پارلامەنت ءماجىلىسىنىڭ دەپۋتاتتارى استانادا بولعان «تازا قالا – باقىتتى قالا» اتتى جالپىقالالىق سەنبىلىككە قاتىستى, دەپ حابارلادى وسى پالاتانىڭ ءباسپاسوز قىزمەتى.
«ماڭگىلىك ەل» تريۋمفالدى اركاسىنا جاقىن ماڭايداعى ورىنبور كوشەسىنىڭ بويىنا جاڭا اللەيا بوي تۇزەدى. سەنبىلىككە بارلىق ساياسي پارتيالار فراكتسيالارىنىڭ: «نۇر وتان», «اق جول» جانە قحكپ, سونىمەن بىرگە, «قازاقستان حالقى اسسامبلەياسى» دەپۋتاتتىق توبىنىڭ دەپۋتاتتارى قاتىستى.
دەپۋتاتتار مەن ءماجىلىس اپپاراتىنىڭ قىزمەتكەرلەرى بىرىگىپ, جالپى سانى 200-گە جۋىق ءجاي جاپىراقتى جانە قىلقان جاپىراقتى اعاش ءتۇرلەرىن وتىرعىزدى. ولاردىڭ ءىشىندە: قاراعاي, شىرشا, ەمەن اعاشتارى بار ەكەندىگىن «استاناكوگالداندىرۋ» اق شارۋاشىلىق ماسەلەلەرى ءجونىندەگى ورىنباسارى بيبىگۇل بەكتەمىسوۆا ءتۇسىندىردى.