يلحام اليەۆپەن كەزدەستى.
ق.توقاەۆ قازاقستان پرەزيدەنتى نۇرسۇلتان نازارباەۆتىڭ ىزگى تىلەكتەستىگىن تابىس ەتتى. توراعا ازەربايجان باسشىسىن بۇۇ وركەنيەتتەر اليانسى «ينكليۋزيۆتى قوعامداردا قاتار ءومىر ءسۇرۋ: قاتەر مەن ماقسات» تاقىرىبىنداعى جاھاندىق فورۋمىن وتكىزۋىمەن قۇتتىقتادى. سەنات توراعاسى ازەربايجان باسشىسىنا ن.نازارباەۆتىڭ قارۋلى قاقتىعىستار مەن سوعىستاردى تۇبىرىنەن جويۋدى تولىق قامتيتىن باعدارلاما ازىرلەۋ ۇسىنىلعان «الەم. ءححى عاسىر» مانيفەسىنىڭ ءماتىنىن تابىس ەتتى.
پرەزيدەنت ي.اليەۆ فورۋمعا جوعارى دەڭگەيدە قاتىسقانى ءۇشىن قازاقستاندىق دەلەگاتسياعا العىسىن ءبىلدىردى جانە قازاقستان مەن ازەربايجان اراسىنداعى ءوزارا دوستىق قاتىناستاردى ودان ءارى نىعايتۋ جايىندا ايتتى. ول ازەربايجاندا كورنەكتى مەملەكەت قايراتكەرى سانالاتىن پرەزيدەنت ن.نازارباەۆقا ىزگى تىلەكتەستىگىن جولدادى, دەپ حابارلادى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى.