مەملەكەت باسشىسىنىڭ اتىنا ەلىمىزدىڭ ازاماتتارىنان ەلباسىنىڭ پرەزيدەنتتىك وكىلەتتىگىن 2020 جىلعا دەيىن ۇزارتۋ تۋرالى باستاماشى توپتىڭ باستاماسىنا قىزۋ قولداۋ بىلدىرگەن حاتتار كەلىپ تۇسۋدە.
اتاپ ايتقاندا, «قازاق» گازەتىنىڭ باس رەداكتورى, كورنەكتى جازۋشى ق.ءسارسەكەەۆ ەلباسىنا جولداعان حاتىندا استاناداعى تاۋەلسىزدىك سارايىندا وتكەن سالتاناتتى جيىندا «قازاق» گازەتىنە توقتالىپ ءوتىپ, قازاق قالامگەرىنە بىلدىرگەن ىقىلاسى ءۇشىن پرەزيدەنتكە زور العىسىن بىلدىرەدى. قالامگەر شىعىس قازاقستان وبلىسىندا باستاۋىن الىپ, قوعامنىڭ باستى تالقىلاۋىنا اينالعان باستاماشى توپتىڭ باستاماسىنا بايلانىستى ءوز پىكىرىن بىلايشا تۇيىندەيدى: «كوز جەتىپ, كوڭىل سەنگەن اقيقات: حالىق ءاردايىم وزىڭىزبەن بىرگە!».
ال قازاقستان رەسپۋبليكاسىنداعى «سومونيون» ءتاجىك قاۋىمداستىعى ءتوراعاسىنىڭ ورىنباسارى م.ن. ەلوۆ ەلباسىنا جولداعان حاتىندا ەلىمىزدىڭ وڭتۇستىك ايماقتارىندا تاتۋ-ءتاتتى ءومىر ءسۇرىپ جاتقان 60 مىڭنان استام تاجىك ۇلتىنىڭ وكىلدەرى ميلليونداعان وتانداستارىمىز سياقتى, رەفەرەندۋم تۋرالى يگى باستامانى قولدايتىنىن جازادى.
سونداي-اق, وڭتۇستىك قازاقستان وبلىسى, تۇلكىباس اۋدانى, جيىنباي اۋىلىنىڭ تۇرعىنى باقىت بەكسۇلتانوۆ ەلباسىنا دەگەن اقجارما تىلەگىن ولەڭ جولدارى ارقىلى بىلدىرسە, جامبىل وبلىسى, جۋالى اۋدانىنىڭ تۇرعىنى قايرات قاليەۆ ءوز حاتىندا ەل ءۇشىن ايانباي تەر توگىپ, ءمىنسىز قىزمەت اتقارىپ كەلە جاتقان مەملەكەت باسشىسى ن.ءا. نازارباەۆقا اق پەيىلدى تىلەگىن جەتكىزەدى.